معادلة المواد

[سحابة ؛]

السلام عليكم
أنا محولة من كلية الزراعة للآداب
واليوم شفت المواد الي عادلوها لي ، 4 مواد فقط
ومواد الدين ( اخلاق، قضايا ) ماعادولها لي!
بالرغم إن المنهج والدكتور كان أساسًا من كلية الآداب
وش الحل عشان يعادلوهم لي؟ أقدر اراسل أحد لحل هالمشكلة؟
أو أروح لمين في الجامعة عشان يحل مشكل مشكلتي؟
أو أحد صادفه مثل هالمشكلة؟
حرام التعب يروح على الفاضي وأرجع ادرسه مره ثانيه!!

[Rwary ~]

ماعندي علم بس اتوقع القبول والتسجيل او شؤون الطالبات،

[سحابة ؛]

يعني في هالحالة لازم أراجع عمادة السنة التحضيرية
ماينفع أراجع في الكلية ؟


***

بالنسبة لجدولي لسى ما نزل , هذا شيء طبيعي .. ولا ؟

[الامل بالله : )]

اهلا وسهلا
كنت نفسك محوله من قسم المحاسبه للاداب ويوم داومت رحت قسم شوون الطالبات بالكليه وقلت لهم المعادله
خلوني اجيب من كليتي السابقه ملخص المواد اللي اخذته وطالبت معادله وعادلو لي مادتين فقط وفي معادله م عادلوها قلت لهم ليه ردت الموظفه قالت المعادله من قسم الرجال مو مننا بس ترا يعادلون من c وفوقه لو جايبه d م تتعادل الماده وسكت والله
انتي راجعي وشوفي مع انو اعتقد موادك قضايا واخلاق مواد متطلب للجامعه كلها م تحتاج معادله لان كذا والا كذا ماخذتها انتي سوا محوله او لا بس مع ذلك تاكدي
بخصوص الجدول انتي ترتبينه يوم حولت كنت اعتقد هم ينزلونه لي ومريحه لين داومت اول اسبوع حضرتي اطالبهم بجدول قالو لي انتي حطي لنفسك ولحقي ع نفسك قبل يقفل سجلي لك مواد وفعلا رجعت ورتبت جدولي

[سحابة ؛]

شكرًا عزيزتي .. وضّحتي لي أشياء واجد ماكنت منتبه لها

[AFNAN TURKI]

المواد العامة المشتركة بين كليات الجامعة والاجبارية ما يحتاج معادلة لان كل الكليات تدرسها بنفس الوصف عشان كذا ما عادلو لك قضايا واخلاق
ولا تحاتين ما راح تدرسينها مره ثانية لان اصلاً النظام وقت التسجيل بيرفضها
متى يعادلون لك؟ اذا درستي مادة محتواها مشابه تقريباً لمادة ثانية بمسمى ثاني عند كليتك الجديدة

[سحابة ؛]

يعني في هالحالة مايحتاج أجيب توصيف للمقررات وأروح كليتي السابقة
وأرجع أعطيهم كليتي الجديدة عشان يعطوني جدول؟؟!

[الامل بالله : )]

سحابه ع الرحب والسعه

[الامل بالله : )]

افنان انا يوم حولت سجلت لنفسي ماده مبادى اداره ويوم دخلت المحاضرات وشفت المقرر وكتابه اكتشفت اني ماخذته قبل
بكليتي السابقه تحت مسمى مبادى اداره اعمال رقيت للموظفه فهمتها القصه قالت طيب ليه تسجلينها!! قلت م ادري انها نفس المقرر قالت والله ماقدر اسوي لك شي دام سجلتيها وخلصتي والاسم في اختلاف قلت لها طيب زياده كلمه والمقرر والكتاب نفسه وم سوت لي شي
اصلا درست الماده مرا ثانيه للاسف ف عشان كذت انتبهو وبعددين اختنا سحابه اللحين موضوع المعادله خلصتي منه اعتقد دام كنت تسالين بس عن قضايا واخلاق وهي متطلبات جامعه
اللحين بقى لتس جدول فقط
رتبي لتس جدول من اللحين ووقت تاكيد دفعتس سجليها وربي يسهل لتس
طبعا تاخذين الشعب ارقام لان بتداومين بالاداب اللي عند النخيل
لاني وقت م حولت ناس قالو لي بتداومين بالمجتمع وتعاملين كانك مستجده ومن هالكلام
وسويت لي جدول والشعب احرف وللاسف م ضبط
يوم راجعت قالت سجلي شعب ارقام وبيضبط وفعلا ضبط وداومت وعينت من الله خير
والحمدلله

[سحابة ؛]

معلش أختي بس مافهمت شعب أرقام وحروف؟ وكلية المجتمع والآداب .. كيف تصير دي؟ :(

[نـــونـــي]

انا افهممك احنا كلية الآداب طالبات السنه التحضيريه يدرسون بكلية المجتمع
والباقي يدرسون بكلية الآداب اللي على خط الرياض
المهم بالجدول فيه مواد عامه مكتوب عند رقم الشعبه حروف مثل مواد اللغة العربيه العامه تحرير عربي ونحو تطبيقي 1 ونحو تطبيقي 2
ذول تدرسينهم بالمجتمع اذا سجلتيهم
اما اللي شعبها أرقام تدرسينها بكلية الآداب
وبس

[سحابة ؛]

اهااا ، الحين وضحت لي الصورة طيب عزيزتي بسألك
التحرير العربي، هو نفسه الكتابة والتعبير ولا فيه اختلاف؟
لأن في كليتي السابقة نزلت لي المادة في البانر كتابة وتعبير
بس كان الكتاب التحرير العربي
والآن في خطة الكلية موجود مادتين ( تحرير عربي - كتابة وتعبير )
هل هي مادة وحده ولا غير؟

[سحابة ؛]

مع العلم إلى أن المادة الي عادلوها لي في البانر كاتبينها تحرير عربي بالرغم إنها كانت نازله لي بمسمى الكتابة والتعبير

[الامل بالله : )]

التحرير العربي >>ماده عامه دام عادلوها معناته خلصتي منها
كتابه وتحرير >> ذي مو عامه يمكن تكون تخصص ع ما اعتقد
دام ماعادلوها اكيد المقرر والكتاب مو نفس اللي اخذتيه عموما ذي اذا تخصصتي عربي تاخذينها اتوقع
واذا مو متخصصه ماتفيدك ولا تزيد عليك

[Yoki]

كم بداية رقمك الأكاديمي ؟ لأن إذا كنتي 213 تسجلين موادك يوم السبت المغرب
أما دفعة 214 تسجلين يوم الأحد


مع العلم إلى أن المادة الي عادلوها لي في البانر كاتبينها تحرير عربي بالرغم إنها كانت نازله لي بمسمى الكتابة والتعبير
الكتابة والتعبير هي الاسم القديم لمادة التحرير العربي.. لاحظي رقم المقرر يبدأ بـ 7402 يعني من مواد الآداب
بما إن عادلوها لك ما يحتاج تدرسينها
بسألك إيش المواد اللي عادلوها لك و كيف الطريقة؟

[سحابة ؛]

أنا من دفعة 2015
تصير يوم الأثنين صح؟

--

طريقة المعادلة
فتحت البانر وعادلوا لي 4 مواد
برامج الحاسب المكتبية >> مقدمة في الحاسب الآلي
التحرير العربي
مبادئ الإحصاء
انجليزية عامة

[Rwary ~]

الكتابة والتعبير هي نفسها التحرير العربي

[الامل بالله : )]

ع كذا امورك بالسليم سحابه واي خدمه تحت امرك
وبالتوفيق

[سحابة ؛]

يعني يوم الأحد والأثنين مايحتاج أداوم يصير ؟
بس أروح للخدمات الطلابية قسم المكافآت عشان تغيير البطاقة ؟
وابدي أداوم الثلاثاء لو نزل لي الجدول ؟