المساعد الشخصي الرقمي

مشاهدة النسخة كاملة : مذاكرة جماعية تجربتي مع مواد المستوى السادس واجتيازها بa+


فرح علم اجتماع
2015- 12- 2, 04:40 AM
بسم الله الرحمن الرحيم


صباح الخير جميعا


حبيت احط لكم تجربتي مع مواد هالسمستر اللي اعتبره (سمستر التفوق) ولو صرتو بالمستوى السابع رح تذكرو هالكلام


- مادة تاريخ الخليج العربي الحديث المعاصر : طبعا المادة فيها كمية معلومات كبيرة تعاملت مع هالمادة كأني اقرا قصة وبفهم وبعدها حفظتها باسلوبي لأن دكتور هالمادة تحديدا مايهمه الحفظ الصم قد مايهمه ان المعلومة وصلت وذاكرناها وراجعنا لاحظو (راجعنا) اسئلة الاعوام اللي فاتت ودخلنا الاختبار.. اتذكر وقت توزيع الاوراق قالت المراقبة الله يعينكم ويوفقكم بس اسم المادة يسد النفس وتفاجئت انه تقريبا بربع ساعة كانت القاعة كلها مخلصة اختبار جابه سهل سهل سهل الله يسهل عليه امور حياته كلها.


علم اجتماع البيئة والعمل التطوعي : كان دكتورها واحد اسمه دكتور صابر ونظامه كان يجيب الملزمة من أولها لاخرها ومافي شي محذوف وبنفس ترتيب الملزمة وبشكل واضح ولا يلف ولا يدور وللأمانة نادرا محد ينزل عنده عن 100 والحين جا بداله دكتور ثاني اتوقع اسمه حسام كمان رائع رائع واسئلته سهلة لأنه يعطينا بمستوى سابع وثامن واساسا هالمادتين جميلة جدا


علم اجتماع السياسي : الدكتور فهد طريقته يحب الفهم والحفظ مع بعض ويقول لنا دائما ان في مواد تحتاج قدرات عقلية معينة لكل مادة في بعضها بس فهم وبعضها حفظ وبعضها حفظ مع ربط وفهم وهكذا .. بس جاب لنا اختبار الله يسعده ويوفقه زي العسل وواضح وسهل ولا يخوفكم احد من الانطباعات ركزو بالاسئلة والاجابات ومحاضراته المباشرة وكل شي يقوله واضمن لكم اي بلس


التدريب الميداني 2 : نفس الموضوع اهم شي اضمنو المشاركة ودرجات التقارير صمو الملزمة وادخلو الاختبار الجميل حقه والاي بلس بيدكم


نظرية المعرفة : مادة غريبة عجيبة ماعرفت اتعامل معها لاحفظ ولا فهم فيها معلومات مدري كيف . طريقتي امسك كل شريحة اول كل جزئية واحط لها اسئلة متوقعة واحفظها .. وصديقتي حفظتها غصب من غير ماتفهم وجاب لنا اختبار واضح وسهل مع ان الانطباعات كانت محبطة بس اللي حل كويس مارح تهمه الانطباعات وانا وصديقتي كل وحدة لها طريقة انا جبت 98 لأني ضعت باسم عالم وهي اتوقع 96 الفكرة ان المادة بيدكم توصلو فيها للأمتياز


علم اجتماع الاعلام - بناء وتنمية القدرات : اذا دكتوركم للحين حسن ابو زيد اجل الاي بلس بجيوبكم مايحذف ولا يكرر من العام بس اسئلته ممتعة وسهلة ومامنه خوف ولا يلف ولا يدور




اعتذر للاطالة بس حبيت اعطيكم هالمعلومات لأن هالمستوى ممتاز جدا لرفع المعدل وعلى دسامة المواد بس فيها نتايج مرضية والله يوفقكم جميع يارب

المعلم القادم
2015- 12- 2, 06:10 AM
جزاك الله خير

البارقة
2015- 12- 2, 06:29 AM
جزاك الله خير كله كوم ونظرية المعرفة كوم الله يعينا عليها

zoozi
2015- 12- 2, 06:56 AM
:(270):

فتاة الحلوى
2015- 12- 2, 08:04 AM
الله يسعدك فرح :*****_lov:اعطيتيني دافع ايجابي :love080:


:(270):

علياء2013
2015- 12- 2, 09:07 AM
الله يسعدك يارب
صراحة ما قصرتي
والله يوفقك كمان بــ +a مستوى سابع

واسلوبك في التعامل مع المواد نفس أسلوبي
وخاصة في تاريخ الخليج العربي ذاكرته كانه قصة والتواريخ واسماء الشخصيات اقراها من ضمن القصه لكن
خليت حفظها في وقت مذاكرة اختبار المادة

ونظرية المعرفه مثل ما قلتي مادة علة حطيت لها أسبوع ولا قدرت اعرف لها طريقة للمذاكره وصرت اتهرب منها بعمل أي شغلانه
لكن من يومين قلت ما فيها لازم أواجهها
وطلعت لي فكرة الي هي
امسك كل محاضرة واحاول افهمها وبعدين أبدا (بأسئلة الفاروق) لنفس المحاضرة واختبر نفسي
المحاضرة الاولى مع اسئلة الفاروق الأولى والثاني وهكذا ..
ومشت معي هالطريقة وراح أكمل نفس الطريقة في وقت اختبار المادة ان شاء الله
ولاحظت (أسئلة الاختبار مهمه) وان شاء الله راح اركز عليها كمان

وشكرا لك مرة ثانية وبالتوفيق :106:

N O R Z
2015- 12- 2, 10:01 AM
فرح الله يفرح قلبك دنيا واخره قولي امين صدق صدق شايله هم كذا مادة مدري السمستر كامل
بس كلامك وتجربتك اثلجت قلبي , الله يسعدك قلبك يارب
بالبداية والنهاية كلشي يحتاج له مذاكره مافي احد ينجح بمعدل حلو بدون جهد وتعب
انتي تبارك الرحمن تعبتي وبذلتي كل جهدك والحمدلله ماضاع
واما الانطباعات اذ الكل بيركز عليها مراح يرتاح , كل شخص ومقدرته واجتهاده
الله ينور قلبك ويسهل امرك ويفرحك يارب
ويرزقك الفردوس بغير حساب ولا سابق عذاب
الله يوفقنا ويوفقكم يارب

•• شجون ~
2015- 12- 2, 10:22 AM
.







صباحك سعاده
ريحتني في مادتين
تاريخ الخليج و سياسي


خاصة تاريخ كثيره التواااااريخ :bawling:العمل التطوعي جميل
نظريه المعرفه قدرت افك طلاسمها والحمد لله
راجعتها من يومين و بلعتها :biggrin:
يعني هي تحتاج تركيز و فهم والي م نستوعبه نشوف شرح الدكتور




.




الله يجزاك الجنه البارده ويوفقك
طمنتيني لان عندي اربع مواد من سادس :004:
الله يعدي اختبارتنا ع خير

هنوش
2015- 12- 2, 03:30 PM
اوف بديت اخاف من نظريه المعرفه

ســــلآف
2015- 12- 2, 07:00 PM
جزاك الله خير وما قصرتي الله يووووفقنا

ikarezmai
2015- 12- 2, 07:26 PM
جزاك الله خير وما قصرتي الله يووووفقنا

حصه راشد
2015- 12- 2, 08:28 PM
‏جزاك الله الجنة
‏يعطيك العافية
‏ ‏بالتوفيق للجميع

عهووودهـ
2015- 12- 2, 09:56 PM
بسم الله الرحمن الرحيم


صباح الخير جميعا

مسساك جوري وكادي


حبيت احط لكم تجربتي مع مواد هالسمستر اللي اعتبره (سمستر التفوق) ولو صرتو بالمستوى السابع رح تذكرو هالكلام


- مادة تاريخ الخليج العربي الحديث المعاصر : طبعا المادة فيها كمية معلومات كبيرة تعاملت مع هالمادة كأني اقرا قصة وبفهم وبعدها حفظتها باسلوبي لأن دكتور هالمادة تحديدا مايهمه الحفظ الصم قد مايهمه ان المعلومة وصلت وذاكرناها وراجعنا لاحظو (راجعنا) اسئلة الاعوام اللي فاتت ودخلنا الاختبار.. اتذكر وقت توزيع الاوراق قالت المراقبة الله يعينكم ويوفقكم بس اسم المادة يسد النفس وتفاجئت انه تقريبا بربع ساعة كانت القاعة كلها مخلصة اختبار جابه سهل سهل سهل الله يسهل عليه امور حياته كلها.







الله يسعدك
ريحتيني بكلامك دا لانو انا اكره التاريخ:no:
ودحين يومين وانا اذاكر فيه :hhheeeart4::sm1:
ربي يسهلهل علينا ونتخرج

اتعبتني دنيتي
2015- 12- 3, 04:44 AM
الله يسعدك ويوفقك وفالك a+

طمووح لاااينتهي
2015- 12- 3, 08:07 AM
فرح...جميييل أن يكون للإنسان من اسمه نصيب...شككرا