اختبار كفايات اللغه الانجليزيه ( ستيب )

[أولفا]

السلام عليكم

الله يعافيكم ناويه اقدم بالماستر شهر 4 ان شاءالله
ومطلوب قدرات جامعيين وتوفل pbt 450 ومايعادله

اللي قريته بالموقع ان اختبار الستيب درجه 67 فما فوق يعادل التوفل


اللي هو اختبار كفايات اللغه الانجليزيه اللي موجود بقياس

بغيت اعرف الجامعه تقبل بهالاختبار وتعترف فيه والا لا ؟
لاني سمعت من بعض البنات انه مو معتمد

واذا هو معتمد ويقبلونه اقدر اسجل بالماستر شهر 4 وادرج نتيجه الاختبار بعدين ؟ لان اخاف اختبر وماتنزل النتيجه الا بعد تسجيل الماستر



افيدوني 🌸

[قصة مادتين]

أنصحك وبشدة بأن تختبريه خلال هذه الفترة ( محوسب )

[حُلمْ !]

معتمد بس في الجامعات السعودية اختبري هالفترة محوسب تطلع النتايج بسرعه

[أولفا]

الحمدلله يعني معتمد ��

طيب وش الفرق بين المحوسب والورقي

[غيم تايه]

وعليكم السلام ورحمة الله وبركاته....


- الفرق بين الورقي والمحوسب من ناحية الوقت فلا يوجد هو نفس الوقت المقرر..
الورقي امامك الساعة .. والمحوسب تظهر لك شاشة توضح انه باقي خمس دقائق..
والورقي افضل من هذه الناحية حيث امامك ساعة كبيرة تشوفيها كل شوي بينما الحاسب تكون
في الطرف على اليسار.. فيمكن الطالب ما يلاحظ باستمرار بعكس الورقي..
- المحوسب افضل من الورقي من ناحية المراقبين ما فيه مراقبين كل اغراضك تحطيها في صندوق
وتحفظ حتى تخرجي .. مستقلة بنفسك بعالمك .. بهمك .. بعكس الورقي اللي جنبك شخص وفيه
شخص مراقب ومركز.. المحوسب تدخلي الاختبار وانتي عارفه الخطوات .. وخلاص ..
- المحوسب فيه ميزة حلوة انك إذا فيه فقرة ما عرفتيها تحطي عليها علامة تميز .. بمجرد تنتهي من
الجزء اللي تحليه .. تطلع لك ايقونات للمراجعة وتنقلك لهذه اللي ما حليتيها .. بينما الورقي تجتازين
الفقرة ولا يوجد علامة توضح لك الا مراجعة الورقة اللي فيها الاجابات...
- المحوسب قد يكون بجوارك طالبة تختبر انجليزي وانتي تختبري قدرات بينما الورقي محدد هو قدرات او كفايات..
- الورقي تستخدمي قلم الرصاص للتضليل وهذا متعب.. بينما المحوسب كلها تأشير في الحاسب الآلي
- الورقي تستخدمي اماكن معينة لأجراء عملياتك
بينما المحوسب فيه ورقة وقلم خطاط وتمسحي بالفائن ومادة معدة لذلك،
وهذا يجعل الطالب اكثر تعرض لنوع من العلامات بيده او ملابسه ...
- لا تختلف اجزاء الاختبار عن بعضهما ..
- ميزة تحسب للورقي وهي انك تسطيعي رؤية السؤال والرسوم بمجرد تقليب الورقة وقد تقومي بحركة الثني على سبيل المثال .. للرؤية للخيارات او الرسوم البيانية..
بينما المحوسب لابد من الانتقال من صفحة لأخرى بدون أمكانية الرؤية للأخرى بطريقة ما .. ولا اعلم إذا فيه تصغير او اظهار صفحتين في نفس الوقت..
- المحوسب تعيشي مع نفسك واختبارك ولك حيزك ولك وضعك .. بينما الورقي على كرسي بالعادة متعب .. وفي بعض القاعات بجوارك مباشرة شخص اخر..
لا يوجد مساحة كافية بعكس المحوسب..
- لابد في المحوسب ان تجري تصفح سريع في البداية للأسئلة وتبدئي في التناظر اللفظي او الكلمات
إذا كنت من النوع اللي يرى ان اللغوي افضل من الكمي ... والعكس صحيح .. وهذا ايضا ينطبق على الورقي ...
- المحوسب لا يوجد فيه ضجيج الذي ممكن ان يوجد في الورقي..
- المحوسب بمجرد حضورك تدخلي الاختبار حتى لو كنتي مبكرة او متأخرة قليلا .. انتي ونفسك بينما
الورقي لا بد من اكتمال العدد وإذا انطلق الاختبار يصعب دخولك.. لذلك في المحوسب قد تجدين شخص
يفرق عن شخص اخر في الاختبار..
- الاجراءات المتخذة في المحوسب وحفظ الأغراض في خزانة وأرقام سرية.. أفضل مليون مرة من طريقة
الورقي الذي تضعين الاغراض في كيس وتحت الكرسي او اي طريقة اخرى..
- اختبار المحوسب بمجرد الانتهاء يتم ايقاف البرنامج.. بينما الورقي يكون هناك وقت للخروج وعلى الجميع
وضع القلم والانتظار لجمع الأوراق .. وبعدها الانصراف ..
- عند انتهاء الوقت في المحوسب ينتقل للجزء الأخر ولا يمكن بأي حال من الأحوال الرجوع للذي قبله بينما
في الورقي يمكن بمجرد الانتهاء من جزء معين ان يقلب الطالب الورقات بطريقة احترازية لأنه ممنوع اصلا
ولكن يمكن ان يعود ليقرأ فقرة في الجزء الذي يسبقه ويفكر فيها ..
حتى وان كان مخالف للانظمة ولكن فيه امكانية وتحسب هذه للورقي ..
- يقدم الاختبار المحوسب شهريا بينما الورقي هو ثلاث اختبارات في السنة يحددها المركز كل سنة..
- يجوز الطالب ان يدخل خمس اختبارات ما بين محوسب وو
رقي.. والمعتبر هو أعلى درجة..
بعد هذا السرد المطول ... لن اترك الموضوع بدون ترشيح..
من وجهة نظري المتواضعة : ان الاختبار المحوسب هو الأفضل من الورقي وسوف اختبر مرة اخرى
وسوف يكون محوسب .. اعتذر على الإطالة ،، متمنياً لك التوفيق والنجاح"""


الحمدلله يعني معتمد ��

طيب وش الفرق بين المحوسب والورقي


سبق واجبت لأحد الأعضاء عن هذا التساؤل ولكن في القدرات.. وهي لا تبعد عن الكفايات...
ويضاف ان الحاسوبي تستمعي عبر المايك .. اما في حالة الورقي يكون عبر مكبرات الصوت للجميع..

موفقه يارب"""

[Adel F]

الستيب معتمد في الجامعات السعودية ..
انتي متخوفة من انو النتيجة يمكن تتأخر ؟ هذا اذا كان الاختبار ورقي لانو له مواعيد تسجيل ومواعيد اختبار ( 2 في السنة فقط ) ..
أما المحوسب في كل يوم عمل على مدار السنة .. اختبري محوسب لانو مريح جداً .. أنا اختبرته اليوم ..

[سلام الوادي]

لو سمحتوا بالنسبه للإختبار المحوسب انا ماعندي ولا اثبات يصير اطبع ورقة البصمه من موقع قياس وتصير لي اثبات عشان اختبر محوسب ؟؟

[غيم تايه]

لو سمحتوا بالنسبه للإختبار المحوسب انا ماعندي ولا اثبات يصير اطبع ورقة البصمه من موقع قياس وتصير لي اثبات عشان اختبر محوسب ؟؟



كيف ورقة البصمة ؟! ... ما معك كرت عائلة من خلاله .. يسوون لك الاجراءات وياخذون بصمتك..
ويسوون مثل البطاقة في الحاسب.. وخلاص كل ما دخلتي بصمتك تطلع بياناتك عندهم..


موفقه يارب""