‹(`· بدري عليك اللوم ياضايق البال ·`)›

[l a v e n d e r]

http://www.ckfu.org/pic4u/uploads/ckfu1443397633211.png

بدري عليك اللوم ياضايق البال
قلبك تحمل ضيقته وانكساره

مايفرح بحزنك سوى ناس عذال
والا الرفيق يذوق مثلك مراره

هيا كذا الدنيا سهالات واهوال
تاره تبسم لك وتبكيك تاره

فيها بشر عانت لاجل تبني اجيال
واشخاص عاشت لاجل تبني عماره

ريّح اركابك جامل الناس واحتال
على شعورك لاتبين دماره

وسرك لو ان تكشفه صار جوال
الناس تبغى الاكشنه والاثاره

ماكل حزنن يسكن القلب ينقال
بكره يدور اسمك على كل حاره

ولانتب اول شخص قالو بالامثال
النار دايم مبتداها شراره

اضحك ابوجه اعداك في كل الاحوال
لاجوك مقصودين سو استداره

خلك مع المحتال غامض ومحتال
ومع طرقته دامه امجاريك جاره

لو قال كيف الحال جاوبه بالحال
وضح له انك مبتهج بالزياره

ولاراح مايمنع لو تجر موال
جرة غريبن وده بشوف داره

وش تنتظر من ناس ماعندها اشغال
ناسن تحسب ان المغثه شطاره

وبعض المصايب تفرز اشكال واشكال
تظهر بها الرديان واهل النعاره

ولو تشخل اللي يعرفونك بمشخال
تقول انا أطيب بشر عن جداره

تشوف فزعة شخص ماهو على البال
واللي تهقوابه يسوق اعتذاره

واللي توقف له مواقيف الابطال
يقعد ويشمت فيك خلف الستاره

اياك والحقران في بعض الازوال
وترى الشكل ماهو دليل الطهاره

وماكل رجالن لبس بشت رجال
كم واحدن ماهو بيدينه قراره

واللي يجيك وللثقيلات شيال
هو اللي يفخر فيه بشت الاماره

عليك باللي يلحق القول بافعال
والا الردي خله وجنب مساره

انشهد انه ماكذب واحدن قال
من لايعدك ربح .. عده خساره

مبارك الحجيلان


مما راق لي .. :icon1:

[2COOL]

مايفرح بحزنك سوى ناس عذال
والا الرفيق يذوق مثلك مراره

هيا كذا الدنيا سهالات واهوال
تاره تبسم لك وتبكيك تاره
.
.
عليك باللي يلحق القول بافعال
والا الردي خله وجنب مساره

انشهد انه ماكذب واحدن قال
من لايعدك ربح .. عده خساره


صح لسان الشاعر وسلمت أناملكِ l a v e n d e r
إخترتِ فأبدعتِ :verycute: قصيدة رائعة مليئة بالحِكم
لكِ عزيزتي :rose: مع ودّي :love080:

[-PEARL-]

انشهد انه ماكذب واحدن قال
من لايعدك ربح .. عده خساره









الله الله :(204):
صح لسان قايلها
وسلمتي لافندر على النقل :004:

[غيووووم]

انشهد انه ماكذب واحدن قال
من لايعدك ربح .. عده خساره




... أبدعتي .. لافندر .. :106:

الأبيات رائعة معنى ومضمون وكل بيت عن قصيدة

إنتقاء رايق وراقي بجمال إحساسك العذب ..


موفقة دووم يالحبيبة ومسددة خطواتك


على مايرضيك بالدنيا والأخرة :004:

[(مشعلي)]

وماكل رجالن لبس بشت رجال
كم واحدن ماهو بيدينه قراره

واللي يجيك وللثقيلات شيال
هو اللي يفخر فيه بشت الاماره

عليك باللي يلحق القول بافعال
والا الردي خله وجنب مساره

يا صباح الجمال والجزاله والذوق المميز
قصيدة رائعه نحتار في الاقباس من حكمها
ذكرتني الابيات المقتبسه في بيت للشيخ سلطان ابن قرملة
يقول (( امير ما ومرة سلطان... ولا بشر امه بتعيينه))
صح لسان الشاعر ويسلم الذووق الجزل ليفندر (بوسي)
لك صادق الود والتقدير:106:

[فارس الكلمة]

ياسلام اختيار اكثر من رائع

[shehanah]

سلمت الايادي:d5::d5:

[Dr ʀeнαв]

_

تشوف فزعة شخص ماهو على البال
واللي تهقوابه يسوق اعتذاره

واللي توقف له مواقيف الابطال
يقعد ويشمت فيك خلف الستاره





الله الله , رآئعَه جداً جداً,
ابيات مميزه لشاعر رآئع
جازت لي من أول بيت لاخر شطر
مبدعه ياملي , ودمتِ للتألق عنوآن
تقيمي

[عبدالعزيز حربي]

فيها بشر عانت لاجل تبني اجيال
واشخاص عاشت لاجل تبني عماره


وماكل رجالن لبس بشت رجال
كم واحدن ماهو بيدينه قراره


تسلمين على الأختيار كثر ما قريتها مامليتها.

[Focus]

سسسسلمت الأيادي ,,

:rose:

[king of silence]

عليك باللي يلحق القول بافعال
والا الردي خله وجنب مســـــــاره

قصيدة جميله .. صح لسان شاعرها
وتسلم يمين ناقلتها .



شكراً خزامى .

[أسير نجد]

عليك باللي يلحق القول بافعال
والا الردي خله وجنب مساره

انشهد انه ماكذب واحدن قال
من لايعدك ربح .. عده خساره




:(204): :rose:

[l a v e n d e r]

2COOL
أريــــج ♡
غيووووم
(مشعلي)
فارس الكلمة
shehanah
Dr ʀeнαв
عبدالعزيز حربي
Focus
king of silence
أسير نجد

انرتم الموضوع بتواجدكم الغالي ..
دمتم بنقاء ..

http://www.ckfu.org/pic4u/uploads/ckfu1445894473321.gif

[عطرالحروف]

اختي العزيزه ما اجمل ما طرحتيه

لنا من ابيات رائعه جداً ومعبره

وبانتظار كل جديد

لكِ ودمتي بسعاده

[Marh]

:d5::d5::d5:

[خفايا..]

يععطيك العاااافيه ..


وقصصصيد مميزز من شاعر اميز بس شدني
بيتين وكنه يقصده جيل اليوم اللي قراره بيد غيره
يقول فيه ..
اياك والحقران في بعض الازوال
وترى الشكل ماهو دليل الطهاره


وماكل رجالن لبس بشت رجال
كم واحدن ماهو بيدينه قراره


ولاهنتي ..