ممكن احد يفيدني الله يجزيكم خير بالنسبة للخارطة الاكاديميه

[امواج22]

السلام عليكم ورحمة الله وبركاته كما هو موضح ابي اسأل عن الخارطة ليش تكون ناقصه حاط اشارة خطاء اني ماحملت بعض المحاضرات والواجبات والملخصات مع العلم اني متاكده اني حاله كل شئ الحمدلله لدرجة اكتب الشئ الي احمله
هل فى احد صادفه مثلي كذا وحتسبوها ولا اعيد التحميل والحلول
والله مش وقته مع نظامهم ذا
والي عنده رقم اتفاهم معهم بخصوص هالموضوع يسدحه هنيا الله يجزيكم خير يارب :sm1::sm1:

[Reero]

الا انا في اشياء متأكدة اني حملتها
لا وبعد مذاااكرتها ..
**
بس حطوا لي اكس ورجعت احملها عن ضميري يعني
**

[طلال بدر]

اسعد الله اوقاتكم جميعا ..
كلنا كذا نفس المشكله .. لكن اعتقد يحدثوها بعد كل فتره علينا الانتظار كالعاده

[للطموح عنوان]

اول شي حاولي تذكرين متى بالضبط حليتي الواجبات والمناقشات

اذا قبل وقت التحديث باكثر من يومين فامرك لله وارجعي عيدي الحل


واذا قبل وقت التحديث بيوم او في نفس يوم التحديث اصبري لين التحديث الجاي


اما بالنسبة للمحاضرات المسجلة والمباشرة فانصحك انك تحملينها


انا محملتها من فترة وبعض المواد فيها كم محاضرة عليها اكس فرجعت احملها اضمن واحسن

[R A S H E D]

السلام عليكم ورحمة الله وبركاته
بالنسبة للخارطة الأكاديمة .. الأغلب عنده هالمشكلة لكن يجب التأكد من الحلول والمشاركات وتشغيل المحاضرات في ( التعليم الإفتراضي و البلاك بورد ) ففي بعض الأحيان يظهر ( إكس) في التعليم الإفتراضي وعند الدخول في البلاك بورد نجدها (صح ) والعكس صحيح .

وإن وجدتها هنا وهناك (إكس) يعاد التحميل والحل والمناقشة مرة أخرى ، والله المستعان .

أحببت التوضيح .. وفقكم الله جميعاً وربّي يسعدكم .. دمتم بكل ود :2::2:

[امواج22]

الله يسعدكم ونور دربكم الله المستعان مع هالجامعة

[ابوماجد4]

اخر تحديث 2015/11/22

اعتقد اليوم او بكرة بالكثير يوجد تحديث أخر

[نواف ابو هلا]

متى اخر تحديث ي جماعه ؟؟

[أبـو بـاسـم]

اخر تحديث 2015/11/22