جامعة الملك فيصل تحرم خريجيها من ميزات "التعليم عن بعد" بعبارة "انتساب (سبق)

[زمآن الصمت]

السلام عليكم ..
تم نشر الخبر في (سبق )

الشكر لله اولا ثم للاخ : احمد القحطاني ( toop) على سعيه في هذا الموضوع.

http://sabq.org/qjPgde

[صامد،]

عليكم السلام في فرق يعني ؟

[Ali Z]

فعلا ياليت يصير فيه تفاعل أكبر وانشاء هاشتاق خاص بهذا الموضوع لأننا على حق وهناك فرق كبير مابين التعليم عن بعد والانتساب ... نرجو التفاعل من الجميع ومن كل الدفعات لأننا في نفس السفينة وسنواجه نفس المشكلة.... أنا درست وتخرجت من كلية (انتظام) ولا أرى فارقا بين مايفعله طلاب الانتظام وطلاب التعليم عن بعد الا الحظور المباشر فقط ! وخاصة التخصصات النظرية مثل ادارة الاعمال ....

[محمد االميموني]

نعم انا مع الاخ فيما يقول لماذا يحرم خريجون التعليم عن بعد بقول (الانتساب)
ماالهدف من ورائها ؟؟؟؟

[Shade]

نبي تخصصنا يرجع ادارة اعمال مو ادارة
قرارات الجامعه ضد الطالب بحته ماهي بمصلحته !!!!

[فهد العتيبي]

الله يعين الجامعة عليكم


الظاهر الجامعة تعطي كل واحد يكتب مسمى الشهادة على كيفة
مادري وش الهدف كل ماقربت الاختبارات اشتغلت سبق


مافية اللى الجامعة هذي تنزل اخبارها




العام الكل يصيح يبي عبارة انتساب
والحين تبون تعليم عن بعد

[fanoooal]

وشذا الجامعه كثثرره مشاكلها اولا اصفار ثانيا سحب الاله رابعا الشهاده اوميقاد مرا كثرت مشكلها ورى بعض وش الحل

[خيرشوف]

إن المادة (12/4) من لائحة التعليم عن بعد في مؤسسات التعليم العالي بالمملكة العربية السعودية تنص على أنه "يثبت في السجل الأكاديمي ووثيقة التخرج لخريج برنامج التعليم عن بعد، بما يفيد بأن دراسة الطالب تمت بالتعليم عن بعد"

[fanoooal]

ما في غير جريده سبق تكتب لنا نفس هذا الكلام سبق انشغلت بمشاكل جامعه فيصل

[بنت الليث]

والله هالجامعة ما ادري وش تبي منا مو ناقصين تعقيد ليه انتساب وحنا تعلم عن بعد

نحل واجبات ونحضر محاضرات ونتعب ونشقى عطونا شي يخفف من تعبنا مو يزيده

[لولوه20061]

للمعلوميه فقط انا موظفه وقالولي غير معترف مسمى انتساب عن بعد ..الحمدلله ان بينكتب بالوثيقه انتساب من غير عن بعد

[المسا أ أ أ فر]

انتساب معترف فيه في توطيف اما تعليم عن بعد مالك امل تتوظف لحد يجيب العيد فينا

[Majedal]

جامعه مدري شوضعها المفترض بالوثيقة تعليم عن بعد مو انتساب
هالفريدان مدري ليه ما يعدل المسمى لازم يعني يشتكون الطلاب
ليتم التعديل
يا زملاء التعلم عن بعد افضل واقوى من الانتساب بمراحل

[Majedal]

المطلوب
الانتظام
التعليم عن بعد
الانتساب بالاخير يعني يدرس ومايحضر اي مشاركات او واجبات
يجي اخر السنه ويختبر ويشمي لاكن التعليم عن بعد هو الأقرب للانتظام

[Bandar75]

الانتساب افضل من تعليم عن بعد في الوظائف تعليم عن بعد غير معترف في ديوان الخدمة المدنية

[just agirl]

هو صح عليكم عن بعد أقوى وأقرب للإنتظام من الإنتساب لكن الشكوى لله مابعد إعترفو بمسمى التعليم عن بعد دايم متأخرين إحنا في التعليم والإعتراف بالتعليم المتطور العالم كله صار يدرس عن بعد واحنا للحين مو معترف بمسمى شهادتنا ، الجامعه مالها ذنب تمشي على حسب مصلحة الطالب ومصلحته في مسمى الإنتساب بما إنه مازال مسمى عن بعد غير معترف به فالأولى أن يكتب إنتساب

[سفيرة الشوق]

صحيح يعني نظامنا تعليم عن بعد يعني نتعب في المناقشات والمحاضرات المسجله نتابعها وغير المباشره والاختبارا مو سهله يعني لاتحديد ولاتسهيل في المذاكره حالنا حال الانتظام المفروض جريده ثانيه غير سبق بعد لازم نفعل الموضوع بجد هاشتاقات تويتر وانستقرام هذااللي ينفع اشوف سبق لحالها ماتكفي

[براءة أنوثة]

اناااذا شفت الوضع كذا ممكن احول للامام يعني تضيع سنوات عمري واخرتها بدون فايدة لاطبعا

[الخيال الضائع.]

احنا اول ما سجلنا في الجامعة سجلنا على أساس انتساب وطبيعي نتخرج انتساب .

[ام فيصل الشهري]

مدري ليش مو راضين يفهمون ان الانتساب افضل من التعليم عن بعد في التوظيف اغلب الطلاب والطالبات مايبغى مسمى الوثيقه انتساب عن بعد .

[* طموحي كبير *]

الانتساب افضل من التعليم عن بعد لإن في اماكن كثيره باقي ما اعترفت بمسمى التعليم عن بعد !! يشتغل في سبق و كل مره منزل مواضيع تهم مصلحته رجاء لا تتكلم بأسم الجميع

[ابومحمدالودعاني]

يا ناااااااااااااااس

انتساب افضل من التعليم عن بعد

كل ما واحد تكلم مشيتو وراه

العام احنا رفعنا وطالبنا ان يكتب انتساب لانه افضل من التعليم عن بعد

الانتساب معتمد ومعترف في ديوان الخدمة المدنية والوظايف الحكومية والاهليه.

التعليم عن بعد غير معترف فيه.

المصيبه انكم اكادييمين ومو عارفين الفرق بين الانتساب والتعليم عن بعد إلا من رحم الله.

بالنسبة لي إن شاء الله راح اطالب أن يحطون إنتساب في وثيقة تخرجي.

بالتوفيق للجميع

[ضناني الشوق 999]

انا ياخواني الأعزاء اختلف معكم من وجهة نظري أنه (الإنتساب ) أفضل لعدة أسباب منها انك منتسب لجامعة عريقة الشي الثاني لو تقول لواحد في الشارع عن بعد مايدري انت وش تقول يعني اسم مغمور ويسلك لك يعني قولو الحمدلله والله لو يحطون لكم عن بعد أن تبل الشهادة وتشرب مويتها الخدمة المدنية ماعندها كيني ميني عندها انتساب عندك انتساب اوكي عندك مسمى آخر أمسك الباب ما تمشي عليك الايحة النظام يعني روقوا المنقى وريح الدعوة ماهي سلق بيض يعني كيف عن بعد كشخة أكثر الله يهديكم

[مدمنة حافز]

ليت عندي واسطه واسحب الي مزعلكم بشنبه

[مدمنة حافز]

انا ياخواني الأعزاء اختلف معكم من وجهة نظري أنه (الإنتساب ) أفضل لعدة أسباب منها انك منتسب لجامعة عريقة الشي الثاني لو تقول لواحد في الشارع عن بعد مايدري انت وش تقول يعني اسم مغمور ويسلك لك يعني قولو الحمدلله والله لو يحطون لكم عن بعد أن تبل الشهادة وتشرب مويتها الخدمة المدنية ماعندها كيني ميني عندها انتساب عندك انتساب اوكي عندك مسمى آخر أمسك الباب ما تمشي عليك الايحة النظام يعني روقوا المنقى وريح الدعوة ماهي سلق بيض يعني كيف عن بعد كشخة أكثر الله يهديكم

:41jg:
الي بالشارع لو تسأله عن اي شي مابيعرف لانه بالشارع خلي عاد بيفهم انتساب او عن بعد

[sheharam]

الله يعنيا عليهم

[ms.pink]

فعلا من الظلم والاجحاف في حقنا كطلبة تعليم عن بعد ان نساوى بالانتساب العادي لاننا نصف انتظام

[فيلسوف الكلمة]

هل سوف تصبحون معلمون

[ضناني الشوق 999]

:41jg:
الي بالشارع لو تسأله عن اي شي مابيعرف لانه بالشارع خلي عاد بيفهم انتساب او عن بعد


يعني اللي في الشارع مايعرف يعني انتي اللي تعرفين بس:biggrin:

[Mark Twain]

لو النظام بيدي سويت أيقونة لطلاب المستوى 8

يكون أمامه خيارين للكتابة على وثيقته 1- انتساب 2- تعليم عن بعد

ولا يسمح له اعادة طلب تعديلها بعد استلامها عشان كل واحد يتحمل مسؤولية اختياره :(311):

[Mark Twain]

شيء آخر

لا يوجد نية من وزارة التعليم في تخريج المزيد من الطلاب بمسمى تعيلم عن بعد

وذلك بسبب حصر دراسة التعليم عن بعد في الجامعة السعودية الالكترونية (https://www.seu.edu.sa/sites/ar/Pages/main.aspx) وخريجيها سيكون مسمى وثائقهم انتظام بسبب تطبيق الحد الأدنى من الحضور للجامعة

خلال أقل من عقد لن نرى وثائق يكتب عليها تعليم عن بعد من الجامعات السعودية

سيتم التعامل بالتعليم عن بعد كوسيلة ولكن لن يتم كتابة مسماها على وثائق خريجي الجامعات

[منتسبه 2013]

عارفين انو عن بعد افضل كمسمى لكن وزارة الخدمة ما اعترفت في عن بعد لسى
يعني من صالحنا الانتساب وعموما كترقيات كلا المسميات تنفع شكرا ع نقل الخبر

[ام شوق ،،]

مسمى الانتساب افضل وهو المعترف فيه بالخدمه الاجتماعيه