استفسار عاجل

[snaa]

السلام عليكم ورحمة الله وبركاته

حابة اسأل كم سؤال وعذرا اذا بطول

عندي ثلاثة اسألة عن ثلاث مقررات
و هم كلاسيكية 1 وكهرومغناطيسية 1 والكترونيات 1

بالبداية كلاسيكية احنا دخلناها عند دكتورة وطلعت عند الدكتور عصام صلاح ياسين
ولانعرف عنه شي ابد والبنات استصعبوا ان دكتور يشرح مادة فهم عن طريق البث وخافوا وقالوا بيحذفونها طول!
بس قلت بسأل عنه
كيف شرحه وكيف اسلوبه والاهم اسئلته

المادة الثانية الكهرومغناطيسية عند الدكتورة وفاء دقة
انا خايفة منها كثير
شنو طبيعة المادة ؟
كيف شرحها واسئلتهاا؟؟؟
وكذلك بالنسبة للالكترونيات عند الدكتورة سامية عبدالعظيم

ياليت تجاوبوني انا خايفة ومتووترة ومتضايقة كثيييير

المواد احسهم صعبين وخايفة كثير :(

[سر 33]

وعليكم السلام

دكتور عصام ياسين حليو في السحبات كل اسبوع يجيب له عذر ههههههه مافي محاظرة


الشرح لا باس فيه واسئلة اختباراته من الواجبات مايطلع عنها في الاختبار النهائي يجيب من الاسئلة الشهرية وسؤال واحد من الباب الاخير


بالنسبة للمواد الثلاث


اصعب مادة اهيا الكهرومغناطيسية بس والباقي سهلين حيل

[سـَــــرَاب..!]

يعطيك العافيه اخ سر
بالنسبه لإلكترونات1 اختي snaa..ركزي على التمارين والأمثله واحفظي القوانين وان شاء الله الفل مارك
منسقها هو الدكتور العمري وهو بنفسه درسني الماره كنا نعاني بسبب الخط والصوت لكن حسيت انه يهتم لنجاح الطلاب قد مايقدر
احرصي تحلين الواجب ومثل ماقلت لك ركزي على التمارين والدكتوره ساميه جربتها في الكترون 2 لابأس بها وماينخاف منها وربي يوفقك ..

[سـَــــرَاب..!]

ايه صح ..اسئلته مشابه للتمارين
ويجيب سؤال تكتبين القوانين ... يعني كأنه استنتاج ..
اذكر في الاختبار الاول جا لنا سؤالين
سؤال حل عليه 8 درجات
والسؤال الثاني قوانين عليه 7 درجات
موفقه يارب

[snaa]

شكرا لكم
بالنسبة للتمارين قصدك الي بالمزمة ولا الي ينزلهم في موقع مثلا؟

طيب اذا كهرو 1 صعبة كيف 2؟
اسهل ولا نفس الشي

شكرا لكم جدا والله يسهل علينا وعليكم ان شاء الله ..

[سر 33]

كهرو 2 مواضيععها اسهل بشوي من كهر1

كهرو2 تتكلم عن معادلات ماكسويل والموجات والحث


بدون المذاكرة اول باول صعبة حيل