ردو علي الله يسعدكم

[rasho]

مرحبا بنات شكرا لكل اللي ساعدوني دعيت لكم من قلبي :004::004:
بس في كم دكاتره بسال عنهم يسعدكم قولولي عنهم
وداد الخان -نوال ال روزه -فاطمه الغامدي -ابرار الدخيل -رقيه منصور -شريفه الصافي -انتصار العمر -بدريه الحجي -بدريه الحسين- سميه -ليلى شكري -مريم مغربي- منيره الدوسري
جهاد بشير -احمد دسوقي :sdfgdsf:
ومادة علوم الحديث 1كثير قالو لي صعبه وخفت :icon9:
وابي اسال عن مادة النظام الاقتصادي كيف هي :Looking_anim:
وبالنسبه لمادة قراءه ومحادثه ايش المتطلب السابق لها :sm1:
وابي ماده تخصص سهله بدل تاريخ التشريع لان محد يدرسها الا عمر مكحل وكثير ذمو به :icon9::sm1:
الله يسعدكم فيدوني احاتي):

[[ Hala ]]

-

أتمنى البنات يفيدونك :$
بس بالنسبة للقراءة والمحادثة، متطلّبها نحو تطبيقي١

[نهر العطآء]

د. وداد جربتها الترم اللي راح في مواريث 2

بصراحة احلى مُحاضِرة كانت عندي بالترم ، ب الدكتورة الله يسعدها رائعة وطيبة وتساااعد واي مادة تنزل عنها بآخذها وانا مغمضة ، ولا قد سمعت احد بالجامعة ذمها

[سلاف11]

هلاا بك

مادة علوم حديث ١ : الماده طويله وتحتاج منك مذاكره اول بأول وتركيز مع الاستاذه ،
وطبعاً لايخلو الموضوع من انك تحاولين قدر المستطاع تاخذينها عند استاذ او استاذه متعاوونه معكم
لاتخافين لان اولاً واخيراً لكل مجتهد نصيب ❤️

[فطووومهه]

رقيه منصور مره جميلة

[عناقيد الضياء]

انا مالقيت ليلى الشكري ، لقيتيها اي ماده ؟

[غنيه بربي]

د :004::004::004:وداد الخان ايش أقول وإيش أخلي خوذيها وأنتي مغمضه تعاملك كأنك بنتها شرحها جميل وماتملي من محاضرتها وأسئلتها واضحه الدكتوره سعوديه


-نوال ال روزه
دكتورة سعوديه ماتحب أحد يتأخر على المحاضرة شوي شديده في البدايه بعدين تتعودين عليها وتعرفين إنه عشان مصلحتك شرحها واضح أسئلتها وسط تأخذي حقك ماتظلمك تقدر البنت الي تسلم واجباتها بنفس الوقت


-فاطمه الغامدي -ابرار الدخيل-انتصار العمر -بدريه الحجي -جهاد بشير -شريفه الصافيماعرفهم مادرست عندهم بس د شريفه يمدحونها البنات حيل هي رئيسه القسم صار لي كم مشكله بالقسم وحلتها لي الله يجزاها خير

-درقيه منصور
دكتوره مصريه طريقتها بالشرح قراءه أغلبها بس لو في شي مافهمتيه وقلتي ماعرف تحاول تعيد وتفهمك النقطه محاضرتها شوي ممله بس طيوبه وأسئلتها واضحه مو صعبه ماتحب البنت الي تغيب تحط درجات على الحضور
- -د -بدريه الحسين-
دكتوره بدريه شخصيتها جدا جميله وشرحها أروع معروف الشهري دقيق النهائي سهل كثير اهتمي تكتبي معها الي تقوله +المحاضرات الي بالبلاك بورد لأنو بالشهري يجي كثير من الإضافات أما النهائي عادي تكنسل الإضافات جربتها بالجنايات وحبيت المادة كثير بيفيدك على اليوتيوب شرح كتاب الروض المربع محمد باجابر يشرح الجنايات والمعاملات والعبادات أكثر من مادة بالدراسات

سميه
مادري إذا قصدك دكتوره سميه ابراهيم الي جنسيتها سودانيه أنا أحبها كثير في مواد العقيدة أما باقي المواد لا خلصت عقيدة كله معاها ماشاء الله علمها واسع وتتوسع بالشرح وتفيدك بس البنات مايحبون أحد يطول بس عن نفسي استمتع وماتحب نهائيا أحد يسولف بالمحاضره تتنرفز لو بغيتي شي منها روحي لها الصباح تكون رايقه لأن البنات ينرفزونها الي مو متعودين على طبعها بس أسئلتها سهله المقالي الألي نص ونص ودرجاتنا كويسه عندها والتزمي بأوقات الإختبار وتسليم الواجبات تطلب عرض أو بحث وأنتي أختاري واحد منهم

-مريم مغربي
أول أسبوعين بتكون شديده معكم سعوديه بعدها تحمدي ربك ألف مره أنه دخلتي عندها جد روعه ماراح تندمي -
منيره الدوسري

سعوديه شرحه واضح ومفهوم تعتمد كثير على البلاك بورد وتنزل في واجبات ومحاضرات نذاكر منها بس هاذي طريقتها أول بس ما أدري إذا تغيرت أو لا واجباتها شوي قيقه بس مو إنها تعجيز البنات صعبوها ولا هي مو صعبه الي يذاكر يأخذ درجه كويسه مره خذيت عندهاB+
-احمد دسوقي
شرحه أغلبه قراءه وإذا قال هذا مهم أو كتب أسئله اعرفي ميه بالميه راح تجي واكتبيها المحاضره الي قبل الشهري مهمه يقول خلاصة المادة ويحذف ومشاركه من عشرة وحدة وبحث مو مرا يدقق عليه نصيحه لاتفوتينه
ومادة علوم الحديث 1
مو صعبة إذا ذاكرتيها أول بأول بس لو راكمتي جد راح تلخبطين فخلي مذاكرتك فيها أول بأول أنصحك بدكتولر الصادق أو د ليلى أو مريم المغربي للمادة ماعليك من كلام البنات
كثير قالو لي صعبه وخفت :icon9:
عندك فقه أسره مرره سهله عن الطلاق والزواج دارسينه من قبل وعندك تحرير إداري سهل مره شلون تسوين تقرير وكذا بالتوفيق يارب