وظائف فنيين بنظام العقود بكليات العلوم والهندسة والعلوم الطبية التطبيقية

[M-A-M]

وظائف فنيين بنظام العقود بكليات العلوم والهندسة والعلوم الطبية التطبيقية

أعلنت عمادة شؤون أعضاء هيئة التدريس بجامعة الملك فيصل عن حاجتها لشغل وظائف فنيين بنظام العقود وذلك بمواطنين سعوديين ( ذكور و اناث ) براتب مقطوع للعمل بكلية:




كلية العلوم المؤهل المطلوب :
كيمياء ( ذكر / انثى)
بكالوريوس علوم تخصص كيمياء
علوم الحياة ( أنثى )
بكالوريوس علوم تخصص احياء
كلية الهندسةالمؤهل المطلوب :
هندسة طبية حيوية (أنثى )
بكالوريوس هندسة كهربائية
او بكالوريوس الكترونيات او ميكاترونكس
أو دبلوم تقنية كهربائية
أو دبلوم تقنية الكترونيات
هندسة كيميائية ( ذكر )
بكالوريوس هندسة كيميائية
أو دبلوم تقنية كيميائية
هندسة المواد ( ذكر )
بكالوريوس هندسة المواد
أو دبلوم تقنية ميكانيكية
كلية العلوم الطبية التطبيقية المؤهل المطلوب :
التمريض (انثى)
بكالوريوس علوم طبية تطبيقية تخصص تمريض



هذا وقد أوضح سعادة عميد شؤون أعضاء هيئة التدريس الدكتور/ مطلق بن محمد العتيبي لإدارة الإعلام والعلاقات العامة أنه يشترط لشغل هذه الوظيفة بأن يكون المتقدم سعودي الجنسية وحاصلاً على درجة الدرجة العلمية في التخصص المطلوب.

و على من تتوفر لديه المؤهلات المطلوبة تقديمها من خلال الرابط ادناه وذلك اعتباراً من يوم الاثنين بتاريخ 18/10/1436هـ الموافق 3/8/2015م و ينتهي الساعة الثالثة عصراً من يوم الجمعة بتاريخ 22/10/1436هـ الموافق 7/8/2015م علماً بأنه لن يتم استقبال أي طلبات ورقية مع خالص تمنياتنا للجميع بالتوفيق.

[M-A-M]

صحيح انتهى التسجيل
والحمدلله اني قدمت عليها لان ربي ماكتب لي بالإعادة ( ياخوفي اثر علية ) بس نقول خيرة
يارب تجعلها من نصيبي ان شاءالله
فالحلين افتح ذا الموضوع عشان اشوف مين الي قدم عليه
ونشوف مع بعض التغيرات الي تصير بالطلب

[هدوء المطر]

قدمت و الله يكتب اللي فيه خير
الله يسهل الامور يا رب
الغريبه ولا شرط حاطين ولا اختبار و لا مقابله ما ادري على ايش بتكون المفاضلة

[M-A-M]

غير كذا حتى المعدل وسنة التخرج مو مشروطه
يعني الكبار والي تقاديرهم منخفضة يقدرون يقدمون


عسى ماتكون لاصحاب الواسطات :(

[بنت الأصايل]

الا مطلوبين في التسجيل المعدل وسنة التخرج كيف مو مشروطة ؟

متى تتوقعون تطلع نتايجها ؟ المفروض عاى نهاية هالأسبوع صح

[هدوء المطر]

اقصد بالشروط ان اذا كانت فوق عمر معين او معدلك اقل من اللي يبونه راح يستبعدونك اما اللي تكتبينها بالموقع هذي معلومات عنك
انا استغربت في وظايف الاعادة طلعت اسماء المرشحين في اليوم اللي بعده بسرعة اما هذي الوظايف الى الان ما حطوا شي

[M-A-M]

الله يستر ما يطولون :(
وربي ضايق صدري بعد نتايج الاعادة
بس الحمدلله خيرة

[هدوء المطر]

احس انهم طولوا
الله يسهل الامور على خير
اذا في شي جديد عطونا خبر

[هدوء المطر]

:smile::smile:

[Marwa2323]

متى يعلنون عنهم

[هديل الورد]

بسالكم كيف سجلتو لان بنت شككتني قالت لي في التسجيل لازم نرسل الوثيقه وانا مارسلتها
علموني كيف طريفة التسجيل بالصبط :Cry111:

[Marwa2323]

بسالكم كيف سجلتو لان بنت شككتني قالت لي في التسجيل لازم نرسل الوثيقه وانا مارسلتها
علموني كيف طريفة التسجيل بالصبط :Cry111:









ايه لازم مع التسجيل ارسال الوثايق بملف pdf عشان يكون التسجيل كامل

[M-A-M]

شكلهم سحبوا علينا .. :)
للحين ما تغير شيء بالطلب ..
ولا كتبوا اساسا المدة :( يالله صبرنا وارزقنا ووفقنا

[Marwa2323]

ما اتوقع سحبو بس هم دايم يطولون بسالفة النتايج

[M-A-M]

مو لهدرجه عاد .. ليش مذا يحبون يخلونا على أعصابنا :(

[هدوء المطر]

انا توقعت النتايج بتطلع بسرعه لانهم ما اعلنوا لهذي الوظايف الا قريب الدوامات بس شكلهم مو حيييل عندهم نقص فطولوا على راحتهم

[بنت الأصايل]

ما في رقم نقدر نستفسر منهم عن وقت الأعلان التقريبي على الأقل ؟

[M-A-M]

ما اعرف رقم استفسار
بس اساسا ليش يطولون المدة .. العالم تتطور واحنا لا :(
يارب ترزقنا من واسع فضلك

[M-A-M]

لمتى ان شاءالله ؟؟
ننتظرهم العمر كلة !!
كل ساعه اشيك على الطلب .. ومافي الا تم تحويل الطلب الى الكلية !!!!
لمتى ؟

[هدوء المطر]

صج حيييل طولوا
المفروض تكون محددة بالوقت مو سايبه تعبونا الله يهديهم

[بنت الأصايل]

الله يسهل ويكتب لنا الخير

[نموله]

رقم الاستفسار


عمادة شؤون أعضاء هيئة التدريس
جامعة الملك فيصل
ص ب 400
الأحساء 31982
المملكة العربية السعودية
البريد الإليكتروني faculty@kfu.edu.sa
هاتف : 00966135807156
فاكس : 00966135807831

00966135895277ـــ00966135895315ـــ 00966135899714 قسم التعاقد هاتف:

[نموله]

اسبوعين والنتائج لم يتم الاعلان عنها

والاسباب غامضه هو يمكن تجديد عقود لمن سبق له العمل بالمجال هذا
او فعلاً محتاجين موظفات جدد؟؟؟


٠
وربي يكتب الله فيه الخير

[M-A-M]

ماينعرف الصدق من الكذب
يخلون الواحد على أعصابه وبعدين كذا يختارون ناس من دون ما نعرف سبب عدم اختيارنا !؟
ربي يكون معنا

[هدوء المطر]

شيكوا الموقع طلعت النتايج

[M-A-M]

*- تعتذر الجامعة عن ترشيحكم لكون المرشحين اعلى منكم في المعدل التراكمي
الحمدلله على كل حال الحمدلله :(

[هديل الورد]

وين ادخل بالضبط ؟؟؟

[هديل الورد]

عطوني رابط النتايج:Cry111:

[هدوء المطر]

هذا الرابط تدخلين على متابعه الطلب و تشيكين
https://apps.kfu.edu.sa/facultydeanship/jobs4.asp

[M-A-M]

بشرونا مين فيكم جاها ؟؟
خلونا نبارك لكم

[Marwa2323]

انا ما فبلوني .. الحمد لله على كل حال

[هدوء المطر]

الحمد لله تم ترشيحي للمقابله
الله يكتب اللي فيه الخير يا رب

[M-A-M]

ماشاءالله بالمبارك ان شاءالله وربي يكتبها من نصيب
وربي يعوض الي ماجاهم بالخير
بسالك اذا منكن يعني كم معدلك وكم لك متخرجه ؟؟

[هدوء المطر]

لي سنه من تخرجت و معدلي ممتاز
الله كريم و يسهل امورنا ان شالله

[بنت الأصايل]

*- تم تحويل الطلب إلكترونيا للكلية
*- تعتذر الجامعة عن القبول و تتمنى لكم التوفيق مستقبلا.


خيره يارب

[Nooralzahra]

السلام عليكم اخواتفي احد منكم مر بتجربه المقابله في الجامعه وشنو تتوقعون يسالوا انا مقدمه على تخصص كيمياء :mh12:

[هديل الورد]

نور الزهراء بسالك كم معدلك ؟

[M-A-M]

لي سنه من تخرجت و معدلي ممتاز
الله كريم و يسهل امورنا ان شالله

ماشاءالله تبارك الله ❤️❤️
ربي يوفقك ويكتبها من نصيبك يارب

[Nooralzahra]

انا متخرجه من كلية العلوم بالدمام معدلي 87.14%وعندي ماستر 3.55 في الكيمياء الاكلينيكيه

[M-A-M]

انا متخرجه من كلية العلوم بالدمام معدلي 87.14%وعندي ماستر 3.55 في الكيمياء الاكلينيكيه

ماشاءالله تبارك الله ربي يوفق ويوفق اختي معاك .. لانها مترشحه للمقابلة بعد
ربي يرزقكم كل خير

[آلبآرونه~]

ماشاءالله بالمبارك ان شاءالله وربي يكتبها من نصيب
وربي يعوض الي ماجاهم بالخير
بسالك اذا منكن يعني كم معدلك وكم لك متخرجه ؟؟ماشاء الله عليك الحلو فيك انك صبوره و راضيه و متفائله
ربي يوفقك ان شاء الله
و ياليت الكل يكون مثلك يفرح لغيره و يبارك لهم


يارب اسمع خبر قبولك :love080:

[فتآت مسك]

انا متخرجه من كلية العلوم بالدمام معدلي 87.14%وعندي ماستر 3.55 في الكيمياء الاكلينيكيه

ما شاء الله

أختي وين خذتي الماجستير تخصص كيمياء أكلينيكيه ؟ تخصص حلو عقبال التوظيف تستاهلين كل خيير

[M-A-M]

ماشاء الله عليك الحلو فيك انك صبوره و راضيه و متفائله
ربي يوفقك ان شاء الله
و ياليت الكل يكون مثلك يفرح لغيره و يبارك لهم


يارب اسمع خبر قبولك :love080:

قسم بالله انك اسعدتيني وفرحيتيني بدعواتك الجميلة
ربي يتقبل منك ولك بالمثل ان شاءالله
والرسول قال لايؤمن المرء حتى يحب لاخية ما يحب لنفسه
ربي يسعدك دنيا وآخرة :mh318:

[Nooralzahra]

من أمريكا بس للاسف مافي اله وظائف في السعوديه :Cry111:

[Nooralzahra]

الله يخليكم ويوفقكم يارب و يرزقكم بالوظيفة أن شاء الله ما قلتو لي ماحد يعرف كيف بتكون المقابله واللي درسوا في نفس الجامعه ياترى تعرفون وكيله كلية العلوم المقابله بتكون في مكتبها تتوقعون هي اللي بتسوي المقابله لا تبخلوا علينا بتجاربكم وثوابكم عند رب العالمين

[فتآت مسك]

الله يخليكم ويوفقكم يارب و يرزقكم بالوظيفة أن شاء الله ما قلتو لي ماحد يعرف كيف بتكون المقابله واللي درسوا في نفس الجامعه ياترى تعرفون وكيله كلية العلوم المقابله بتكون في مكتبها تتوقعون هي اللي بتسوي المقابله لا تبخلوا علينا بتجاربكم وثوابكم عند رب العالمين

والله ماعندي علم

بس انا دارسه في جامعة فيصل دكتورة كانت تدرسني تقول لا تنسون الاشياء المهمه في المعمل نسأل فيها في وظائف الفنين وكيلة الكلية تخصصها كيمياء وتعطي غير متجانسة بس اتوقع بيكون معاها دكتورات في المقابلة

راجعي الاشياء المهمه في المعمل أحتياطات الامن والسلامة في المختبر طريقة حفظ المواد وطريقة ترتبها وكيفية التخلص منها والرموز والأدوات الموجودة في المختبر راجعيها و كيف إضافة المواد إذا كان حمضي او قاعدي والكواشف الأشياء المهمة

بالتوفيق ويارب نفرح بقبولك بالوظيفة

[Nooralzahra]

مشكورة حبيبتي فتات مسك والله يكتب لك اللي فيه الخير يارب

[Nouf.kh]

مشكورة حبيبتي فتات مسك والله يكتب لك اللي فيه الخير يارب

ممكن يسألونج ليش قدمتي على هالوظيفه!
وشنو تتوقعين مهاراتك الي ممكن تستخدمينها
خلي عندج رد ممتاز

الله يوفقج ومنها الى الاعلى :rose: