المساعد الشخصي الرقمي

مشاهدة النسخة كاملة : استفسار عام باقي لي ثمان مواد واتخرج ومارضى يسجل جميع المواد,, ارجو المساعده ياجماعة

waqqas
2015- 7- 28, 10:57 AM
مرحبا بالجميع وكل عام وانتم بخير

تخصصي ادارة اعمال وخلصت 110 ساعات..

وباقي لي 8 مواد بمجموع 23 ساعة واتخرج..

ماقدرت اضيفها كلها لآن النظام سمح لي اضيف ستة مواد بمجموع 18 ساعة. ابغي اخلصها هالسمستر.

وش الحل من وجهة نظركم.

وشكراً
moheidsa
2015- 7- 28, 11:27 AM
انا ضبطتها الترم الماضي قسمت المواد بين الترمين الاخيرين


سجل اللي تقدر عليها وبعدين كلمهم يضيفون لك المواد الزيادة
نواف الغازي
2015- 7- 28, 02:03 PM
طبعا مبدائيا راح يقبل 18 ساعه فقط ... ( الحد الاعلى )

وراح يفتحون تسجيل للمتخرجين بعد انتهاء فترة التسجيل الحالية ...


وتقدر تسجل الى 22 ســاعه ... (( للمتخرجين فقط )) ..






لكن اقصى حد للمتخرجين 22 ســاعه ...


لذلك الله يعينك تقسم المواد على مستويين ...
لان باقي لك 23 ســاعه ...
وبالتوفيق يالغالــي ...
نواف الغازي
2015- 7- 28, 02:10 PM
رائي لك ...

انك تنزل 4 مــواد كل ترم ...


اولاً تقدر تذاكر كويس ..
ثانياً يمديك ترفع معدلك اذا تريد رفع المعـــدل ...
ثالثاً الترم الاول والترم الثـاني يفصل بينهما 4 شهور فقط ...
فترة قصيرة جداً ولا تفرق ان شاء الله بمستقبلك ...
قسم موادك عليها
فأنصحك انك ماتضغط نفســك نهائياً ...


بالتوفيق ان شاء الله لك ...
دكتور نت
2015- 7- 28, 03:51 PM
حسب ما سمعت انه اذا كنت خريج يحق لك تسجيل 25 ساعه
و لكن بعد انتهاء التسجيل يتم السماح بذلك
نواف الغازي
2015- 7- 30, 08:23 AM
دكتــور نت ...صبــاحك خير ...
الرجال سأل ويريد اجابات صحيحة ...






25 ســاعه ... (( هيــا عطنا الي سمعت وقـالك ))
jno0on
2015- 7- 30, 01:27 PM
السلام عليكم .. نفسس مشكلتي بالضبط .. لكن انا دخلت على تويتر د. عبدالله الفريدان و قريت كاتب مسموح للخريجين 24 ساعه ادخلو على حسابه واقروو تحت من ضمن الردود على الطلاب ... لكن مشكلتي الان انه مو راضي يفتح موقع الجامعه نفسه مو عارفه شنو المشكله ... ابي اسجل باقي المواد
moubark
2015- 7- 30, 01:34 PM
بالنسبه لعدد الساعات المسموح لها للخريج 25 ساعه وسبق نبه عليها العميد التسجيل في الموقع 22 ساعه الباقي في ايقونة الا ستفسارات او التواصل مع الجامعه بالتلفون يعني فوق 22 ساعه تسجيل يدوي


اما بالنسبه للي يسال عن الموقع مايفتح تفضلو هذا رابط مباشر للبانر ادخلو وكملو تسجيل


https://banner.kfu.edu.sa:7710/PROD_ar/twbkwbis.P_GenMenu?name=homepage
Body1407
2015- 7- 30, 04:18 PM
انا الحمدلله تخرجت بس فيه معلومة خطأ التسجيل للخريجين الى 24ساعة اكاديميةانا الترم الماضي سجلت 23 ساعة بإارسال ايميل للاستاذ احمد الشعيبي سكرتير عميد عمادة القبول والتسجيل وفتح لي التسجيل الى 24 ساعة . وللمعلومية في فترة ثانية لتسجيل الساعات اعتقد بداية شهر ذو القعدة والله يوفقكم


* نقطة بقلبي مادة التعاقد والتفاوض انتبهوا لها دكتور المادة لا ذمة ولا ضمير.
الاحلام الوردية
2015- 7- 30, 09:29 PM
* نقطة بقلبي مادة التعاقد والتفاوض انتبهوا لها دكتور المادة لا ذمة ولا ضمير.

أتحفظ على هالكلمة وأقولك خاف الله الرجال ما قصر معنـا ولابد من المذاكرة أنتم تبونها فوضـه

نسخ ولصق للاعوام السابقـة أذكر الله وراقب ربـك بكل كلمـة تقولـها ليست انا من يحاسبـك على هذه

الكلمـة ولكن المحاسب حسابـه عسير وتقوى الله واجبـة علينا بالتوفيق
الجازي @
2015- 7- 31, 06:37 AM
مرحبا بالجميع وكل عام وانتم بخير

تخصصي ادارة اعمال وخلصت 110 ساعات..

وباقي لي 8 مواد بمجموع 23 ساعة واتخرج..

ماقدرت اضيفها كلها لآن النظام سمح لي اضيف ستة مواد بمجموع 18 ساعة. ابغي اخلصها هالسمستر.

وش الحل من وجهة نظركم.

وشكراً



أنا حصل معي نفس المشكلة التيرم الماضي،

ولما انتهت فترة التسجيل الاولي ، فتحوا فترة تسجيل ثانية

تسمح بإضافة مقررات وأضفت اللي كان ناقص عليا

وعلي فكره الخريجين مسموح لهم يسجلون 24 ساعه

فلا تقلق بـ يسمحون لك بالتسجيل

بالتوفيق للجميع

:icon1: