احول من قسم الإدارة

[lolosad]

السلام عليكم

حابة احد يساعدني ابي اغير قسمي يمديني ولا لا ابي احول من الادارة وانا بالمستوى الخامس

[abo No0orh]

وتبتدي من جديد والتخرج قريب ليش؟

[RAKAN ALDHALAAN]

ايه والله من جد حرام والله كلها سنتين وان شاء الله يارب كلنا نتخرج سوا تحملي وانا اخوكي اصبري الصبر زين الصبر مفتاح الفرج والله يفرج عنا همومنا يارب ترا والله ان سويتيها بتتحسفين وتندمين لان ادارة اعمال تخصص قوي وشهادة قوية وبلوظائف والترقيات حلوه وقوية يعني لاتتسرعين طيعي شورنا شايفة من التخصص شي صعب ماكو شي صعب انتي تصعبين الشي راح يصعب عليك لاتصعبين الشي والله يجعلها سهلات يارب

[-غدير محمد-]

حرام تحولين ومابقى إلا الشي اليسر خذي هذي وبعد التخرج ادخلي اي جامعه ثانيه باالقسم اللي تبين

[فآرمسي]

نصيحه لك 3 سنوات تضيعينها من عمرك ليش باقي لك سنه وتخلصين

[حمود الدعجاني]

لا و 1000 لا تغيير التخصص قد يسبب الإحباط وعدم إكمال الدراسة ، بالإضافة الى فقدان الساعات التخصصية ، ماعاد باقي لك شي وتخلصين ،
توكلي على الله وتفائلي بالخير وشدي حيلك والله يوفقك ..

[عممار]

حرام لاتغيرين باقي لك سنه استحمليها

[أجـــود]

الحين تقريبا خلصت كل المواد العلميه اللي فيها مسائل وقوانين مابقى الا النظري وكم ماده بسيطه علميه+ انك خلصت سنتين+ انك باافضل تخصص



ليش التحويل حرام والله

[سمايا ..]

بالعقل والمنطق لا ماتحولين حطي ببالك مابقى لك الا 16 او 14ماده من اصل 46 مستوعبه انتي والصعب كله راح العملي وكل شي و حطي ببالك كمان لو حولتي تعيدين من اول وجديد سنتين ونص الحين ماراح يتعادل لك فيها الا ثلاث اربع مواد بالكثير ترجعين تعيدين من اول وجديد وتدفعين من اول وجديد من جدك انتي..!؟؟ قرارك التحويل الحين غلط مره مره وحتى لو كنتي مضغوطه ومدري ايش تاكدي ان كل منا عنده اللي مكفيه وماحد مرتاح توكلي على الله باقي لك ثلاث اترام وتخلصين احسن لك من تعيدين من الصقر تعوذي من الشيطان وقدامي نذاكر دوليه بعدين امانه فيك حيل تعيدين من مستوى اول لا اله الا الله مغصني بطني ومالي دخل يالله يالله يالله امسكي دوليه وتعوذي من الشيطان

[azeez0623]

اختي شدي حيلك ، راح الكثير ولابقى الا القليل , انسي هذا الشيء واكملي دراستك. اصبري وثابري واجتهدي فلكل مجتهد نصيب .
نسأل الله التفيق والسداد لنا ولزملائنا وزميلاتنا

[ahmad20_03]

انتبهي تحويلين
للمعلوميه كلنا نحس بصعوبة المواد لاكن الانسان يحط قدامه هدف ويتوكل على الله

من ناحية المذاكره لا تذاكرين وانتي محبطه او تفكرين اقري الماده بفهم واقري اسئلة الاعوام السابقه وتوكلي على الله

[pearl909]

وعسى ان تكرهوا شيئا وهو خير لكم

[ابو العايض]

هذي السنة في حكم المنتهية باقي سنة ترجعي تخلينها 5 سنين ... لو توقفين فترة افضل من انك تغيرين لقسم جيد ممكن يكون اصعب لكي

[joorya moon]

شوفي انتي كملي هالسنه والنص .. وبعدها غيري التخصص :icon120:

[Fatima999]

كل مجال فيه صعوبات
المشكلة فينا احنا
تقدر نتحدى او لا!
اللي بقى من المقررات اسهل من اللي راح
ماراح تحسين بقيمة النجاح الا اذا اخذتي الوثيقة
كل الصعوبات اللي واحهتيها طول هالسنوات
بتنسيها يوم التخرج لما ترمي القبعة فوووووق