اختبار تقييم1 دعواتكم لي وزملائي الثلاثه ادخلوو وشوفوا

[سعودي محترف]

السلام عليكم ورحمه الله وبركاتهاليوم كنت في وزاره الخدمه الرياض لسبب اختبارتقييم1 ماطلع في قياس ومعي ثلاث من الزملاء سالنا عن سبب المشكله اتضح انو هم ارسلو تخصص علم اجتماع له رمز خاص فيه اما علم الاجتماع والخدمة الاجتماعيه لها رمز خاص فيه طبعا تعبنا نلف من مكتب لمكتب الين وصلنا لنائب الوزير وحولون ع المختص اللي يرسل الايميل لقياس قلنا اليوم اخر تسجيل قال موصحيح الاختبار مغتوح الى تاريخ17 المهم مالكم بالطويله قال برسل تخصصكم يوم الخميس الجاي كلكم وتقدرون تسجلون والله تعبنا من ساعه سبعه ونص الين 1 مساء نبي دعواتكم لنا لو ماجينا واشتكينا ماحد بيدري عنكم اصلن وشكرا:oao:

[om azoz]

ماقصرتوا والله يوفقكم وكل من سجل معاكم

[نصراوي999]

وافين وماتقصرون والله يوفقكم .

[aah556]

الله يجزاكم خير والله أنا نفس تخصصكم و راجعت فرع الوزاره بجده و ما عرفوا وش المشكله لمن قالوا بنرسل إيميل للرياض و إن شاء الله تنحل مشكلتك كان على بالي أنا الوحيد أعاني من هالمشكله لمن شكله كل تخصصنا يعانون و فعلاً الاختبار التسجيل فيه مفتوح ليوم ١٧ حسب كلام مركز قياس لأَنِّي مكلمهم اليوم و تكفون تابعوا الموضوع و دعواتنا لكم إن شاء الله بالجنه والله يجزاكم بالخير ويرزقكم ما تتمنون

[aah556]

ولمن >> ولكن

[سعودي محترف]

الله يجزاكم خير وننتتظر ليوم الخميس الله يفرجها لنا

[aah556]

آمين

[aah556]

يا شباب هل فيه جديد ؟؟

[•• شجون ~]

.













منجد محد بيدري حسبي ربي ههههههه




الله يقويك انت و ربعك
خبرنا الخميس شو بيصير




موفقين يا رب

[TALIN]

الحين النساء لهم اختبار تقييم 1 والا كيف

[ملوووحتي]

الاختبار للرجال الحاصلين على البكالوريوس فقط

[عبادي الصبحي]

شيكو ع قياس انا اليوم نزلو الاختبار لي وسجلت الحمدلله

[aah556]

الحمد لله تم التسجيل وكل الشكر والدعوات الصادقه لإخواننا الذين تابعوا الموضوع الله يجزاهم خير

[أبو قلبين]

ياشباب لازم أكون خريج عشان أختبر فيه

ووش فايدته هالاختبار

والله يوفقكم

[أبو قلبين]

للرفع

[سعودي محترف]

الحمدالله تم تسجيلي في قياس ونصيحه للي يحدث لايتعب نفسه لانوو المشكله من قبل وزاره الخدمه ماترسل الاسماء كلها ترسل ع اسماء وشختك بختك طبعا قريت اساله اختبارةتقييم الماضي والله تمسك راسك اساله اغلبها رياضيات وكانهم يقولون لك ردد ي ليل اذا بتجيب نتيجه حلوه

[المحترمه]

تم نقل الموضوع من قسم ملتقى طلاب التعليم عن بعد جامعة الملك فيصل (http://www.ckfu.org/forumdisplay.php?f=183).
<br>
الرد آلي للعلم

[غلا الجوري]

انتوا مشكلتكم عشان التخصص علم اجتماع وخدمة اجتماعيه الرمز لعلم الاجتماع غير

وانا عكسكم هيئة التخصصات الصحيه غصب تخصصي علم اجتماع بس والمستشفى رافضني لهالسبب