تسجيل الدخول

مشاهدة النسخة كاملة : مريتني بالحلم

سعد الروقي1
2015- 11- 20, 06:30 PM
مريتني بالحلم واحييت مامات
من ذكرياتٍ عاشت وماتت سنين
هنيتني بالعيد والعيد قد فات
عشرة عوام وكل عامٍ بعيدين
ماجيتني الا في منامي بعد جات
بيني وبينك وقفة العقل والدين
ياما من اجلك يسهر الجفن مابات
وياما من اجلك قربت دمعة العين
وياما من اجلك تاخذ الرجل سجات
اليا طرى عشق ووليف ومحبين
تطري عليٌه واسحب الرجل بسكات
من شان مايدرون والخافي يبين
واقوم اردد مانظمته من ابيات
وتخنقني العبرات مره وثنتين
ودك تعرف الي خنقني بعبرات
يوم افترقنا مافترقنا صريحين
كانت بنا كلمه عن سطور كلمات
واليوم قل لي وين دارك وانا وين


اتمنى ان تنال اعجابكم
سعد الروقي
ليلاس
2015- 11- 20, 06:45 PM
احسنت , صح لسانك , قصيده عذبه ,


كن بخير
سعد الروقي1
2015- 11- 20, 06:48 PM
صح بدنك,العذب مرورك
Dr ʀeнαв
2015- 11- 20, 11:33 PM
_

كانت بنا كلمه عن سطور كلمات
واليوم قل لي وين دارك وانا وين

مبدع بحق ,
لله درك ياخوي
اسطر رائعه جدا جدا .~
5 ستارز لك
دوك:rose:
سعد الروقي1
2015- 11- 21, 12:29 AM
اشكرك لك مرورك ،
وتقييمك شهاده اعتز بها
تحياتي
وداعة الله
2018- 5- 18, 10:06 AM
حبييييتهاااا .. من جدددد تجنننن .. ابددعت يا شاعرنا تسستحق النشر . عجزت اختار تبارك الرحمن هههههههههه
سعد الروقي1
2018- 5- 18, 10:43 PM
حبييييتهاااا .. من جدددد تجنننن .. ابددعت يا شاعرنا تسستحق النشر . عجزت اختار تبارك الرحمن هههههههههه

اشكر لك مرورك المميز وتعليقك