اختبار اخلاقيات الأعمال نموذج c

[ابوالاميره]

السلام عليكم ورحمة الله وبركاته


أسعد الله اوقاتكم بكل خير


أسأل الله ان يرزقنا و إياكم الدرجات العلا في الدارين


أنا اختبرت اليوم مادة اخلاقيات الاعمال نموذج C


والدكتور حسان الغربي غير ملام في ما فعله ....


اللوم يقع على بعض اخواننا و اخواتنا المتحمسين بزيادة (مصطفى و أخته):mh35:


بعض الكلام يقول لصاحبه دعني.... بعض الشباب و البنات يسألون الدكاتره سؤال ماله داعي من الأساس


الا وهو ...دكتور نذاكر اسئلة الترم اللي راح؟؟ هل بتجيب من اسئلة الاترام الماضية؟؟


يعني كأنهم يقولون للدكتور لا تجيب من الاسئلة الماضيه شئ واصلخنا ملينا من المواد السهله نبي نخلص كرتون المناديل من الصياح:007:


حط/ي نفسك مكان الدكتور!!!


كأنكم تقولون اعمل الجريمه وحنا بنبلغ عليك.


محاضرات مباشرة مسجله يعني منكشف.


الكلام هذا تقولونه لدكتور سعودي تدرون ليش؟؟؟؟؟؟؟؟؟؟؟


لأن السعودي اسمه مكتوب بقلم ازرق جاف والغير سعودي مكتوب اسمه بقلم رصاص ينمسح في اي وقت ويجي غيره:cool:


فأكيد الدكتور حسان بيداري على لقمة عيشه ولا ينكب نفسه....


بالنسبه لي الكلام اللي اقوله الأن متأخر علي ولا ينفعني لأن الترم بينتهي و أنا بإذن الله خريج.


لكن اقوله الأن حرصا على من بعدي.


وتذكروا


كم من كلمه قالت لصاحبها دعني.


تمنياتي للجميع بالتوفيق والسداد

[سر الأعجاب]

اخوي انا معك في ما طرحت
لاكن الاستاذ كان يتوجب عليه
ان يسلك مبدأ سدد وقارب
مو تدبل الاختيارات وتجيب اسئله
من خارج المحتوى
هذا الاستاذ تعمد تصعيب المادة

[علي عقال]

ياخوك لا يجيب من اسئلة العام

بس لا يحوس روسنا حاس الله راسه


واتفق معك بخصوص الي يسألون


ع فكره من دخلت الجامعه وهالسؤال يتكرر كل ترم لكل دكتور

[FATIMAH2]

لا اتفق معك ابداا

بغض النظر عن القلم الجاف والرصاص لأن الطالب ماله شغل بالكلام الفاضي الي يصير بالأداره .. انا مو غلطتي كطالبه اني اتحمل طرح اسئله بهالطريقه لأن اسمه مكتوب برصاص ولكن الدكتور من حقه يغير الأسئله بس من حقنا بعد تكون مفهومه مو مثل لغته الغير مفهومه بالمحاضرات .. وغير كذا لازم الاسئله تكون شامله عشان الجميع يضمن حقه بالجزئيه الي حافظها على الأقل مو يجيب لي اسئله على 4 محاضرات من اصل 14 .. مبروك النجاح لك والتخرج واعذرني على الأطاله بس من القهر لأني احتمال ما اتخرج بسبب #قلم_رصاص


:rose:

[سلطااان الشمري]

يا أخي الكريم لانريده ان يعيد السئله كما هي

لكن نريد اسئله مفهومه وواضحه لكن اسئلته من نسج الخيال واحتمال هو نفسه مايحلها

[ابن الصحراء]

كلامك غير مقنع

[هولمز]

صحيح أخوي الدكتور من يوم تكلم عن مواقع الالكترونية وأرقام مخيفة ... وحاجات ما تمس المادة في صلة

فهذا دليل على ضعف المحتوى عنده ... والدليل أعادته للسؤال أربع مرات


يا أخي يادكتور هذي الحركة تعملها في كويز للمذاكرة مو في أختبار وعليه درجات ...

[قلاقل]

الدكتور بأحد المحاضرات المباشرة حلف أن الاختبار راح يكون سهل وكرر حلفه وبالاخير قلب علينا..ع العموم فيه واحد يقول دخلت الجوال وقت الاختبار وعجزت ألقى الأجوبة. .. عاد لكم أن تحللوا كيف؟!!
صعوبة بمنتهى الصعوبة

[ابو فهودي 999]

انت وش لونك بس عساك طيب وربعك طيبين؟

مبروك التخرج وصدقت رب كلمه قالت لصاحبها دعني !!!

[شبل نجد]

ألله يصيبه في هذا الليل الكريم

من زين شرحه ولهجته الغير مفهومة يصعب الإسئلة

[ابوالاميره]

حبايبي في واحد من اعز اخوياي ولد عمه الواقف دكتور في جامعتنا
وحصل انه درسني ودرسكم طبعا سعودي
خويي يسأله يقول ليش الجامعة تغير اسلوبها في طرح الأسئلة


قاله كله منكم ...في ناس مراسلين العميد يقولون له ارتقوا بمخرجات الجامعة وش الاسئلة اللي يستوي فيها البليد والذكي.


وكمان يقول انكم ناكبين انفسكم بأسئلتكم للدكاتره اللي هي نذاكر اسئلة الاترام الماضيه بتجيبون منها شئ.


والله يعين ويوفقنا جميع

[dream.a]

قال الدكتور في المحاضرة المباشرة بعد إلحاح الطالبات

راح أجيب أسئلة قانونية لأني أدرس من ١٦ سنة !!!

أين القانون في أسئلته ؟!

[حـوور]

الاختبار لاهو من برا المحتوى ولا شي مثل ماقال البعض...:cool:

الاختبار مو بذيك الصعوبه اللي تسقطكم لكن يحتاج تركيز وتفصيل للسؤال عشان تعرف الجواب صح ..

وهذا كانت مشكلته يعني الناس المطيوره بالاجابه طبيعي بتغلط :139:..

وبرضو مشكلته كرر الاجابات كذا مره وهالشي لخطبنا وركز على كم محاضره وترك الباقي ولا جاب لهم طاري ...

بالنسبه لي اشوفه متوسط الصعوبه وناجحه فيه بأذن الله..فال الجميع النجاح يارب :004:

[علي سهيل]

حنا نبي معدل هذا حاس ام المعدل

[moghtrb]

الله ييسر امرك يا حوور بس والله الاختبار كان من اصعب الاختبارات اللي مرت علي من دخلت الجامعه

[A.Majeed]

ياخي الله يخليك امسح موضوع لاتسد نفسنا

[محد لحد]

اللي عنده نموذج c يرسل بالخاص
الله يوفقكم جميعاً

[ابو مهند 9]

حسبي الله ونعم الوكيل

[ابي رحمك الله]

لا غرابه كل ترم يبدعون فينا. يالله تخرجنا