طالبه من مستوى رابع ،،، ماهو انطباعكم عن مواد المستوى 5

[كانزي]

السلام عليكم ورحمة الله وبركاته،،،،اول شي بإذن واحد احد أعدي المستوى 4،،،،،،:119:، حابة استفسر عن مواد المستوى الخامس من حيث السهولة والصعوبه لمحتوى كل ماده وعن أسئلة الدكاترة ،،،وثاني شي هل تنصحوني بإضافة مواد المستوى السادس وأخلي مواد المستوى الخامس الى بعدين او امشي على خطة الجامعه ،،، المفروض أني معكم بس أجلت لظروف افيدووووني جزاكم الله خير:119:

[ابو طلال99]

وعليكم السلام ورحمة الله ابشري بالخير راح يجاوبنوك النشامى والمطانيخ بس يبيلهم شويات من الراحه من اثر الجهد الي مرو عليه
ترتاح النفوس وتهدى الخواطر وماراح يقصرون معك ان شاء الله
تحياتي

[skmutairy]

المستوى الخامس جميع المواد اغلبها نظري وليس فيها مسايل الا في النقود والبنوك والاعمال الدوليه ولكن قليله جدا ولاكن الدكاتره قالبين هالسنه على جميع المستويات بالاسيله الصعبه جدا
المستوى الخامس المستوى الوحيد باداره الاعمال كله نظري

[KHALIFAH]

المواد اغلبها نظريه ,لكن الترم هذا ماادري ايش سالفة الدكاتره قالبينها تحدي معنا كل اختبار لازم يكون فيه لف ودوران ومن بين السطور الله يعديها على خير ,لكن بالمجمل المواد اقل صعوبه من المستوى الرابع.
بالتوفيق لكم ,,,

[511طالب شايب]

كل مستوى فيها مواد صعبه واخرى بسيطه
السلوك التنظيمي وادارة العمليات والنقود والبنوك يبي لها شوي تركيز
رغم صعوبة تعامل الدكاتره هالترم مع الاسئله وتقارب الاجابات الا انها مش مستحيله
فقه السيره هي ماده لرفع المعدل
اما مادة ادارة الاعمال الدوليه فالدكتور ابن دليم (مريض نفسي) اتمنى علاجه قبل اختبارات السمستر القادم
الله يشفيه

[Khalifa499]

اسهل من مستوى رابع بكثير بس عليكم بالتركيز بالحفظ ،،

[VIP.]

‏​‏​•• ‏​‏​ۆعلـِْ♡̨̐ـِْيگمَ آلسَـِْ♡̨̐ـِْلامَ••
الامور طيبه جدا جدا
نصيحتي مٍْْـٍْْ♡̷̴̬̩̃̊ـٍْْنٍْْ بےـِْدريّے ابد بالمذاكره

[amgpvc]

احذروا من د. يحضية سملالي .

[alhrby1]

كل مستوى فيها مواد صعبه واخرى بسيطه
السلوك التنظيمي وادارة العمليات والنقود والبنوك يبي لها شوي تركيز
رغم صعوبة تعامل الدكاتره هالترم مع الاسئله وتقارب الاجابات الا انها مش مستحيله
فقه السيره هي ماده لرفع المعدل
اما مادة ادارة الاعمال الدوليه فالدكتور ابن دليم (مريض نفسي) اتمنى علاجه قبل اختبارات السمستر القادم
الله يشفيه

هههههههههههههههههههههههههههههههههههههه

بيعالجوووه قرررريب وماهو بعيد عن الدوغان خخخخخخخخخخخخخخخخ




المستوى الخامس اغلبه نظري ويبغاله تركيز من بجاية الترم وفاك التوفيق ونصيحه خلك ع الخطه اريح لك والله يوفقك

[طالبة حالمة]

انا اخذت هالمستوى مادتين بس ( السلوك وادارة الاعمال الالكترونية )
المادتين نظريتين

بالنسبة لي ما أحب الحفظ فلقيت فيهم صعوبة لكن الاختبارات كانت جيدة
من المحتوى >>>> لكن لااااااازم مذاكرة من البداية ومتابعة المحاضرات
مذاكرة آخر يومين ماتنفع لأنهم مواد تحتاج تركيز

وبالنسبة للتأجيل شيء يرجع لك
المشي عالخطة افضل
لكن انا دمجت هالمستوى من ٣ مستويات
الرابع لأني اجلته واخذت من السادس لاني معادله مواد

وبصراحة أحب اكون مع دفعتي فديتهم شتااااان بين التواجد معهم والتواجد مع غيرهم

[طرطيعة]

اطمري معنا للمستوى السادس :lllolll:


الله وكيلك يبي له حيل حديد :71:



ان كان حيلك منقطع ماينفعك :sm4:

هو ان شاء الله تعدينه بس بيعدم اوم المستقبل وابو المعدل :icon120:

لكن النجاح فيه مضمون باذن الله

[كديش66]

http://www.ckfu.org/vb/ckfu.org_2013/buttons/viewpost.gif

[كديش66]

انشاءالله سهل بس السنه الدكاترة مشددين شوى والسبب العمادة لزموعليهم..... لاتهتمو.......جدا......سهل

[abdullah.s.340]

حتكون ايام خزعبلية!! للأسف
الله يكون بعونك لكن فقة وسيرة احلى مادة نزلي معها مادتين فقط
وكثفي الجهوود بالفهم والحفظ صم
وبالتوفيق لنا ولك
والدفعة الجهنمية الألماسية

[Decent Hafrawi]

اصعب ماده اداره اعمال الدوليه هي ماهي صعبه ولكن دكتورها معقد ويفرد عضلاته على الطلاب

[aboody2000]

السلام عليكم ورحمة الله

الله يعينكم على مواد مستوى خامس انا من وجهة نظري انه اصعب مستوى مر علي بالجامعه
والدكاتره الترم هذا بالذات اسالتهم من بين السطور الا مادة فقه السيره بيض الله وجهه
صراحه يبغى لها استعداد بدري لان اغلبها نظري ومتشابه


الله يوفقكم

[زهراء !]

نصيحة مني كانزي ولكِ حق تقبلها او رفضها ، سهولة المواد او صعوبتها تعتمد عليكِ فقط ، اذا اعتمدي على اسئلة الاختبارات السابقة فقط فاكيد راح يكون الاختبار والمادة في نظرك صعبة ، لكن اعتمادك على الملخص + اسئلة الاختبار + الكويزات هنا راح اضمن لك سهولة المنهج حتى لو استصعبتي اسئلة راح تكون قليلة جداً .

بالنسبة للجدول اخذت فقة السيرة المستوى اللي راح وهذا المستوى اخذت توريد وكان المادة سهلة جداً جداً ( بالنسبة للي ذاكر من الاسئلة + فهم الملخص )

وبالنهاية اللف والدوران في الاسئلة شر لابد منه واعتقد انك تعودي عليه .

وبالتوفيق لكِ وللجميع .

[Ali1]

والله اني اشوفه اصعب مستوى مر علي مع المستوى الثاني .

[Nonasha]

المستوى الخامس استراحة محارب زي مايقولو نظري اغلبة موادة حلوة ان شاءالله نعدي على خير ههههههه

[ابو عباس]

في الحقيقة اصعب مستوى مر عليه الداترة الله يهديهم ما ادري ايش عندهم معانا ... هل سبق وأن اتمشكلنا معاهم ....أم هو توصية من الادارة


الله اعلم


لكن المواد تعتمد على حسب الطالب
هل هو يحب العلمي والفهم ... ولا يحب الحفظ


المواد صعبة وتحتاج الى حفظ وتركيز كبير لأن الدكاترة يتلاعبوا بالالفاظ والعبارات


تخيلوا اننا مقدمين تظلمات لجميع المواد


واذا تبغوا معانا أجلوا هذا الترم الى ان يتم تغيير الدكاترة

[حسن الأسمري]

جميع المواد سهلة بس شوية تركيز على المحتوى والمشي على الخطة أفضل
ترتيب من الصعب الى الأسهل0
1-سلوك تنظيمي
2-التجارة الدولية
3- التجارة الألكترونية
4-ادارة العمليات
5- النقود والبنوك
وفقه اللغة لاتعتبر مادة لسهولتها

[Turki.h.j]

من اصعب المستويات اللي مرت علي بصراحة ..
الدكاتره كانوا متحاملين كثير وكان عندهم اتقان غير طبيعي في الالفاظ اللغوية واللعب بالمفردات ..
شدي حيلك من بدري والله يسهل لك .

[حمود الدعجاني]

لازم تلبسين دروع واقيه .. بيفقعون وجهك بالأسئلة لو ماذاكرتي .. كل الدكاتره حقين لف ودوران عدا د عبدالعال ادارة العمليات هذا بطل صراحة .

[Ayad m]

السلام عليكم ورحمة الله وبركاته،،،،اول شي بإذن واحد احد أعدي المستوى 4،،،،،،:119:، حابة استفسر عن مواد المستوى الخامس من حيث السهولة والصعوبه لمحتوى كل ماده وعن أسئلة الدكاترة ،،،وثاني شي هل تنصحوني بإضافة مواد المستوى السادس وأخلي مواد المستوى الخامس الى بعدين او امشي على خطة الجامعه ،،، المفروض أني معكم بس أجلت لظروف افيدووووني جزاكم الله خير:119:

طبعا اسهل من المستوى الرابع لو ان هالترم كان معقد هذا اول شي الثاني والاهم نصيحه من مجرب خليك على الخطه الى التخرج اذا بتاخذي شي صيفي مثلا حلو غيرها لاتلخبطين نفسك والخطه مواد كل مستوى تعتمد على الي قبله وكذا
شكرًا لي من قلبي ~>~>~

[محمد آل عبود]

اهم شي ياكانزي تجهزين صيغة تظلم لجميع المواد اللي بتنزلينها هالسمستر وبالتوفيق ..:(22):



امزح امزح بس صراحه كان ترم ثقيل دم بكل امانه رغم ان المواد ماقبل الاختبارات توحي بسهولته يعني احسبي حساب واجهتدي منذ البداية وبالتوفيق وعقبال الماستر وهكا وهكا ....:106:

[دافنشي كود]

انصحك تعتمدي الجدول الأساسي


بالنسبه للمواد اغلبها نظري ..

واكيد أي ماده سواء سهله او صعبه اجتيازها بتفوق يعتمد عليك

وهالطريق صعب ويبغى مجهود

واذا اجتهدتي اول بأول بتوصلين للنتيجه اللي تبغين

فأنصحك لا تأجلين المذاكره الى نهاية الترم اذا كان يهمك المعدل

لأن حتى لو المواد نظريه بس مايكفيها يومين او ثلاث

والنظري بالنسبه لي يشتت اكثر من العملي

بالتوفيق لك

[وايــليــه]

اعتمدي علي الله اولا ثم علي المذاكرة اول بأول المستوى الاغلب نظري وشدي حيلك من بدايه حتى لو تأجلين راح تفكرين بهالمواد ومتى تخلصين توكلي علي الله وخوذيهم انا تندمت تركت وراي ثلاث مواد مو عارفه كيف ارتب جدولي لاتتركين وراك مواد :ونصيحة نصيحة حفزي نفسك لاتحطين في بالك صعب وانا مافهمت شدي حيلك الله مايضيع تعبك :أســـــــــــــال الله العظيم التوفيق لك ولجميع طلاب وطالبات :

[محمد المقبل]

بالنسبه للمستوئ الخامس اغلبه يعتمد على الحفظ العملي قليل مو مثل الاترام الماضيه
والدكاتره الله يسامحهم الترم ذا مادري وش بلاهم علينا عموما بالتوفيق يارب ومافيه شي بدون تعب

[NAMEG]

اعتمدي على الله اولا
ثم على محتوى الماده و ليس الملخص

لان الاسئله لم تخرج من المحتوى

المستوى الخامس دسم و يحتاج قوة حفظ

[HEFM]

مواد نظريه بشكل اكبر

تحتاج متابعه ومذاكره من بدري

[β ê Š ö]

مواد مستوى الخامس اغلبه نظري المواد مره سهلة بس الدكاتره معقدين جدا كل دكتور يتفنن علينا ما اقول الا حسبي يالله ونعم الوكيل المستوى هذا نسبتي بتكون داون

[ولد عم مصطفى]

بالنسبه للمواد سهله ونظريه 90 % معدا ادارة العمليات والاعمال الدوليه
فيها مسائل بسيطه مكرره بجميع الاختبارات
لكن الدكاتره هداهم الله ذابحهم البرد هالسنه
وحبو يتدفون على الدخان اللي يطلع من مخ الطلابه

ذاكري قبل الاختبارات بسبوع الملخصات + اختبارات+ كويزات المنتدى
وان شاء اضمن لك الامتياز بالراحه

[مغتربة33]

المواد الترم هذا اسهل بكثثثثثثثثثثثثثر من مواد الترم الماضي لككن يبغالها حففففففففففففظ من بدري لانهم معتمدين اسلوب اللف والدوران .زالمناهج سهله لكن يبغالها حفظ بتركيز واستعداد من بدري

[majed18100]

اذا جلس نفس الدكاتره لكم ماتغيرو الله يعينكم ههههههههههه ونصنا يمكن يحمل مواحد مستوى خامس

[مغتربة33]

الي اعتمد على اسئله الاعوام الماضيه راح فيها لكن الي ذاكر الملخصات زين راح يجيب من b+ فما فوق
نقود وبنوك راح يجيب من مسائل الكتاب ومو موجوده بالملخص لكن مسائل مرره بسيطه

[tad400]

مواد مستوى خامس لانها نظري وتحتاج حفظ تحتاج وقت مبكر للمذاكره للي يبي معدل لكن ممكن تدرس على خفيف للي يبي النجاح المواد بشكل عام سهله كمواد

[محمد6565]

جدا سهله بس بشرط تبدا من بدري لانها محتاجه حفظ

[سهام الخليف]

الله يسعدكم اقدر اخذ مواد المستوى السادس قبل الخامس

[حصة علي]

بدون تحطيم بس انا بالنسبه لي اصعب مستوى على الاطلاق يمكن لاني ماحب النظري واعتمادي ع العملي

فالنصيحه خيتي انش تبتدي تتابعي وتحفظي جزئيه من بدايه المستوى لان المواد دسمه من ناحيه الحفظ


وللاسف كان في عملي لاكن الدكاتره اعتمدو ع النظري اكثر




موفقه خيتي وتاكدي ان كلامي ماهو تحطيم هو دافع انش تبتدي صح عشان ترفعين معدلك
لاني للاسف انشغلت هالمستوى ومابديت بدري

[Fahed saleh]

للأسف نحن صعبنا على أنفسنا بعدم المتابعة من البداية كنا نحسبها مثل الرابع قبل أسابيع من الاختبارات تكفي ولكن كان العكس أمشي على الخطة أفضل لك وإلا سوف تتغير عليك أمور كثيرة


وبالتوفيق لنا جميعا

[Emperor]

وعليكم السلام ورحمة الله وبركاته

أبشرك المستوى زين كله نظري ماعدا النقود والبنوك وادارة العمليات
بس اهم شئ جهزي صيغة تظلم من الحين:mh12:

[كانزي]

أسعدني ردودكم :d5::d5: وان شاء الله راح امشي على الخطة والمذاكرة أكيد بتكون من بدري الله يصخر لنا الدكاتره وفالي وفالكم التوفيق والنجاح،،، تحياتي لكم

[aredstar]

ياالله وش كثر التعداد اللي فيها واغلبها نظري والعملي شي بسيط انا حبيت هالمستوى لاني ذاكرت بتركيز والله يوفقكم