طريقة الاعتراض على اختبار علم السكان اليوم ....

[منتسبه 2013]

طريقة الاعتراض على اختبار علم السكان اليوم ....





لايخفى عليكم تضرر اغلب الطلبة من الاختبار حيث انه كان صعب جدا وكذلك وجود اسئله من برا المقرر فمن اجل جعل صوتنا مسموع لدى العمادة توجد طريقة وحيدة في ايدينا وهي عن طريق الذهاب لخدمات الطلابية ثم خدمات شؤون الاختبار ثم الدخول عن طريق ايقونة ( تلقي ملاحظات الطلبة على الاختبار ) واختيار مادة علم اجتماع السكان ثم مركز الاختبار وثم لصق في مكان التعليق او الملاحظة النص التالي أو اذا يود لديك كلام آخر بإستطاعتك كتابته واضافته


{ السلام عليكم ورحمة الله وبركاته ،،،

سعادة عميد التعليم عن بعد المحترم تحية طيبة وبعد :


نحيط سعادتكم بأننا طلاب علم اجتماع مستوى ثالث قد اختبرنا اليوم مادة علم اجتماع السكان وقد كان الاختبار على درجة عالية من الصعوبة وكذلك وجود اسئلة ليست من نفس المقرر ,واصبحنا نتمنى الان النجاح فقط بدل ان كنا نبحث عن التفوق .

نرجو من سعادتكم النظر في الامر بعين الانصاف والرحمة حيث انكم خير من يمد يد العون لأخوانكم الطلبه .






@@@ا ذا كان لدى احدكم صيغة افضل فليتفضل وليسجل حضوره حتى نعرف عدد المرسلين وهل سيستجيبون لصوتنا ام لا . تحياتي



منقوول عن الاستاز الزعيم

[al_zaeem]

شكرا لك اختي

ونرجو من الاخوان والاخوات المشاركه وضافة اعتراضهم بالخدمات الطلابية


اذكر صار لنا زي كذا في ماده وسوينا اعتراض ونجحنا كلنا بالماده وكان النجاح على الحافه

[al_zaeem]

ملاحظة مهمه :- اذا دخلت ايقونة تلقي ملاحظات الطلبة على الاختبار ما راح تلاقي اسم مادة علم الاجتماع الا بعد الاختبار بيوم يعني لا تنسى وكرر المحاوله حتى تظهر لك اسم الماده . وشكرا لمن سوف يتعاون معنا

[منتسبه 2013]

طيب اوك ع بكرا نرسل

[kngooo]

لازم الجميع يشارك ويقدم اعتراض اذا فعلا جاب اسئله من برا المنهج
عن نفسي يااخوان والله مادري هو جاب برا المنهج او لا مااحط في ذمتي شي
لكن اذا فعلا كلامكم صحيح الجميع يقدم اعتراض وانا اولكم

لكن نبي احدكم يحدد الاسئله عشان نتفق كلنا عليها ونكتبها في الاعتراض

[kngooo]

لازم الجميع يشارك ويقدم اعتراض اذا فعلا جاب اسئله من برا المنهج
عن نفسي يااخوان والله مادري هو جاب برا المنهج او لا مااحط في ذمتي شي
لكن اذا فعلا كلامكم صحيح الجميع يقدم اعتراض وانا اولكم

لكن نبي احدكم يحدد الاسئله عشان نتفق كلنا عليها ونكتبها في الاعتراض

[اوراق الذكريات]

ان شاء الله خير

[منتسبه 2013]

ما اعرف ايش هيا بالظبط الاسئلة بس (قال واحد في موضوع الانطباع) انو جاب لنا اسماء علماء مو في مقررنا موجودين بمقرر خدمة الفرد والجماعه فحتحسب من صالحنا وناخد درجاات تعويض طبعاً ....

فما ادري اذا صح اولا ..!!


لاني ما اطيق اسامي العلماء ولا افتكر ايش اسامي اللي ذاكرتهم قبل كم ساعه

[kngooo]

لازم نتاكد بس كيف نتاكد والاسئله ماحد صورها او نقلها

ياشباب اللي متاكد يكتب الاسئله اللي جابها من برا المنهج

عشان يكون الاعتراض لصالحنا وليس ضدنا

[منتسبه 2013]

كلام سليم ...

[عيني على نكه]

اذكرو الله وطلبو الخيره ولو فيه شي كان شفنا الدوافير حايسين الدنيا اما حنا الي ما ما جينا يم العلماء فخلونا نركد اشوي الآني أنا واحد متزاعل أنا وهـ العلماء ولا بيني وبينهم كلام ولا شي

[alharthi]

الرجاء نسوي تنبيه لما تفتح اسم المادة في الاعتراض ... واكيييييييييييد راح اعترض معكم وبقوة
بس ياشباب .. لا تروح المواد الباقيه ...
خدمه الفرد والجماعه ..
اعطونا اللي عندكم ..

[همس الجبيل]

حسبي الله ونعم الوكيل

[ربي يسرها]

حسبي الله ونعم الوكيل

[عبدالهادي محمد]

والله ما اعرفها انا لسا ماذاكرة خدمة الفرد والجماعه وبرفع اعتراض معكم الاختبار سيئ جدا وماراح انعدي على كذا وبيجيب العيد فينا في مادة خدمة الفرد والجماعه الله يستر منه وحسبنا الله ونعم الوكيل عليه

[alharthi]

عدت ال 24 ساعه ... الاعتراض الان go

[صقـــر الزامل]

السلام عليكم ورحمة الله وبركاته ...

أخواني أخواتي الطلاب ....


انا متعجب هل ماتقولونه عين العقل ام انكم لم تذاكرون الماده
او انني مخدوع بنفسي وكنت اتوقع جميع ماحليته بورقة الاجابه صحيح مع وجود كذه سؤال اشك فيه ... مع العلم انني بلعت المنهج بلع من كثر المذاكره ....
ولكن هل مايدون صحيح بأن الدكتور جاب من خارج المنهج ولكن ماهي هذا الاسئله التي تتحدثون عنها لكي اقف مع نفسي وقفت المتعجب من ثقتي بنفسي وعدم الانتبه اثناء قرائة الاسئله


اذا انتم واثقين من هذا الشي اسردووووو الاسئله التي كما تقولون من خارج المنهج
لكي اضم صوتي معكم سوه كان الحل جيد او لم يكن ننتظر صاحب الموضوع لكي يوضح لنا الاسئله ...

[kngooo]

تم تقديم الاعتراض

لازم الجميع يشارك


وكل من يقوم بتقديم الاعتراض

يكتب هنا تم تقديم الاعتراض

[ابوسار@]

تم تقديم الاعتراض

الله لايوفقه هو واسئلته


المشكله هذي عاداته ابوزيد يلف ويدور


الماده سهله وبسيطه وهو مصعبها مافيه عالم بالكره الارضيه الا جابه او جاب نظريته

[اوراق الذكريات]

حسبي الله ونعم الوكيل .
حسبي الله ونعم الوكيل.

[همس الجبيل]

انا رفعت اعتراض يالله ارفعو كلكم

[اوراق الذكريات]

رفعت الاعتراض ان شاء الله خير

[منتسبه 2013]

تم تقديم الاعتراض

[العصفوره]

ي ناسس لما جيت اسوي اعتراض طلع لي الرياض ارقام اي رقم فيهههم اختار بسسسسرعه

[al_zaeem]

تم رفع الاعتراض

اكملوا المسيره ....

[فواز الفدعاني]

تم تقديم اعتراض

[العصفوره]

هفففف اناا انتظر من اليوووم كيف اعرف المركز اللي اختبرت فيه طلع لي
الرياض 2
الرياض4
الرياض 6
الى رقم 66

وش اختااار مو عارففههههه:Cry111::verycute:

[العصفوره]

لو سممحت
كيف اعرف المركز اللي اختبرت فيه طلع لي
الرياض 2
الرياض4
الرياض 6
الى رقم 66

وش اختااار مو عارففههههه

[اللغة العربيه]

طيب ماحد حط الاسئله عشان نتاكد اذا خارج المنهج او لا
بعدين كلكم مذاكرين من الجلده للجلده ؟

الي متاكد من انه جاب من برا يقول لي عشان اعترض انتظر الرد 😏 ..

[العصفوره]

:(108):

[al_zaeem]

هفففف اناا انتظر من اليوووم كيف اعرف المركز اللي اختبرت فيه طلع لي
الرياض 2
الرياض4
الرياض 6
الى رقم 66

وش اختااار مو عارففههههه:cry111::verycute:



اختاري اي شئ اهم شئ بالرياض

[جنوبي الجنوبي]

بدت تتصافق رجولي من هالأبو زيد ..
عاد بكرهـ عندنا خدمة الفرد والجماعه
.
.
.
الله ييسرها ويخارجنا منهم

[محمد1400]

شكرا