شاركونا في موضوع السداد واغلاق الانظمة # "طموح شايب"

[طموح شايب]

اقلطوا

http://www.ckfu.org/vb/t710308.html

[هنادي خالد]

من جد يبي لهم

[هجوووله]

اشكرك طموح .. موضوع برد خاطري والله

[Silent Light]

المشكله أنه لا يوجد طريقه فعاله للتواصل مع الدعم الفني أو العماده ..

ولكن هذي حليتنا والله ييسر وكلنا مكملين لبعضنا والله يعديها على خير .


وشكرا لك اخي طموح والجميع لمصلحة الجميع ..

[ايكونيك]

تفاجات قبل شويه لمن دخلت بحمل المحاضرات
ان النظام الافتراضي مقفل عشان الرسوم
مو عادة الجامعه تسوي كذا
طيب االلي مو قادر يدفع اللحين ايش الحل
حرام عليهم اللي يسوونه فينا
الله يخارجنا منها مخرج جميل

[محمد الايداء]

الله ييسرلنا ونتخرج ونرتاح

[Miss.Lulu]

والله بنسددد مو طايرررره فلووووووسكم :007::007:

[الأكحل99]

بعد السداد يوم الجمعة حتى الان النظام مغلق
من اول فصل دراسي وانظمة الجامعة تثبت عدم قدرتها بمواجهة الازمات


رغم التغريدات من مسؤليها في كل فترة ان هناك تطور وان بعد هذه الخطوات لن يواجه الطلاب اي مشاكل !!

[حروف القصيد]

يعطيك العافية أستاذ طموح شايب على اللفتة الطيبة ..

بصراحة أنا جدا مصدومة من الحركة هذي ، مع أن اللي عرفته بالترم الماضي أن اللي ما يسدد بإمكانه متابعة المحاضرات وحل الواجبات و دخول الاختبار ولكنه يحرم من مشاهدة نتيجته إلى ما بعد تسديد كامل المبلغ !!


طيب ليش التشدد الآن ؟؟
لهذي الدرجة صار إحساسهم مادي بحت !!




#نريد_حلاَ

[ريمي_22]

فعلا انا أيضا حصل لي هذا الموقف
ابي اتابع المحاضرات وتطلع لي الرسالة المادية البحتة لعدم السداد لايمكنني الدخول
لا يوجد مراعاه

ربي يصبرنا وينصرنا

[م!!]

انا لله وانا اليه راجعون
بجد حركه مالها داعي
المفروض يصبرون ترى والله بندفع لهم
الله يكون في عونا

[Plender]

انا ما اسدد كل ترم الا بعد الاختبارات و قبل النتيجهلظروفي الخاصه
و يكون النظام مفتوح
هذا الترم مدري وش جرى لهم بدون سابق انذار تغير كل شي
ماراح تطير فلوسكم ولا بنستلم شهاداتنا الا بعد الدفع
راعوا ظروف الناس !! جامعه ماديه بشكل مو طبيعي !
الله ينصرنا

[saudi-com]

الله يجيب الخير.كان المفروض الجامعه توضح بأكثر من طريقه بخصوص اغلاق الانظمة خصوصاً انهم ما كانوا يقفلونها بالسابق.


قيمة الرسائل اللي يحصلونها مننا كل ترم وش الفايدة منها.

[م!!]

ايه فعلاً قيمة الرسائل اللي ياخذونها منا
وش فايدتها انا عن نفسي اخر رساله جاتني منهم شهر ٥انجليزي

[شآنيل]

^
صدقتو ماراح يخسرون شي لو نبهونآ

[التحديات]

شكرا اخي على طرح هذا الموضوع

الله يكون في العون

بدون سابق انذار حتى رسالة يستخسرونها علينا

بس من جد ذكوروني بنظام المرور اذا ما تدفع مخالفاتك ما تقدر تجدد استمارة ولا تنقل ملكية ولا تستخرج جواز ولا ولا

خليها على ربك الله يصصبرنا على هالانظمة الي بدون مقايس كل عشوائية في التصرف واتوقع تصرف وجتهاد شخصي كمان حسبي الله عليه ....

[عبدالوهاب العلي]

اتمنى من الجامعه فتح النظام لان حنا دافعين دافعين عطلونا ولا حولنا راتب الله المستعان

[بنت العبدالرحمن]

المشكله نسدد و يطولون مايفتح النظام

[حروف القصيد]

أنا بالنسبة لي تلاحقت نفسي ودفعت الرسوم اليوم الصبحوالحمدلله فتح معاي النظام الافتراضي و قدرت أحمل باقي محاضراتي


الله يعين اللي ما سدد و حاولوا انكم ترفعون شكواكم في تويتر و الايميلات
عسى الله يوفقنا وياكم ونخلص هالدراسة على خير

[قلب المشاعر]

ليه نسدد لهم..ونحن سسدنا لهم الترم الماضي وتم تحميل السداد لهذا الترم بسبب(عاصفة الحزم)



هذا أمر سيئ جداً ...وراسلناهم ولم يردوا

[يتيمه فاقده حنا]

تخيلو سنه سددت الرسوم وبعدها تحولت على لحساب الضمان الاجتماعي وعلى اساس يرجعون اللي دفعته قبل اتفاجئ انهم لما دخلت المعلومات حق حسابي علشان استرجاع المبلغ كاتبين لاتشملك الشروط يعنى فلوسي راحت علي ولاعارفه كيف اطالبهم فيها

[مشتاقه للدراسه]

الشكوى لغير الله مذله وش نسوي والحين اذا سددنا الرسوم نرجع نحمل كل شي من اول وجديد ولا التحميل الاول يحسب ياليت المتاكد 100% يجاوب

[طموح شايب]

الشكوى لغير الله مذله وش نسوي والحين اذا سددنا الرسوم نرجع نحمل كل شي من اول وجديد ولا التحميل الاول يحسب ياليت المتاكد 100% يجاوب

كل شي محسوب ومن تجربة

[ابوإحساس]

اقل شي ياجامعتنا الموقرة قتح السداد الجزئي
مو كل الناس تقدر تسدد المبلغ كامل دفعة وحدة
يذكروني بشركة الكهرباء لازم تسدد المبلغ كامل

[mariush5]

اقل شي ياجامعتنا الموقرة قتح السداد الجزئي
مو كل الناس تقدر تسدد المبلغ كامل دفعة وحدة
يذكروني بشركة الكهرباء لازم تسدد المبلغ كامل

لا حول و لا قوة الا بالله.... كذا مرة رسلت لهم عن السداد الجزئي (اقساط على مدى الفصل الدراسي) إلى الان لم يردوا علي....

[mariush5]

من المستوى الثاني إلى هذا المستوى و انا في كل مرة ارسل لهم و إلى الان لا جواب و لا شيء

[ابوإحساس]

الموضوع اصبح مادي مع الازمة العالمية
المهم هنا جنودنا البواسل ع الحدود ان الجامعة تدعمهم

[آمبيشوس]

رفقاً بطلابك جامعتي الرأسمالية :41jg:

[ذيبان الرشيدي]

.
قاتلنهم الله أن يؤفكون
.
لا أعاني كبعض الإخوة
من ..
هذه المعضلة ..
و لكن نصرةٍ لهم .. و إلتفاتاً معهم ...
.
لا أعلم ..
ما الداعي لمثل هذا الفعل الذي تشمئز منه النفوس
لجامعة أضحت ..
تُثبت فشلها بتناضح يسمو .. لا خفيةٍ تحت طين الماء تدنو
.
.
أخبروا كُبراء ..
هذه الجامعة و الصُغراء ..
لن نستوصي بهذه الجامعة خيراً بين الناس ..
بعد هذا العمل المادي المحض .. الذي أضحينا نراه و بشكلاً مقزز
.
.
.
أعانكم الله أخوتي و ساعدكم

[انا ابوه]

ارجو الرد بحسب خبرتكم .. في حال اني سددت الرسوم الآن .. متي سيتم فتح النظام .. وشكرا

[عطرالحروف]

تخيلو سنه سددت الرسوم وبعدها تحولت على لحساب الضمان الاجتماعي وعلى اساس يرجعون اللي دفعته قبل اتفاجئ انهم لما دخلت المعلومات حق حسابي علشان استرجاع المبلغ كاتبين لاتشملك الشروط يعنى فلوسي راحت علي ولاعارفه كيف اطالبهم فيهامن جد ياربي وش ذا خيييير ياخذونها:sm1:

[المختصر المفيد]

السلام عليكم ..

من وجهة نظري أن رصد الدرجات يكون من بداية الترم إلى أول يوم أمتحان


ثاني شي الرسوم فترتها تكون مفتوحه إلى يوم اﻹمتحان اﻷول


ثالث شي الخارطة اﻷكاديميه تتحدث بمجرد ما أحمل أو أحل المناقشة


تمنياتي لكم بالتوفيق الحليف ..