استفسار عام الانطبـــــاع العام لمستوى 7 برايكم الشخصي ~ ~ [الأرشيف] - ملتقى طلاب وطالبات جامعة الملك فيصل,جامعة الدمام

shhs

2015- 12- 22, 01:46 PM

السلام عليكم احبتي دفعه 7 المتهورين:verycute: قدوتي .. ادري عندكم اختبار اليوم

الله يوفقكم يارب دعواتي لكم فردا فردا :004:

موضوع عام ل استفساري عن انطباعكم عن المستوى :

الادارة الاستراتيجيه

بحوث الاعمال

ادارة الاعمال الصغيره

المحاسبه الاداريه

نظريه المنظمات

ادارة التغيير

+ اسم الدكتور (جديد قديم) + رايكم في الماده + الاختبار

:oao:كلن يدلي بـ دلوه ~

Mr' bander

2015- 12- 22, 02:50 PM

خذيت نظرية المنظمات من المواد هاذي .. دكتورها عيسى حيرش خامس ترم يدرس الماده ،

الماده سهله ولكن الدكتور اللي ماهو حافظ الماده يبي يضيع. .. لانه يضع فقرات في الاجابه تشتت المذاكره ،

حركات مالها داعي ب اختصار ،،

الله يوفقكم ويسهل عليكم ان شاء الله ،

فيافي 28

2015- 12- 22, 02:57 PM

اخذت اداره استراتيجيه من قبل .. اخذته في اول ترم لما البلالي مسك الماده .. والحمدلله كانت ممتعه واسئلته حلوة ومباشرة

محاسبة اداريه اخذته. قبل سنه كمان وما اظن الدكتور تغير
الاسئله كانت صعبة واذكر جاب مسائل ماهي من المحتوى .. مسائل تنحل بالمعلومات القديمة في المحاسبه .. حتى النظري. منه كان صعب وما كرر ولا سؤال

بقيه المواد اخذتها هالترم وكلها حلوه
بحوث الاعمال دكتور جديد ومحتوى جديد .. بفضل الله ثم ملخص طموح شايب وبنت حيدر عدينا المادة .. الاسئله مباشره والماده بسيطه

اعمال صغيره ممتعه جدددددا و مثيرة للإهتمام ..
دكتور الماده هو محمد دليم القحطاني وأسئلته تغطي كل المستويات .. يعني المجتهد بيلاقي نصيبه من أسئله جديدة دقيقة تميزه .. وكمان اللي ماقدر يذاكر زين حيلاقي أسئله مباشرة تنجحه

نظريه المنظمات مع الدكتور عيسى حيرش
الماده تحتاج وقت ومذاكره. أسهل وأفضل طريقة هي سماع المحاضرات ..
صحيح ان مافي شيء معقد بالماده لكن شرح الدكتور يقرب لك المعاني ويثبت اسماء الدكاترة ..
والأسئله كانت روووووعه ❤❤❤❤
اغلبه كان مكرر يمكن الجديد بحدود 10 اسئله

اداره التغيير ... اليوم بختبره
بس عموما ماده سهله وواضحه تحتاجي 4 ايام بالكثير وتختمي الماده وتراجعيها نرتين كمان ��

فيافي 28

2015- 12- 22, 02:58 PM

غضوا الطرف عن الأخطاء الاملائيه قاعده اكتب من الجوال

(مشعلي)

2015- 12- 22, 03:06 PM

مستقبلي بداء

2015- 12- 22, 03:19 PM

الحمدلله لكل مجتهد نصيب وقبل كل شي التووافيق من الله
المستوى كان من السهل الممتنع يعني الي ذاكر ولخص وتعب قبل الاختارات بفتتره كان
المستوى في نظره افضضضضل مستوى من المستويات السابقه

اما الي مهمل فاكييييد بيسب ويقول صعب ومعقد
لان عقله مو مدرب فجاءه استخدمه فيضيع معلومات كثثير

واتمنى للجميع توووفيق ودرجات عاااليه

ابومروان

2015- 12- 22, 03:44 PM

جميع مواد هالترم اشوفها كانت سهله ما عدا التغيير لاني اخذتها الترم اللي فات

رفوع

2015- 12- 22, 03:54 PM

بنسبه لي كانت هناك مواد تحتاج وقت وتركيز :(107):
ومواد سهله بس فيها كميه معلومات يعني طويله
المواد الطويلة وتحتاج حفظ ( بحوث الاعمال - الاستراتيجيه - الادارة العامه ) طبعآ الادارة العامه من مستوى سادس
وفيه مواد خفيفه الظل على قولت دكاترتها بس تحتاج تركيز
( نظريه المنظمات - اداره الاعمال الصغيره - المحاسبه الإدارية )
بمعنى تشوفها تقول سهله ومحتوى مو كبير صغير بس الدكاتره يعتمدون فيها الحفظ
يعني يجيب لك سؤال وتلقى الاجابه اخر السطر ولا بنصه يعني ما ينفع معها الفهم يعني تحفظ كأنك تحفظ اسمك
وإخوانا الشاطرين. :sm4: طاحو في بعض الاختبارات مثل الادارة الأعمال الصغيره يمكن اعتمدو الفهم وجاهم الاختبار الاسأله يبي الجواب نصآ من المحتوى :41jg: وقالو صعب ماهو صعب لكن طريقه مذاكرتهم خطاء

بختصار مافي شي صعب اذا عطينه وقت وفهمنا الدكتور وش يبي فهم ولاا حفظ
عشان اذا جات الاسئله ما ننصدم
وسلامتكم وان شاء الله الكل ناجحين :love080:

فيصـل الشـهري

2015- 12- 22, 04:36 PM

الي متأكد منه ان جميع مواد مستوى سابع معلوماتها كثيره ومتداخله ويبيلها االاستعداد المبكر
بالتوفيق للجميع

الرضوي

2015- 12- 22, 05:00 PM

مواد سهلة بس لازم التركيز وخصوصا المحاسبة الادارية لازم متابعه من بدري

وقتي

2015- 12- 22, 05:10 PM

Ms.Solo

2015- 12- 22, 06:13 PM

كلها جميله وتحتاج من ٣ الى ٤ ايام ما عدا

المحاسبه الإدارية
الاستراتيجيه

مو لصعوبتها بالعكس جدا جميله ولكن تحتاج وقت ومراجعه اكثر من مره للتثبيت

مواد السمستر بشكل عام مترابطة بشكل عجيب وهالنقطه بتساعد
لكن الماده الوحده فيها تفرعات ونقاط متشابهه وتعداد تحتاج الحفظ والتركيز واطلاع على اُسلوب دكتور الماده

ابومزيد

2015- 12- 22, 06:13 PM

ملاحظتي كانت صعوبة الحفظ بسبب تداخل المواد ...

Ms.Solo

2015- 12- 22, 06:25 PM

العينة الي بتاخذها لازم تمثل المجتمع تمثيل شامل وتعكس وجهات النظر الحقيقة
لأن ظروف الناس تختلف وبالتالي استعداهم يختلف وانطباعاتهم وتجاربهم خلال المستوى
بتأكيد بتكون مختلفة فراح يكون عندك في المحصلة مجموعة اراء متطرفة في الآراء الإيجابية والسلبية عن المستوى وبالتالي زياده مستوى التشتت لديك
لكن مما يبدوا ان العبره في الموضوع هي متى بدءت الاستعداد للمذاكرة للمستوى
وفي رأي انه لا يختلف عن المستويات الاخرى في أي شي ,, وع فكره باقي لنا اختبار ادارة تغيير
يمكن بعده تتغير الفكرة والنظرة عن المستوى بالكااااااااامل

يا مختبر احصاء او جودة هالسمستر 😂
بس كلامك سليم انا وحده موظفه والمادة الوحيدة اللي بديتها من اول التيرم المحاسبه الإدارية وهذا خلا الماده سهله بالنسبه لي بالاضافة الى تعاون الدكتور بالأسئلة

اما باقي موادي أخذت اجازه قبل الاختبارات بأسبوع ودرستها وبرضو الحمدلله كانت جميله بالنسبه لي والنَّاس قدرات وتفاوت بالحفظ والتركيز لذلك دايماً اقول افتحوا ملخص الماده واقروا قبل وقرروا على حسب وجهة نظركم انتم

ابو ريمااس

2015- 12- 22, 08:06 PM

اشوف انه افضل مستوى مر علي المستوى السابع

الين خالد

2015- 12- 22, 08:52 PM

الترم مواده معلوماته كثيره ومتداخله بس الي بيذاكر مبكر راح يسهل على نفسه
ادارة التغيير رووعه دكتورها درس خمس اترام وهذا السادس فمن السهل قراءة الملزمه ومذاكرة اسألة الاترام الي راحت
ادارة اعمال صغيره ضروري تبداه بدري خصوصا مافيه ايام للمذاكره ورى بعض
ادارة المحاسبه 😭ضروري مذاكره مبكره وسماع المحاضرات بس الدكتور هالترم الله يسهل عليه جاب اشياء مباشره
نظريةالمنظمات مااخذته اخذت بداله ادارة الجوده
بحوث الاعمال وادارة عامه متوسطه

الاستراتيجيه اخذتها الترم الي راح فاتذكر حشو كلام

انا توت

2015- 12- 22, 09:20 PM

اخذت المحاسبه الأداريه وادارة التغير
اللهم لك الحمد كلهم متساويات في الحلاوه
فقط للي اجتهد :106:

Mesha$

2015- 12- 22, 09:26 PM

الادارة الاستراتيجيه بلالي

صعبه شويتين وببالها مذاكره من بدري ندمت اني مامسكتها من بدري ولا كان جبت a+

ادارة الاعمال الصغيره دليم القحطاني

ماده حلوا برضو ودكتورها مابين و بين اختبارو من متوسط لسهل بالنسبالي مافي االا 4 او 5 اسأله اللي يتهوك فيها بس الباقي مباشر و واضح

المحاسبه الاداريه ناسيه اسمو بس فيه حجاج كأني فاكره ههههههههههههه

اسهل ماده في الترم دا هيا والتغيير
والدكاتره جدرا متساهلين و يجيبو من اسألة العام والمحاسبه يغير فقط الارقام ف المسائل

نظريه المنظمات

لسا ماخدتها

ادارة التغيير يحضيه سملالي

اسهل ماده صح تعدادتها كثير وتشتت بس مع تكرار الحفض وحل الكويزات تمشي امورك

جي ج

2015- 12- 22, 09:46 PM

الحمد لله كانت حلوة وممتعبه ومتعبه ومعلوماتها كثيره ومتشابهه والله احس راسي ثقل من كثر المذاكربس باذن الله ربي يسرلنا ونعدي على خير والله يوفقك كل من ساعدنا ونشر اي معلومه لنا دمتم بود جميعا واشوفكم على خير المستوى الثامن باذن الله

h5yan

2015- 12- 22, 09:52 PM

مستوى سلبع جميل والاجمل هو مساهمات الاخوه والاخوات والمشرفين والمشرفات
شكرا لكم جميعا على كل ما بذلتموه من جهود
في ميزان اعمالكم
لكم الشكر والتقدير

moubark

2015- 12- 22, 09:57 PM

اللهم لك الحمد من اجمل الاترام هذا الترم سجلت استراتيجيه وادارة اعمال صغيره و ادارة التغيير مقررات جميله يمكن اطولهم الاستراتيجيه الدكاتره ماقصرو معنا هالترم الله يجزاهم الخير اسئله جميله ووواضحه الله ييسر لنا في الترم القادم

Salman Al-m

2015- 12- 22, 10:11 PM

اكتشفت ان في المستويات الأخيره تسهل المواد مهما كانت معقدة والسبب أن الكثير من المعلومات بها متكرره من مواد سابقة، وهذا طبعا من منافع السير على خطة الجامعة في تنزيل المواد، بالإضافة إلى أن أغلب الدكاتره الله يعطيهم العافيه كانوا متعاونين وقدموا اختبارات مناسبة جدا ولم تخرج عن المحتوى، لذلك أقل مجهود في المذاكرة كان كفيل بأن الطالب ينجح.

بالإضافة إلى أن دفعة 213 (المتهورين) مميزة جداً، ومتعاونين، بالإضافه الى أن هناك عدد من الزملاء ندعوا لهم بظهر الغيب على كل المجهودات والأعمال والمشاركات والكويزات ..الخ التي كان لها دور كبير جداً في جعل هذا المستوى أسهل بكثير وممتع ايضاً، وثمرة جهدهم دائماً لن تضيع، وأجرهم عند الله مضاعف، فكل الدفعات القادمة لهذا المستوى سوف يستفيدون من منافع هذا الجهد الرائع. أسأل الله لهم التوفيق في الدنيا والآخرة.

في النهاية، نصيحتي لمن هو قادم للمستوى السابع، لا تستمع للمتشائمين، ولا تستمع لمن يصعب المواد، فدرجة صعوبة المواد تعتمد على مدى مذاكرتك وإن كانت بسيطة فهي كفيلة بإذن الله بنجاحك، التركيز على اسئلة الأعوام الماضية، والكويزات، ومشاركات الزملاء وتجارب السابقين، مهم جداً ولكن لا يغني عن المحتوى.

ونصيحتي الثانيه وعن تجربة شخصية، قبل الشروع في مذاكرة المادة سواء من الملخصات او المحاضرات المسجلة والمحتوى، اختبر نفسك بالمادة عن طريق حل بعض الكويزات، والفائدة من ذلك هو اخذ انطباع عن المادة ومعرفة اسلوب الدكتور وطريقة الأسلة والنقاط المركز عليها والتي توجهك بإذن الله للطريقة السليمة للمذاكرة، ومن ناحية أخرى، هذه الطريقه تبين لك مدى تكرار المعلومات من المواد السابقة وكمية المعلومات المعروفه سابقا والمالوفة وهي كثيرة، من ما يتيح لك تقييم صعوبة المادة من عدمها.

اسأل الله التوفيق للجميع

سلمان

لمُت نفِسٌيَ

2015- 12- 23, 12:02 AM

مساء الخير
الحمد لله كان المستوى جيد في طريقة أختيارنا للمواد وترتيبها
وكمية ترابط المواد مع بعض ساعدتنا بشكل كبير ..
وكانت موادي 6 وهي :
الاستراتيجية - النظم المتكاملة - الاعمال الصغيرة - المحاسبة الادارية - الجودة - التغيير

الخطة كانت ممتازة في الاختيار والاسئلة والمذاكرة ( رغم اني موظف ولا ذاكرت إلا بأيام الاختبارات )
لكن قلت أن المستوى جيد بالنسبة لي والسبب لظرف صحي طارئ وهو تعب الوالد الله يعافيه ويطول بعمره
في اسبوع ثلاث مواد دسمه ! وهي النظم والصغيرة والمحاسبة الادارية .. وكانت النفسية متوترة !
لكن الحمد لله قدرت اواصل وادخل الاختبارات جميعها وأجيب درجات مناسبة ..

اشكر أم جهاد بشكل خاص على توفيرها الاسئلة بطريقتها الذكية في تلخيص طريقة الدكتور
وطبعاً يعافي كل من تعب من دفعتنا المتهورة او من طلاب القسم السابقين ..
وموعدنا في مستوى ثامن مع 5 مواد ، بإذن الله .

دريم0

2015- 12- 23, 12:24 AM

المستوى السابع كان حلو
واحب اشكر كل من
هنادي
وام جهاد
صدى الامل
طموح شايب
مبارك
وكل الاخوان والاخوات ماقصرتو معنا
الله يجزاكم خير يارب
وفالنا النجاح والتوفيق

أنيس الروح

2015- 12- 23, 12:37 AM

:(9):لكل مجتهد نصيب والمواد تحتاج التركيز فقط
عامتا هذا الترم متوسط الصعوبه:*****_balon:
والاختبارات حلوه عامتا والفضل يرجع للمشاركين بالملخصات وتجميع الاسئله السابقه:verycute:
لولاهم ولا كنا ضايعين :(279)::(279):

مرحبا1

2015- 12- 23, 01:42 AM

الادارة الاستراتيجيه

جميلة جداً وممتعه وتحتاج جهد حبتين والدكتور له عدة اترام

بحوث الاعمال

ما اخذتها

ادارة الاعمال الصغيره

الماده متوسطه ولكن ما يعيبها الدكتور مع انها ممتعه الدكتور اسئلة وسط وتميل للسهولة

المحاسبه الاداريه
المادة جميلة جداً والدكتور له اربعه او خمسة اترام وكان اختبارها هذا الترم سهل بالمره

نظريه المنظمات

ما اخذتها

ادارة التغيير

اخذتها قبل ترمين وكانت رائعه واعتقد الدكتور مازال هو نفسه

نفس كلام الاخ الترم ذا مو صعب وانا اخذت بحوث الاعمال كان الدكتور جديد بس الاختبار سهل

وادارة التغير عاد اغلب الاسئله نظريات ما اخذتها الترم ذا اما الباقي كله تمام التمام والله يسهل امركم

KHALID-ALXY

2015- 12- 23, 02:24 AM

خذها مني يالي جاي وتبي تقراء انطباعنا عن المواد

ذاكر ثم ذاكر ثم ذاكر ( اول بأول ) الترم ذا كثير يختلف عن الترم السادس

طبعاً الترم السادس انا اسميه ترم رفع المعدل

حدتني الأيام

2015- 12- 23, 07:59 AM

كنت خايف من المحاسبة الإدارية

وطلعت لنا ظرية المنظمات فيها غموض أسئلة من بين الأسطر

البدران

2015- 12- 23, 09:25 AM

كل المواد يحتاج حفظ وتركيز خصوصا المحاسبة الأداريه
وبحوث الأعمال لان أستاذها جديد
كل التوفيق للجميع
وفالكم النجاح بأذن الله

الجوري_

2015- 12- 23, 02:37 PM

دكتور الاستراتيجيه جديد؟؟؟؟

Dr.roqan

2015- 12- 23, 02:48 PM

اخذت جميع مواد المستوى عدا الاستراتيجيه بدلتها بمبادئ المحاسبه (2) بشكل عام المواد جيده لاهي بالسهله ولا هي بالمعقده تحتاج الى تركيز وجهد
اسأل الله لكم التوفيق جميعاً ، ونشوفكم في المستوى الثامن بحول الله .

أبوسامر

2015- 12- 23, 06:37 PM

تم التصويت

عريبღღ

2015- 12- 23, 10:46 PM

مافي شيء سهل بدون مذاكره وبتركيز وفهم مواد تقدر تلم فيها يعني تحتاج جهد والفهم اهم شيء

وردة التوليب

2015- 12- 24, 02:48 AM

دفعة المتهورين الذوووق

انا جارتكم من مستوى سادس
يالله شلوا قشكم وروحوا لثامن
وخلونا نجي بيتنا ومحلنا :tongue:

بالنسبه لي اخذت معكم

الاستراتيجيه ..< الماده دسمه حبتين يبي لها مذاكره قبل فتره
وكنت متخوفه من الدكتور بسس ولله الحمد كان الاختبار مرا مرا سهل وجميل

التغيير ..< سهله في مذاكرتها وبرضو كانت اسئلتها سسسهله
يعني تاخذ A بلاس بالراحه

ولله الحمد ماتحسفت بنووب على هالمادتين

وان شاءالله الترم القادم اخذ باقي مواد المستوى
وماشاءالله تبارك الرحمن كل دفعتكم متعاونين ومتكاتفين ربي لايغير عليكم :mh318:

بالتوفيق للجميع ..:106:

عسكري كلي طموح

2015- 12- 24, 03:41 AM

بالمختصر مافي شي اسمه مواد صعبه او مواد سهله

لأن القدرات تختلف من شخص لآخر

لكن بالمجمل اغلب المواد فيها افكار مشابهه لمواد سابقه بمعنى هي اكمال لمعلومات سبق دراستها في مقررات اخرى

المحاسبه الاداريه هي اسهل مواد المحاسبه ولكن تحتاج على الاقل 4 ايام مذاكره بتركيز وتدرب على حل المسائل ( ملخص فهد + تجميع ام جهاد للاسئله السابقه )

اختبارها كان هناك تكرار كثير وسهل على غير عادة الدكتور لكن الحمد لله

الاداره الاستراتيجيه

تحتاج على الاقل 3 ايام مذاكره من ملخص بوسي كات + تجميع ام جهاد للاسئله السابقه

معلوماتها كثيره لكن ممتعه بالمجمل

ادارة التغيير

رغم قصر محتواها لكن معلومات مركزه جدا وتحتاج تركيز عالي في المذاكره وتكرار للقراءه بتمعن

تحتاج على الاقل قراءة المحتوى 4 مرات والمراجعه من ملخص ام جهاد

ادارة الاعمال الصغيره

ماده نوعا ما سهله والدكتور يكرر تقريبا 30 سؤال من الاسئله المتوسطه

والباقي يحتاج فهم + حفظ

ملخص ام حنان او نوره القحطاني + تجميع ام جهاد

بحوث الاعمال

معلوماتها متشابكه جدا ومتشابهه

درستها قبل فصلين ولا اعرف ان كان تغير الملخص او لا

ادارة المعرفه

هي كماده جدا ممتعه ودكتورها الجيزاوي له كم سنه ماتغير

لذلك اتوقع انه يكرر الاسئله لكن بنوع من التغيير البسيط

نظرية المنظمات

سوف ادرسها المستوى القادم ان شاء الله

لكن انطباع الطلاب عن اختبارها كان نصفهم يثني على الدكتور مما يدل على سهولة الاختبار

هي ماده دسمه جدا تحتاج وقت لحفظ وفهم حسب ماقرأت عنها

روح حرّة

2015- 12- 24, 10:21 AM

مواد مستوى سابع اخذتهم كلهم م عدا نظرية المنظمات

المواد تحتاج لتركيز لانه معلوماتها كثييره ومتدااخله

الاستراتيجه الماده ممتعه بس يبيلها تركيز ومذاكره من بدري

بحوث الاعمال الدكتور جديد لولا ملخص طموح شايب وبنت حيدر كنا ضعنا

ادارة التغيير سهله والاختبار كان حلو

بالنسبة لأسهل المواد هي المحاسبة الاداريه الدكتور شرحه حلو وأسئلته واضحه ومباشره بس يبيلها مذاكره من بدري لانه في مساائل وقوانين

بالتوفيق

مُنيا

2015- 12- 24, 10:39 AM

شيء ايجابي اني اقرأ لكم وانا اخطط لمستوى سابع
.. شكرا من الاعماق <#

Amani1111

2015- 12- 24, 12:41 PM

السلام عليكم
انا أخذت كل مواد المستوى ماعدا الاستراتيجية

بصفه عامه كل المواد كانت ممتعه ومترابطة ومعلوماتها كلها نفس المستويات السابقة بس اشمل وأكثر

بالنسبه لي كان ختامها مسك (إدارة التغيير) الدكتور أسئلته جدا واضحه اقل شي الواحد ياخذa وهو مطمن

والمحاسبة بعد الدكتور ماقصر معانا ونظرية المنظمات كانت ممتعه والدكتور بعد ماقصر وبحوث الاعمال كانت سلسه

فيه ماده وحده اللي قهرتني(إدارة الاعمال الصغيره) كنت رايحه وانا واثقه اني بجيب +a بس الله يسامح الدكتور الماده كانت تجنن ومره

ممتعه بس أسئلته انواع اللف والدوران بس ربي يسامحه

بصفه عامه المستوى كله مواد التخصص يعني لازم مذاكره من بدري واللي بيشد حيله ان شاء الله بيأخذ امتياز بكل المواد

ربي يوفقنا ونتخرج على خير يارب

solve4422

2015- 12- 25, 12:09 AM

انطباعي عن السابع باختصار انه فرصه اضافية لتحسين المعدل وربما رفعه
لا يقل عن جمال المستوى الخامس والسادس

ونصيحه هامه من وجهة نظري. خل علاقتك بدكتور الماده سطحيه في المستوى

ركز على الماده فقط والتعود على طريقه الدكتور بالاسئله حتى ماتتعقد:24_asmilies-com:

مـي

2015- 12- 25, 11:15 AM

موادي هالترم ..

محاسبة إدارية :
المادة تحتاج مذاكرة أول بأول لكثرة القوانين والمسائل

وأنصحكم بهالمادة قبل حل المسائل..
تتركون عناصر المسألة كلها وتركزون بالبداية على السؤال ( موجود بآآآخر المسألة )
هالفكرة تعلمتها من أخوي طموح شايب " الله يوفقه ويسهل أمره "
كان كاتبها بملخصه اللي يشرح فيه المسائل
فعلا تساعد على التركيز وعدم الخوف من الأرقام والبيانات الكثيرة الموجودة في السؤال
وبعدها نكتب القانون الخاص بهالمسألة ونبدأ نروق على بيانات المسألة ونعوض :33_asmilies-com:

والجزء النظري سهل حفظه ويساعد على فهم الجزء العملي

إدارة استراتيجية :
مادة ممتعة وتحتاج للحفظ والفهم

بالتوفيق للجميع :icon19:

Glow

2015- 12- 27, 12:29 AM

الي متأكد منه ان جميع مواد مستوى سابع معلوماتها كثيره ومتداخله ويبيلها االاستعداد المبكر
بالتوفيق للجميع

والله اتفق معاك الى حد كبير جدا والله يوفق الجميع

بدر2013

2015- 12- 27, 02:22 AM

الاستراتيجيه
مادة حفظ لابد التركيز عليها اول بأول الاسئلة كانت متوسطة تميل الى الصعوبة ولكن المذاكر الجيد يتخطئ الصعوبة بجدارة.
بحوث الاعمال
مادة حفظ ويبي لها شوي تركيز والدكتور اسئلة السهل الممتنع .
ادارة الاعمال الصغيره
مادة حفظ فيها نقاط مهمه لابد التركيز عليها من بداية الترم ولكن الدكتور يكرر في الاسئلة اتكلم قبل العام خذتها .
المحاسبه الاداريه
مادة دسمة بس المتابعة اول بأول تصبح واضحه والدكتور الله يوفقه ماقصر معنا اسئله مريحه جدا للمذاكر للأسئلة الاترام السابقة .
نظريه المنظمات
مادة كلها علماء لابد التركيز والتفريق بينهم يبي لها جهد ومذاكره قبل الاختبار بااسبوع الدكتور لأباس فيه .
ادارة التغيير
مادة دسمة ولكن الدكتور ماقصر للأمانة بيض الله وجه ساعدنا كثير في النماذج السابقة
هذا كل مالدي والله يوفق الجميع

Maryam4

2015- 12- 27, 04:56 PM

مواد مستوى سابع حلوه

إفتخار العتيبي

2015- 12- 28, 12:08 AM

صباح / مساء الخير ..يعني مواد مستوى سابع دسمة ..!
ما يمديني أجل أضيف عليهم محاسبة 2 :sm1:
حتى ما أدري إذا أقدر أخذها صيفي .!
شكل بقسم جدولي على ثلاث أترام :019:

MaloOoka

2015- 12- 31, 04:16 PM

ممكن الجدول يكون بتاريخ 2016 :10111:
وَ شكراً لكم :106:

جنون الحياه

2015- 12- 31, 06:18 PM

ممكن الجدول يكون بتاريخ 2016 :10111:
وَ شكراً لكم :106:

كلها نفس الشيء ما تغيرت

بس تفضلي
http://www.ckfu.org/vb/t726739.html

بالتوفيق

جنون الحياه

2015- 12- 31, 06:31 PM

يسعد ايامكم

انا اخذت ثلاث مواد من سابع

الادارة الاستراتيجيه

الماده طويله اشوي تحتاج تركيز و فهم مو حفظ اي كلام و الحمدلله كان الاختبار نوعا ما حلو
الدكتور دقيق نوعا ما بأسألته لذلك تحتاج تركيز
تحتاج وقت بالمذاكره

المحاسبه الاداريه

الماده اذا فهمتها جدآ جميله ما ينفع تأجلونها و تفتحونها متأخر الي بيأخذها يحط بباله انه لازم يفتحها بدري و يتابع المحاضرات
شرح الدكتور جدآ رآئع و جميل بس مثل ما قلت لازم تفتحونها بدري عشان تستوعبونها و تحفظون القوانين فيها
الاختبار كان جدآ جدآ رآئع و بنظري كان اسهل اختبار قد جابه مقارنه بالدفعات السابقه
لانه جاب اسئله مطلوبها مباشر و سهل و استخراجه سريع
المهم ما تسحبون عليها اذا ما تابعوتها بدري بتشوفونها جدآ صعبه :119:

ادارة التغيير

الماده يبي لها تركيز مش طويله مره لكن فيها كمية شروحات يبي لها تركيز لكن تعتبر اخف من الاستراتيجية

الاختبار كان جميل الحمدلله

..

باقي

نظريه المنظمات

بحوث الاعمال<< بأخذها هالترم بأذن الله

..

ادارة اعمال صغيرة اخذتها من زمان و اتوقع تغير الدكتور او شيء لذلك اكتفي بأرآء الدفعه افضل

موفقين يارب جميعا

بنت الشهري 111

2016- 1- 2, 10:18 PM

والله المواد بشكل عام متوسطه وحلوه ....بس نصيحه لوجه الله
شدو حيلكم الي يبي معدل كويس ماعاد بقى شي ع التخرج
ويذاكر بدررررررري ويعطي كل ماده حقها من المذاكره
بصراحه المواد مي تعجيزيه والله بالعكس سهله ومترابطه مواضيعها ببعض
الي بيذاكر زين وبيفهم الماده اش تتكلم عنه بيحل زين فالاختبار واضمن له a+ في جميع المواد
والي اهم من هاذا كله
اذ جيتو فالاختبار اقرو السؤال بتئني وفكرو وحللو السؤال صح عشان تعرفون الاجابه الصح ...
وسلامتكم.:119:

الأكحل99

2016- 1- 2, 11:50 PM

الادارة الاستراتيجيه

الدكتور بلالي الله يهديه دقيق جدا ولابد من الفهم العام للمطلوب
مثل 1+1=2
هو يكتبها كالتالي
دخل الباص شخص واحد
وتتالت مجموعات من الركاب بالدخول الجماعي
ودخل آخر عشر ركاب بشكل مفرد
ولو جمعنا اول واخر من صعد الباص ماهو الناتج ؟
نفس الاجابة السهلة 2
تميز ملخص ام جهاد وملخص المنادي

بحوث الاعمال

دكتور جديد كان في المادة وفي حال استمر الدكتور ان شاء الله تتسهل عليكم الامور بعد الاطلاع على الاسئلة ومعرفة النقاط التي جاءت منها الاسئلة ومذاكرة فقرات الاختيارات الاخرى التي لم يكن لها علاقة بالاجابة الصحيحة

ادارة الاعمال الصغيره

الدكتور كان متعاون جدا وغير متوقع بالاضافة الى تميز ملخص ام جهاد وملخص المنادي

المحاسبه الاداريه
الله يسهل على الدكتور كما سهل علينا هذا الفصل

نظريه المنظمات

ما اخذتها

ادارة التغيير

سملالي من أميز دكاترة الجامعة اسئلته مباشرة
بالاضافة الى تميز ملخص ام جهاد وملخص المنادي

واتمنى عدم الالتفات للاراء المحبطة والحرص على مشاهدة المحاضرة الرابعة المباشرة

والتركيز على كلمات معينة تعتبر مفاتيح للاجابات
ولا ننسى دور دكاترة المستوى المتعاونين جدا
واعتبر كنا محظوظين بذلك

والاهم التوكل على الله والدعاء ومجهود مركز قليل حتى لو اعطيت كل مادة بالكثير يومين سوف تنجح بتقدير من جيد جدا الى ممتاز بإذن الله

MaloOoka

2016- 1- 3, 01:37 PM

كلها نفس الشيء ما تغيرت

بس تفضلي
http://www.ckfu.org/vb/t726739.html

بالتوفيق

جميعاً :004:

شكراً لكِ:106:

ي ليت تخبروني عن افضل الملخصات اطلعت عَ ارشيف المستوى السابع الفصل الأول 1437 هـ
لكن فيه كذا ملخص إذا ممكن آفيدوني :sm4:

shhs

2016- 1- 3, 02:25 PM

جميعاً :004:

شكراً لكِ:106:

ي ليت تخبروني عن افضل الملخصات اطلعت عَ ارشيف المستوى السابع الفصل الأول 1437 هـ
لكن فيه كذا ملخص إذا ممكن آفيدوني :sm4:

(افضل )ترجع لشخصيتك :love080: انا اشوف المتوفر واقارن بينهم الافضل لي

المشكله في ملخصات :biggrin: ناقصه طباعيا معلومات او حتي محاضرات :mh001: وماتلقي احد نبه صاحب الملخص مادري كيف ذاكرو صراحة

بالاخير الي يفيدك ممكن مايناسب غيرك

AZIZ999

2016- 1- 4, 07:22 AM

اخذت ادارة التغيير وادارة الاعمال الصغيره

المواد وانت تذاكرها تحس انها سهله بس يجي الاختبار تقلب الراس

يعني تحتاج مذاكره من بدري وتركيز لان مواضيعها تتشابه

يولـآند !

2016- 1- 5, 11:32 PM

يعطيكم العافية على الإفادة ،
و مشكورين ع الكلام و التفكير الايجابي و زرع الثقة و الحماس في عيون الطلاب الجدد ،

اخذت من المستوى هذا
الاستراتيجية ، اخذتها من قبل ، وما اتذكرها زين ...

لكن المحاسبة الادارية
اكثر مادة عطيتهاا كل ما فيني ،
اكثر مادة تعبت في مذاكرتها
لكن الحمد لله ... سهل جداً كان بالنسبة لي
و فالنا الـ a+ بإذن الله ..

بس مش معناتهـ تستهينوآ بالمواد لا
ما قلنا سهِل الا لما ذاكرنا المادة زين و قبل الاختبآر و و و ...

و للي يهمهَ الاسئلة كانت نظرية اكثَر من عمليَة ..
توقعت هالشي يكوٌن سلبي لكن بالعكس ..
الاسئلة واضحةة الحمد لله ...

موفقين جميعاً ..