للجميع أتمنى الدخول ،،

[*طموحي كبير*]

السلام عليكم جميعاً ..
اولا الحمدلله اللي انعم علينا ربِّ بوصولنا لهالمستوى
ممكن تأخرت بكتابة الشي لكن ما فات باقي مستوى و تونا باديين بالاختبارات
ممكن مشاركاتي وتفاعلي جداً قليل في المنتدى
لكن يعلم في أشخاص خلف الشاشات يقدمون
بكل تعاون وعطاء ومن دون مقابل
ما ننساهم من دعائنا
عتبي على شيء من اول مستوى لحد الآن يتكرر
موضوع الانطباع عن الاختبار أنا عن نفسي أحب ادخله كل ترم للمواد اللي بنزلها للترك الجاي
لكن وش الاحظ فيه كمية سب وشتم ومبالغات فوق المعقول عند البعض طبعاً
معليش اخوي / اختي أسالك بالله متى فتحتي الملزمة / هل تابعتي شرح الدكتور !
احيانا والله المادة تكون أسئلتها جميلة بس العيب فينا ممكن ما ذاكرنا من بدري
تقصير منا مو من الدكتور..
فيه مواد أنا معكم الدكتور يطّلع خارج المنهج يلف ويدور الا بيطلع شي صعب..
لكن فيه مواد رائعة وأسئلتها على قد المقرر اذا شفت السب والشتم اشيل همها و اكتئب
صرت ما ادخل الانطباعات بعد الاختبار ..
ليه ما فيه مصداقية عند البعض ..
ما فتح الملزمة او مذاكر بس أسئلة الاختبارات السابقة ويقعد يسب بالدكتور
اخواني قبل لا تكتبون يا ليت تكونون صادقين تراكم محاسبين على اللي تكتبونه ..
ياليت محد يتضايق أنا أتكلم عن فئة معينة .. يبين اُسلوب اللي مذاكر فعلاً بجهد ..
فاعذروني الأغلب
تعود على اُسلوب الأسئلة المكررة والمباشرة
وصلنا مستوى سابع
خلاص شيلوا فكرت تكرر الأسئلة ونمطها
هذا تخصصنا نتحمّله ولابد من السهل
والصعب ولابد نواجه الدكتور المرن والعكس
ولازم تفاءل باللي جاي
لا تظنون انه حليت باختبار الأخير لانه مع الأسف أمس تعبانة وكنت راح انسحب بعذر من الاختبار بس أديته
متاكدة وربِ شاهد علي اللي مذاكر بتركيز وفهم مو مذاكرة الله بالخير
الفل مارك جايبها لا محالة
الدكتور ما طلع بتاتا من المنهج او من الشرح ..
حتى لو طلع بسؤال زي مثلاً الإسبيلنق او يطّلع خارج المنهج قياس قدراتك أنتِ او انت يا طلبة اللغة الانجليزية
بكره بنكون خريجين بكالوريوس نعتب على إسبيلنق او انه ما يجيب نصاً ومباشرة ..

أتمنى محد يأخذ بخاطره
هي فئة معينة يا ليت تنتبه قبل لا تكتب انطباعه وتكتبه بذمة
لانه هالمواضيع تقرا من اللي بعدنا
ليش ننشر التوتر و السلبية وعدم المصداقية بعض الأحيان

[فيينا]

كلام منطقي وجميل عزيزتي طموحي ، انا عندي قناعه امشي عليها ، اللي يجتهد بيحل مو شرط يكون حل صحيح مئه بالمئه لكن باذن الله بيعدي المادة مافي انسان يجتهد ومايلاقي نتيجه جهده ، مستحيل حتى الغير مسلمين. لم يجتهدون بشي يوصلونه ،

حتى اللي عندهم ظروف ، اذا عندهم عزيمة وارادة. ماتمنعهم ، من اداء اختباراتهم ، لكن اللي مهمل طول السنه ، وجاي يتحسب على الاسئله او الدكتور ، تصرف مش راقي من طلبه ى خلاص حليتو ،. انتهى الموضوع ، لامانع من النقاش الراقي لكن ليش السب والدوعاوي ،


واللي مستغربين من السبلنق ، هذا كارثه صراحه ، الدكاتره يالنسبه لهم احنا مستوى سابع وصلنا لمستوى جدا عالي من اللغه ، يعني مااناقصنا شي من اللغه ،الانجليزية باختصار ( ختمنا تعلم اللغه الانجليزيه ) وهذا اعتقاد الدكاتره عننا ، مع انو فيه طلبه وطالبات للاسف مستواهم باللغه مش جيد ، وهذا المشكله اتوقع اللي تواجهنا كلنا باللغه وبالذات بالاختبارات ، انا بمستوى ثالث ، ماعرف وش مكتوب قدامي ، احل على عماي للاسف حسيت انو وضعي سيء باللغه فقررت اعتمد على نفسي مش الجامعه والحمد الله من مستوى ثالث والى الان وأنا مستمرة بتطوير نفسي ومع ذلك مازلت أواجه صعوبه في بعض الأسئلة للاسف

مثل مادة اليوم حاسه عندي أغلاط والله وماودي اعرفها خليها ، لكن اعتب على نفسي انو ماركزت ، نعم هي فيه شويه لخبطه لكن هذا اللي طلع معي ، والحمد الله على كل حال

لكن اي طالب او طالبه ، مالهم عذر اذا ماحلو صح بالاختبار يصير اللوم ، على الدكاترة ، كلن وجهده بالنهاية ،،

اللغه الانجليزيه تحتاج اولا الى جهد ذاتي ، من نفس الطالب والطالبه لازم يشتغلون على انفسهم ، مش زي باقي التخصصات بس مواد جامعه ويذاكرها وخلاص ، لا اللغه الانجليزية ، تجتاج تطوير ذاتي ومستمر ، ومافي شي صعب الحين مواقع التواصل الاجتماعي مليانه حسابات تعلم اللغه ، النت الالاف المواقع لتعليم اللغه الانجليزيه ، يعني كل شي متوفر ، بقى العزيمه والارادة ، لانو مافي مستحيل اللي عنده إرادة بيوصل للي يبيه وبجدارة بعد

وقدامنا للامانه مواد يبيلها جهد ومذاكرة ، وفعلا كلمات السلبيه مو زينه بالوقت الاختبارات ، رفع المعنويات والكلمات الإيجابية افضل بكثير

وبالذات جمله ( انا ماذاكرت وش اسوي ) !!! جدااا سلبيه للاسف !!!!!!!!!


، والله يوفق الجميع ويسهل علينا هالمستوى يارب

[❞ υм.Aℓßαяα’α ❝]

لقد أسمعت لو ناديت حيا ،، ولكن لاحياة لمن تنادي :icon120:


جزاك الله الجنه ، كلامك فعلا عيين العقل وانا مثلك ما احب ادخل الانطباعات لا قبل ولا بعد الاختبار لاني بالمستوى الاول طحت بمقلب من مدح الشعب لدكتور واسلوبه بالاسئله ووريحت راسي وجبت العيد بالاختبار والعكس ..

اذا الدكتور غلطان او ظالمنا بالأسئله الحل الاعتراض ونجتمع ع هالشي وهذا احتماال يطلع بنتيجه اما سب ولعن وش استفدنا ؟؟!
كنت فتحت موضوع عن طلب مشوره بعد اختبار السقوفي وظلمه لنا والنتيجه انقفل الموضوع من الإداره لان ماله فايده اما مواضيع السب والشتم تحت شعار (انطباعكم) مسموحه :d5:
اما ع الناس الراايقه اللي تبي تنجح بالساهل وبدون مذاكره فذول منهم
من لا يهمهم تعليم والا ماعندهم وقت وفيه من يبون شهادة وبس،هذول ماعليهم حرج ولا يعتب عليهم مهما بينو من (استهتار) بمشاركاتهم.


ما ننكر فيه ناس فعلا جايه تتعلم وتفيد وتستفيد لكنهم قله قليله والغالب ينقصهم دلة شاي وكيس حب وتكمل الجلسه :S_45:


لكن عتبي على الإداره الـ... اللي بإمكانهم (الحذف) وتنبيه الأعضاء قبل وبعد هالمهزله..


هدى الله الجمييع ووفقنا الله واياك لما يحبه ويرضااه :rose: