أفضل جهاز لاب توب ؟

[al-hanof]

السلام عليكم

وش تنصحون بأحسن نوع لاب توب
للجامعه طبعا
كان جهازي العام ايسر خربت البطاريه
وصار بطيييييئ ويعلق وحدث نفسه للويندوز 10
وهو نظامه قديم اصلا
احتاج اعرف المواصفات اللي لازم تتوافر بجهاز يناسب
استخدامنا اللي شبه يومي و كثير
يعني انا ما اعرف بالرام ونوع البطاريه والشاشه
المناسبه وكذا ياليت تساعدوني واللي عندهم
خبره بهالامور يفيدوني


ياليت اسم مضمون في ناس تقول hp
وناس تقول توشيبا
ابي كلام تمام مبني على تجارب وناس عارفه وش الأفضل
ووش اللي يعمر و يكد لسنوات الجامعه كلها مو بس
سنه ويبدا كل شوي شغله تخرب


ياليت السعر بعد يكون بحدود 1500 إلى 2000
ومشكورين


اتمنى تشاركون حتى برايكم في استخدامكم
الشخصي للجهاز اللي تنصحون فيه مو تعطوني اسم وتمشون لا خل نتفاهم ياخي ونعرف رايكم عدل :)

[N00nh1997]

صراحه انا عندي hp ويجنن أنصحك تاخذينه حتى في استخدامه روعه :(204):

[khalaf_alsubaie]

عالم أجهزه الكمبيوتر بحر واسع في من كل شكل ولون والمواصفات كثيرة جدا ولكن بحكم تجربتي الشخصيه أنا عن نفسي احب ماركه dell
جربت جهازين وكلهم نفس الماركه وسبب التغيير من جهاز لجهاز التطور والامكانيات الافضل وفضلت أني أخذ نفس الماركه اللي هي dell لأن من وجهه نظري أنها تتحمل كل أنواع الضغط
ولكن في أجهزه لاب توب الان في الاسواق امكانياتها جباره واسعاره حلوه بالنسبه لdell اذا تبين المواصفات العاليه من ناحيه كبر حجم الRAM وكرت الشاشه والتقنيات العاليه
اسعاره تتراوح مابين ال2350 الى 2500

وفي عندك جهاز لاب توب ماركته lenovo ومواصفاته عاليه وتقارن بمواصفات dell شفته في جرير من يومين واسعاره جدا حلوه
في اللي مواصفاته عاديه ب1350 واللي مواصفاته عاليه 1650
وماركه lenovo كثير ناس يمدحونها من ناحيه القوه والتحمل واوفر في القيمه وامكانياتها حلوه جدا
انصحك بالذهاب لجرير وركزي على lenovo اذا بغيتي امكانيات عاليه وسعر مناسب

اتمنى أني أكون افدتك بشكل جيد ,,,

[خلوُد آلمطيري.]

انا لاب توبي من ابل جميل بس استخدامه صعب حق اللي مايعرفونه ..ف استخدمي hp, او توشيبا؟ او ايسر جميل ، ايسر المطور مو من عهد جدي وجدك هههههههههههههه ،:lllolll: و deel سامج عن تجربه شريته الكورس الاول وغثيث يبط الكبد! وبعته بارخص الاسعار وشريت ايسر المطور تحصلينه ب الاكترونيات مطور ف كل شي وسريع حتى كنت اطبع عليه وعندي طابعه واشبك فيه يجنن ، لا وغير كذا ولد اختي الصغير شلع الازره حقت الكيبورد ويشتغل مشاء الله ، :hahahahahah::hahahahahah:.


ف حنيت على نفسي وشريت لاب من ماركه ابل للان ماجربته ف الدراسه شريته برمضان ونشوف اذا كويس ولا


ف انصحك بهالماركات هذول افضل شي ، طبعا انتي تبينه للدراسه بس مو طقطقه او كد، اذا تبينه للدراسه بس جيبي اتش بي ، او توشيبا ، او للكد والشغل الدائم جيبي ايسر المطور ف نظام ويندوز وف الشكل :wink::106:


ب التوفيق حبيبتي :love080::biggrin:.

[7SN]

نوع الجهاز ماهو مهم بقدر أهمية المواصفات,
مواصفات الأجهزة هي اللي تعطيها أفضلية, على سبيل المثال الآيسر فيه منه أجهزه مواصفات منخفضه ما تكمل معاك سنة سنتين إلا و الجهاز منتهي, و فيه أجهزه من نفس الشركة مواصفاتها ممتازة تدوم معاك لسنوات

الأهم من هذا كله المحافظة على الجهاز, نظافة الجهاز و خاصة فتحات المراوح لأن أحياناً تتسكر من الأتربة و الغبار, بالتالي يضعف أداء مراوح الجهاز وتنحبس الحرارة بالجهاز و تبتدي المشاكل, و البطارية بعد بحيث ما يكون 24 ساعة يشحن, و أهم شيء نظافة الجهاز من الفايروسات, هالثلاث أشياء تخلي الجهاز يدوم معاك أكثر و أداءه يكون ثابت

حالياً أفضل الشركات في السوق Lenovo, تتبعها hp
و الشركتين في عندهم أجهزه بمواصفات متوسطه و أسعارها ممتازة

[مششعل العنزي]

نوع الجهاز ومده صلاحيته للستخدام تعتمد على الشخص نفسه

السوق مليان اجهزه وكلها مناسبه للدراسه الجامعيه



لكن انا افضل dell

وتقريبا الاسعار بحدود 1800 الى 2000

ومتوفره بالمنطقه الشرقيه في أكسترا او مجمع الحياه بلازا


وبالتوفيق يارب

[جرافولوجي]

أختي العزيزة // al-hanof المحترمة

تحيه طيبه وبعد ،،،

نصيحه ، اخوية بخصوص موضوعك ، اهم شي تاخذي جهاز شركة معروفه ومضمونه و الكيبورد مريح في الاستخدام وسهل على حسب رغبتك هل الأرقام تكون على جمب او فوق و الشاشة تكون مقاسها مناسب بالنسبه لك 13-14-15 انش، اوكي هذي النصيحه الأولى ومهمه جداً وترجع للذوق و اختيار المستخدم ( بمعنى اذا رحتي تشتري جهاز انتبهي لهذي الأمور مهمه جداً )

النصيحه الثانية :

، الشركتين Lenovo, hp انا انصحك بهم بقوه . وبحدد لك جهاز روحي جرير حالياً فيها عروض لشهر سبتمبر ان شاء الله هذا النوع من واقع خبرة في مجال الكمبيوتر و التقنية انه بيكون مناسب جداً كـ سعر و كـ استخدام وكـ شكل بإذن الله و الاهم كـ مواصفات حسب طلبك انه للجامعه .

الجهاز المناسب لك كالتالي :

Lenovo Flex 2 14

1/ نظام التشغيل : الويندوز 8.1 وفيه ابغريد لـ الويندوز 10 مجاناً .
2/ المعالج : انتل كور 5i
3/ الرام : 4 GB
4/ المساحه او الهارديسك فيه : 500 GB
5/ الشاشة : 14" LED Muti - touch

السعـــــــر : 2000 ريال تقريباً .
----------------------------------
ملاحظة : لا تاخذي مواصفات اقل من هذي خصوصاً الرام و المعالج لكن الشاشة و الهارديسك ما عندك مشكله فيهم

طبعاً هذا من وجهة نظري انا وخبرتي ،،،
اتمنى تستفيدي من كلامي و يساعدك يا رب على انك تحصلي الجهاز المناسب لك و نكون ساعدناكم يا رب والله يوفق لك و للجميع ،

تحياتي لكم
جرافولوجي

[KHALID KSA]

توشبيا ممتاز جدا وعملي

[al-hanof]

جرافولوجي الله يجزاك الفردوس الاعلى يارب
ويوفقك
ويسعدك دنيا واخره
حبيت وارتحت لشرحك حسيته من شخص
فاهم وهذا اللي كنت ادوره احد يفهمني ويعطيني
اسم جهاز ولينوفو معروفه وسمعت فيها كثير يمدحونها من زمان اتوكل على الله ان شاءالله واروح للمعارض
اسأل عن هذا الجهاز


شاكره لكل الردود الطيبه موفقين يارب

[أرمكاوي]

بخصوص الاجهزة والموديلات فيه اشكال وانواع كثيرة
وتختلف المواصفات وانا عن نفسي احب شركة اسوس

ومثل ماذكر احد الاخوان اهم شيء
الرامات مايقل عن 4
والهارديسك مايقل عن 500
والمعالج مايقل عن i5
وكرت الشاشة 2
وبخصوص الشاشة ع حسب اللي تحبين
فيه شاشات صغيره مقاس 14 وفيه كبيره مقاسات 15
واهم شيء الاستخدام بالعرض قبل ماتشترين
منها تشوفين حجم الشاشة + وضوح الصوت ( اسمعي فيه شيء ) + الكيبورد + موديل وشكل الجهاز
بعض الاجهزة صوتها منخفض ولا نكتشف غير بعد مانشتريه

بعد هذا تجي المواصفات الثانية مثلا وضوح الشاشة فل اتش دي
خاصية تبريد ، مدخل ubs 3 ... إلى آخره.

وبخصوص مشاكل البطارية ك نصيحة
اذا جيتي تستخدمين اللاب توب بالبيت افصليها
وخليك شابكه الشاحن بالكهرباء وبين فترة وفترة استخدمي البطارية
او تخلينها لاستخدامك برى البيت عشان تحافظين عليها اكبر عمر ووقت ممكن

واهم شيء الضمان + البرامج الاصلية + مكافح الفيروسات + الاشياء التكميلية ع حسب العروض
بعض الاماكن يسوون لك عروض واشياء كويسه

وبالتوفيق لك

:icon19:

[حنان آل حيان]

انا عندي توشيبا وتمام التمام معاي الحمدالله وعملي

[ريمنقو]

آنآ اخذت نصيحة مختص بالاجهزه فنصحني ب توشيبآ للعمل .. و الجهآز تمآم التمآم عملي كثيير

[عـلـي]

اقوى جهاز مر علي من حيث التحمل والصبر هو توشيبا الجبار .. مستحيل يسخن ماشاء الله واكثر من مرة يطيح من يدي وبالشارع ولا يجيه شي .. عاد ما يمدحون النسخة الجديدة مقارنة بالنسخة القديمة ..

انا سألت أكثر من صديق اصحاب محلات كمبيوتر ومحترفين صيانة ومدحوا لي asus


ويجي بعده lenovo


واتفقوا كلهم على رداءة اجهزة dell + hp


وانا ارشح لك توشيبا لو حصلتي الموديل القديم .. ولو ماحصلتيه فاشتري لك asus

[أرمكاوي]

اقوى جهاز مر علي من حيث التحمل والصبر هو توشيبا الجبار .. مستحيل يسخن ماشاء الله واكثر من مرة يطيح من يدي وبالشارع ولا يجيه شي .. عاد ما يمدحون النسخة الجديدة مقارنة بالنسخة القديمة ..

انا سألت أكثر من صديق اصحاب محلات كمبيوتر ومحترفين صيانة ومدحوا لي asus


ويجي بعده lenovo


واتفقوا كلهم على رداءة اجهزة dell + hp


وانا ارشح لك توشيبا لو حصلتي الموديل القديم .. ولو ماحصلتيه فاشتري لك asus


الله يعطيك العافية اخوي لورد نجد
رديت عليك لانك لفت نظري ب كلامك عن الاجهزة من توشيبا خاصه الجديدة سيئة
امس كنت ب ابراج الدوسري للاجهزة وتذكرت هالموضوع وسألت محل صيانة معروف
عن افضل الاجهزة او الشركات و قلت راح اكتب الرد ..

قالي توشيبا واتش بي الجديده سيئة
ينصح ب حبيبي اسوس ( asus ) و نوعا ما في ديل ( dell )

وهذي نقطة مهمه ان الشخص يسأل عن الاجهزة في محلات الصيانة
لان هم اللي يعرفون وش اكثر الاجهزة تخرب وتضرب

اتفقوا ع نفس كلامك



شكرا

:rose:

[عِصاموه]

hp ممتاز واسعاره مناسبة .. لكن حاليا لابتوبات lenovo مكتسحة السوق :d5: ومواصفاتها ممتازة واسعارها معقولة .

[أبو الزعتر يويو]

الهنوف . انا اشتريت لي توني جهاز ايسر . ماركة وبسعر مناسب 1600 ريال accer اذا تحبي تشترين واحد خذية من كارفور . بيعطيك هدية تشتري ب 200 ريال . قضي فيها لبيتكك

[al-hanof]

الله يعطيكم العافيه يارب أصحاب الردود الاخيره
فدتوني كلكم كثييير مشكورين

[تـساهيل]

انا بسال عن لابتوب ابل هل سهل في تحميل المحاضرات والبلاكبورد انا بشتري لاب توب ضروري وابيه للجامعة وكاستعمال شخصي من افلام وغيره
غير كذا هل يتعرف على اي طابعة والا يحتاج طابعه خاصه وقروشه؟
افيدوني

[ALansari.92]

انا بسال عن لابتوب ابل هل سهل في تحميل المحاضرات والبلاكبورد انا بشتري لاب توب ضروري وابيه للجامعة وكاستعمال شخصي من افلام وغيره
غير كذا هل يتعرف على اي طابعة والا يحتاج طابعه خاصه وقروشه؟
افيدوني


يحمل المحاضرات والطابعه يتعرف عليها انا طابعتي hp


ولكن المايكروسوفت اوفيس م يدعم اللغه العرربيه يجيك كل حرف منفصل بس الانقلش
البوربوينت والوورد والاكسل والاوت لوك ومافيه اكسس وماينفع ابدا للدراسه والبرامج محدوده مو ذاك زود مو زي الويندوز اي برنامج تنزله بالمحل


بس كاستخدام شخصي وافلام انصح فيه وميزته م يعلق ..

,,,,


hp اول كان زين قبل فتره شريته سيء ويعلق

lenovo يمدحونه بس م قد جربته واسعاره مناسبه

[أنفال ~]

انا جربت توشيبا نص لاب ونص تابلت
مره حلو حق المحاضرات والتحميل ومايعلق ابد
بس مشكلته انه حساس ويبيله اهتمام اكثر من اللاب توب العادي

[ابونايف999]

الانواع كثيرة ومتعددة المواصفات وتختلف بجودتها من ماركة للآخــــرى
ولن اتحدث او اتحيز لماركة عن الاخرى . ( بعيدأ عن الدعاية والتسويق)



لكن الاهم ،،، 1- ان تكون المواصفات على الاقل كالتالي المعالج: i5 ومافوق.....
الرام RAM الذاكرة 4 او 8 جيجا . ....... الهارد ديسك لايقل عن 500 جيجا بايت.

2- الشراء من معرض او محل معروف وموثوق به لان البعض يغير بالقطع الداخلية والمحتوى للهاردوير.بقطع سيئة. للاسف.

3- طلب ضمان كامل للجهاز ........ وضمان للوندوز والاوفيس ان تكون نسخة اصلية .



والله اعلم وهو الموفق سبحانه وتعالى