اقتراح بخصوص مادة التريب الميداني

[اوم راكان]

السلام عليكم ورحمة الله وبركاته

كيفكم مع المذاكرة ! ، الله يسهل لنا ولكم ونعدي كل المواد ب a+

المهم 🙋🏻
انا مستوى خامس وشايله هم مادة التدريب الميداني ومتخوفه جداً منها
عشان كذا ودي اقترح يكون في موضوع
تنكتب فيه كل تجارب الطلاب والطالبات اللي طبقو
عارفه انو فيه موضوع خاص لهالماده ومتطلباتها
بس انا اقصد يكون وش صار للطالب يعني * مغامراته بالتطبيق
ووش واجه
احس هالموضوع بيسهل كثييير عللينا وبنستفيد وبنعرف وش بنواجه

طبعا محد فاضي يكتب الحين
بس ياليت بعد الاختبارات لو فاضين تخشون وتكتبون

ويعطيكم الف عافيه مقدما والله يوفق الجميع 🙊❤️

[ســــلآف]

ماده جميله جدااا والتطبيق فيها من اسهل ما يكون

[Reem3]

صراحة كنت خايفة منها بس الحمدالله التطبيق كان ولااروع معاملة جدا كانت راقية مديرة المدرسة مع طاقم المعلمات وانا من هنا اشكرها هي مع طاقم الادارة يعطيهم الف عافيه

[أم شادي]

من الآن أريحك الحمدلله التدريب سهل والمشرفة الإجتماعية حبوبه الله يسعدها ويوفقها لاتشيلين هم أبد إذا من الرياض أعلمك المدرسة وراح تدعين لي بإذن الله ..