الله يسترنا منك ياعصام الليثي

[ابواسوله]

مساكم الله بالخير




ياخوان ذاكرو كويس وركزو زين في المحتوى مابي اخوفكم بس الاخ طريقته تفرق عن طريقة بلالي


والدوغان الاخ الكريم طايح له كلا الاجابات خاطئه !!!!!!!!!! شغل واحد يبي يطيحنا بالفخ


انتبهو وذاكرو لاتتركون شي ولا تستهينو بالماده لانها اخر يوم لا انتبهو


والله يوفقكم ويطلعكم من الاختبار مبسوطين ومرتاحيين قولو امين

[مريم .]

الله يعطيك العافيه والله يوفقنا جمييع يا رب


و ننجح ونتحرك من هالمستوى

[بنت الشريف2013]

اللهم آمين
:rose::rose::rose:لن يصيبنا إلا ماكتب الله لنا:rose::rose::rose:

[آلبدر]

والله كثير من الشباب اللي اخبتروهاقالولي اسئلته واضحه وسلسه


الله يسهلها

[ابو الجوهره10]

امين ويسهل امورنا بصراحه مادة توجع الراس فيها تشابه كثيرر

[ابواسوله]

في تعديلات كثيره على اسئلته واجوبته

[حسن الأسمري]

أقول أنتم مكبرين الموضوع المادة سهلة جدا ولايهم الدكتور حتى أسمه مأعرفه أهم شيء الاسئلة تكون من المحتوى وأسلوب وضع الأسئلة لايهمني

[زيزو الوايليه]

الله يستتتتر طيب مافي نماذج سابقه له

[حبنان]

بالورشه موجود له كذا نموذج

[بُ محمد]

هذي السوالف اللي ما أحبها ، كنت بخير قبل هالموضوع ."(

[فخامةالمواطن]

بالنسبه لي انا متفائل بالماده

[queen.manar]

هذي السوالف اللي ما أحبها ، كنت بخير قبل هالموضوع ."(

ههههههههه اي والله صدقت من غير شي اوسوس فيها

[صدى المحبه]

الله يجزاك خير على التوجيه والتشجيع ..انت شكلك من الناس الي تسمع ماتشوف .. لاتاخذ بكلام احد انت شفت بعينك نماذجه ؟؟؟

بالعكس اسئلته وااااضحه ولافيها لف ودوران وش جابه للدوغان الله يحييك .. باذن الله الاختبار سهل وواضح ياليتك تشوف النماذج الي بالورشه الي خاصه فيه هو نموذجين بس ...وشكرا مره ثانيه

[أبو دينا]

يا أنا يا هو وراح أذكركم انا جايب طريقه له وربي لأعميه بكره أعلمكم بأنطباعي على الاسأله

[ابو بنـــدر]

صباح الخير :106:
تفائلوا بالخير تجدوه وترى الماده خفيفه وواضحه وبالنسبة للدكتور ان شالله بيكون على وزنيته اللي قبل ولا يغير بالاسئلة بس فكونا من الوسوسه:hahahahahah:
وزي ماقلت ترى المادة خفيفة بالنسبة لبعض المواد بالتوفيق للجميع وفالكم a+

[ترف الفيصل]

ههههههههههههههه والله حتى انا كنت بخير

المشكله فترتين بكرا قانون تجاري وهالماده

وذيلا يخوفوني :(

[رۆۆعَـہْ♥]

يارب بهذي الساعه الفضيله .. يوفقنا جمييعا ونخرج منها بa+ قولو اميين

[سُميه]

متوكلين ع الله الحمدلله يارب انا احس انا الاختبار بيكون جميل يارب 💙

[ابواسوله]

متوكلين ع الله الحمدلله يارب انا احس انا الاختبار بيكون جميل يارب 💙



باذن الله


ربك كريم

[arwa0]

يارب بهذي الساعه الفضيله .. يوفقنا جمييعا ونخرج منها بa+ قولو اميين

اللهم آآميييييييين :106:

[بدريه علي]

في احد يعرف من المستوى الي راح عن اسئلته يكرر ولا؟؟؟؟؟؟؟؟؟؟؟

[الرجل الابيض]

ايش رايكم نقدم أعتراض من الحين مافيه داعي ننتظر الاسأله ؟؟؟؟؟

هههههههه هذا الكلام اللي بيصير حتى لو الاختبار سهل

[فواز الدهمشي]

توكل على الله المادة والامور طيبة لاترتبك وخلك طبيعي اهم شي هههههههههه

[سليمان النزهه]

الله يستر لايجيب سؤال ويقولك من زاوية
ركزو من زاوية

[الطالبة الناجحة]

الله يرضى عليكم نبغى جرعة تفاؤل مابقى الا ساعات للاختبار ماعلينا الا مراجعة بتركيز ونتوكل على الله

[مرام الحربي]

ابو اسوله قل خيرا او لتصمت نحنا مو عميان فيه نماذج كثير له ومافيها الي تقول ليه اسلوب التخويف هذا ارتقو شوي

[ابو معالي]

انا من الناس الي جبت العيد فيها جالس ادرسها مره ثانية
الدكتور استفتح فينا الترم الي فات
بس المادة طلعت سهلة ياخسارة
عندي اليوم اختبار ثاني بعدها القانون التجاري
:43::43::43:

[ماجد الشاعر]

ذاكر ملف أم جهاد .. وباذن الله بتدعي لي بعد الاختبار ..

المادة جداً سهلة

[ماجد الشاعر]

أنا مستغرب من كمية التشاؤم !

الدفعة اللي كانوا الضحية هم دفعة الترم الأول 1436هـ، لأن الدكتور جديد ومو معروف أسلوبه ..

بس الدفعة اللي بعدهم، كلهم يدعون له ، وفعلاً أسلوبه كان مباشر جداً وسلسل

أرجع وأقول ( ملف أم جهاد لوحده ) بإذن الله كافي للنجاح بدرجة عالية .

شدوا حيلكم ، واتركوا المنتدى فالساعات هذي ما فيه إلا ضياع الوقت ..

فالكم التوفيق ،،،

[HANI_FEL]

لا داعي لترهيب الطلاب و توقعات سيئة قد تربك الجميع بوقت نحن نحتاج فيه للهدوء !!

و تذكر بأن تبذل ماتستطيع و الباقي على الرحمن الرحيم .

[ابواسوله]

ابو اسوله قل خيرا او لتصمت نحنا مو عميان فيه نماذج كثير له ومافيها الي تقول ليه اسلوب التخويف هذا ارتقو شوي

قلت خير ولا لا ؟؟؟




جاكم كلامي انا حاس بهذا الشي علشان كذا نصحتكم وما صمت