ابو احمد ممكن تدخل بسرعه وتساعدني الله يخليك ........بستجن حدي

[ليل]

اولا : السلام عليكم ورحمة الله وبركاته :bngo12:
كيف حالكم وش اخباركم كلكم , وحشني المنتدى كثير كثير والله على ماأقول شهيد
انا الحين ادرس علم حيوان في الدمام ...................................:098:
وانا كنت ابغا حاسب بس تعرفو بما انا سجلنا علوم طبيه وما قبلونا بقا بس الكيمياء والفيزياء :cuteflo: والرياضيات:cuteflo: والاحياء:cuteflo: يعني الحاسب سكروه يعني مافيه يقولون اكتفو:mad:
المهم لو انا رحت الحسا السنه الجايه وسجلت حاسب هل ممكن يقبلوني
ولا بيقولو لا مايصير اني مسجله من قبل تبع الفيصل ارجوك بو احمد ساعدني
يعني راح يقولو مايصير تروحي غير الدمام واذا سحبت ملفي من الدمام خلاص ماراح
يحق لي اسجل بأي كليه تبع الفيص يااااااااااربي شسوي ساعدني :011: :011:
الله يخليكم ردو حرام تضيع نسبتي كذا
علم الحيوان ابدا مو عاجبني ابدا ابدا ابغي حاسب

[أميره بكلمتي]

اهلا اختي ليل حتى انا مثلك مثل حالتك ادرس بالكليه جغرافيا و تحطمت في احلامي ادرس تربيه خاصه بس وش اسوي ما قبلوني ونسبتي كبيره ما تتخيلين شلون كبيره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:bngo12: :Cry111:

[بـــو أحــمــد]

و عليكم السلام ورحمة الله وبركاته

ليل
ما فهمت أيش قصدك ؟؟
لأي كلية تبغين تحولين ؟؟؟

من شروط التحويل لا بد تمضين سنة كاملة في الكلية ألي رايح تحولين منها ..
أهم شي ألحين شدي حيلك و جيبي معدل حلو عشان تتسهل أمورك


طيب أي كلية تبغين تحولين لها ؟؟

[أميره بكلمتي]

بو احمد يعني في تحويل من قسم ال قسم اخر ؟؟؟؟؟؟؟؟؟؟ طيب وش الشروط المطلوبه للتحويل من قسم الى اخر وخصوصا اذا كنت انا ادرس بالكليه وابغى احول الجامعه بسرعه رررررررررررررد؟؟؟؟؟؟؟؟؟؟

[ليل]

هلا بو احمد
انا مابغا احول ابغا اسحب ملفي من الدمام الحين
و اذا فيه تسجيل السنه الجايه بالحسا بسجل حاسب بالحسا لآن الكليه كلها تقول لي مجنونه 98, 19 وداخله علم حيوان وانا هالقسم ماحبه ابغي حاسب
فهل عادي يعني اسحب ملفي الحين مثلا والسنه الجايه اقدم من جديد بس مو اكيد بالدمام راح اقدم بالحسا ولا راح يتحججو علي ويقولون اني كنت تبع الفيصل ذي السنه وما يصح اسجل مر ه ثانيه بأي كليه تبع الفيصل ؟؟؟؟؟؟

[بـــو أحــمــد]

بو احمد يعني في تحويل من قسم ال قسم اخر ؟؟؟؟؟؟؟؟؟؟ طيب وش الشروط المطلوبه للتحويل من قسم الى اخر وخصوصا اذا كنت انا ادرس بالكليه وابغى احول الجامعه بسرعه رررررررررررررد؟؟؟؟؟؟؟؟؟؟


أميره بكلمتي
كليات البنات في الشرفية توها منضمة إلى جامعتنا
و إلى الآن فيه إشكاليات كثيرة في مثل هاذي الأمور ..

يعني مثلاً فيه شروط تشترطها الكلية الي تبغين تحولين لها .. و فيه شروط تشترطها عمادة القبول و التسجيل
و برضو هل القسم الي انتي فيه موجود في الكلية الي تبغين تحولين لها ..
فيه أمور كثيرة .. و إن شاء الله في القريب العاجل رايح يتضح كل شي

أنصحك تطلعين على شروط التحويل ألي أعلنتها عمادة القبول و التسجيل قبل أسبوع على هذا الرابط :
http://www.ckfu.org/vb/showthread.php?t=7140

إن شاء الله رايح تفيدك
و فيه أرقام موجودة بإمكانك تتصلين على المسؤولين و تسألينهم ...

[بـــو أحــمــد]

هلا بو احمد
انا مابغا احول ابغا اسحب ملفي من الدمام الحين
و اذا فيه تسجيل السنه الجايه بالحسا بسجل حاسب بالحسا لآن الكليه كلها تقول لي مجنونه 98, 19 وداخله علم حيوان وانا هالقسم ماحبه ابغي حاسب
فهل عادي يعني اسحب ملفي الحين مثلا والسنه الجايه اقدم من جديد بس مو اكيد بالدمام راح اقدم بالحسا ولا راح يتحججو علي ويقولون اني كنت تبع الفيصل ذي السنه وما يصح اسجل مر ه ثانيه بأي كليه تبع الفيصل ؟؟؟؟؟؟


ليل
بحاول أقابل الدكتور عبد الله النجار- عميد القبول و التسجيل و أسأله
و إذا ما قدرت بقابل الدكتور محمد الفريدان - وكيل العميد
و رايح إن شاء الله أنقل لك إجابتهم ..

بس ترا ما فيه إلا أنك تسجلين في كلية المجتمع للبنات بالأحساء
هي فيها حاسب .. لو كانت فيه ك فرصة ...
أو بإمكانك تسجلين في كلية الدراسات التطبيقية و خدمة المجتمع .. و تدرسين على حسابك

أعتقد كذااا تقصدين ؟؟؟


ترا فيه طالبات يدرسن في كلية العلوم الزراعية و بعدين سحبن ملفاتهن و سجلن من جديد في كلية الدراسات التطبيقية و خدمة المجتمع
ودرسن على حسابهن

[بـــو أحــمــد]

ليل
أبشرك سألت الدكتور محمد الفريدان - وكيل عميد القبول و التسجيل
و قال لي بإمكانك تسحبين ملفك و تقدمين من جديد في السنة الجاية :119:

[ليل]

ايه ياااااااااااربي بو احمد الصراااااااااحه انا ماراح انسا لك ذا الصنيع
والله تعبتك معي اسفه اسفه اذا تعبتك معي تسلم والله
انا راح ادرس السنه الجايه حاسب في جامعة الملك فيصل في الحسا اخيرا
اخيرا تحقق حلمي يااااااااااااربي مشكووووووووووووور مشكوووووور
بس اهلي قالو لي كملي ذي السنه علم حيوان في الدمام
والسنه الجايه ان شاء الله سجلي باجامعة الملك فيصل بالحسا
هم قالو لي كذا يقولو الواحد مايضمن حاله تسحبي ملفك بعدين يمكن مايقبلونك
الاوضاع كل ماجاها والله تصعب
بس يلا مشكووووووووووووووووووووووووووووووور جدا جدا جدا

[ليل]

عندي سؤال بو احمد معليش تعبتك معي هذا السؤال حق صديقتي تسألك وياه :
لو سجلت في جامعة الملك فيصل اللي ف الحسا السنه الجايه في اخصائية تغذيه ممكن يقبلوها ولا راح يقولون انه تبع التخصصات الصحيه يعني مايجوز ي تدخل اختبار القبول له
لآني دخلت اختبار العلوم الطبيه بالدمام فهل بيمانعون لو دخلت في الحسا في اختصاصيه تغذية ؟؟؟؟؟؟

[ليل]

انتظــــــــــــــــــــــــــــــــــر الرد ..............^_^ بو احمد الله يعطيك العافيه :000:

[ليل]

يعني خلاص اعتمد اني لو سحبت ملفي من كلية البنات اللي في الدمام وقدمت السنه الجايه في جامعة الملك فيصل اللي بالحسا قسم حاسب راح يقبلوني ؟؟؟؟؟؟؟؟:bngo12:

[طرف زوليه]

الله يسهلكم اموووووركم ياااارب:066: :066: 066

[بـــو أحــمــد]

ايه ياااااااااااربي بو احمد الصراااااااااحه انا ماراح انسا لك ذا الصنيع
والله تعبتك معي اسفه اسفه اذا تعبتك معي تسلم والله
انا راح ادرس السنه الجايه حاسب في جامعة الملك فيصل في الحسا اخيرا
اخيرا تحقق حلمي يااااااااااااربي مشكووووووووووووور مشكوووووور
بس اهلي قالو لي كملي ذي السنه علم حيوان في الدمام
والسنه الجايه ان شاء الله سجلي باجامعة الملك فيصل بالحسا
هم قالو لي كذا يقولو الواحد مايضمن حاله تسحبي ملفك بعدين يمكن مايقبلونك
الاوضاع كل ماجاها والله تصعب
بس يلا مشكووووووووووووووووووووووووووووووور جدا جدا جدا

ليل
كلام الأهل صحيح ..
بس نسبتك ما شاء الله تأهلك للتسجيل مرة ثانية ...

بس فيه ملاحظة لا بد تعرفينها ..
قسم الحاسب موجود في كليتين ...

1/ كلية المجتمع للبنات بالأحساء .. الدراسة فيها ببلاش ، بس ما يصرفون مكافآت للطالبات فيها ..

2/ كلية الدراسات التطبيقية و خدمة المجتمع ، و هاذي كلية أهلية .. يعني الدراسة فيها بفلوس ... لا بد تدرسين على حسابك
وكل سنة يفتحون فيها القبول للفصل الدراسي الثاني و بشرط وجود أماكن شاغرة

[بـــو أحــمــد]

عندي سؤال بو احمد معليش تعبتك معي هذا السؤال حق صديقتي تسألك وياه :
لو سجلت في جامعة الملك فيصل اللي ف الحسا السنه الجايه في اخصائية تغذيه ممكن يقبلوها ولا راح يقولون انه تبع التخصصات الصحيه يعني مايجوز ي تدخل اختبار القبول له
لآني دخلت اختبار العلوم الطبيه بالدمام فهل بيمانعون لو دخلت في الحسا في اختصاصيه تغذية ؟؟؟؟؟؟

تخصص أخصائية التغذية هذا يا ليل تابع لكلية العلوم الزراعية و الأغذية
يعني صديقتك لا بد تسجل في كلية العلوم الزراعية و الأغذية عشان تصير أخصائية تغذية

[بـــو أحــمــد]

يعني خلاص اعتمد اني لو سحبت ملفي من كلية البنات اللي في الدمام وقدمت السنه الجايه في جامعة الملك فيصل اللي بالحسا قسم حاسب راح يقبلوني ؟؟؟؟؟؟؟؟:bngo12:

ليل
ايوااا اعتمدي :119:
بس مثل ما قلت لك في ردي السابق .. لك خيارين
إما التسجيل في كلية المجتمع للبنات بالأحساء أو كلية الدراسات التطبيقية و خدمة المجتمع

لأن تخصص الحاسب بالنسبة للبنات موجود في هالكليتين بس ..

الله يوفقك يا أختي :praying:

[ليل]

بو احمد مشكووووووووووور جدا جدا
بس كنت احسب انه فيه حاسب في جامعة الملك فيصل ببلاش يعني مثل الدمام
يدرسون معنا في نف الكليه وببلاش مشكور للتنبيه المهم جدا
يعني لو قدمت في كلية العلوم الزراعيه ان شاء الله مع صديقتي راح يقبلونا
؟؟؟؟؟؟؟؟
والله تعبت معي واهلي الصراحه يقولون لك ماتقصر ولله