تحذير مهم بخصوص مشروع التخرج

[الح ـربي]

بسم الله الرحمن الرحيم

أنا كتبت مشروع التخرج بنفسي لكن كتبته بالعربي وترجمته بإستخدام البرامج وارسلته كفرست درفت لدكتور
ووافق عليه لكن طلب تعديلات كثير بخصوص الستركشر والقرامر قبل ارسله كفاينل درفت
المهم راح علي الوقت وقلت أشوف أحد يعدلي المشروع ويصلح الاخطاء اللي فيه ومافيه خوف ان يكون فيه سرقة او نسخ دام عارف نفسي اني أنا اللي كاتبه .


وبحثت في النت وفي موقع حراج حصلت واحد وتواصلت معه على اساس يعدلي الاخطاء بالبحث وطلب اني احوله
الفلوس قبل يشتغل عليه وقلت ماراح احول شي لين تخلص شغل وتوريني جزء من تعديلك وبعدها ابشر
وطلب اني ارسل البحث يشوفه وبعد ارسلته قام يقول حول الفلوس واشتغل عليه وقلتله انت نصاب ومشكور
ماعاد ابغى منك شي
ورجع يرسل انه بيتواصل مع الدكتور علاء بما انه شايف اسمه بالبحث وانه بيقوله ان البحث هو مسوية واني ماعطيته فلوسه :Looking_anim:


الزبده إني قلت مو انت اللي تهددني وسوي اللي تقدر تسويه وقفلت بوجهه
وماعلي منه ولو صار شي يأثر على درجتي بالمشروع بأعرف كيف اجيبه واجيب راس اللي بيصدقه


لكن شوفوا لأي درجة وصل النصب والإحتيال بهالأجانب ..!
شيء غريب والله وعلى فكرة هو مصري وآخر رقمة 4560 زين والرقم اللي يتواصل فيه على الواتس آخره 7455




فحبيت أحذركم من هالاشكال فقط والله يوفق الجميع .

[حصصووصا]

جزاك الله خير

[Ghena]

لا حول ولا قوة الا باللهما عاد في خوف من ربنا ابدا
الحمدلله انك خلصت من هالموضوع

[Loli ahmed]

الله يجزاك خير أخوي
ربي يوفقكم وييسر عليكم المشروع

[ابوفهدووووووغلا]

حسبنا الله ونعم الوكيل ..الله يوفقك يا أخوي وييسر أمورك .

[Fahad Al-Ziyadi]

لو منك انا ارجع اهدده

اااه لو انه عندي

كان اخطفه بعدين اشرح له نقاط الأختلاف بيني وبينه بشكل حضاري

[Tareq PP]

هههههههههه والله انك صادق بس تعجبني مادامك بتشرح نقاط الاختلاف بشكل حضاري ههههههه

الاشكال ذي ما تنفع معها الحضاره ..

[الح ـربي]

ويجزاكم خير جميعآ يارب

وأخوي فهد
انا نسبة إني أتضرر من كلامه أوتهديده قليلة وماله داعي أنفعل من كلام واحد نصاب
لان حتى لو وصل للدكتور وتواصل معه مايقدر الدكتور يصدقه او يتخذ اي إجراء بناء على
كلام أو شي ماله علاقة بالجامعة وقوانينها
وخلينا نفرض ان الدكتور رسبني في المادة بسبب كلامه << هذا الشي مو في صالح
الدكتور نفسه لما اجي اشتكيه
وبالنسبه للنصاب ذاك الوقت بيطلعونه البحث الجنائي في نص يوم واذا طلع منها وماثبت
عليه شي ذاك الوقت اكون عارف معلوماته واقدر أطلق هولك الأخضر القابع في أعماقي عليه




لكن الحين موفاضيله والله وهو على باله إني عاطل ومادرى في ايش انا اشتغل الخبل .

[Doremi]

(اقدر أطلق هولك الأخضر القابع في أعماقي عليه ) :hahahahahah::hahahahahah::hahahahahah:

الله كفاك شره الحمد لله.. المهم يكون باقي يمديك تلحق تكمل البحث في الوقت المناسب؟
الله يوفقكم ولا يضيع تعبكم
دايم أدخل مواضيع مشروع التخرج أستفيد من خبراتكم :106:

[Hend Alqahtani]

يارب يسهل عليكمم ..

حسبنا الله ..

[mercy]

على هالموضوع انا تواصلت مع كذا وحده تسويلي البحث المهم بغيت انحد ع وحده قالت ابي 1500 وبغيت اوافق والله يوم راسلت وحده ثانيه سوته ومدحت الدكتوره البحث وخذت مني بس 400 ؟؟؟

وربي انفجعت من فرق السعر .. الله يوفقنا جميع

[me-me]

الله يوفقكم يارب

البحث سهل مررره


بس يبقى لنا تركيب الجمل
هنا المشكله

[الح ـربي]

الحمدلله نجحت وعديت المادة ب b+


ورغم إني تخرجت ولله الحمد لكن رفعت الموضوع للفائدة

وأذكركم بالإنتباه لمعلوماتكم الشخصيه ومعلوماتكم الخاصه بالجامعه
لاتقع في يد أحد هاؤلاء الخسيسين ويحاول يستغلها ضدك بأي طريقة ما
وأتوقع هالشخص متابع الملتقى لأجل كذا كتبت الكلام هذا حتى يعرف لو
تضرر أحد بسببه راح يروح فيها بإذن الله .


والله يوفقكم ويحقق أحلامكم.

[.Lovely meme]

هههههه ...بعدين لا تكتب معلوماتك او اسمك و لا اسم الدكتور و لا حتى اسم الجامعه بكبرها ....خله يصير ما عنده اي ممسك عليك ...علشان كذا مهم الواحد يحفظ معلوماته مهما كانت

[صقر حايل]

بسم الله الرحمن الرحيم

أنا كتبت مشروع التخرج بنفسي لكن كتبته بالعربي وترجمته بإستخدام البرامج وارسلته كفرست درفت لدكتور
ووافق عليه لكن طلب تعديلات كثير بخصوص الستركشر والقرامر قبل ارسله كفاينل درفت
المهم راح علي الوقت وقلت أشوف أحد يعدلي المشروع ويصلح الاخطاء اللي فيه ومافيه خوف ان يكون فيه سرقة او نسخ دام عارف نفسي اني أنا اللي كاتبه .


وبحثت في النت وفي موقع حراج حصلت واحد وتواصلت معه على اساس يعدلي الاخطاء بالبحث وطلب اني احوله
الفلوس قبل يشتغل عليه وقلت ماراح احول شي لين تخلص شغل وتوريني جزء من تعديلك وبعدها ابشر
وطلب اني ارسل البحث يشوفه وبعد ارسلته قام يقول حول الفلوس واشتغل عليه وقلتله انت نصاب ومشكور
ماعاد ابغى منك شي
ورجع يرسل انه بيتواصل مع الدكتور علاء بما انه شايف اسمه بالبحث وانه بيقوله ان البحث هو مسوية واني ماعطيته فلوسه :looking_anim:


الزبده إني قلت مو انت اللي تهددني وسوي اللي تقدر تسويه وقفلت بوجهه
وماعلي منه ولو صار شي يأثر على درجتي بالمشروع بأعرف كيف اجيبه واجيب راس اللي بيصدقه


لكن شوفوا لأي درجة وصل النصب والإحتيال بهالأجانب ..!
شيء غريب والله وعلى فكرة هو مصري وآخر رقمة 4560 زين والرقم اللي يتواصل فيه على الواتس آخره 7455




فحبيت أحذركم من هالاشكال فقط والله يوفق الجميع .

حسبي الله ونعم الوكيل ,, والله الاشكال هذي ودك تفضحها وياليت تسدح رقمه كامل للتشهير واذا فيه رسايل واتس حقت التهديد احفظها عندك للدنيا واحوالها وانا اخوك.

[الح ـربي]

حسبي الله ونعم الوكيل ,, والله الاشكال هذي ودك تفضحها وياليت تسدح رقمه كامل للتشهير واذا فيه رسايل واتس حقت التهديد احفظها عندك للدنيا واحوالها وانا اخوك.



الكلام المهم كان بالاتصال
لكن ارقامه وايميله موجوده عندي
وقت أحد يحتاجها لاسمح الله باعطيه واكون شاهد معه
لكن الحمدلله ماجاني ضرر من هالنصاب وهذا افضل اسلوب
الواحد ممكن يستخدمه مع شخص يحاول يبتزك بشيء ما
التطنيش وعدم الاهتمام بكلامه واذا صار شي ذاك الوقت يكون
عمل دليل ادانته بيده وأنا بأخذ حقي منه بالدنيا والآخره إن شاءالله
لكن بما انه ماصار الا محاولة ابتزاز فاشله فيكفي تحذير الناس منهم
وأسئل الله يكفينا شرهم ويهديهم .

[SoOom21]

شكرا ع التذكير والله يكفينا شرهم

..

��

[مناااوي وبس]

اول شي الي بيعتمد احد يعدل على بحثه لاينسى يشيل بياناته الشخصيه يعني اول صفحه شيلوها

الشي الثاني عندكم الاخ احمد الي معنا بالملتقى مايقصر ويعدل عالبحثث ككل افضل تعتمدونه لان من تجربتي انا وبعض الطالبات انه صادق ومخلص بشغله وبنفس اليوم يخلص لك شغلك


وبالتوفيق