المحاسبة وشرح الدكتور للمغرر

[rwa8aang]

السلام عليكم

ما ادري اذا في احد مثلي او لا.. لكن شرح الدكتور للمقرر ممل وصعب يوصل الفكرة..:24_asmilies-com: عكس الدكتور عبدالرحمن المحارفي (الدكتور السابق للماده)

قبل لا تنزل المحاضرات كنت اشوف المحاضرات الموجوده في اليوتيوب للمحاسبة للدكتور عبدالرحمن وحببني في الماده وشرحه جميييل وبسيط ويوصل المعلومه بطريقه جمييله. لكن للأسف اتغير


فأنا انصح تشوفون المحاضرات للدكتور عبدالرحمن للي ما يفهم من الدكتور اسامه.. نفس المحتوى وكل شي لكن الفرق شاسع


والمحاضرات موجوده كامله في اليوتيوب وفي موضوع كامل مثبت اسمه (مكتبة كويزات) موجوده فيه كل المحاضرات

وبالتوفيق :(204):

[rwa8aang]

وهذا رابط الموضوع ( مكتبة كويزات) http://www.ckfu.org/vb/t664513.html

[maha_1122]

أي شرحه صعب ومايوصل المعلومة
بس أن شالله اسئلته تكون حلوه

[أبو عبدالله]

فعلاً المحاسبة في بداية الامر تكون صعبه جداً ويصعب فهمها
سبق أن مر الكثير من الطلبة بهذهِ الحالة
ولكن سرعان ماوجدنا لهذا الامر حل واصحبت المحاسبة من اجمل المقررات

عليك بالشروحات التي في اليوتيوب
http://www.ckfu.org/vb/t632707.html

[Aaعبدالله]

الله يعطيكم العافيه على التفاعل والافادة للجميع
التوفيق انشاء الله للجميع

[hessah588]

طيب المنهج هو نفسه ماتغير ؟؟

عشان نتابع المنهج مع الدكتور عبدالرحمن المحارفي

لان الدكتور الجديد شرحه ممل و ما أفهم منه أبددد :12:

[rwa8aang]

طيب المنهج هو نفسه ماتغير ؟؟
عشان نتابع المنهج مع الدكتور عبدالرحمن المحارفي
لان الدكتور الجديد شرحه ممل و ما أفهم منه أبددد :12:


المنهج نفسه. وفي حال ما فهمتي من المحارفي اليوتيوب مليان شرح من دكاتره مختلفين

هذا مثلا فهمت منه موضوع نظرية القيد المزدوج احسن من المحارفي

https://youtu.be/9-RA7P0qnTM


شرحه جميل ممكن تتابعين معاه اللي ما تفهمينه من الزول

[بدر الحـربي]

ههههههههههههههههههههه امس تابعت المحاضرات الاربع كلها بوقت واحد ورا بعض فهمت الاولى والثانيه بالقوه
بعدين بديت اضيع
موضوعك جا بوقته بس باجل المشاهده لاني مرتب جدول واليوم راح انبرش على مبادئ الاداره
يعطيك العافيه

[alnoor2]

الله يوفقك شكراً بجد والله مااقدر استوعب شيقول
وقاعده ادور مدرسه خصوصي سودانيه للماده هذي يمكن استوعب،،لكن ماقصرتي:119::004:

[shamaleah]

مشكورييييييين على هالموضوع الرائع

[anwa]

المغرر هههههههه من جد اول مافتحت عليه يتكلم الرجال ومو فاهمه يتكلم
ورحت بحثت عن دروس في اليوتيوب عشان افهم وفهمت
مشكوررين كل الى حطو روابط

[arwa-aaz]

شكرا والله ريحتيني

كنت متأزمة شلون بكمل الترم مع الدكتور يسرد كل المعلومات ورا بعض مايمديني الحق عليه او افهم

[مدمنة حافز]

اااااااااااااااااااه صدع راسي من محاضره وحده
الله يجزاه بالخير بس

[جامعي محنك]

نصيحة للطلاب بخصوص المواد العلمية مثل المحاسبة والرياضيات والاقتصاد لا تضغط نفسك وتتابع المحاضرات ورى بعض المخ يخبط.. وفي محاسبة افهم المدين والدائن يعتبر انك فهمت 50٪ من المحاسبة لانها راح تمشي معاك للمحاسبة 2 واساسيات المحاسبة يعني افهم المدين والدائن ترتاح والدروس متصلة ببعض يعني شي مافهمته روح لليوتيوب ودور شرح دكتور لين تفهمه هذا الشي الاول والشي الثاني افهم قائمة الدخل وقائمة المركز المالي مهمه النقطتين هذي وبالتوفيق للجميع

[مدمنة حافز]

شرح المحارفي جميييل جداا والله اجمل بكثيير من الدكتور الجديد الي ويواجهه صعوبه انصحه يتابع المحارفي في اليوتيوب مثل ماقالو الاخوان

[أبو بتــآل]

مشكورة على الطرح الرائع يا { rwa8aang (http://www.ckfu.org/vb/u238180.html) } وما قصرتي

بصراحة طرح في مكانه ويعطيك العافية


اما من ناحية الشرح مختلف وان شاء الله أقدر استوعب عليه

[ام شهد..]

جدد مرره الدكتور مو قادره اركز معه صدع راسي

طيب الحين الملخص ويش نعتمد عليه .؟؟

لانه اليوم ابغي اشتريهم
وبكره اول محاضره مباشره للماده