حرموني من الاختبار والسبب تافه

[الوردة 234]

نفسيتي تعبانه حرموني من الاختبار والسبي تاخيري خمس دقايق جالسه من الصباح اذاكر ومتعبه نفسي واحل المناقشات ومجتهده فيهم وبالنهايه يحرموني من الاختبار عشان سبب تافه ااطريق زحمه والمواصلات مب بكيفنا حسبي الله ونعم الوكيل مقهوره والماده مو ببلاش دافعه فيها فلوس والفلوس طالعين من قلبي مقصره ع نفسي بالمشتريات عشان اوفر حق هالمواد وبالنهايه بكل برود يمنعوني من الاختبار لاني تاخرت بس خمس دقايق عن الموعد الاصلي حسبي الله ونعم الوكيل

[Queen36]

الله يعوض عليك اختي غريبه مركز الاختبار عندي يجلسون نص ساعه وعادي يسمحون لهم..خيره لك

[لــوســي]

يا ألله:(

والله حاسه فيك .. احياناً تكون الطريق زحمه وما اوصل على الوقت

لكن المراقبات يتفهمون ويدخلوني

مو من حقهم يمنعونك اذا مامر نصف الوقت

[ريم الكويت]

مو من حقهم إذا ماطاف نص الوقت

[maramalghamdi15]

سوى عذر انه تاخرت 5 دقايق ولا دخلت يعني اشرحي الوضع خير ان شاء الله موب ل هدرجه متحمسين

[كتكوتة الصغيرة]

اذا انتي ما تأخرتي الين نص الوقت مالهم حق يحرمونك من الاختبار
مالك حل الحين غير انك تدبرين عذر غياب لذا المادة


حسبي الله ونعم الوكيل

[بنتوو لعبدالله]

حسبي الله ونعم الوكيل
والله شيء يغبن

[فراشة العلم]

قهررر والله
اشوف بنات اليوم الساعه اربعه ونص توها تدخل
واختبرت عادي
صلحي شكوى وارسلي للفريدان
ولاتخلي وسيله
والله يعينك

[الطالبة المنتسب]

فيه طالبات امس دخلوا بعد ربع ساعة او اكثر ودخلوهم عادي

[غريب الرياض]

راسلي الدكتور عبدالله الفريدان

ووضحي له قصتك
الله يساعدك
انا مثلك قبل كم يوم
بس انا غبي ��ههههه
رحت للاختبار الساعه ٧
المهم طلع اختباري الفتره الاولى :eek:

وحاولت انهم يختبروني بحكم اني مادريت هههه
المهم كرشوني
ودبرت عذر طبي واذا فتحت الايقونه ابرسله

تخيلوا والله اني اخر ترم
بس ي الله خيره ان شاء الله
ووسعي صدرك اذا جبتي لهم عذر
ترا مايأثر على معدلك وتروح معك الترم الجاي
بدون رسوم
اما اتعابك الثانيه
اسال الله ان يوفقك ويفرج همك
يارب ويرزقك من اوسع ابوابه

[Excuse Me]

ارفعي شكوى عليهم على إيميل الفريدان وراح يعيد لك الاختبار ان شاء الله

[shhs]

نفسيتي تعبانه حرموني من الاختبار والسبي تاخيري خمس دقايق جالسه من الصباح اذاكر ومتعبه نفسي واحل المناقشات ومجتهده فيهم وبالنهايه يحرموني من الاختبار عشان سبب تافه ااطريق زحمه والمواصلات مب بكيفنا حسبي الله ونعم الوكيل مقهوره والماده مو ببلاش دافعه فيها فلوس والفلوس طالعين من قلبي مقصره ع نفسي بالمشتريات عشان اوفر حق هالمواد وبالنهايه بكل برود يمنعوني من الاختبار لاني تاخرت بس خمس دقايق عن الموعد الاصلي حسبي الله ونعم الوكيل

اي منطقه ؟ واي مركز بالضبط


وخذي اسم المراقبه اللي عيت




ولكل بنت تتاخر لاتعصب ولاتصارخ وتسوي تحدي لانهم نفسيات المراقبات والله اغلبهم يعاملونك كنك بالتمهيدي بس الحل معهم خليك محايد لا مع ولا ضد


مالك الا تقولينلها ممكن السبب < تقولك تاخرتي


اساليها كم تاخرت ؟ تقولك ٥ دقايق


قولي شرط الاختبارات حد نص ساعه من يبدا او نص الوقت (اغلبهم كذا او كذا)


ثالث شي/ قولي ممكن اسمك يالمراقبه اذا عيت وسوت افلام اعرفي انها خايفه وان معك الحق فلزمي عليها اسمها تاخذينه




وممكن تروحين قاعه ثانيه لنفس الاختبار احيانا مراقبات زينات وبعضهم قشرات :mad:


وان عيوو كلهم تروحين ل مشرفه المركز اللي تلفف عالقاعات وتعطينها بهدوء الموضوع واسم المراقبه وقوليلهم


تاخيري من وقتي وماطلبت زياده وعطيهم دمعتين :sm1:


اما التحدي والصراخ بيسوونها عناد




<<لو تعرفون وش واجهت مع المراقبات بهالمستويات الي درستها ووش شفت عليهم من تصرفات علي البنات :hhheeeart4:




بس انقهر للي تحضر ومايدخلونها الاختبار :139:

[shhs]

مالك الحين الا تقديم عذر طبي عشان ماتدفعين عليه الترم القادم

وموفقه وخيره لك

[الاحمدي ابوناصر]

سبحان الله الحرمه اذا سلمتها سلطه تصير نفسيه اللى من رحم ربي

مالك غير الله ثم الفريدان ارسليه وان شاء الله يعيدون الاختبار

[شهووودة]

أختي الوردة ممكن أسالك وين مركز أختبارك ؟

[نوف فارس]

خير وش عندهم مستقعدين حسبي الله عليهم والله بنات بعد نص ساعه يدخلون ولايقولون ليه ليه ولايوقفونها تدخل بكل برود
الله يوفقك

[المعالي غالية]

الله يعينك ما لك الا ترفعين عذر ع الايقونه اذا فتحت ع اساس ما تدفعين الترم الجاي تنزل لك والله يعوضك ع تعب السهر وحل الواجبات راح تعيدينها

[غيد]

بنت عندنا راح نص الوقت وطلعو البنات ودخلتها المشرفه عادي
مالهم حق خمس دقايق
انا اتاخر ربع ساعه عادي وبنات اكثر

[amona050]

الله يفرجها لك ويشرح صدرك موضوع موووسهل والله
مرووا علينا مراقبات اشكال والوان
بس اهم شي روحي خذي اسم الي منعتك حتى يكون التفاهم معها وامتبي مكان اختبارك المركز رقم كم وكل التفاصيل وان شاءالله يقبلون عذرك

[نجم الجامعة]

حسبنا الله ونعم الوكيل

[zozo0143]

راسلي الدكتور عبدالله الفريدان الشي الثاني في محضر يكتب بعد 30دقيقة من بداية الاختبار اطلب منهم المحضر وشف الوقت الي حطوة اذا كان حطو اكثر من 5 دقائق على كلامك من حقك تشتكي
اسال الله ان يفرج همك

[س,الشهري .]

غغبنه !لاتسكتين عن حقك أبد والله لايضيع لك تعب شوفي لك حل .. بالنسبه ل مركزنا يدخلون حتى لو الوقت الأصلي طاف/الشكوى لله

[moghtrb]

الله يجعلها خيره لك لتحقيق الأفضل... يا اختي ماراح ينفعك الاعتراض بسبب انك تأخرتي خمس دقايق لسبب وحيد ان المبدأ عندنا للأسق قائم على تكذيب الطلاب وان الحق للمراقب او المشرف لذلك روحي الله يحفظك دبري لك عذر واشرحي للدكتوره بالمستوصف اللي حصل معاك وان شاء الله تعطيك عذر بتاريخ مسبق نظراً لتفهمها ظرفك ولو تعرفين احد كلميه يدبر لك العذر ( للأسف يحدونا على هالطرق الملتويه بسبب التعقيدات والنفسيات التي لاتمت للمنطق بصله )..


الكلام لك ولمن يحصل له او لها موقف مثل هذا تتكلم وتطالب بحقها بالنظام وبالكلام الطيب ( بدون تجريح ) ولا تبكين ولا يشوفون دمعتك لأنك صاحبة حق ( في حال ماتجاوزتي ربع ساعه بالحضور ) وفي حال الرفض من الكل طالبيهم بتسجيل ورقه رسميه وختمها بالوقت المتأخره فيه حتى مايجحدون بعدين ( اذا دخلتي ورفضت المشرفه من البدايه علميها بصوت عالي قدام الكل بالوقت اللي حضرتي فيه حتى يتم تسجيله بالدقيقه في المحضر الرسمي ( امامك ) وارفعيه فوراً لمدير اللجنه وكذلك نسخه للجامعه

[عيد العذال]

اتحداك اذ بس خمس دقايق متاخره لاكن من الصدمه حسيتي انها بس خمس دقايق استحاله يمنعون احد قبل مضي نص الوقت واذ واثقه من كلامك ولديك مايثبت اضمن لك انهم مايخلونك بهالبساطه وقدمي على نفس المركز شكوى

[ايطاليه]

قولي حسبي الله ،ونعم الوكيل

ترا انا نفس حالتك واخر سنه بعد بس وش نقول غير الله لا يوفقهم


جيبي عذر طبي وتزين امورك باذن واحد احد

[المدى البعيد 10]

والله شي غريب :(107): طيب انتي ليش سكتي ؟ المفروض تدخلين القاعة ولا عليك من احد


لاني اشوف عندنا الطلاب يدخلو بعد مايبدا الاختبار بنص ساعة
وماحد يسالهم او يطردهم الوضع عادي جدا !!
اهم شي اذا تكرر معك الموقف لاتسكتين وكوني جريئة وادخلي الاختبار ولا عليك من احد
النظام يسمح لك حتى لو متاخرة
لانو اساسا مدة الاختبار ساعتين يعني تاخير 5 دقايق مايضر

[داحم الرويلي]

والله ان عندنا الاختبار فايت نص ساعة وباقي يدخلون

[حكاية2012]

انا مثلك مره حرموني م الاختبار..بنفس السبب.دبرت لي عذر واضافوها لي المستوى اللي بعده
ربي يعوضك...قدر الله وما شاء فعل فكري ف اللي جاي (:

[الفيصل الوقاد]

الله يعوض عليك . اللي عليك اعمليه من استراحة او شكوى للمسئوول وربنا يعينك

[ام فصولي]

ترا مالها حق ماتدخلك الاختبار عادي
اذا تاخرتي خمس دقايق عادي
والله لجنتنا مايخرجون الطالبات الااذا خلص نص الوقت
عشان مايظلمونها لوتجلس نص ساعه عادي اهم شي ماتقعد ساعه

[عهووودهـ]

لاتسكتين عن حقك واساسا مامر نص الوقت عشان تمنعكالله لايحطني بمكانك لان متاكده الشرطه بتدخل بينا<<<<<راعية مشاكل
اشتكي وياليت تقدري تجيبي اسم المراقبه الي منعتك وقدمي فيها شكوه مباشرة
اكثري من قول حسبي الله ونعم الوكيل
واذا مانفع معاك تقرير طبي وارفعيه

[ام فصولي]

الله يعوض عليك والله قصتك تحزن
لو انك قويه شوي وجلستي ولافكرتي فيها
وقلتي عادي المواصلات وحصل خير
بطلع مع بنات مابطول في اختباري
حصلت لي ذي السالفه بس ع اخر الوقت
دخلت ولاانحرمنت من الاختبار بس من كثر
ماانرفع ضغطي منهم ومن الخوف نسيت نص الاجابات
مع انها نفس الاعوام كربون بس من خوف رحت فيها

[ام فصولي]

العام دخلتني كان الاختبار سته ونص ودخلوا البنات خمسه ونص لعانه منهم
وانا حضرت سبعه الاربع والله مدري ايش كنت اقول قعدت اصيح عليهم واقول ليش تقدمون الوقت ماعندي خبر
الحمدلله يارب محد طلع يوم جلست وعبيت بيانات خمس دقايق طلعت واحدة
وجات مراقبه تتفلسف لوانها طلعت كان راح عليك الاختبار

[aiman502]

اكتبي اسم المدرسة واسم الي منعك وارفعي شكوى الى رئيس الجامعة واكتبي جيت بالموعد

حصلت مع ولد عمي ونجحوا بالمادة

[مي الرياض]

عندنا بنات يجون متأخرين ( نص ساعه ) وفيها ،
ومع ذالك يشيلون اوراق الأسامي من الجدار عشان لادخلت وحده تضطر تراجعهم عشان رقم قاعتها كم :icon9:
ولا ردوهم بالعكس دخلو مع الطالبات وحلّو وطلعو بـ رواق ..
بس دام طلعتِ بدون ماتحاولين فيهم مالك الا اقرب مستوصف يصرفون لك عذر ..
بالتوفيق :106:..

[رندي.]

شكوه ع طول اذا ظلمتك ان شاء الله يفصلونها

[الفاتنه*]

ياعمري لعلها خيره ان شاء الله
وعسى تكرهوا شيئاً وهو خير لكم

الآن اللي عليك تسوينه أولاً تهدئين
ومثل ماقالوا الاخوان تروحين لمستوصف تدبرين لك عذر طبي
قبل ما تمر ايام اكثر ع التاريخ او اذا تعرفين احد ممكن يدبره لك
مالك إلا هالحل لأنك لو كتبتي عن السبب الحقيقي ماعندك عليه إثبات
وان شاء الله راح يقبلون عذرك وتاخذينها السمستر الجاي بدون رسوم ..

لكن اهم شي لا تخلين ماده وحده تأثر على باقي اختباراتك
انسيها وركزي ع الاختبارات الجايه وخليها دافع لتجديد عزيمتك
وربي يعوضك خير ❤️

[shhs]

للافاده -

https://www.kfu.edu.sa/ar/Deans/AdmissionRecordsDeanship/RulesAndRegulations/Pages/FinalExamsProcedures.aspx

[osamah.99]

غريبة يحرمونكـ الاختبار بسبب كيذا

الحرمأن من الجامعة للي فقط يحاول يغض او معاة براشيم او يصور من كيذا اما تاخير

لايسمى حرمان

المفروض ما تطلعين من عندهم وتخليهم يختبرونك غصب انت مو جاية بيتهم عشان

يحرمونك او مايسمحون لك تدخلين الاختبار ..

بالنسبة لي طول السنين الماضية

ندخل متاخر للقاعة وبعض الطلاب يجون بعد نص ساعة ويسمح لهم بالاختبار

والوضع عادي جدا

بس مدري كيف ذول مايسمحون لك

عموما لاتنكسري

والله يعوضكـ يارب

..

[rosh123453]

ياحبيبيتي معليك لاتتسكتين احنا اول يوم ماجابوا لنا الاسئله الا بعد نص ساعه من بدء الاختبار حلال عليهم يعني وعلينا حرام
اذا مامرت ساعه يحقلك تدخلين بس اكيد مدرسه نظامهم يوم كان مقرنا الجامعه ندخل
عادي
بس بالمدرسه استغربت لما تاخرت قالتلي لحظه بسال المشرفه قلتلها عادي دام مامرت ساعه والطريق زحمههه راحت ورجعت قالت ادخلي

[الح ـربي]

حسبنا الله ونعم الوكيلياأخواني وياأخواتي
ترا فيه في كل مركز شخص منتدب من جامعة الملك فيصل يتابع وضع الإختبارات
وله الصلاحية في مثل هالأمور
وفيه مدير مركز وله صلاحية كمان
يعني لما تصير لك مشكله مع مراقب فيه بعده مشرف ومدير وموظف من الملك فيصل
تقدر تروحلهم في نفس الوقت ويشوفون مشكلتك


على العموم الآن مايفيد أي شي راح تسوينه ولاتصعبين الأمور على نفسك أكثر
وأختصرلك الوقت وأقولك
عادي جدآ والموضوع بسيط
روحي مركز صحي او مستوصف أهلي ولا حكومي وخذي عذر طبي عن اليوم
وإرفعيه لما تفتح أيقونة المتغيبين
هذا أفضل حل لك لان كذا ماتتسجلك رسوب ولاتدفعين رسومها مره ثانية
المشكله الوحيده اللي ممكن تصير هو لوكنتي خريجيه هالترم وراح يزيد ترم
لكن نقول إنها خيرة إن شاءالله ووتتخرجي نهاية السنة أجمل من نصفها .


الترم اللي راح شردت من وسط القاعة بعد ماشفت الصفحه الاولى من الأسئلة
لأني داخل وبطني ممغوص من المادة لكن ماسجلت إسمي ولا شي وقدرت أسحب نفسي
لما جيت المنتدى جابوا الأسئلة وشفت طلع إبليس هو اللي مخرعني ولا الاسئلة مقبوله
ندمت شوي لكن قلت خيره إن شاءلله
جبت عذر بعد الاختبار بأسبوعين من مركز صحي حكومي وأنا ماأعرف أحد بس جيت لدكتور سعودي
وعطيته الزبدة وماقصر الله يجزاه عني كل خير
وأبشرك أمس إختبرت المادة والحمدلله ِa+ بدون أي خطاء
الشاهد من الموضوع وعسى أن تكرهوا شيئآ وهو خيرآ لكم

[قلب أبوها]

ياحياتي انتي عادي انا فتحولي محضر غش بسبب ان الجوال رن وهو معي

دائما الحريم عسسسرات م تشوفيننا اكثر أهل النار :18:

[عبدالله الحربي0]

ياحياتي انتي عادي انا فتحولي محضر غش بسبب ان الجوال رن وهو معي

دائما الحريم عسسسرات م تشوفيننا اكثر أهل النار :18::hahahahahah::hahahahahah::hahahahahah::hahaha hahah::hahahahahah::hahahahahah::hahahahahah:

[بارب تزبط]

حسبي الله عليهم

تواصلي مع الجامعه ووضحي لهم هالشغله
ابدا مو من حقهم هالشي

[مـ غ ـترب فـيـ عـذابـكـ]

خمس دقايق امر مو منطقي

امس دخل عندنا واحد الساعه 4 ونص


:) الفترة الاولى

[فرح علم اجتماع]

الله يفرج همك يارب

[BrOwN..SuGaR]

الله يعوضك خير , انا اللي اعرفه انه يمنع الواحد يدخل بعد مايمر نصف الوقت , ودايم في ناس تجي متاخر , التاخير محسوب على الواحد..
بس ياليتك اتواصلتي وقتها مع المسئولة عن المركز , او حتى الجامعة نفسها..

.
.


ياحياتي انتي عادي انا فتحولي محضر غش بسبب ان الجوال رن وهو معي

:18:

ياساتر.. :lllolll:

[أفا يا قلب]

عندنا ناس تتأخر ربع ساعه
خير على خمس دقايق بس اختي اعتبريها خيره ووكلي امرج لله

[ياسر الفريدي]

اختي ربي يسسر لك ...

لكن اول اختبار لنا يوم الثلاثا .. المراقب عندنا قال .
ان النظام الان الجديد بعد نص ساعه بامكانك تسلم ورقتك وتمشي
ونفس الوقت بعد نص ساعه ممنوع احد يدخل ...انتبهو....
وكل ماده يكررونه هالنظام.....ف راجعي مركزك ولا كلمي الجامعه

[toofy260]

حسبي الله عليهم والله العظيم نفس الشي صار لي اليوم ورب الكعبه اني اذاكر والطلق في ظهري والم وتعب وجالسه اقاوم لاني اخر سنه ورحت تاخرت ١٠دقايق
وماخلوني ادخل حسبي الله عليهم
يقولون اكتبي السبب زحمه سير في ايقونه الاعذار

ويعيدونه بدايه الترم الله لا يوفقهم

[H a d i]

المراقبة اللي منعتك من الدخول هذي بكل بساطة - تافهة -لأن النظام اذا مر على الاختبار نصف الوقت ممنوع تدخلي الاختبار وانتِ متأخرة 5 دقائق
ارفعي شكوى على الجامعة بإسم المراقبة والمنطقة ومركز الاختبار

[عطر الحياه]

حسبي الله عليهم صراحه بعض المشرفات ما عندها احساس عادي عندها تحرم طالبه من الاختبار بعدين اذا عدا نصف الوقت ما تتدخلي بس طالما ما عدا نصف الوقت ولا احد طلع ليش تحرمك من الاختبار الاحظ المشرفين الرجال متفهمين اكثر من المشرفات

[BdOoN-EsM]

حسبي الله ونعم الوكيل

شوف لك مستشفى ولا مستوصف
جيب تقرير طبي انك تعبانه وعيد الاختبار بدون دفع فلوس

[الجود**]

اذا ماراح عليك نص الوقت مو من حقهم

اتصلي على الفريدان وكلميه

[قلب سارآ]

جيبي عذر طبي وانتهاء الموضوع لجل ماتدخل ضمن المعدل وماتروح عليك الفلوس لي دفعتيها

[الوان14]

الله يهديهم ويساعدك 5 دقايق مايسمئ تاخيربس مشكلة قسم النساء لطالبات متشددات

[Faisal2020]

سبحان الله

مفاتيح للخير مغاليق للشر والعكس صحيح


الى صار معك قرار فردي و لا عنده اي علم بنظام و بصراحة اخطوا في حقك الله يعينك و يسرلك امرك


لا تهتمين و لا تزعلين فكري ف الجاي والله يعوضوك ان شاء الله

[Faisal2020]

سبحان الله

مفاتيح للخير مغاليق للشر والعكس صحيح


الى صار معك قرار فردي و لا عنده اي علم بنظام و بصراحة اخطوا في حقك الله يعينك و يسرلك امرك


لا تهتمين و لا تزعلين فكري ف الجاي والله يعوضوك ان شاء الله

[لهيب الصمت]

خمس دقائق على بدأ الوقت او خمس دقائق على نهاية نصف الوقت؟!!!! خمس دقايق بداية الوقت ماتحرمك من دخول الاختبار ابدا ولَك حتى منتصف وقت الاختبار اهم شي مايكون اي طالبه خرجت ... تمنيت انك طلبتي من رئيسه اللجنه تكتب لك ورقه وتوقعها وتذكر فيها وقت وتاريخ حضورك وسبب عدم السماح بالدخول.. لو الموقف هذا صار معاي والله ما احد يختبر في المقر الا وانا داخل .. الي حصل معاك غير نظامي ومفروض ما استسلمتي بسهوله. عذر طبي وان شاء الله انها خيرة.

[sh3lo.62]

ليش عاد طيب كلمتي المشرف ؟
امس دخلت وحده قبل لا نسلم الأوراق ب 10 دقايق
ودخلوها بس راحت وقعت حضور

[Deema :)]

لحظة
لو اخذت عذر طبي شلون ترسل للفريدان وتقوله ان المراقبه منعتها !!

راسلي الفريدان وشوفي وش يقول مع اني متأكده بيساعدك
اذا مارد عليك ساعتها خذي عذر طبي

انا احيانا اوصل بعد بربع ساعه وعادي جدا دام مابدا احد يسلم الاوراق معناته مالها حق تمنعك

[نونيا]

ما لهم حق , الله يعوضك ان شاء الله

[منى الحويطي]

غريبة حنا بوحدة من المواد زميلتنا تأخرت ماجت وقلنا للمشرفة بنتصل عليها قالت ممنوع تتصلون لكن بيدي أخليكم تتآخرون لين تجي لان لو طلعت وحدة فيكم مانقدر نختبرها وجات البنت بنص الوقت واختبرت عادي

[قلب سارآ]

لي يقول ارسلي للفريدان هو مارد علينا بمشاكل الجامعه ومشاكل الانظمه
لجل يرد عليكم بشان منعكمزمن الاختبار
جيبي عذر طبي وانتهاء الموضوع
الله يعينك على جامعة الخياسسس

[لهيب الصمت]

لحظة
لو اخذت عذر طبي شلون ترسل للفريدان وتقوله ان المراقبه منعتها !!

راسلي الفريدان وشوفي وش يقول مع اني متأكده بيساعدك
اذا مارد عليك ساعتها خذي عذر طبي

انا احيانا اوصل بعد بربع ساعه وعادي جدا دام مابدا احد يسلم الاوراق معناته مالها حق تمنعك

اذا ماقدرت تاخذ عذر طبي تكلم الفريدان ... الفريدان بيمشي بالنظام ومافي شي يثبت زمن التأخير كم. الأضمن هو العذر الطبي

[مدمنة حافز]

اه ياقلبي
الله يكون بعوونك
انا اول اختبار بنشر الكفر علينا وكنت بموت خوف حششت ع زوجي
بس الحمد لله خلت ولا احد كلمني

[الغلاابوي]

ليه. كذا. الطرق مره زفت والبنت بذات أحيانا وليها. اللي يتأخر. عليها ما يوديها يكون مشغول بعمله وما اشبه. مع ههالطرق الله يعينا في اختبر صدفني 4 سيارات حدث وقف الطريق بغى يوقف قلبي دخلت متآخره ربع ساعه والله طارت كل المعلومات مني من التوتر
الحمد لله

[همس ألورد]

أكتبي اسم المدرسه والمديره وشتكي عليهم شكلهم يبون يطلعون بسرعه أكره السرعه دام هم مش قد الشغله ليش يرزون عمرهم ويراقبون الطالبات

[شموخ,,]

بصراحة شي يقهرانا لو منك اوقف في حلقهم لين يدخلوني
المراقبات ترى مو من حقهم يمنعونك تدخلين اذا مامر نص الوقت
انا احيان اتأخر ربع ساعة بس يدخلوني
المفروض نشبتي وناديتي المشرفة وسويتي قصة لين يدخلونك

[كل العبير]

راسلي الدكتور عبدالله الفريدان

ووضحي له قصتك
الله يساعدك
انا مثلك قبل كم يوم
بس انا غبي ��ههههه
رحت للاختبار الساعه ٧
المهم طلع اختباري الفتره الاولى :eek:

وحاولت انهم يختبروني بحكم اني مادريت هههه
المهم كرشوني
ودبرت عذر طبي واذا فتحت الايقونه ابرسله

تخيلوا والله اني اخر ترم
بس ي الله خيره ان شاء الله
ووسعي صدرك اذا جبتي لهم عذر
ترا مايأثر على معدلك وتروح معك الترم الجاي
بدون رسوم
اما اتعابك الثانيه
اسال الله ان يوفقك ويفرج همك
يارب ويرزقك من اوسع ابوابه
انا كنت مثلك احسبه الفرة الثانية بالصدفه دخلت الموضوع المثبت ولقيتهم كاتبين الوقت كم الفترة كنت ابي اقيل واخذ راحتي بس الحمدلله انقذوني الله يسعدهم ولا كنت ناسية والحمدلله لحقت رغم اني ابعد عن مكان الاختبار ثمنين كيلو :53:

[al_zaeem]

نظاميا مسموح لك حتى نص ساعه او ثلث ساعه

[al_zaeem]

راسلي الفريدان على ايميله لانه يرد ويتجاوب عبر الايميل

[فراشةالحب]

عادي في واحدة عندنا دخلت الساعة 5 وماقتلوا شي
نصييييحة روحي اشتكي وأخبربي بيتهم هذا اختبار مو لعبة حسبي الللله عليهم

[hadeel alotaibi]

انا تأخرت نص المده قبل يومين اتوقع كان اختبار محاسبه و دخلت بعد ما عطيهم وجه البرائه و قلت السبب ماكان عندي احد يجيبني و غير كذا اعرب بنات تأخرو نص ساعه و دخلو ، لكن الي عندك حسبهم الله و صدقيني خيره من الله انك ما اختبرتي هالماده و مكتوب لك ، الله يعوضك :love080::love080:

[@bander]

جيبي عذر طبي وبعيدون لك الاختبار بإذن الله ولا تراسلني احد وانتظرت أيقونة الاعذار

[مهايطية]

بعض المراقبين مسوين أنفسهم؟؟
وبعدين وين دور الجامعة اللي بس همها الدفع وبس وين حقوق الطالب؟؟
فيه أيقونة تقييم المركز والمراقبين بس اكيد وجودها زي عدمه لأن مافيه اي تجاوب
الله يعينك وان شاء الله تلقين حل حرام بعد التعب مايدخلونك الاختبار

[نزفّ !]

لازم يمضي نصف الوقت اختي الكريمة

[منتسبه 2013]

حسبنا الله ونعم الوكيل مو من حقها تمنعك ايش دخلها


خاصة ولا عدى نص الوقت !!


هيا مجرد مراقبة تجي تقش ورق وتنقلع


اشتكيهاااااا وبهدليهااا عصبتني بنت الذين


بس دحينه ارفعي لنفسك عذر عشان ماتتحسب عليك رسوب الماده

[طويلبة علم]

لاحول ولاقوة الابالله الله ييسر امرك دبري عذر ضروري وارفعيه لهم واالي حرموك اختبارك لهم رب يحاسبهم الواحد جاء بهم الماده يزيدون همه اعوذبالله . الله المستعان .

[لازم اسجل]

الشكوى لله 5 دقايق شي غريب ،

[فنوُ *]

اللهولا يوفقها ظلمتك مالها حق كنت ادخل بعد مرور الوقت بعشر دقايق بعد مرات نفسية ذي المراقبة

[مدمنة حافز]

بصراحة شي يقهرانا لو منك اوقف في حلقهم لين يدخلوني
المراقبات ترى مو من حقهم يمنعونك تدخلين اذا مامر نص الوقت
انا احيان اتأخر ربع ساعة بس يدخلوني
المفروض نشبتي وناديتي المشرفة وسويتي قصة لين يدخلونك


لا اصل مكتوب ممنوع الدخول الاختبار بعد مرور ربع ساعه
بس عاد الدنيا حظوظ ربي يطرح الواحده براقبه حنينه:16.jpg:

[عبدالله الحربي0]

لا اصل مكتوب ممنوع الدخول الاختبار بعد مرور ربع ساعه
بس عاد الدنيا حظوظ ربي يطرح الواحده براقبه حنينه:16.jpg:


انتي الظاهر تجين قبل الوقت بساعتين :hahahahahah:

[مدمنة حافز]

انتي الظاهر تجين قبل الوقت بساعتين :hahahahahah:


لا والله ي ليت
يعني اقصى تـأخر بعشر دقايق :smile:

[•• شجون ~]

راسلي الدكتور عبدالله الفريدان

ووضحي له قصتك
الله يساعدك
انا مثلك قبل كم يوم
بس انا غبي ��ههههه
رحت للاختبار الساعه ٧
المهم طلع اختباري الفتره الاولى :eek:

وحاولت انهم يختبروني بحكم اني مادريت هههه
المهم كرشوني
ودبرت عذر طبي واذا فتحت الايقونه ابرسله

تخيلوا والله اني اخر ترم
بس ي الله خيره ان شاء الله
ووسعي صدرك اذا جبتي لهم عذر
ترا مايأثر على معدلك وتروح معك الترم الجاي
بدون رسوم
اما اتعابك الثانيه
اسال الله ان يوفقك ويفرج همك
يارب ويرزقك من اوسع ابوابه





هههههههه يمه
الله لا يحطني في مكانك


.








الله يعينك ي عزيزتي
احنا ما نطلع الا اذا عدا نص الوقت حتى لو مخلصين
تقولنا تخيليي اطلعك قبل ينتهي نص الوقت وتكون وحده جايه بعدك بخمس
دقايق متاخره..!! ما راح ادخلها لانك طلعتي :(204):
قدمي شكوى للفريدان + ايقونه التظلم. :verycute:
الله يعينك ي قلبي ويكون معاك