ياخت سلاف

[الهامس]

اخت سلاف كل التحايا والتقدير لكِ ياسيدتي على ماتقدمين من جهد يشكر عليه
وبعد التحية


اسعفيني بارك الله فيكِ


انا موظف مدني ذهبت الى ادارة شئون الموظفين وشرحت لهم فكرة التدريب الميداني2
فلم يمانعوا ان يحسبوا لي مباشرتي وحضوري وانصرافي في المدرسة التي سوف اطبق فيها كأني اداوم عندهم
ولكن طلبوا مني مايثبت ذلك مشهد او افادة بعدد ايام التدريب (طبعاً متصله) وايضاً اسمي
لكن عندما دخلت على ايقونة التدريب الميداني2 لم اجد ضالتي فلا يوجد عدد ايام التدريب ولا يوجد اسمي
فقط مكتوب هاكذا


الطاب/ـه :..................
رقم جامعي :..................



امر آخر في ورقة ( الى من يهمه الامر ) في السطر القبل الاخير
كاتبين ( علما بأن مدة التدريب يوم واحد فقط اسبوعيا وأثناء عمل المؤسسة )
لم افهم مالقصود بيوم واحد لني اريد متصله وليس منفصله فهل هذا من حقي ؟

[طالب جامعي.]

اعانك الله.


..

[عفويه حيل]

جرب تطبعها وأذا طبع معها ختم الجامعه خلاص المفروض مايطالبوك بشي لان الختم موجود
عندك نموذج مباشرة
و
خطاب تدريب

[الهامس]

جرب تطبعها وأذا طبع معها ختم الجامعه خلاص المفروض مايطالبوك بشي لان الختم موجود
عندك نموذج مباشرة
و
خطاب تدريب




صحيح كلامك بارك الله فيك
ولكن عند الطباعة لايظهر اسمي لابد انا من يسجل ذلك كتابياً


انا شاهدت احد الاخوان هنا طابع افادة يوجد به اسمه وانه سوف يطبق التدريب الميداني2 في المجال التعليمي ولكن لم اجد تلك الافادة في موقع الجامعة لا اعلم جهلاً مني او يوجد امر اخر

[عفويه حيل]

صراحه لاأعلم .... لكن يمكن هو كاتبها كمبيوتر ..... او مثل ماقلت أمر آخر
بس الجامعه مو فاضيه تأخذ كل اسم وتكتبه في الخطاب أو التقرير ... وستحيل ذا الشي
بس أذا مره قفلت معك أ طبع لهم شهادة تعريف وراح يظهر فيها أسمك ورقمك الجامعي

[ســــلآف]

والله يا خوي الجامعة مهملتنا حنى كاتبين لنا يوم واحد بالاسبوع
والدكتور طالب 8 ايام يعني بيخلص الشهرين ما خلصنا
لكن شوف لك احد يختمها ويمشي امورك

عاد انتم الرجال متساهلين معكم مو مثل الحريم يعقدون اللي ما يتعقد
والله يووووفقك

اسال الجارح راح يفيدك بإذن الله

[الــغـــدراء]

،،

مايحتاج كل هالأمور

بمجرد الختم ينتهي كل شي


.

[الهامس]

جزاكم الله خيراً جميعاً
الظاهر اني بترك التطبيق الميداني واعتمد على الاختبار وتنزيل المحاضرات


شكراً لتعاونكم واسف على ازعاجكم


مودتي لكم

[مــجــازفــــ]

ياخوي ترا اغلب المدارس ان لم يكن الكل ما يطالبونك بتدريب عندهم يختمون اوراقك ويوقعونها وخلاص يعني لا تلزم نفسك يالحضور عندهم 8 ايام ... دور لك مدرسة يكون المرشد فيها ابن حلال وصدقني راح تحصل

[مــجــازفــــ]

والله يا خوي الجامعة مهملتنا حنى كاتبين لنا يوم واحد بالاسبوع
والدكتور طالب 8 ايام يعني بيخلص الشهرين ما خلصنا
لكن شوف لك احد يختمها ويمشي امورك

عاد انتم الرجال متساهلين معكم مو مثل الحريم يعقدون اللي ما يتعقد
والله يووووفقك

اسال الجارح راح يفيدك بإذن الله

مو شرط كل يوم بالاسبوع .... انا اذكر اسجلت في سجل الحضور كل اسبوع يومين ومشت الامور

[الهامس]

ياخوي ترا اغلب المدارس ان لم يكن الكل ما يطالبونك بتدريب عندهم يختمون اوراقك ويوقعونها وخلاص يعني لا تلزم نفسك يالحضور عندهم 8 ايام ... دور لك مدرسة يكون المرشد فيها ابن حلال وصدقني راح تحصل

بجرب مثل ماقلت وان شالله تضبط
بس لفت انتباهي ردك على الاخت سلاف انك يومين بالاسبوع
هل استطيع 8 ايام متصله وهل اذا وجدت ابن الحلال اترك الاوارق عنده وبعد 8 ايام اخذها منه
علشان سجل الحضور والانصراف

[LOHY]

سلام عليكم .. اخي الهامس ... إذا انت بالرياض اعتبر موضوعك منتهي (بـإذن الله ) .. وإذا النموذج اللي بتوديه يبون أسمك طباعه ’ما عليك الا انك تفتح الوورد وتصور الورقه عدة صور طبعاً وتحاول تطبع اسمك ورقمك الجامعي على مقاس الفراغات اللي بالورقه .. وكذا تكون احسن ولد في الحياه .. ( أسأل الله أن يوفق الجميع لكل خير )

[иαšeя αłωαđαич]

اخوي الهامس الله يوفقك تقدر تداوم ثمانية ايام متواصلة وانا لاحظت بالموضوع المثبت فووووق لاخونا الجارح راح تحصل من ضمن النماذج نموذج لاحدى الاخوات وفيه مباشرتها بالمدرسة وكانت تواريخها متصلة وبامكانك تاخذ لك لفه على الموضوع فوووق وتشوف النموذج حق المباشرة وهذا دليل على ان الدعوى سهالات وبالنسبة للاسم مثل ماقال اخونا فوق بامكانك تكتب اسمك ورقمك الجامعي واذا تعرف احد يرش اشوي فوتوشوب على الوضع تطلع امورك تمام واذا حاب اساعدك في الموضوع مستعد
وبالنسبة للمدرسة صدقني ما راح تداوم فيها اكثر من يومين واذا طلع مدير المدرسة كفو يمكن من اول يوم راح يوقع لك اوراقك ويقول لك توكل على الله
اهم شي ترى الامور سهله وميسرهـ وماتستاهل منك ترك عشر درجات تروح هباء منثورا ،، والبحث لا اوصيك بالنت والا المكتبات راح يضبطونك بخمسين ريال والا اقل واذا تعرف للنت وتحويل بحثك بدي اف وفر على نفسك خمسين ريال

وفالنا وفالك التوفيق ،،،،

[الهامس]

سلام عليكم .. اخي الهامس ... إذا انت بالرياض اعتبر موضوعك منتهي (بـإذن الله ) .. وإذا النموذج اللي بتوديه يبون أسمك طباعه ’ما عليك الا انك تفتح الوورد وتصور الورقه عدة صور طبعاً وتحاول تطبع اسمك ورقمك الجامعي على مقاس الفراغات اللي بالورقه .. وكذا تكون احسن ولد في الحياه .. ( أسأل الله أن يوفق الجميع لكل خير )

من طيب اصلك هذا
انا اعمل بالرياض ولكن اختبر في منطقة اخرى عند الاهل على عموم بيض الله وجهك
انا قدمت اجازة اسبوعين وافقوا عليها وانا متحدي ابي اروح عند الاهل :)
راح اطبق هناك على عموم شكراً لك والله يوفق الجميع

[الهامس]

اخوي الهامس الله يوفقك تقدر تداوم ثمانية ايام متواصلة وانا لاحظت بالموضوع المثبت فووووق لاخونا الجارح راح تحصل من ضمن النماذج نموذج لاحدى الاخوات وفيه مباشرتها بالمدرسة وكانت تواريخها متصلة وبامكانك تاخذ لك لفه على الموضوع فوووق وتشوف النموذج حق المباشرة وهذا دليل على ان الدعوى سهالات وبالنسبة للاسم مثل ماقال اخونا فوق بامكانك تكتب اسمك ورقمك الجامعي واذا تعرف احد يرش اشوي فوتوشوب على الوضع تطلع امورك تمام واذا حاب اساعدك في الموضوع مستعد
وبالنسبة للمدرسة صدقني ما راح تداوم فيها اكثر من يومين واذا طلع مدير المدرسة كفو يمكن من اول يوم راح يوقع لك اوراقك ويقول لك توكل على الله
اهم شي ترى الامور سهله وميسرهـ وماتستاهل منك ترك عشر درجات تروح هباء منثورا ،، والبحث لا اوصيك بالنت والا المكتبات راح يضبطونك بخمسين ريال والا اقل واذا تعرف للنت وتحويل بحثك بدي اف وفر على نفسك خمسين ريال

وفالنا وفالك التوفيق ،،،،

اللهم آمين ويوفقك ويوفق الجميع
بعد الاستشارة والاستخارة قدمت اجازة اسبوعين حتى لا ادخل في متاهات انا غنى عنها منها اطبق فيها ومنها تغيير مناخ العمل الى عمل جديد ان شالله يكون ممتع
شكراً لكِ

[مـ غ ـترب فـيـ عـذابـكـ]

اللهم آمين ويوفقك ويوفق الجميع
بعد الاستشارة والاستخارة قدمت اجازة اسبوعين حتى لا ادخل في متاهات انا غنى عنها منها اطبق فيها ومنها تغيير مناخ العمل الى عمل جديد ان شالله يكون ممتع
شكراً لكِ

لو حاب تلغي الاجازه

واختم لك الاوراق بدال هالحووسه

دام بالرياض ابشر

[الهامس]

لو حاب تلغي الاجازه

واختم لك الاوراق بدال هالحووسه

دام بالرياض ابشر

كفو اردى فعايلك هذا
لكن انا ابي هالاجازة اول كنت ابي اخذ اجازة بدون التعرض لرصيد الاجازات عن طريق التطبيق الميداني في احدى المدارس في منطقتي لكن الحمدلله الرصيد يتعوض بس الدرجات ماتعوض انا بسافر بعد ساعة ان شالله شكراً لك ولتعاونك
تحيتي

[مـ غ ـترب فـيـ عـذابـكـ]

موفق وتاصل بالسلامه

واجازه سعيده :)