متى النتائج ؟ وكيف يتم ارسال شهادة التخرج ؟

[سنفور مجتهد]

السلام عليكم جميعاً واخيراً والحمد لله بعد 4 سنوات من الجد والاجتهاد اتى الوقت اللي نستلم فية وثيقة التخرج من الجامعة ياجعلنا جميعاً ناخذ صحائفنا بيميننا قولوا امين .


ابارك للجميع النجاح مقدماً واللي ماحالفه الحظ انه ينهي جميع مواده الترم هذا لاحق الترم الجاي .
لكن متى وقت النتايج ومتى تسليم الوثائق وكيف .


تحياتي :d5:

[Reero]

اللهم امين , مقدر افيدكم والله ما عندي علم
بس على حسبتنا بالعادة عشرتيام وتطلع النتايج

[xs1]

اتمنى ان يتم ارسال الشهادات عن طريق ارامكس نفس الدفعه السابقه
ومبروك التخرج

[3aDeL_294]

مبرووووووووووووووك للكل التخرج اولا.. اتوقع تقدر تاخذ الوثيقه عن طريق ارامكس الى منطقتك واتوقع لازم اخلاء طرف الكتروني بعد .. شي زي كذا ......

اللي عنده فكره كيف ومتى نسويها بالله لا يبخل علينا :)

[حليمه الحلوه]

اللهم آميييييين

[امي احبك]

من جد نبي احد يعلمنا كيف

[أم ديم]

بعد ماتنتهي الاختبارات بينزل الفريدان تغريده بموعد النتايج كالعاده
ي رب انك تنجحنا :love080:

[slo0o0o07]

النتائج ان شالله من 15 يوم الى 20 يوم بالكثير من اخر يوم اختبارات
بالنسبة للوثائق
فيه ايقونه اسمها اخلاء طرف تعبيها
وبعدها تنتقل الى ايقونه ارسال الوثائق ارمكس وتعبي بعض البيانات المدينة والمنطقة والحي والشارع ورقم جوال ورقم اخر تواصل وكذا معلومه
وبعدها بكم يوم تجيك رساله من ارمكس ان الاوراق حقتك بتجيك بعد كم يوم ورقم الارساله رابط عشان تتابع الارساليه وين وصلت
وتاكدو من المعلومات المسجلة بالشهادة من الاسم والسجل المدني وجميع المعلومات
الخطا وارد
واذا فيه خطا لاسمح الله الله يعينكم على المشوار للاحساء
بس تراها حلوه الاحساء جلست فيها 3 ايام في رمضان عشان الترم الصيفي ههههههههه
موفقين :d5:

[miss shosho]

يارب توفقنا وتبشرنا بما يسرنا ونفتك من هالجامعه

[abusoud]

تغريدة الدكتور عبدالله الفريدان

انها بتكون تقريباً بتاريخ 1437/3/28هـ


بالتوفيق للجميع ..

:d5::d5::d5:

[QUEENالمتميزة]

فالكم التخرج والتميز

[الغيث]

بالتوفيق جميعاً

[asubaiei]

اللهم امين , مقدر افيدكم والله ما عندي علم
بس على حسبتنا بالعادة عشرتيام وتطلع النتايج


اكثر شئ عجبني في الموضوع كلمه(عشرتيام):oao: تحسين انك مخالطه عجائز ومتاثره فيهم

[عيون من زجاج]

اريد استلامها من الجامعة نفسها بصير ولا لا وهل يجب اني اعمل اخلاء طرف في هذه الحالة ولا مافي داعي

[asubaiei]

اريد استلامها من الجامعة نفسها بصير ولا لا وهل يجب اني اعمل اخلاء طرف في هذه الحالة ولا مافي داعي

ماعندك مشكله
بالنسبه لي انا بستلمها من الجامعه كلها ساعه في الطريق احسن من انتظر اسبوع

[وردهه]

افضل تروح لهم عشان اذا كان فيها اخطاء يعدلونها وانت واقف

[متفائل ولكن !!]

الي ناويين يروحون الجامعه لاستلام الوثيقه
هل ممكن تسلمكم الجامعه الوثيقه او رح تجبركم عن طريق البريد

[سمــوٍ الهمــه]

فيه أجراء أخلاء الطرف إلكترونياً؟ لو رحت الأحساء أستلمها!
والي يبي توصيات وتزكيات الدكاترة كيف يأخذها؟

[Plender]

تاريخ 28 هجري

اللهم اميييييييييين وعقبالنا يارب

[Plender]

التوصيات الكترونيه تطلعها ,,

[أمونه الأموره]

اقدر اروح انا استلم الشهاده!!