ضروري أستفسار عن كلية المانع؟

[شرقآآآوي]

بسم الله الرحمن الرحيم
السلام عليكم ورحمة الله وبركاته
أنا توني عضو جديد بينكم أن شاءالله تقبلوني أخو لكم
أحبيت أسفسار عن كلية المانع
س1/كيفية التسجل في الكلية وأيش الأوراق المطلوبه للتسجيل؟
س2/أنا نسبتي 69.83يعني جيد هل يقبلوني أولا>> على الحفه كلش أن شاء الله يقبلوني
س3/كيف دراستهم صعبه ولا يعني و شهاداتهم مضمونه ولا لا أبغى الجواب بصراحه؟
س4/ أيش هو أختبار القبول عباره عن أيش يعني الأسئلة كيف طريقته تختبر على كمبيوتر أوعلى ورق أو مقابله؟
س5/وأبغى أعرف أذا الواحد بيدرس على حاسبه كم يدفع أذا كان بكالوريوس أو دبلوم
يعني بكالوريوس كم والدبلوم كم يعني الدارسه كامله كم تطلع عليك؟
س6/أيش المواد اللي ندرسه وأيش أحسن تخصص الصيدله أو التمريض >> بمعني أحس أن الصيدله أسهل بس مدري؟
وبصراحه أنا متخوف كل مدخل منتدى أسمع ناس ترفع في المعهد وتقول زين وحلو وناس لا تذم وتقول لا موزين وشهادة مومضمونه فيه فيعني الواحد الحين صار متحير عاد فامانه اللي يعرف عاد لايبخل علينا ياأخوان؟؟
وأتمنى ألقى حق أسلئتي جواب ؟؟؟
والله يوفقن ويوفقكم اَمين يارب العالمين..
أنتظرا ردكم علي ياالغوالي...
ماعليش طولت عليكم بس طول بالكم علي وأذا عندي أي سؤال بسدحه هنا على طول<<لابالعرض ههههههه
أخــوكــم:~~ مــج ــهــول الــهــويــه~~

[شرقاوية موووت]

هلا والله اخوووي حياك نوورت ...
وراح اجاوب عاللي اقدر عليه واكيد البرستيج قلبو ماراح تقصر معك ...


س1/كيفية التسجل في الكلية وأيش الأوراق المطلوبه للتسجيل؟

تروح للكليه نفسها وتقدم اوراقك ..


والاوراق المطلوبة

شهادة الثانوية الاصلية وصورة منها .. و صورة من بطاقة العائلة وصورة من نتيجة القدرات والتحصيلي
و4 صور شخصية تقريبا


س2/أنا نسبتي 69.83يعني جيد هل يقبلوني أولا>> على الحفه كلش أن شاء الله يقبلوني


نسسبتك مررة نازله ومافيه امل يقبلونك على حساب الموارد ( الحكومة) ومادري بالنسبة لدخولك بحسابك الشخصي يمكن يقبلونك الله اعلم ...
س3/كيف دراستهم صعبه ولا يعني و شهاداتهم مضمونه ولا لا أبغى الجواب بصراحه؟

انا بالنسبة لي دراستهم سهله وحلوووة
س4/ أيش هو أختبار القبول عباره عن أيش يعني الأسئلة كيف طريقته تختبر على كمبيوتر أوعلى ورق أو مقابله؟
هو اختبار تحديد المستوى يكون كله انجلش عالكمبيوتر وراح يحدد بس اذا تحتاج لترم انجلش او ترمين او تدخل تخصص على طول ولكنه مايحدد القبول ...
س5/وأبغى أعرف أذا الواحد بيدرس على حاسبه كم يدفع أذا كان بكالوريوس أو دبلوم
يعني بكالوريوس كم والدبلوم كم يعني الدارسه كامله كم تطلع عليك؟
دبلوم
24 الف بالسنة
والبكالريوس
60 الف بالسنة
س6/أيش المواد اللي ندرسه وأيش أحسن تخصص الصيدله أو التمريض >> بمعني أحس أن الصيدله أسهل بس مدري؟


ماعندي فكرة لان دراستي ماهي هالتخصص بس اتوقع التمريض يقولون اسهل البنات على حسب ماسمعت ...

واللي اعرفه المواد الي تدرسها بالسنة الاولى تاخذ الترم الاول الاساسيات
كيمياء
فيزياء
احياء
انجلش عام
اخلاقيات المهنة
وثقافة اسلاميه

امممممممممم هيك يعني



..
السموحة عالقصووور
وربي يوفقك ...


:119:

[البرستيج]

السلام عليكم ورحمة الله وبركاته


وعليكم السلام ورحمة الله وبركاته

أنا توني عضو جديد بينكم أن شاءالله تقبلوني أخو لكم

ياهلا والله نورت..


أحبيت أسفسار عن كلية المانع

بخدمتك..

س1/كيفية التسجل في الكلية وأيش الأوراق المطلوبه للتسجيل؟


الأوراق المطلوبه :
1/ نسخه من الشهاده..
2/ نسخه من شهادة حسن سيره وسلوك ..
3/ صوره شخصيه ..
4/ صوره من بطاقة الأحول ..
5/ 100 ريال ..


س2/أنا نسبتي 69.83يعني جيد هل يقبلوني أولا>> على الحفه كلش أن شاء الله يقبلوني

يُعتمد في حين لو أحتسبوها لك 70 ..
هذا بالأضافه إلى دعم صندوق الموارد البشريه ..

س3/كيف دراستهم صعبه ولا يعني و شهاداتهم مضمونه ولا لا أبغى الجواب بصراحه؟


من حيثُ الدراسه .. لابأس فيها ..
أما الشهاده .. إن شاءالله مضمونه..

س4/ أيش هو أختبار القبول عباره عن أيش يعني الأسئلة كيف طريقته تختبر على كمبيوتر أوعلى ورق أو مقابله؟

الأختبار من قِبل الكليه هو أختبار تحديد مستوى فقط لاغير ..
يحدد أن كنت بحاجه إلى السنه التحضيريه أم لا...
وطبعاً تدفع 100 ريال يوم الآختبار..
إذا كان التخصص دبلوم فتحتاج إلى أمتحان البرومترك..
إللي يكون الأمتحان في معهد نيوهورايزن ! وقيمة الأمتحان <>< إن شاءالله يفيدك أحد الآعضاء بذلك ..
والأختبار على جهاز الحاسب الآلي .
س5/وأبغى أعرف أذا الواحد بيدرس على حاسبه كم يدفع أذا كان بكالوريوس أو دبلوم
يعني بكالوريوس كم والدبلوم كم يعني الدارسه كامله كم تطلع عليك؟

السنه التحضيريه : للسمستر 6 الآف ريال ..
وللسنه: 12 الف ريال..
الدبلوم : للسمستر الواحد 12 الف ريال..
السنه :24 الف ريال..

البكلريوس : للسمستر 30 الف ريال ..
السنه :60 الف ..



س6/أيش المواد اللي ندرسه وأيش أحسن تخصص الصيدله أو التمريض >> بمعني أحس أن الصيدله أسهل بس مدري؟

التخصصات الموجوده..

الصيدله ..
المختبرات..
التمريض..
التخدير..
تأمين صحي ( للبنات فقط)...

وأيهما أفضل ..
حسب الترتيب أعلاه ..

وإي فيهم أسهل..

كل تخصص يبيله مجهوده الخاص..



وبصراحه أنا متخوف كل مدخل منتدى أسمع ناس ترفع في المعهد وتقول زين وحلو وناس لا تذم وتقول لا موزين وشهادة مومضمونه فيه فيعني الواحد الحين صار متحير عاد فامانه اللي يعرف عاد لايبخل علينا ياأخوان؟؟
وأتمنى ألقى حق أسلئتي جواب ؟؟؟

بصراحه وكوني طالبه أدرس بالكليه..

ما أنصحك..


والله يوفقن ويوفقكم اَمين يارب العالمين..
أنتظرا ردكم علي ياالغوالي...



الجميع..




تحياتي لك..

[شرقآآآوي]

هلا والله اخوووي حياك نوورت ...


النور نورك والمنتدى منور بوجودك خيتو~_~
..
السموحة عالقصووور
مامنك قصور تسلمين
وربي يوفقك ...
أجمعين أن شاء الله*_*

:119:





ياهلا والله نورت..
منور بوجودك خيتو~_~

بخدمتك..
تسلمين
يُعتمد في حين لو أحتسبوها لك 70 ..
هذا بالأضافه إلى دعم صندوق الموارد البشريه ..
(وأذا على حسابي يقبلوني يعني ولا لا مافهمت ممكن توضحين أكثر خيتو)
من حيثُ الدراسه .. لابأس فيها .. (والدراسه كم سنه بكلريوس وكم سنه دبلوم )
أما الشهاده .. إن شاءالله مضمونه..
إذا كان التخصص دبلوم فتحتاج إلى أمتحان البرومترك..
إللي يكون الأمتحان في معهد نيوهورايزن ! والأختبار على جهاز الحاسب الآلي . (وشهو هذا أختبار البرومترك بعد وأيش نوع الأسئله)


السنه التحضيريه : للسمستر 6 الآف ريال .. (يعني المقصود بالسمستر الفصل الداراسي ولاأيش؟؟؟؟)
وللسنه: 12 الف ريال..
الدبلوم : للسمستر الواحد 12 الف ريال..
السنه :24 الف ريال..

البكلريوس : للسمستر 30 الف ريال ..
السنه :60 الف ..
(يعني مجوع اللي تدفعه كم يطلع في النهايه)

بصراحه وكوني طالبه أدرس بالكليه..

ما أنصحك..
(ليش شنهو الأسباب عشان نعرف؟ يعني بس عندكم أنتوا البنات ولاحتى الشباب موزين الدراسه)
تحياتي لك..
وصلت تحياتك تسلمين

شرقاوية موووت + البرستيج
مشكورين وربي يعطيكم ألف عافيه...

[شرقاوية موووت]

الدبلوم سنتين ونص
والبكالريوس 5 سنوات
:mh19:


البرومترك اختبار بس للدبلوم ...

انجلش بعد وسهل بس يبيله تركيز وله نسبة محدده عشان تعديه وتدخل تخصص الدبلوم الي انت تبيه ...

وسمستر يعني نص سنة ...فصل دراسي واحد بسس

:cheese:
والعفووو ماسوينا شيئ يعافيك ربي ...

[البرستيج]

(وأذا على حسابي يقبلوني يعني ولا لا مافهمت ممكن توضحين أكثر خيتو)

أن شاءالله..
(والدراسه كم سنه بكلريوس وكم سنه دبلوم )

مثل ما أسلفت شرقاوويه موت ..
لكن أضف عليهم السنه التحضيريه أن احتجت لها..

(يعني المقصود بالسمستر الفصل الداراسي ولاأيش؟؟؟؟)

كتبت لك أخوي ..
السنه التحضريه كامله 12 الف يعني السمستر الواحد أخذ نص الرقم..
الدبلوم 24 الف .. يعني السمستر 12 الف ..
البكلريوس 60 الف .. يعني السمستر الواحد 30 الف ..

(يعني مجوع اللي تدفعه كم يطلع في النهايه)


مثلاً البكلريوس خذ 60× 5 = 300 الف
أفرض أخذت السنه التحضريه كامله بيكون المجوع
300 × 12 =00 36 الف ..
وهكذا...!

(ليش شنهو الأسباب عشان نعرف؟ يعني بس عندكم أنتوا البنات ولاحتى الشباب موزين الدراسه)

عند الأثنين ...

أولاً : الساعات جداً طويله .. يعني متحمل يكون دوامك من 8 - 4
ثانياً: أنظمه سئيه جداً ..
ثالثاً: قرارات ليست ثابته ..
رابعاً : نصب .
خامساً : ظلم ..
سادساً : المكان ليس مهئ للدراسه أبداً !..
سابعاً: وماخفي كان أعظم..

[E R H A B I]

يآشيخ آذآ بتدرس على حسآبك بترتآح

آمآ آذآ مو على حسآبك آنحآش ورب آلبيت بيعقدونك نفسيآ ..

[Fine man]

السنه التحضيريه : للسمستر 6 الآف ريال .. (يعني المقصود بالسمستر الفصل الداراسي ولاأيش؟؟؟؟)
وللسنه: 12 الف ريال..
الدبلوم : للسمستر الواحد 12 الف ريال..
السنه :24 الف ريال..


البكلريوس : للسمستر 30 الف ريال ..
السنه :60 الف

البرستيج هذا نصب هذا كلام جديد

البكالوريوس السمستر ب30 الف ريال

والدبلوم السمستر ب 12 الف ريال

والسنة التحضيرية السمستر ب6 الف ريال

هذا نصب وظلم

بكالوريوس ولا دبلوم ولا سنة تحضيريه

كله سمستر واحد ليش الرسوم تختلف

البكالوريوس السمستر ب30 الف ريال

والدبلوم السمستر ب 12 الف ريال

والسنة التحضيرية السمستر ب6 الف ريال

كله سمستر واحد يزيدون برسوم حرام ياخذون فلوس الناس باردة مبردة

مافي فرق بكالوريوس ولا دبلوم ولا سنة تحضيرية كله سمستر واحد

حرام ياكلون فلوس الناس

[Fine man]

اخوي مجهوول الهويه

ان عن نفسي ما انصحك تدرس بكلية المانع

اولا ما عندهم نظام كل يوم كلام جديد تتفاجئ فيها هذي اعظم مشكلة بهالكلية

وما خفي اعظم

انصحك اخوي في ملتقى فيصل يوجد منتدى للاكاديمية انصحك تدخله وتستفسر

وتعمل مقارنه بين الاكاديميه والمانع وبعدين تقرر وين تروح ان بصراحه

انصحك تدرس بلاكاديميه حسب ما سمعت وضعه افضل من المانع بكثير

استفسر بمنتدى لاكاديميه واعمل مقارنه وفكر زين

[البرستيج]

البرستيج هذا نصب هذا كلام جديد


بعد مو جايبته من عندي !!!:000:


وتعمل مقارنه بين الاكاديميه والمانع وبعدين تقرر وين تروح ان بصراحه




فعلاً أخوي إذا عندك مقدره على الدراسه على حسابك..


عندك معهد التنميه..
كلية الغد ..
الآكاديميه..
المواساة & السباعي<>< مش متأكده أن كان فيه للأولاد !!
يعني بصريح العباره أترك المانع لـ آخر آخر آخر آخر أحتمالاتك!!

[فج ـر]

سؤال داخل عرض
الصيدله فيها تشريح ههههههههههه

[البرستيج]

سؤال داخل عرض
الصيدله فيها تشريح ههههههههههه




من حيثُ الدراسه : دراسة علم التشريح لايكون بكثافة مايدرسونهُ تخصص التمريض والتخدير..
من حيثُ التبيطق والعمل: لا..

[سجود الروح]

خوفتوني :Cry111:


ليش؟؟؟؟؟


كنت بدرس في المانع

والحين مدري



خايفة وافكر بكلامكم حيرتوني ؟؟؟

[سمرالشعلان]

:g2:

[فج ـر]

استخيري .. وربي يكتب لك الي فيه الخير =)

:love080:

[البرستيج]

خوفتوني :cry111:


ليش؟؟؟؟؟


كنت بدرس في المانع

والحين مدري



خايفة وافكر بكلامكم حيرتوني ؟؟؟



استخيري .. وربي يكتب لك الي فيه الخير =)




:119:

[غرورر]

كلآمكم مره يخوف وآنآ مـ سجلت الا بـ المـآنع .،

الله يستر ويوفقنـآ .،

بس عندي اختي وبنت عمي يقولون الدراسه مره حلوه ،

......؟

[شرقاوية موووت]

حبيبتي كل مكان تلاقي الزين والشين
والايجابي والسلبي
بس الواحد يدور الافضل

ربي يوفقك وين ماكنتي يالغلا ^-^

[شرقآآآوي]

السلام عليكم
هل آنتهى التسجيل بالكلية ؟؟؟
وشنهو الاوارق المطلوبه
والدارسه كم تكلفتها(دبلوم تمريض أو صيدلة) المجموع النهائي
وهل الدارسه سهل وحلوه
والشهاده مضمونه
وين موقع الكليه بالضبظ في الخبر
ويعطيكم ربي ألف عافيه.

[.يوكي.]

لا اخي الي بعرفو انو مانتهى التسجيل
وتكلفة الصيدلة باكلريوس 60 الف بالسنة اما الدبلوم 24 الف بالسنة

الاوراق المطلوبة :
2 نسخة من شهادة الثانوية
2 نسخة من شهادة السيرة والسلوك
4 صور شخصية
100 ريال رسوم التسجيل
2 نسخة من بطاقة العائلة

اما عن الدراسة مابعرف اذا كانت سهلة وحلوة ولا لا لاني مستجدة

هي بالخبر الشمالية اما عن موقعها بالضبط مابعرف يارب يجيك حدا يفيدك عن هذا

ايوا الصيدلة مضمونة وكمان سمعنا ان التمريض مضمون

والله يعافيك ^_^

[شرقاوية موووت]

السلام عليكم

هل آنتهى التسجيل بالكلية ؟؟؟
وشنهو الاوارق المطلوبه
والدارسه كم تكلفتها(دبلوم تمريض أو صيدلة) المجموع النهائي
وهل الدارسه سهل وحلوه
والشهاده مضمونه
وين موقع الكليه بالضبظ في الخبر

ويعطيكم ربي ألف عافيه.



وعليكم السلام ورحمة الله وبركاته

ايوة اخوي التسجيل مثل ماقالت خيتوو باقي مفتوح الى اول يوم دراسي

والاوراق المطلوبة

2 نسخه من شهاده الثانوية العامه
2 نسخه من شهاده حسن السيرة والشلوك
2 نسخه من بطاقه العائله او الاحوال
موافقة خطية من ولي الامر
100 ريال رسوم التقديم
نسخه من نتائج التحصيلي والقدرات <-- لتخصصات البكالريوس فقط
4 صور شخصية لك بمقاس صور الجواز


والبكالريوس 60 الف بالسنة ( يعني 30 الف بالترم )
الدبلوم 24 الف بالسنة ( يعني 12 الف بالترم )
السنة التحضيرية مثل الدبلوم 24 الف بالسنة

والدراسة حلوة وممتعه بس يبي لها شوية جهد وتركيز


هذا العنوان اخوي


موقع المعهد
معهد المانع للتدريب الصحي / الخبر الشمالية / مقابل مستشفى المانع - تقاطع 17
للاستفسار تلفون 8649066 – 8890846 تحويلة 112-110


* مميزات الدراسة بكلية ومعهد المانع:
- يمنح الطالب شهادة البكالوريوس معتمدة من وزارة التعليم العالي، وشهادة الدبلوم مصدقة من الهيئة السعودية للتخصصات الصحية.


يعافيك ربي ويوفقك

[شرقآآآوي]

السلام عليكم
يوكي و شرقاوية موووت
يعطيكم ربي ألف ألف عافية..
بس ماجوبتوني على هالسوال الشهادة مضمونه ولا لا
وحبيت أستفساربعد>>>يحبك للهذره هههههههههههههههه
ليش مطلوب من كل الاوارق ثنتين
والموافقه من ولي الامر للبنت بس ولا حتى الولد لازم موافقه من الوالد
وإذا لازم شنهو أكتب في هالموافقه وإذا لسمح الله مانقبلت يرجعون الاوارق والصور لي ولاياخذونه
وشنهو الفرق بين شهادة البكالريوس معتمده من وازراة التعليم العالي وشهادة الدبلوم مصدقة من الهيئة السعودية للتخصصات الصحيه
- يمنح الطالب شهادة البكالوريوس معتمدة من وزارة التعليم العالي، وشهادة الدبلوم مصدقة من الهيئة السعودية للتخصصات الصحية.
وإذا مافيها كلفها يعني تحطون نبذة عن كل تخصص أوربط يفيدناً مثلاً دبلوم تامين صحي أوأي تخصص نبي نبذه عن شنهو اللي ناخذه فيه من مواد وشنهو أحسن تخصص والدوام من كم الساعة إلى كم وهل الدارسه مختلطه ولا لا...
وعساه في ميزان حسناتكم قولوآ آمين
ومشكورين مقدماً يالغوآلي...

[شرقاوية موووت]

يعافيك ربي اخوي

ايوة مضموونه الشهاده باذن الله

والموافقة ايوة مش محدد اذا بنت او ولد

وتكون على سبيل المثال

السلام وبعدين البسمله
والى ادارة المانع المحترمه
انا ولي امر الطالب ..... واننا نوافق على دراسته في المانع ونتحمل المسسؤوليه

ومن هالكلام يعني

و اذا ماقبلوك خلاص يتلفون الاوراق والصور لك
والاوراق الاصلية مايطلبونها الا اذا تم قبولك اكيد

والفرق بين الوزارة والهيئة الصحيه
كل شيئ معتمد من ناحيه غير يعني

واذا تبي نبذه عن اي تخصص اسسئل وان شاء الله نفيدك اخوي


:)

[شرقاوية موووت]

وساعات الدراسة من 8-3 وعلى حسب جدولك وفي اي سنة وتخصصك

يعني انا مثلا كنت احضر في اليوم الواحد محاضرة او 2 بسس

وكان قبل مختلط واصلا هو بشكل عام مختلط
بس اسمع يقولوا هالسنة ماراح يكون مختلط وراح يفصلونكم
و الترم الي طاف الي قدموا ماخلوهم مختلط


والمواد الي تاخذها على حسب تخصصك

بس السنة الاولى فيها المواد التحضيرية الاساسية بشكل طبيعي

:)

[شرقآآآوي]

مشكووره وماقصرتي
سلامات ليش يتلفونه الاوراق أنزين أذا الواحد ماعنده الا صورتين من الشهادة أوثلاث مختومين من المدرسه
ويجونك ذيلي ويتلوفن شلون يعني ولا أصور صورتين من الشهادة وأعطيهم
أبي نبذة عن تخصص التمريض والصيدله وتامين صحي والمواد اللي ندرسها>>>طمع ههههههههههههههه
ويعطيش العافيه أخيتي ومشكووره..

[شرقاوية موووت]

العفو اخوي ماسوينا الا الواجب

اذا تبيهم انت قول لهم

لان بيكلمونك اذا لاسمح الله ماقبلوك بيقولوا لك اذا تبي على حسابك او لا
وانت بهالوقت روح لهم خذ اوراقك
وبامكانك ايوة تصور الشهادات يعني ماتعطيهم مصدقه

وتخصص الصيدله معروف اتوقع من اسمه يعني امممم بتاخذ شغلات عن الادوية وكذا والصيدله
ومدة الدراسة 5 سنوات تقريبا
و بالسنة الاولى تاخذ المواد التحضيرية الاساسيات
مثل الاسلاميك و الفيزياء والكيمياء والاحياء و الانجلش و اخلاقيات المهنه وهيك يعني

وتخصص التمريض من اسمه كذلك معروف يعني تكون ممرض <-- يعني وصفت لك ههههههههه
مثل الممرضين الي نشوفهم بالمستشفى هع
ومدته على حسب لان فيه بكالريوس ودبلوم
والبكالريوس 5 سنوات والدبلوم سنتين ونص
والسنة التحضيرية بعد مثل الصيدله كذلك

التامين الصحي بس دبلوم فيه سنتين ونص
السنة التحضيرية اخذوا فيها الي اعرفهم الرياضيات و الاسلاميك والشغلات الاساسية
وهالتخصص يشبه وفيه شيئ من المحاسبه البنات يقولوا


:)




الاختبار اخوي سهل بس يبي له تركيز
راح يكون قطعه وعليها اسئلة
واختيارات وطبعا كله عالكمبيوتر
و بيكون فيه قرامر و هيك يعني
بس ركز شوي فيه


:)



=]

[البرستيج]

وشنهو الفرق بين شهادة البكالريوس معتمده من وازراة التعليم العالي وشهادة الدبلوم مصدقة من الهيئة السعودية للتخصصات الصحيه
البكالوريوس يعني مثل شهادة تمنح لكل متخرج من جامعه او كلية سواء كانت حكوميه او خاصة بشرط ان تكون هذه الجامعه او الكلية معترف فيها من قبل وزارة التعليم العالي طبعاً كل الجامعات والكليات في المملكة تابعه او تصدق شهادات التخرج عن طريق وزراة التعليم العالي يعني في حالتكم انتوا الحين انتوا تتبعون التعليم العالي واللي هو يختلف عن وزراة التعليم العاديه اللي هي ( المعارف ) وعلشان اسهلها لك اكثر وزارة المعارف تابع لها ( كل المدارس من المرحلة الابتدائة حتى الثانويه ) اما التعليم العالي يتبع له ( الجامعات والكليات ) يعني في حالتكم انتوا الحين تتبعون انظمه وزارة التعاليم العاليم لأنكم جامعة
اما هيئة التخصصات : هي اللي يتبع لها المعاهد سواء الخاصة او الحكومية وتطبق عليها انظمة هيئة التخصصات والمتخرج من المعاهد يمنح شهادة دبلوم مصدقة من هيئة التخصصات الصحية
والشهادة هي نفسها اللي يسمونها ( شهادة التصنيف ) تمنع بعد اتجتياز الاختبار
كذلك الحاصل والمتخرج من الجامعات والكليات لابد له من دخول امتحانات هيئة التخصصات علشان يصنف كلاً على حسب تخصصة يعني ابسطها لك اكثر
لما انتي ان شاء الله تخلصين من البكالوريوس لابد منك ان تخشين امتحانات هيئة التخصصات ولما تجتازين الامتحان ان شاء الله يتم تصنيفك انك صرتي صيدلانيه او شخص في متخصص في المجال الصحي لابد منه يدخل امتحان هيئة التخصصات ويعدي الامتحانات سواء كان دبلوم او بكالوريوس او تابع لمعهد او كلية او جامعه
وبس

</B></I>

http://kas911.com/vb/alkaser/images/statusicon/user_online.gif

نقلاً عن outlaws