الجامعة أصابها "سُعار" المال و حمّى "الرأسمالية" وتعاملت بأسلوب "العصا والجزرة" مع الطلبة #طموح شايب

[طموح شايب]

السلام عليكم


كما في العنوان


الجامعة أصابها "سُعار" المال و حمّى "الرأسمالية"


أصبحوا يتعاملون معنا وكأن هذا آخر ترم لجميع طلبة التعليم عن بعد ويريدون ضمان الدخل قبل المغادرة


سلبيات كثير سكتنا عنها ولم نرفع سقف المطالب من الجامعة
وفي النهاية أسلوب "رأسمالي" في التعامل مع الطلبة


والرأسمالية لمن لا يعرف مبدأها هي "لا إله .. والحياة مادة"


ومن السلبيات نذكر بعض الأمثلة وليس حصرها
"لا" أترام صيفية مثل بقية الجامعات
"لا" أنظمة مرنة ذات سعات عالية تعمل بكفاءة في أوقات الذروة
"لا" نزول محاضرات في وقتها
"لا" تقيد بالجدول الزمني الذي تضعه الجامعة
"لا" تفعيل للرسائل النصية بالشكل الذي يخدم الطلبة
"لا" يمكن تقسيط الرسوم
"لا" تؤخذ كثير من الاعتراضات على محمل الجد
"لا" تنبيه في حال تغير نظام أو تغير أسلوب استخدامه
"لا" تتعامل الجامعة بشفافية مع الطلبة
"لا" نعلم عن بعض مواعيد المحاضرات المباشرة الا عن طريق أعضاء نشطين بالملتقى
"لا" نعلم عن بدء تسجيل المواد الا عن طريق الملتقى (كما حصل بداية هذا الفصل)
"لا" منطق في الوقت بين انتهاء الاختبارات حتى اعلان النتائج
"لا" تقبل الجامعة خريجي "انتسابها" في دراساتها العليا


و "اللاءات" كثير


ومع هذا كله نقول ان جامعتنا "جامعة الملك فيصل" هي أفضل جامعة في التعليم عن بعد


نحن لم نطلب الحد الأقصى
ورضينا بالحد الأدنى

ولكن أسلوب "العصا والجزرة" مرفوض قلبا وقالبا ولا نقاش فيه


لذلك ادعو الى تصعيد الموضوع عبر هاشتاق يشارك فيه الكل نطالب فيه بعدم التضييق على الطلبة وفتح الأنظمة وفتح نظام للتقسيط مشروط "بمدة" وغير مشروط بقيمة "القسط"
تم فتح الهاشتاق
#جامعةفيصل_العصاوالجزرةمع_طلابها
وآخر طلب من المشرفين عدم إغلاق الموضوع


ملاحظة:
أقدر أدفع لهم المبلغ الحين ولله الحمد
لكن غيري !!!
ولا يؤمن أحدكم حتى يحب لأخيه ما يحب لنفسه
وحسبنا الله ونعم الوكيل

[الوتين.]

الله كريم

[مون محمد]

طموح شايب..
كلامك صح وسليم ومنطقي
..........
ياليت الجامعه م تسرعت بتقفيل الانظمه ..
كل الاترام السابقه كانت تتاخر ولا في اي مشكله ليش بالذات ذا الترم..
كلامك صحيح مافي مواد صيفيه نفس الجامعات السابقه .........
انا معاك بالهشتاق حق الجامعه ..
لانا جداا اليوم انصدمنا ياليت الفريدان يشوف رسايل البريد الكل انصدم..
اللي استغربت منه كثير هو صرح السداد لين اخر يوم اختبارات ولا في اي مشكله
وفي النظام البلاك بورد مكتوب 16_3
.......
موضوع جد جد ضايقنا..
وكنت اقول لغيري اذا فكرتي تدخلين جامعه مالك الا جامعه فيصل وبس:(177):

[وسن الحربي 1]

اسلوبهم غريب وتعاملهم شهاداتنا عندهم يعني راح ندفع الان او بعدين
الله يكون بعونا لين نخلص منهم ع خير


اول مرة اتاخر عليهم والله وقفلوا النظام علي
بكرة بسدد لهم
يفتحون الانظمه متى لازم التاخير اكيد

[ام ليااال]

حسبي الله ونعم الوكيل الواحد يشيل هم الاختبار ولا هم السداد :Cry111:

[مون محمد]

اسلوبهم غريب وتعاملهم شهاداتنا عندهم يعني راح ندفع الان او بعدين
الله يكون بعونا لين نخلص منهم ع خير


اول مرة اتاخر عليهم والله وقفلوا النظام علي
بكرة بسدد لهم
يفتحون الانظمه متى لازم التاخير اكيد

انا مثلك اول مره اتأخر بالسداد..
وكنت اشوف الكل اول يسدد متأخر..
الله يحنن قلب الفريدان ويفتح الانظمه:017:

[نايف فيصل]

معك معك قدام في شر والا في قدا والله مثلك قادر ادفع تكاليف ثمان مستويات ولكن مقهور للي مايقدرون معاك هشتقهم وابشر بالترند

[Dr.Lavender]

ياليت يفتحون الانظمه

حسبي الله ونعم الوكيل

[ام زيااااد]

استغفر الله اول مره اتاخر بالتسديد ويقفلونه



بس عنااد فيهم موب مسدده اللحين


ماشاء الله في الشر جاهزين

[am-masah]

الله المستعان على حالنا مع الجامعه ,,,,,,الله يصلح الحال :Cry111:

[Deprived]

جامعتنا أصابها عدوى الدكتاتورية من جامعة الملك سعود
مع حلول فصل الشتاء تبدأ أنتقال العدوى والفيروسات
فالكل يأخذ أحتياطه من تقلبات الأجواء مع بداية الأختبارات
وما خفي كان أعظم

[جنون أحساس]

اساسا مافي اي داعي لتقفيل الانظمه خصوصا انو حقوقهم راح توصلهم عاجلا ام اجلا (واجلا اقصد فيها الين نزول الدرجات )
هذا التصرف غير لائق في حق الجامعه
مجرد قربت الاختبارات وقرب اخر موعد لاحتساب الدرجات بدأت تقفل انظمتها
مع انو المفروض تدي فرصه اكثر لسداد خصوصا لكل شخص ظروف واوقات ما تساعدو على السداد
على الاقل المفروض ترسل تنبيهات قبل التنفيذ الفعلي لهذا التقفيل )) ( العشره الريال حق الرسايل :verycute:)
اتمنى يعيدو النظر في الموضوع ويفتحو الانظمه للجميع
وانا في توقعي بآذن لله راح ترجع وتفتح الانظمه
:icon19::icon19:

[(مشعلي)]

ماذا تنتظرون من منظومة احتوت أكاديميين أمثال الفريدان والدوغان وابن دليم يحملون عقليات سفهاء ووعي قاصر ..
قيموا أساليبهم وتعاملهم مع الطلبة قبل ان تلقوا اللوم عليهم...

[MrSuLieMaN]

صدقت يااخ طموح شايب بكل ماقلته السلبيات كل ماله تكثر

بس فيه حل بسيط , انك تضيف فاتورة السداد وتسدد كل شهر جزء عادي ممكن تصير , سدد مثلا 300 ويبقى عليك الباقي وكل شوي سدد الين تخلص


والله يعين وييسر لكل الاخوان والاخوات والله يسهل ماتبقى من الجامعه

[طموح شايب]

صدقت يااخ طموح شايب بكل ماقلته السلبيات كل ماله تكثر

بس فيه حل بسيط , انك تضيف فاتورة السداد وتسدد كل شهر جزء عادي ممكن تصير , سدد مثلا 300 ويبقى عليك الباقي وكل شوي سدد الين تخلص


والله يعين وييسر لكل الاخوان والاخوات والله يسهل ماتبقى من الجامعه

كلامك صحيح لو بندفع فاتورة كهرباء او اتصالات


لكن الجامعة برمجت الدفع بطريقة تذاكر الطيران


يعني المبلغ كامل او يروح حجزك

[هنادي خالد]

والله صارت فوضى مدري وش هالتصرف االغريب

[nawaf88]

انا معك بكل شي قلته اخ طموح شايب بصراحه الجامعه يبغالها تشوف حل جذري شامل لكل شي
كل سنه يبان هدفها المادي اكثر من اللي قبلها
سكتنا كثير وسلكنا لهم واذا تكلمنا وناقشناهم في شي استقعدو لنا بالاختبارات التعجيزيه
مدري على اي اساس تصنفت انها افضل جامعه تعليم عن بعد
وهذي قراراتها وانظمتها :(177):

[Reero]

مرحبا اتمنى انه الجميع بصحة وعافية

صآدق بكل حرف قلته , انا طآلبة في جامعة فيصل

وهذا الترم الثآمن لي , ماراح اقول ان هذا اوّل سمستر احس ان الجامعة تستهر فيه < لاني إعتدت

بس هذا اوّل سمستر احس فيه ان الجامعة ظااااالمة , ظلمتنا وهمشتنا بكل شي

كل شي مفروض إننا نآآخذه بكل سهولة , نحصل عليه بشق الانفس , لا ومو كلنا بعد القلة اللي قادرين يحصلون اللي يبوووونه

الحقوق مهضومة , الهضم صآر علني , المقررات صآرت تنزّل على الانظمة اللي عساها تفتح بعد
ناااقصه , تدخل على الملف تلاقيه فااارغ , تدخل تحمل المحاضرة تلاقيها محاضرة لمقرر ماله اي صلة
بتخصصك ؟

بغض النظر عن كم تكسب من ورآي , جآمعة فيصل تعتبر من اوائل الجامعات اللي تبنّت التعليم عن بعد
من باب اولى تحآول انك تطوّر بأنظمتك , يعلموننا بالمقررات شلون نخطط شلون نحل المشاكل
بالمقابل هم عاجزين , العذر ؟
الأعداد , انه عددكم كبير ؟
على اساس اني لو دخلت محاضرة مباشرة بلاقي معي اكثر من 100 طالبة ؟
هههههههه < ما يوصلون 80 طالبة والسبب ؟
نظامكم الغبي الجديد اللي منع الطالبات يدخلون
يلا يا فلانة حطي تلخيص , يا فلانة سجلي المحاضرة < ما نذل او نمنّ على خلق الله احنا لبعض

لكن تعالوا وش ؟
وش يخلينا نلخص ونسوي ونسجل ؟

ليه ما يصير انه مجرد ما يحضر الدكتور تنزل داااايركت على الانظمة ؟


وفوووق كل هذا , ما يساعدون الطلاب من الناحية المالية
انا لحاالي قريت اكثر من 15 موضوع , مشكلة تسديد مشكلة تسديد
لا يعاونونهم ولا يخلونهم يسددون طب وشش تبون ؟
الموضوع أصبح هاجس , الجامعة تبي تنفّر خليقة الله منها بس مو عارفة شلون ؟

هذا غير وغير وغير .. للصبر آخر

كل اللي اقدر اقووله , الله المستعآن .. الله المستعآن

اعذروني على الاطالة , من حر ما اوجس , شكرا طموح ليتك فاتح ذالموضوع من بداية الترم

تحياتي ,

[Bro0onz]

يمكن لانهم عارفين اني ماسددت قامو وقفلو حظ عاثر لا اكثر !!!!!

[Reero]

انا معك بكل شي قلته اخ طموح شايب بصراحه الجامعه يبغالها تشوف حل جذري شامل لكل شي
كل سنه يبان هدفها المادي اكثر من اللي قبلها
سكتنا كثير وسلكنا لهم واذا تكلمنا وناقشناهم في شي استقعدو لنا بالاختبارات التعجيزيه
مدري على اي اساس تصنفت انها افضل جامعه تعليم عن بعد
وهذي قراراتها وانظمتها :(177):

صحيح نواف , صحيح كلامك
خير دليل السمستر اللي فاات
اختبارات تعجيزية الجامعة
مدري بصراحة شقول بس
ماصارت تمشي على هندآم معيّن
الجامعة قاعدة تلعب مع الطالب
لعبة البس والفار
الجامعة مش واضحة
الجامعة مدري وش تبي
الجامعة تختبر الطاالب طول الترم
الجامعة تختبر صبر الطالب
الجامعة لو اقعد لين بكره منب مخلصه
وفوق كذا مضطريين نصبر
نقول هانت باقي ترم الله المستعان
.. :)

[قافله الخير]

"لا" تقبل الجامعة خريجي "انتسابها" في دراساتها العليا


هذي اللا توجع .. ليش ماعندهم ثقه في مناهجهم ومصداقية شهادتهم !!

[R7eel__9]

حسبنا الله ونعم الوكيل

[أم المهند]

ليش كذا 😢

[روح حرّة]

الله يصبرني ع هالجامعه

يعني عشانه اخر ترم يسوي فينا هالحركات يقفلوا الانظمة
سلبيات هالجامعه اكثر من ايجابيتها ..

"لا" تقبل الجامعة خريجي "انتسابها" في دراساتها العليا

كان ودي اسحب ع الجامعه
واروح اسجل ب جامعة ثانيه لكن تراجعت وقلت هذي اخر سنه لي اكملها وبعدها اروح اكمل دراسات عليا بجامعة ثانيه

لكن الحين خايفه اذا رحت ع جامعة الملك عبد العزيز ولا الجامعه الالكترونيه م يقبلوا شهادتي من جامعتنا :139:

[Majed Abdullah]

المفروض يحطون بالحسبان تواريخ نزول الرواتب لموظفي الدولة والقطاع الخاص بما ان اغلب طلابها موظفين

[نور باوادي]

كلامك عين العقل لكن الواحد وش يقول

حسبي الله ونعم الوكيل
المشكله يبون فلوسهم اول وفي اخر الترم ينقصونك درجات المشاركه ولما تتظلم يقولون لتاخيرك السداد وانقطاعك عن السداد


لكن ربي فوق وانا والله ماراح اسامح ولا احلل الجامعه ولا اللي يشتغلون فيها بكل درجه تنقص مني
ياخذون اللي لهم ويتركون حق الطالب


حسسسسسبي اللله ونعم الوكيل ... من كل قلبي

[Dr.Lavender]

الافتراضي مقفل

والبلاك بورد مفتوح جربوا

[Nonaa]

طيب اذا قفلو النظام هل تحديد مكان الاختبار لازم احددة من جديد والا هو نفس الاعوام السابقه اول مره ما اسدد بدري حسبي الله عليهم

[اجتماعي511]

والله اتوقع والله اعلم ان الجامعه حققت ماتبيه من فلوس التعليم عن بعد

ولا هذا نظام تقفل جميع الانظمه والاختبارات باقي عليها شهر كامل .؟


بدون تنبيهات .؟!

ثانيا والكل عارف ان الطالب مهما صار لابد انه يسدد مافي حل ثاني له لو صار ماصار


الحلول كثيره وذكروها الاخوان


بس مثل هالحركه ومن الجامعه بصراحه كبيره استخدام اسلوب لوي الذراع وأجباري انك تسدد

هالشهر قمه المهزله


حسبنا الله ونعم الوكيل فيهم

[كمبياله ورديه]

المفروض تسكر الانظمه بعد الاختبارات مباشره ويقولو لايمكن مشاهدة نتيجتك الا بعد التسديد

[7amood]

والله اسمحولي عاد في هالنقطه كلكم دخلتو الجامعه وتعرفون انها بفلوس ومبالغ رمزيه ولنا في باقي الدول عبره وثاني شي الجدول واضح وصريح وعطوكم مهله اكثر من 3 سنوات الانظمة ماتتقفل يعني ماتحبون الا اللي يلعب بالقوانين والاستهتار بالانظمة التاريخ واضح وصريح مع احترامي للكل تبكون علينا ليه احمدو ربكم على النعمة اللي احنا فيها وأسآلو المقيمين عن قيمة دراستهم في بلدهم

[7amood]

وانا اشوف النظام من امس سريع والله خليته اكثر من ساعه ورجعت للحين فاتح وحملت محاضرات وحليت المناقشات نظام صارروخ الله لايغير

[Hictar]

أنا مسدد ولله الحمدوأقدر أسدد لهم رسوم الترم اللي بعده الحمد لله



لكن غيري!!
ما يقدر!!


وكلنا سعوديين ونعرف أحوال بعضنا




أقترح نراسل ( أبوشلاخ الليبرالي ) على تويتر

فهو راح يفعل الهاشتاق

[علم إجتماع]

زيد عليها التدريب الميداني وتوابعه ومعاناة الطلاب فيه يمكن بعضهم سلك بالتدريب الميداني لكن هناك طلاب وجدوا صعوبة في استقبال بعض المدارس لها او المستشفيات لازم مثل مايدفعون للمدارس الخاصة عشان نختبر فيها يدفعون لمدارس تستقبل الطلاب وقت التدريب الميداني ويسهلون أمور الطلاب =(

[طموح شايب]

والله اسمحولي عاد في هالنقطه كلكم دخلتو الجامعه وتعرفون انها بفلوس ومبالغ رمزيه ولنا في باقي الدول عبره وثاني شي الجدول واضح وصريح وعطوكم مهله اكثر من 3 سنوات الانظمة ماتتقفل يعني ماتحبون الا اللي يلعب بالقوانين والاستهتار بالانظمة التاريخ واضح وصريح مع احترامي للكل تبكون علينا ليه احمدو ربكم على النعمة اللي احنا فيها وأسآلو المقيمين عن قيمة دراستهم في بلدهم

اخوي حمود
اتفق معك في نقاط
دخلنا الجامعة ونعرف انها بفلوس
الجدول واضح وصريح
وضعنا احسن من غيرنا بكثير والحمد لله على كل حال


واختلف معك في نقاط


اذا كان من يضع القوانين هو أول من يستهتر بها فكيف يتقيد بها غيره ؟
الجامعة تضع تقويم دراسي ولا تلتزم به
النظام اللي يسخدمه أغلب الطلبة هو الافتراضي وهو مقفل الآن -وانا واحد منهم- والقليل يستخدم البلاكبورد
لو التزمت الجامعة من بدايتها بالتقويم الدراسي الذي تضعه لوجدنا الجميع ملتزم به
الجامعة لم تراعي اختلاف القدرات المادية للطلبة حيث لم تسمح بتقسيط الرسوم
كثير من الطلبة دخلوا الجامعة لتحسين مستواهم الوظيفي ولو كان دخلهم يكفيهم لما فكروا في اكمال الدراسة
الجامعة لم تعطي أي تنبيه بأن الأنظمة ستغلق
وبما أن الدراسة بفلوس يدفعها الطالب فالمفروض ان يرى الطالب مردود ما دفعه من مبالغ مثل
1- أنظمة بلا تعليق
2- تفعيل الرسائل النصية بما يخدم مصلحة الطالب (وقد أشرت لها في بداية الموضوع)
وغيرها

واخيرا
لو لم أفكر في غيري لما تكلمت في هذا الموضوع



وتقديري للجميع

[Bro0onz]

والله اسمحولي عاد في هالنقطه كلكم دخلتو الجامعه وتعرفون انها بفلوس ومبالغ رمزيه ولنا في باقي الدول عبره وثاني شي الجدول واضح وصريح وعطوكم مهله اكثر من 3 سنوات الانظمة ماتتقفل يعني ماتحبون الا اللي يلعب بالقوانين والاستهتار بالانظمة التاريخ واضح وصريح مع احترامي للكل تبكون علينا ليه احمدو ربكم على النعمة اللي احنا فيها وأسآلو المقيمين عن قيمة دراستهم في بلدهم







ياخوي عارفين ان الجامعه بفلوس وش شايفنا عميان لا اله الله بس بعض الطلبه ومنهم انا ضروفنا حدتنا اننا ماندفع ذا الشهر اذا انت ضروفك زينه ولله الحمد وعندك استطاعه للدفع ادفع وكمل طريقك بس غيرك مو قادر ابد راعي الضروف وثاني شي اذا عالمحاضرات والمناقشات والواجبات وكل شي في النضام الافتراضي تقفل نهائيا اما البلاك بورد مفتووحه اللي نزلت قبل بس اما اللي راح ينزولها بقية المحاضرات ماراح نقدر نشوفها وكمان ماراح نقدر نعرف وين راح نختبر فهمت والا لا يا استاذ حمود ...:biggrin:

[أم شذى#]

حسبنا الله ونعم الوكيل

[قـورجـس ♛]

الله يكون في عونكم ويسهل اموركم ويسعدكم يارب يعطيك العافيه طموح ماقصرت ..

يارب الكل يقدر يسدد عشان المناقشات والواجبات
لانها مهمه وربي 30 درجه هذي
اضمنهآ .. الله يسهل اموركم ويعينكم ويرزقكم يارب العالمين

[Actor]

أتفق معك أخي / طموح شايب
يبدو أن الجامعة تحولت من مؤسسة تعليمية إلى ( ربحية )
و لن نعيب عليها ذلك .. لكن الخدمة التي تقدمها لا توازي مداخيلها .

و أضيف أحد السلبيات هو صعوبة التواصل مع الجامعة و أساتذتها
فعلى سبيل المثال : منذ شهر و أنا أحاول التواصل مع دكتور الصحة واللياقة
لكنه لا يرد على البريد الالكتروني ، و جوال المقرر مقطوع ، هاتف الجامعة
المجاني مشغول على الدوام .


تصحيح معلومة :
مبدأ ( لا إله .. والحياة مادة )
هو مبدأ شيوعي اشتراكي و ليس رأسمالي، و المقصود بالمادة هنا ليس المال ،
بل المادة التي هي أصل الكون و الموجودات كما يزعم كارل ماركس .

تقبل احترامي

[هجوووله]

كل الشكر والتقدير لكل من شارك وعلق على موضوع الاخ / طموح شايب

قلتوا اللي بخاطري وزووود .. الله يعين على هالجامعه وبس

[هدى جابر]

الله يعننا ع هالجامعه

ان شاء الله يتفحوا النظام

[جواهرالحربي]

والله انا مااقدر اسدد الحين وضعي المالي سيء جدا جدا جدا
ياليت تفتحون النظام وخلو السداد الين الاختبارات اراتب مايوفي قرض ومعاش سواق وقسط الجامعه الوضع مره سيء
افتحوه الله يفتحها عليكم دنيا واخره

[Kadi li]

اخوي ما اتفق معاك..انت طالب وعليك تتابع ..مو مدرسة ..من قال ما يندفع اقساط... جربت؟؟ لان غيرك جربالانظمة والرسائل اللي دفعنا حقها والالتزام بنزول المحاضرات في وقتها معاك حق فيهم لكن هل نظمت وقتك بدل ما تدخل اوقات الزنقة ..انت طالب جامعي مسؤل عن وقته ودراسته ..وتطلب مساعدة من غيرك مو عيب لو ضاق عليك الوقت ..حتى لو في متابعة الاعلانات بموقع الجامعة

[Silent Light]

لي عوده بإذن الله ..

شكرا للجميع على التفاعل

[arte93]

الله يكون بعونكم ..
ما أتوقع رآح يسمعون كلامنا لكن مو مشكله رآح أساهم في دعم الهاش تاق
على الاقل نفضحهم

[ابوباني]

يالفريدان يالفريدان نبي ردك هنا يالفريدان واتحداك ترد

كل سطر هنا صحيح لله درك ... ياطموح الشباب انت مو شايب

[إدارة اعمال1]

الله يسعد مسائكم جميعاً



اولاً: يا اخوان النظام في البلاك بورد مفتوح للي يبي يكمل مشاركاته وواجباته.

ثانياً: انا شايف انكم معطين الموضوع اكبر من حجمه وفيها هاشتاق ورأسمالية وجزرة ههههههه (لا تزعل مني يا حبيب القلب طموح شايب ) وهذي سياسة الجامعة موجودة من زمان والأختبار بقى عليه تقريباً 3 اسابيع، فمن الطبيعي تستخدم اسلوب الأيقاف ليتم السداد.

من سجلنا المواد وحتى لحظتنا هذه كم المدة اللي قضيناها بدون سداد؟ اعتقد من شهرين ونصف او الى 3 اشهر.

والله يا اخوان ماني ضدكم بهذا الشيء لكن من باب المنطق وتحكيم العقل وليس العاطفة

وتقبلو فائق التحية والتقدير

واعلموا ان اختلاف الرأي لا يفسد للود قضية

[فيلسوف الكلمة]

اتفق مع الجميع لكن الذي اعاق طموحتنا نحن كا خريجون مقرر مشروع التخرج تخصص علم اجتماع الشروط تعجيزية لكن استوفينها بدقة

[Ahmad1988]

والله اول مره اتأخر بالسداد ,, لأن الوضع المالي هالفتره متقلب ..
اتفاجأت مقفله الانظمه ! .. صبروا للنتايج !ّ!

[عبدالله سليمان]

كان الله في عونكم

الحمد لله افتكينا منهم ومن غثاهم .

[علم اجتماع ا]

على الاقل يفتحون ايقونة تاجيل الترم للي ما عنده استطاعه يسدد

[saudi-com]

الله يجيب الخير.

[ديرتي دار الشيم]

انا الى الان مصدوم من رفض الجامعه للخريجين المنتسبين بالدخول في برنامج الدرسات العليا

طيب ....... اذا الجامعه ترفض خريجيها من اكمال الدرسات العليا




وش بيكون رد الجامعات الاخرى ؟


سؤال لا يحتاج الى اجابه


بيض الله وجهك اخوي طموح شايب


ما نقول الا الله يخارجنا .... الخراج المبارك

[naoo23oomaa]

والله انا قفلو البلاك عندي حسبي الله ونعم الوكيل

[اغصان الشمال]

حسبي الله ونعم الوكيل
ليه مايقدرون ظروف الناس واللي ماعنده من وين يتسلف ..؟ الناس مو مثل قبل
محد يسلف احد بهالزمن هذا
الله يفرجها:Cry111:

[ضامي ا]

قفلو علي الانظمة ومطلوب 5630 ريال حق الترم الماضي والترم هذا والله يجيب الفرج

[فيافي 28]

حسبي الله ونعم الوكيل
ليه مايقدرون ظروف الناس واللي ماعنده من وين يتسلف ..؟ الناس مو مثل قبل
محد يسلف احد بهالزمن هذا
الله يفرجها:cry111:

البعض يقول ان البلاك بوردمفتوح للي ما سددوا
تعالي بآخر الليل او الفجر بيكون خفيف وسريع


بالتوفيق

[فيافي 28]

حتى الخارطة الاكاديمية ما يفعلونها الا قريب الامتحانات بالله ذا منطق ؟


احنا نشيل هم الاختبارات ولا هم الحل ؟




(حسبنا الله سيؤتينا من فضله إنا إلى ربنا راغبون )

[ديري وافتخر]

حشرونا الله يحشرهم الاولى بهم اقفال وحجب النتائج لحين السداد
وليس اثناء الدراسة

[اسمرني]

مالنا غير الصبر والله المستعان

[لمعات]

الله يعين

[بشآير الشمري]

اخوي ماسدد للحين وباقي الانظمه مفتوحه

شكله مو كل الطلاب مقفلين عليهم