هل أقدر أتخـــرج في الترم الصيفي ..

[فالح ع اجتماع 4]

بسم الله الرحمن الرحيم ..

السلام عليكم ورحمة الله وبركاتة ..

أدري موضوع شاطح ومو في وقتـه بس مشغل تفكيري أبغى أتخرج بسـرعة ..

باقي لي مستوى سابع ناقص منه مادة، لي هي ( الإرشاد والتوجيه الإجتماعي )

وباقي أيضاً مستوى ثامن الي أبغى أوصله هل مشروع التخرج والتدريب الميداني ( 3 ) تحسب من ضمن الساعات

لأن الصيفي 6 ساعات إذا ما تحسب ساعات المشروع والتدريب الميداني ونزلت اقصى حد في السابع الي هي

24 ساعة من ضمنها مواد الثامن يبقى لي 6 ساعات أقدر أخذها للصيفي ..

الله يعطيكم العافية ..

[نقاءالروح]

هذا اذا فتحو صيفي ,,


مشروع التخرج والتدريب مالهم اختبار

[مشمش الرس]

ياليت احد يفيدنا انا باقي لي ١٤ ماده على التخرج
وودي اتخرج هالسنه اذا بيفتحون صيفي
بس اخاف مثل العام يعشمونا واخر شي يلغونه
اخذت مشروع التخرج والارشاد باقي المواد من سابع والثامن
ما تسوى اخذها ع ترمين
ابي افتك

[اميره07]

احتمال مافيه صيفي وحتى لو فيه صيفي يمكن مايحطوا المواد اللي باقبه لك لان الجامعه تنزل بالصيفي مواد محدده

[al_hawawy]

امشوا على مهل العجله موو زينه بذات في الدراسه صدقني ترم ولا ترمين ماتفرق والله يوفقنا وياكم

[شموخ,,]

مشكلة الصيفي مواده محدودةاذكر اخر مرة فتحوا صيفي كانت المواد / فقة السيرة _ الاخلاق الاسلامية وآداب المهنة _ قضايا ثقافية معاصرة
وتقريبا اكثر الي في مستوى سادس اذا مو كلهم سبق وخذوا هالمواد
يعني ما استفدنا شي من الصيفي
ماودي احطمك بس لاتتعشم كثير فيه
الله يسهل امورنا ونتخرج بسرعة

[نوراان]

وانا ماباقيلي الا من سادس بيئي ومن سابع اخذت 4مواد تقريبا باقي علي 14 ماده كنت ناويه انزلها المستوى الجاي واخلي التدريب والمشروع للمستوى الثامن لحالها عشان افتك من المذاكره بس يوم فكرت خفت ينزل معدلي لانه ضغط وفيه مواد دسمه جدا بسابع فبطلت بنزل مواد سابع مع مشروع التخرج والباقي في ثامن انا اقول بلاش تضغطون انفسكم عشان المعدل ماينزل وزي ذا الشهر السنه الجايه واحنا باذن الله متخرجين لاتستعجلون بتمشي بسرعه زي الي قبلها :53:

[..اللوتس..]

صح مع الاخوان ليه العجله وينضرب المعدل وعلى قولة شيبان>>>>الهوان احسن م يكون..
وبالتوفيق للجميع...