مكافأة التفوق هل نزلت ؟

[نادر الفيصل]

السلام عليكم
أدري بشطح عن الاختبارات والله يوفق الجميع
لكن دراهم التفوق نزلت ولا باقي ؟
دراهمي وينها ؟

[ـالروقي]

اطلب ربك
هم يبون منك دراهم كيف تبيهم يعطونك الله يصلحك

[*سوسن *]

ضحكتني وأنا مصدعه من اختبار اليوم ,, الله يرزقك (:

[مــجــازفــــ]

ايه انا نزلت عندي ( بنك الاستثمار ) قبل شهر او شهرين

[fatmah.s]

اللحين تنزل دايركت للمتفوق او اني اقدم عليهم

[شريفه محمد]

ههههههههههههها اضحك الله ضرسك انا متفوقه كثير وماعطوني دراهم لزوم نعلم الشيخ بالسالفه
المهم الحين ينتظرونا نسدد الترم الثاني

[نكهة القهوة*]

لهم شروط لهالمكافأه ولازم تقدم عليها وتحط معلومات حسابك

[مالكة الاحزان]

اش شروطهم واش المطلوب بالتفوق

[خوخه1111]

انا مانزلي شي مع انهم ارسلولي من شهرين اني مستحقه

[أم عبدالوهاب]

أنا الحمدلله مقدمه بأيقونه التفوق اول الترم هاذا وعطوني قبل شهرين مكافأه بس سؤال يعطون مره ثانيه ولا بس على هاذي ..

[رفـآن]

طيب كم هي ؟ ١٠٠٠ كل ترم وإلا كل سنة ؟ وهم يعطون على كل ترم وإلا كل سنة ؟ واللي متفوق مثلا الاترام اللي فاتت وماأخذ تروح عليه او يقدر ياخذها بعدين ؟

[ستيفن]

انا مكتوب تم استلام طلبك وجاري تنفيذه لهم شهر على هذا الحال واكثر

بس انا تاخرت ماقدمت عليهم الا يوم نزلت للكل

[ام بندر2000]

لازم التفوق يكون على سنه كامله ترمين وراء بعض وبعدها يرسلون لك انك مستحقه فتعبين بياناتك المصرفيه وبعدها تنزل .. انا الحمدلله نزلت لي مرتين كل مره 1000 ريال وباذن الله لو تفوقت هالترم بتنزل لي بعد لان الترم الي فات متفوقه يارب لك الحمد بس زي ماقلت لازم ترمين

[النظره الخجوله]

كم لازم يكون المعدل في الترمين

[خالد القاسم]

المعدل في كل ترم لا يقل عن 4.50

[المعلم القادم]

أنا ياخوان ممتاز ترمين ولا رشحوني في خانة المتفوقين؟



احد عنده علم

[خالد القاسم]

اخوي >> المعلم القادم <<
من شروط الحصول على المكافأة .. اذا تم تسجيلك في الجامعة في الفصل الأول من السنة الدراسية


يجب ان تحصل على نسبة 4.50 أو أعلى في الفصل ( الترم ) الأولى اللي سجلت فيه والفصل ( الترم) الثاني الذي يليه .


واذا تم تسجيلك في الجامعة من الفصل الثاني من السنة الدراسية


يجب ان تحصل على نسبة 4.50 أو أعلى في الفصل الثاني والفصل الأول من السنة الدراسية الجديدة




مثال : انت مثلا سجلت بداية السنة الدارسية 1437 ولم تحصل على تقدير ممتاز وفي الفصل الثاني من نفس السنة حصلت على ممتاز والفصل الدراسي الأول من السنة الدراسية 1438 حصلت على تقدير ممتاز


هنا لا تستحق المكافأ


واضح الشرح

[...بس أحبني...]

خوخه1111 : انا نفس حالتك .. لهم فوق ششهرين منزلينها للأغلبيه مدري الكل وانا مانزل لي شي
مع انهم كتبوا بالموقع انهم ارسلوها للبنك وبعد كم يوم رجعو وكتبوا تم استلام طلبك ؟

مدري وش الحل معهم وهم لا ايميل ولا تويتر ولا ارقام يردون عليها ( حسبي الله وكفى )