تجمع بعد الاختبار [ انطباعكم عن اختبار رياضيات 2]

[juoooan]

اللهم صل ع محمد وآل محمد؛


مساء الخير ؛ علومكم - كيف اختبار اليوم !


كيف مستوى الاسئلة سهل / صعب / متوسط !


جت نفس التمارين ب المحتوى و المباشرات !

[SOSO الغامدي]

يا عسل اختبار تقنيه اليوم ..

[المصرفي]

صعب توهنا الزول

[nody-ak]

اتمنى يكون يه شخص مصور الأسئله

[Modi20]

صعبه جدا ، المحاضره الاولى االي هي اسهل شي ماجاب منها شي ، مركز ع التكامل والدوال وفي اسأله غريبه
لكن نقول الله يوفق الجميع

[خالد العثمان]

والله اشوف انه صعب جداً

الله يوفق الجميع

[ابو اسامة2015]

كل شي بعد توفيق الله

ان شاء الله نعديها هالمرة

دعواتكم حاملها لي سنتين .

[أبومعاذ2012]

ودي اعرف هالدكتور وش يبي
يبي يعلمنا انه فاهم في الرياضيات


حسبي الله ونعم الوكيل عليه


خريج هالترم وناشبة لي هالمادة في حلقي

[NAWAL AL]

نفس حالتي خريجه ذَا الترم بس ع مستوى الاسئله ماتوقع اتخرج ذي المره ثانيه حملتها:mad: :(

[مرقه]

حسبي الله ونعم الوكيل مع اني مذاكره لاكن صعب ومركز على شي لاكن املي بالله كبير والدكتور الله لا بسهل عليك دنيا واخر حسبي الله فيك

[ALI-]

حد صور نبي نتاكد من حلنا t.t

[alzmn]

حسبي الله ونعم الوكيل

[bader15]

حسبي الله ونعم الوكيل فيك من دكتور

[وصوف]

حسبي الله ونعم الوكيل احد صوور نموذج e تكفوون

[talzuhair]

وين الشمولية بالاسئلة ؟؟ يعني الحين ابي افهم ايش خسران هو لو حط 15 سؤال من المحاضرة الاولى والثانية علأقل يخلي الناس تعدي وتجيب 60 .. مع احترامي الشديد له مصعب الاسئلة ونبي نرفع شكوى جماعية ..

[skyorang]

انا مذاكر زين لكن ماقدرت احل
صعبها ولا جاب الا كم سوال من محاضراته المباشره
واكثر التمارين المهمه ماجابها ولا جاب من اختبارات الاعوام السابقة
مادري وش يبي الحبيب ؟
المهم اني حليت يمكن عشرين فقرة صح والباقي شرب سحلب
الله المعين والموفق

[مستر رحال]

انا جبت مدرس خصوصي ﻷني حملت الماده ترمين وبعد اختبار اليوم تحطمت آمالي في التخرج بسبب صعوبة الاختبار وخروجه عن المحاضرات المباشره ، ماهو الحل مع الدكتور طاهر هل الجامعة تتخلى عن طلابها ام تنهي مهانتهم مع هذه الماده المحذوفه للدفعات الجديده

[xFhawhx]

حسبي الله عليه والله اني حاملها لين دخت وش يبي من الطلاب بالظبط مادخلنا انتساب عشان نجلس طول السنه نذاكر ورانا التزامات وعيال ودوام وهذا يبي يعقدنا وانا المفروض الترم الي طاف متخرج بس جالسه لي هالماده مع المحاسبه ١+٢ الله يجيب العواقب سليمه

[Excuse Me]

السلام عليكم ، أتمنى من جميع الطلبة تقديم شكوى جماعية عن طريق أيقونة تلقي الطلاب ملاحظات حول الاختبار ، وإبداء صعوبة الاختبار حتى يتنسى للجامعه ان تنظر في الموضوع ..

[الشنطه الحمراء]

ضيم ضيم حست لين قلت بس حسبي الله ونعم الوكيل ان شاء الله نعديها يااارب :Cry111:

[كل الغلا لك]

الحمدلله على كل حال

واقول حسبي الله ونعم الوكيل على السوداني وعلى كل من له شأن في مقررات التخصص.
من عميد الجامعة إﻻى اصغر مسؤل له دخل في المقررات.
كيف يتم اعفاء دفعات من هذه المادة وﻻ يشمل الدفعات كلهم
والسوداني حسسني اني بتخرج في علم الذرة وﻻ علم الإستنساخ البشري
ولكن اقول أسأل الله العلي القدير أن ينصفنا منهم جميع
نلقها منهم وﻻ من سستم الجامعة اللي مااحتسب لي المحاضرات رغم اني محملها قبل ما يقغل مرتين قسم بالله.
الله ينصفني منهم .


انا خريج إنشاء الله إذا عديت هذه المادة.
يارب توفيقك وتيسيرك حسبي الله ونعم الوكيل

[Meshooo]

فعلاً الاسئلة :icon9:صدمة !! حاملينها ولا عرفنا نحل :(

[العناوشوالعنا]

والله ياجماعة اكثر من 18 يوم اذاكرها مع مدرس كل يوم يجيني باختصار حسيت اني باكل الورقة اكل بس يمين بالله طلعت واحس اني جبت العيد وفوق هذا خريج ومابقالي غير ثلاث مواد واجلس بالرياضيات والله حرام

[Mo^_^oN]

حسبي الله ونعم الوكيل

[اسفرت وانورت]

قولو امين ,,,, يارب واحد يحن قلبه علينا ويقول كل الي اختبر رياضيات وماعداها نجحوه ,, قولو امين

يارب لاتردنا لا تردنا

[أبومعاذ2012]

اللهم آميييييييييييييييييييين

[العناوشوالعنا]

بس فرصة تقريبا حنا فئه بسيطه ونصنا خريج ويبغو يمسكونا ترم ثاني معهم يفكرو خفت اشغالنا مايدرو ان ورانا عيال وبزراين وهم همهم ماهي الطرق الي تجلس الطالب بالجامعة تحياتي

[العناوشوالعنا]

اميييين يارب من اعماق قلبي اقولها معدلي عالي وثلاث مواد مغبون تعبت ياجماعة وربي اكثر من 18 يوم مع مدرسين شبه حفظت المسائل بالارقام وفي الاخير كذا ليش مافي انصاف وعدل تدرسني 14 محاظرة وتحصر اسئلتك على المشتقات والدوال والتكامل وش يبغى يخرجنا علماء ذرة مثلالالالالا

[مهتم جداً]

خريج وتارك هالمادة للاخير على امل تحذف مثل الدفعات الاخري
كل المتسويات راضي عنها ولكن هالمادة بالذات نشبة والاختبار اليوم صعب جداً
والخوف انها تكون سبب في تاخير التخرج


الله يوفق الجميع وتمنياتي لهم النجاح
واتمني من ادارة الجامعة حذف هذى المادة لدفعة 212 واستبدالها باي مادة اخري

[fahad-ff44]

والله من شفت شرحه وانا غاسل يدي حسبي الله ونعم الوكيل
ني نرفع اعتراض والكل يشارك عبر الايقونه

[fahad-ff44]

اختبار اصعب من الصعب طلاسم ماهي اسئلة هذا مدرس والامشعوذ

[العناوشوالعنا]

والي قهرني سؤال الميل الي لف ودار حتى الاجابة مو في المحتوى حقة الي منزلة يحترم عقولنا الاجابة تكون رقم تحط رقم وجمب الرقم كلام فاضي ايش يعني لاتحل لازم نكتب كلام واقعي بالملاحظات عن الاختبار اتفقو وحطو الصيغة ننسخها ونلصقها

[naif14044]

حسبنا الله ونعم الوكيل خريج لي سنه والسبه المادة

[ابو مهرة]

مانقول الا حسبنا الله ونعم الوكيل على الدكتور وعلى العميد.
عطونا صيغة الشكوى نكتبها بالخدمات الطلابيه على الدكتور الوسخ.

[امواج هادئة]

ما أقول زود عن كلامكم والله تعبت من قلب فيها وتوقعت بنجح بامتياز فيها ودخلت كلي ثقة وتحطمت لدرجة زودتني المراقبه نص ساعه على وقتي رحمتني المسكينة وبالنهاية اطلع بدون أمل ..... ابكي من طلعت 80 كيلو لين وصلت بيتي والله والله مصدوووومة غير جايبه مدرسة خصوصيه من بداية الترم وهادي النهاية اعطونا حل لها المادة والله دمرت نفسيتي مو معقولة مادة تحرمنا من طموحنا

[ابو مهرة]

استغفر الله واتوب اليه
لاحول ولا قوة الا بالله العلي العظيم
هل للمادة حل عندكم خريجين ونشبت لنا.

[زهراء ناصر]

الاختبار جدا صعب .. من الظلم انه يركز على اصعب الفصول ويترك الباقي بدون ولا سؤال منهم .. يعني واضحه انه نيته يصعب علينا الاختبار .. ليش يعني عشان نعيد هالماده عشرين مره ترى كلنا اللي جالسين نختبرها كلنا حاملينها من قبل ولا الطلاب الجدد محذوفه من عندهم .. اشمعنى احنا اللي ما انحذفت من عندنا .. انا اطالب الجامعه انها تحسب الدرجات على متوسط درجات الطلاب مو على درجة النجاح .. يعني اذا الكل مستواه نازل يكون فيه مراعاه شوي .. ترى نبي نتخرج مو كل سمستر نحملها وندرسها وندفع فلوسها ع الفاضي كل سمستر اصعب واسوء من اللي قبله

[العناوشوالعنا]

نبي صيغه نكتب في ايقونه الشكاوي قبل تبرد السالفه

[يارب اسعدنا]

صور الاسئلة لاختبار الرياضيات 2 اليوم هنااااا
ادخلوا وحلوها

http://www.ckfu.org/vb/t717122.html

[يارب اسعدنا]

السوداني لو خلصوا الطلاب سفروه برا السعودية
اكيد مايبي احد ينجح حنا رزقه

[تويتي5]

لاحول ولا قوة الا بالله
مادة صعبه واللي مصعبها ذا الدكتور
ليش الجامعه ماتستبدل لنا المادة بماده نظرية مثل الدفعات اللي بعدنا ذا المنهج ما مفهووم أي أي
:71:

[طالب انتساب 22]

حسبي الله ونعم الوكيل صعب ومعقد

[طالب انتساب 22]

نمودج c في الاسئلة رقم 1و5و6و9 اجابات مكررة يعني تعقيد على اصوله ارفعوا فيها تظلم

[ايما خالد]

حسبي الله ونعم الوكييييلل </3
تكفون سوو اي شي خل يحذفون لنا الماده نبي نتخرج مو معقول

[عادل الثنيان]

السلام عليكم ورحمة الله وبركاته ،،،

تم رفع اعتراض وأمل من الجميع رفع اعتراض

وحسبي الله ونعم الوكيل

[ابو مهرة]

السلام عليكم ورحمة الله وبركاته ،،،

تم رفع اعتراض وأمل من الجميع رفع اعتراض

وحسبي الله ونعم الوكيل

اخوي عادل السلام عليكم
ممكن تفيدنا بصيغت الشكوى علشان توحيد الصيغة في الشكوى.
وامل من جميع الطلبة الى اختبرو المادة رفع الشكوى.

تحياتي للجميع .

[عايض ابونايف]

حسبي الله ونعم الوكيل

[عادل الثنيان]

الصيغة اخذتها من اخونا ولد شيوخ 1010
له جزيل الشكر




السادة / عمادة التعليم الأكتروني و التعليم عن بعد المحترمين
تحية طيبة

أتقدم إليكم بشكوى على أختبار مادة الرياضيات 2 حيث أنه تم وضع أسئلة تعجيزية يصعب على الطالب حلها علما بأن الأسئلة مكونة من 50 سؤال وأغلب الأسئلة تحتوي على صيغ رياضية ونحن مقيدين بوقت معين ( وأكتفاء الوقت شبه مستحيل ) والذي زاد الطين بِله أن الأسئلة الموضوعه ليست على نفس شرح الدكتور بالمقرر حيث أن الأسئلة تختلف أختلاف جذري عن شرح الدكتور .

نحن طلاب غالبيتنا خريجين وقد حملوا المادة أكثر من مره بسبب شرح الدكتور وأسئلة الأختبار المعقده علماً بأن غالبيتنا يتوجهون لمدرسيين خصوصيين ولاكن أسئلة الدكتور المعقدة تحول بيننا و بين النجاح علماً بأن غالبيتنا لم يتبقى له سوى هذه المادة ، وكما تعلمون بأنه تم حذف هذه المادة على الطلاب الجدد

نطلب من الله ثم منكم مساواتنا مع الطلاب الجدد بحذف هذه المادة وأزالة العقبة التي تواجهنا حتى تكمل فرحتنا بتخرجنا


ولكم جزيل الشكر و الأحترم