كلمه للناس اللي يسربون

[Nadoosh_n1]

بسم الله الرحمن الرحيم

اعزائي الطلبه والغيييير طلبه اللي يحاولون اكتشاف الاسئله ويسعون لتسريبها

ما اقول الا حسبي الله عليكم وحتى لو ماتحسبنا عليكم ربي ماراح يوفقكم لانكم تفكرون تغشون

والله لو جبتو اعلى درجه ربي ماراح يوفقكم

تضرون انفسكم وتضرونا معاكم ماتتوبون من الاختبارات الاحتياطيه اللي مانقدر نحلها

فكونا منكم لو شفتو الاسئله بعيونكم لاتعلمونا فكوووونا منكم ومن شركم والله اني اتحسب عليكم ياللي سربتو اختبار اداره ماليه الى الان

والى الابد :007:

[KFU Sharafi]

صح والله ..... التسريب يجي على روسنا

[iSara__91]

لاويقولك يبيعها على الطلاب .. ياويله من الله ..اي والله احنا وش ذنبنا حسبي الله ونعم الوكيل

[vip555]

حسبي وكفى على تعبي خمسة ايام وفي الأخير حتى سؤالين على بعضها ما عرفنا

[بندر االعنزي]

بالعكس جزاه الله خير على التعاون وعلى الاخوه والصداقه بس وينها الاساله هههههههه



لا تدعين عليه يالدافوره

[حقق امنياتي]

يسرب بس ليقول دي اسئله يقووول مهمه ��

[لوشهه]

ماقصر خرب علينا اختبار الاداره الله يهديه وبس مايخافون ربهم ووش ذنب الطلاب الباقين اللي مايدرون وسهرو ايام ع المذاكره وبالنهايه محد عرف يحل مايدري ان الكل يدعي عليه اذا رسب بهالماده المخيسه ��

[ابو نواف السعد]

جايكم من مستوى ثامن مطبح الله يحيني المهم اذكر
بقول الرسول صلى الله علي وسلم من غشنا ليس منا
انا حامل الماده وراجعت ومن الله التوفيق
انت انسان ناذج تفكر في توفيق الله وتحط الغش بمصيرك والله ما فلحت

[اخفي همومي]

والله ماعرفت الا اجابه وحده لكن الباقي على الحظ الظاهر رسوب جماعي فعلا مثل ماقالت صحيفه سبق ههههههههههههههههههههههههههه

ماقول غير حسبي الله عليك حسبي الله عليك ياللي حطيت هالاسئله في الاختبار وجبت العيد فينا الله لايوفقه من دكتور دامه جاب العيد من بعيد ,,

[سنديه]

������ليش مااعطاني هيا

[أبوالجود]

وش السالفه كان آخر اختبار لي اليوم وجلست وقلت خلني الف على المنتديات لقيت هذا الموضوع الغريب وش سالفه تسريب الأسئلة

[وردة جورية]

بغض النظر عن التسريب والغش واستخدام اساليب ملتويه

انا جد مستغربه ماشفت الادارة الماليه بصعوبه الي انتوا شفتوها

ويمكن جبت العيد فيها وانا افكر حليت عادي

[عامر33]

بصراحة في شخص بتويتر هو اللي مسوي مشاكل لنا مع الدكاترة ، وايضا يوم طلعت الاسئلة قام يغرد فيها ويقول ليش ويدعي انه يعرف عنها وعنده صور لاعترافات طلاب وطالبات والناس معطيته اكبر من حجمه ، مثل هؤلاء السفهاء لو تم حقرهم وعدم الالتفات لهم ماصار لهم صوت ، لكن للاسف بعض الطلاب يعطي بعض الاشخاص اكبر من حجمهم ، اي شي تدوره راح تلقاه بالمنتدى ومحدث والجميع هنا يساعد بعض .

تحياتي لكم جميعا ، واتمنى التوفيق لي ولكم في الادارة المالية وجميع المواد

["_tooooot_"]

كلامك جميل وصحيح

[مناسب]

حتى لو تم تسريب الأسئلة..وحتى لو فيه طالب أو طلاب متشاكلين مع الإدارة..ينبغي عالإدارة أن تكون واعية وتدير هذه المشاكل بسرية وبعيدا عن باقي الطلبة اللي مالهم لاناقة ولاجمل في مثل هذي الأمور،إحنا نسهر ونأخذ إجازات من أعمالنا وفيه ناس عساكر مرابطين وعساكر تذاكر وهيه مستلمة ماعندهم إجازات ولا تفريغ وفوق هذا دافعين فلوس البعض يتسلفها عشان نتعلم ونرفع من تحصيلنا العلمي والثقافي..مايصير كل هذا يُجحد أو يتم غض الطرف عنه ويتم عقابنا عقاب جماعي وكأننا في سجون ومعتقلات...!!!

[antral]

حصل معنا امس في اختبار التحليل الاحصائي ونفس الحركة تم تغيير الاسئلة بسبب التسرب والعقاب تكون الاسئلة صعبة