ليتك تحس!!

[عبير الوادي]

يعلم الله في غيابك ما تناسيتك
بس في مره نويت انساك ممداني ؟!


قلت ابنسى وارتفع صوتك ولبيتك
واثر خفاقي بصوتك عنك ناداني !!


ويش اسوي دامني بالجوف ربيتك ؟
طفل تسوى هالحياه بعين : شرياني .!


تلعب .. وتكبر .. وتكبر .. لين عديتك :
بالغلا ( آخر نماي ) وكل ( شيباني ) ..


والله ان عمري بدا من يوم حبيتك
واعرف انه ينتهي لو قلت : تنساني !!


حط في بالك انا من عام خبيتك
ان صحيت بخافقي وان نمت باجفاني ..


ما بي غيري يلمحك حتى لــ غنيتك
غرت من صوت الصدى لا ردد الحاني !!


من كثر ما اشتقت لطيوفك تمنيتك
رمش عيني او تصير الشوف لا اعياني ..


وان تمادى هالحنين بجفني ضميتك
وقتها : القاك ! لكن ليه ما القاني ؟؟


والله انك من لفيت بنبضي حييتك
وكني بقولة ( هلاآآ ) بيّنت حرماني !!


هذا حالي يا الغلا من يوم خليتك
وانت طمني علي فالبعد وش جاني .؟


اذكر اني بالوفا صغتك وسمييتك
واذكر انك بالوفا كنت تحداني ..


وصرت اشكك في كلامك لين بكيتك
وقلت موعدنا يجي كان الله احياني ..


ويوم جيت بخافقي وبخافقك جيتك
كنت انا رابح مع اني ( خاسر رهاني !! )


والاكيد اني لقلبي بيدي وديتك
وعاد شوف اليوم وين الحب وداني ؟؟


يا عساني صدق ولعتك وهميتك
ويا عساك بجد تعشقني وتهواني ..


ولو تقول اني بغيابي عنك عنيتك
انت همك صرت اعده (( حسبة اخواني !! ))










:icon9::sm18:

[Dr ʀeнαв]

_

اذكر اني بالوفا صغتك وسمييتك
واذكر انك بالوفا كنت تحداني ..



:icon9:

جميله جداً ,
اختيارات أكثر من رآئعه عبير
جآزت لي ذائقتك جداً
وتسلمي ع اثراء القسم بهالقصايد الطيبه
يعطيك ربي الف عافيه

لكِ:icon1:

[خطوة بخطوة]

ابيات في الصميم
الله يجمع المحبين

[ツ● غَيـ❣ـثْツ●]

ولو تقول اني بغيابي عنك عنيتك
انت همك صرت اعده (( حسبة اخواني !! ))


ونعم وسبعة أنعام:106:


أحسنتي الإختيار:119:

[aeysha**]

يعلم الله في غيابك ما تناسيتك
بس في مره نويت انساك ممداني ؟!


قلت ابنسى وارتفع صوتك ولبيتك
واثر خفاقي بصوتك عنك ناداني !!


....راقت لي جدا هذه السطور ..
الله يسلم يدك على الدائقه الجميله

[دوقة هيا]

قصيدة جداً جميلة ورائعة

حبيت هالبيتين :

والله ان عمري بدا من يوم حبيتك
واعرف انه ينتهي لو قلت : تنساني !!


حط في بالك انا من عام خبيتك
ان صحيت بخافقي وان نمت باجفاني ..

أتمنى أشوفك لك روائع ثانية قريباً
لك ودي :icon19::love080:

[عدناااان]

يعطيك العافيه وصح لسانك

[الــغـــدراء]

،،

سلمتي ع الطرح
أختيار رائع وموفق


لآهنتي ،،،

.

[ميمي السنافيه]

قصيده جدا رائعه

كثير احب اسمعها :verycute:


لا هنتي على الاختيار:106::106:






اذكر اني بالوفا صغتك وسمييتك
واذكر انك بالوفا كنت تحداني ..


وصرت اشكك في كلامك لين بكيتك
وقلت موعدنا يجي كان الله احياني ..


ويوم جيت بخافقي وبخافقك جيتك
كنت انا رابح مع اني ( خاسر رهاني !! )


والاكيد اني لقلبي بيدي وديتك
وعاد شوف اليوم وين الحب وداني ؟؟


يا عساني صدق ولعتك وهميتك
ويا عساك بجد تعشقني وتهواني ..


ولو تقول اني بغيابي عنك عنيتك
انت همك صرت اعده (( حسبة اخواني !! ))