محتاج مشورتكم يأحلى اعضاء القدامى والمستجدين [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : محتاج مشورتكم يأحلى اعضاء القدامى والمستجدين

بنو سيبان

2010- 4- 10, 03:13 PM

جأني مدرس اللغة الإنجليزية - مدرس خصوصي وهو صديق قديم - وفأجاني بسؤال لماذا تخصص اللغة الانجليزية بالذات ؟؟ جاء اخوكم يتفلسف كعادته - مستقبل ومرغوب وسوق العمل والناس تدورك دواره ومن هذا الكلام - ضحك وقال لي انا تخصص انجليزي من 20 سنة واقولك مالك الا التدريس او الترجمة وبعدين تعال قلي كيف راح تدرس انتساب والمادة العلمية تحتاج معامل ومختبرات وتطبيق ومحادثات وامور كثيرة ليست لاهل الانتساب في شيء - اخوكم انصدم - وكمل كلامه وقال انصحك كاخ كبير خذ تخصص مع الانجليزي - قلتله كيف ؟؟ - قال ادرس مثلا تربية خاصة أو ادارة اعمال وطعمه أثناء دراستك بدبلوم انجليزي سنة معتمد وكافي لأي قطاع خاص حتى التدريس بالابتدائي اذا حبيت - والله النشبه - ايش رايكم يا احلى اعضاء .
انا شخصيا اقتنعت وفعلا على طول عشان ما احب علم الاجتماع قمت حذفته فورا وبسجل مادة متخصصة من مواد كلية التربية الخاصة الا وهي تقنية المعلومات
بس ما زلت ابي اعرف رايكم فلا تحرموني منه مشكورين

sway

2010- 4- 10, 04:04 PM

صراحه وجهة نظره معقووووووله جدا وانا لي فتره قاعده افكر في هالنقطه بالذات
هل فعلا ينفع دراسة اللغه الانقليزيه بطريقة الانتساب
اللغه يبغى لدراستها محادثات مباشره مع الدكتور او معامل وممارسه على مدار السنه
بينما في الانتساب نحفظ الكلام والقواعد عشان في الامتحان نكتبه فقط
اما الممارسه للتحدث ملغيه تماما
انا الى الان مش ضد ولا مع بس قاعده افكر بصوت عالي فقط
وكلامك ايد افكاري ؟؟؟
ماااادري ؟؟؟؟؟

expatriate

2010- 4- 10, 04:11 PM

السلام عليكم والرحمه ............ والله شوف خويك معاه حق مع بدايه دراسه التخصص فقط لان اغلب الطلبه راح يواجهون صعوبات بالماده اذا تعمقناها .لاكن مايمنع الواحد ياخذ مدرس ولا دبلوم انجلش أو دوره تاهيليه اذا مره الماده صعبه عليه ,ولاتنسى أن المقررات راح تكون خطوه بخطوه وفيه شرح والخ .. وان شالله تتسير

تقبل مروري

Aziza algarny

2010- 4- 10, 06:17 PM

بس المشكله ان في ادارة الأعمال رياضيات _وأنا أكرهها كره العمى

بس مادري أحس كشخه إذا قالوا الناس وش تخصصك وقلت ادارة أعمال

فلهاوربك يحلها

2010- 4- 10, 06:22 PM

ياكهله بس السالفه كشخه

سلطان الحفر

2010- 4- 10, 06:34 PM

:064: انا اقول اهم شي الميول وآلا راح تدج الله يوفقك

صافي2010

2010- 4- 10, 06:39 PM

كلام الدكتور صحيح وياكثر اللي متخرجين من هذا التخصص وجالسين في بيوتهم _ اوفق على رائى مدرسك يا بنو سيبان.

تقبل مروري.

الفيصلاوي

2010- 4- 10, 07:03 PM

السلام عليكم ورحمة الله وبركاتة
كيف الحال ياابو عبدالعزيز عسى ما شر مقاطعنا.
موضوعك هذا جميل بس احس انك حطمت قلوب الي يدرسون لغة e
عموما يقول النبي صلى الله عليه وسلم:( اعملوا فكلا ميسر لما خلق له)
ودعواتي لطلاب الانجليزي بالتوفيق

Frappuccino

2010- 4- 10, 08:26 PM

بدت الوسوسه

A7la Malak

2010- 4- 10, 08:51 PM

لا تحطيـــــــــــم ولا شي ... بالعكس دراسه اللغه جدا حلوه وممتعه ...
يكفي انك تقدرين تعرفين الناس الاجانب على الاسلام من خلال اللغه الانجليزيه
وكل تخصص وله اصحـــــــابه ... وله اهدافه ..
حســـــــب الميوول ..
وسالفه اللي جالسين في بيوتهم مو لان تخصصهم الانجليش لان هم قررو مايستفيدون من شهادتهم .. وياما ناس درست طب وهندسه واداره وبالاخر قعدت في البيت ..
اللي اختارت تخصص اللغه الانجليزيه ماتتحطم ولا تتحسف لان المفروض تكون اختارت التخصص عن قناعه من البدايه ...
:119:وبالتوفيق انشالله للجميع :119:

@الشمالي@

2010- 4- 10, 08:59 PM

expatriate

2010- 4- 10, 09:10 PM

في شي ثاني بعد ... لاتنسى ان افي 2010 الحين ..... يعني تخيل بعد 4 أو 5 سنوات وش راح يكون الوضع ؟؟ من ناحيه فرص وضيفيه وتوسع في مجال التوظيف للغات ...:mh19:

Aziza algarny

2010- 4- 10, 09:15 PM

حطمت قلوبنا مرتين يابنو سيبان

المره الأولى يوم بغيت تنسحب

والمره الثانيه يوم تقول الإنجلش ماله داعي

كفايه صدمات

Aziza algarny

2010- 4- 10, 09:18 PM

فايكن أنتن ياذوليه ؟ كل ما سجل واحد لاونو ذا في ثاروه ميد ينسحب !!

الله المستعان

A7la Malak

2010- 4- 10, 09:21 PM

حطمت قلوبنا مرتين يابنو سيبان

المره الأولى يوم بغيت تنسحب

والمره الثانيه يوم تقول الإنجلش ماله داعي

كفايه صدمات

روحي شوفي بقسم المستجدين في اخت حاطه موضوع ايش اللي مدخلكم تربيه خاصه اذا بكم بكلمه بتتحطمين معناها انتي مو مقتنعه بتخصصك :mh19:

A7la Malak

2010- 4- 10, 09:25 PM

عفــــــوا بقسم التربيه الخاصه :119:
بالتوفيق اختي

أبو سلطآن

2010- 4- 10, 09:52 PM

آنا والله أخي الأكبر جامعي قديم << وقبل لا أسجل نصحني بإدارة الأعمال .... لكن ... نسبة الثانوية ماساعدتني ... وبعد ماسجلت جتني رسالة تقول لي مسموح التسجيل بإدارة الأعمال ..

المهم مالكم بالطويلة ... إدارة الأعمال أفضل تخصص ..

وأنا إن شاء الله إني أحول إدارة أعمال ..

دام ان كهله تخصص إنجليزي :mh35:

أبو سلطآن

2010- 4- 10, 09:55 PM

فايكن أنتن ياذوليه ؟ كل ما سجل واحد لاونو ذا في ثاروه ميد ينسحب !!

الله المستعان

ذوليه :hahahahahah:

ثاروه :hahahahahah:

قطعتي بطني من الضحك .. ذكرتيني بالوالدة الله يحفظها ...:hahahahahah:

يوسف العتيبي

2010- 4- 10, 10:07 PM

اخوي والله من ناحية سوق العمل وووووووو الخ

هذي توافيق وانا اخووووك واللي مكتوب لك ماعنه

انا تمسك معي غلط مرااات واقول ليتني اخذت انجليزي ومرااات اقول الاداره احسن

لكن تخصصك حلو وتقنية المعلومات حلوووه

اخيرا اخوووي شاور اللي له خبره بالمجال ذا

وبالنهايه استخر وعسى ربي يكتب لك اللي فيه الخير

تحياااااااااااااااتي

بنو سيبان

2010- 4- 10, 11:46 PM

اشكر جميع من مر وعطر موضوعي بإطلاته البهية ولكن بعد استخارة المولى عز وجل قررت أنا اتخصص في مجال التربية الخاصة في تخصص عندهم عن صناعة الموهوبين والاهتمام بهم وقسم اخر للإعاقات المختلفة وهم فئة غالية على قلوبنا جميعا - احتسب عند الله اجرهم - وسأخذ دبلوم عام في اللغة إن شاء الله وبكذا حققت المراد بمشيئة الرحمن شكرا لكم جميعا فقد ساعدتموني على أخذ القرار والله انكم رائعين بكل ما تحمله الكلمة من معنى ويا قسم التربية الخاصة ها انا قادم اليكم وتارك اعز الناس عندي بقسم اللغة بس راح اسير عليكم بإذن الله

يوسف العتيبي

2010- 4- 10, 11:48 PM

بالتوفيييق اخووي

الحياة أسلوب

2010- 4- 10, 11:55 PM

الله يوفقك
بس
قرر ع رررررررررررواق لاتستعجل
بقولك وجهة نظري الاداره أفضل لك كرجل

Aziza algarny

2010- 4- 10, 11:57 PM

بس كيف تغير التخصص ومافي مجال لذلك إلا الترم الجاي ؟