فزعتكم للاهميه اخواني واخواتي الزملاء

[ابو فهودي 999]

الى وقت قريب من بعد المستوى السابع كان باقيلي 7 مواد واتخرج وهي نفسها اللي بالخطه اللي مشيت عليها 100% ونزلت هالمواد وامس اشيك واحصل منزلين لي تقنية المعلومات 1 !!!!!!!!؟؟

يعني بجلس ترم كامل عشان ماده !!؟؟
يالربع فزعتكم بالنصيحه مع العلم لو كانت موجوده من قبل نزلتها بكل سهوله وعديتها لكن وش العمل الحين ارجوكم


الله يسهل للجميع ويوفقكم

[osamah.99]

انت سبق لك درست ذي المادة ولالا

[ابو فهودي 999]

شيكت ما حصلت الا تقنية المعلومات 2 فقط اللي درستها

لكن كنت انزل مواد الخطه بدون زياده او نقصان هذا اللي قاهرني

[osamah.99]

شيك الخطة الدارسية حقتك اذ درستها اوكية واعتقد ان المادة ذي موجودة في المستوي الثاني


اذ ما درستها لازم تنزل المادة ذي وتدرسها وتقدر تنزل لين ٢٤ ساعة في الترم و ٢٥ ساعة من عند الفريدان

حاول فيهم ينزلونها لك مالها داعي ترم عشان مادة وشيك برضو في كم باقي واتخرج واذ استدعي الامر رح الجامعة ماداح يقصرون معك

وبالتوفيق

اخوك

[غيووووم]

جرب حظك وارسل للفريدان ايميل وفيه ايقونة الاسئلة المتكررة اعرض
عليهم مشكلتك واطلب اضافةالمادة
ان شاء الله يقبلوا يضيفونها لك ..

[Reero]

ابو فهد إدخل على
السجل الاكاديمي حقك
وشيك هل المادة موجودة ؟
العلامة حقتك موجودة ؟
ورد لنا خبر
تحياتي ..

[Reero]

وحدة من الثنتين يا انك دارسها ومخلص منها بس هم غلطانين أو إنك أساساً ما سجلتها هذا اللي اتوقعه

[ابو فهودي 999]

لكم الشكر والدعوات الصادقه على تفاعلكم هذا اولا

شيكت السجل الاكاديمي ما حصلت الا تقنية المعلومات 2 فقط
وانزل كل ترم حسب الخطه مدري العله مني والا منهم بصراحه

[osamah.99]

هلا ابو فهودي اسمع


شيك الاتي


١- السجل الاكاديمي


٢- كم باقي و اتخرج


٣- دخل رقم المقرر crn بيكتب لك في مواد التسجيل هل درستها او لا بيطلع لك


٤- ارسل رقم crn حق المادة في الملاحظات و ارسلها في ايقونة الاستفسارات و يردون لك ع طول


٥- ارسل ايميل للفريدان فية اسمك و رقمك الجامعي وعطة crn يشيك لك






اذ بين معك شي او لا من الحلول ذي كويس جدا اذ ما بين شي حاول انك تنزلها الترم ذا باي وسيلة


عشان تتخرج معناا


و خبرنا وش يسير وياك


تحياتي


اخوك


..

[ابو فهودي 999]

جعلك تسلم اخوي اسامه

جربتها كلها باقي بس ارسل استفسار ويفتحونها بكره 8 الصباح وربك ان شاء الله بييسرها والا لو ادق سلف واروح لهم بنفسي الله يعين


وراح اوافيكم بالمستجدات باذن الله
ولا هنت ولا من يقرأ

[بنت بدوي]

كل تأخيره فيها خيره والترم الثاني يخلص بلحظه

لاكن انشاءلله يكون فيه خطأ ووتخرج هاالمستوى

[ابو فهودي 999]

يمال العافيه جميعا راح اسوي كل اللي نصحتوني فيه والله يسعدكم جميعا ولا يهينكم تفاعلكم يدل على طيب اصلكم

راح اوافيكم باللي يصير معي والله يكتب اللي فيه الخير
شكرا" بحجم السماء

[Abaadi]

اصلاً من الاساس ماتقدر تأخذ تقنية معلومات 2 بدون ماتخلص تقنية معلومات 1

[ابو فهودي 999]

ابشركم من فضل الله ثم فضل الدكتور الفريدان اضاف لي الماده الله يجزاه عنا كل خير

وطبعا" ما انسى نصيحتكم الله يجزاكم الف خير

[سبستيان]

بالتوفيق لك اخوي ابوفهودي وللجميع و يسهل علينا جميعا التخرج هالترم

استغرب البرود الي جايني هذا الترم ، رغم انه آخر ترم

[ولد عبدالعزيز]

نفس الي حصلي نزلو لي انقليزي واخروني ترم ورفضو ينزلون 24 ساعه

[Reero]

اصلاً من الاساس ماتقدر تأخذ تقنية معلومات 2 بدون ماتخلص تقنية معلومات 1
مو على كل حال
ابشركم من فضل الله ثم فضل الدكتور الفريدان اضاف لي الماده الله يجزاه عنا كل خير

وطبعا" ما انسى نصيحتكم الله يجزاكم الف خير

جد ؟ اللهم لك الحمد
الحمدلله الحمدلله
فرحت لك والله
الله يوفقك ويسهل امورك
ويجعل ختامها مسك علينا وعليك
يارب ..

[ابو عبدالله.]

صباح الخير

ابو فهودي


اول شي تأكد انك اختربتها ولا لا


اختبرت ماده ونجحت فيها ولقيت بالايقونه باقي ما اخذتها


وبعد محاولات ورسايل مانفع الحال


وطلعت مشوار 300 كيلو وحليت المشكله ورجعت


ع طاري اني رحت الجامعه لقيت بعض الشباب جايين من اماكن بعيده عشان التسجيل خلص


وفيه جهاز عندهم تدخل معلومات الماده ويسجلونها لك وتاخذها معك مع الترم هذا


وبالتوفيق ان شاء الله