هام بخصوص التخصص لازم نتحرك ارجو تثبيت الموضوع لأهميته

[ghost1991]

السلام عايكم ورحمة الله وبركاته
اخواني واخواتي الطلاب والطالبات
اذا نبغى نرجع التخصص لازم نتحرك من الحين
تعرفون انه التسجيل راح يبدأ خلال الاسبوعين القادمين للمستوى الرابع
افرضوا انهم غيروا المواد اللي بالمستوى الرابع من ادارة اعمال الى ادارة
ولو ما سجلنا فيها راح يروح علينا الفصل الجاي
لازم نتحرك ونثبت انفسنا قبل ما يبدأ التسجيل مجرد كلام هنا ما راح ينفع
لازم نتحرك لو في طلاب بالاحساء يمثلونا ويروحون الادارة العامة للجامعة
او طلاب يروحون وزارة التربية والتعليم
المهم اننا لازم نتحرك
اكرر من جديد مجرد كلام هنا ما راح ينفع
لازم نتحرك
يلا يا أسود ويا لبوات ازأرو بأصواكم خلوها توصل السماء :lllolll: حلوة اخر جملة


ملاحظة : في فوق استطلاع نبيكم تصوتو عليه حتى نحدد يوم نجتمع فيه ونروح الادارة ولازم الموضوع يتم بسرعة:33_asmilies-com:

[Nadoosh_n1]

��ماراح يغيرووووون شي اصلا انا لو رجعوه اداره اعمال راح اعترض لانه غلط غلط غلط

[ghost1991]

��ماراح يغيرووووون شي اصلا انا لو رجعوه اداره اعمال راح اعترض لانه غلط غلط غلط

كبف غلط لنا سنة ونصف ندرس ادارة اعمال
والحين فجأة وبدون سابق انذار حولونا ادارة هذا مو غلط


ورجاء لا احد يفكر انه تخصص ادارة اقوى من ادارة اعمال
روح اسأل ناس متخصصين بعدبن اتكلم
شي ثاني هذا الموضوع للمعترضين فقط الرجاء من اللي مو معترض ما يتدخل
يفتح موضوع ثاني خاص بالمؤيدين

[Nadoosh_n1]

كبف غلط لنا سنة ونصف ندرس ادارة اعمال
والحين فجأة وبدون سابق انذار حولونا ادارة هذا مو غلط


ورجاء لا احد يفكر انه تخصص ادارة اقوى من ادارة اعمال
روح اسأل ناس متخصصين بعدبن اتكلم
شي ثاني هذا الموضوع للمعترضين فقط الرجاء من اللي مو معترض ما يتدخل
يفتح موضوع ثاني خاص بالمؤيدين




اكتب بعنوان الموضوع للمعترضين فقط :24_asmilies-com:

[ساره الايطاليه]

ندوش حبيبتي انتي دخلتي الجامعه وهو ادارة اعمال ف ليش الفلسفه تبي اداره وله هي مع الخيل يا شقرا

[ساره الايطاليه]

اضم صوتي ل صوتكك يا 1991

[Mr Fares]

كبف غلط لنا سنة ونصف ندرس ادارة اعمال
والحين فجأة وبدون سابق انذار حولونا ادارة هذا مو غلط


ورجاء لا احد يفكر انه تخصص ادارة اقوى من ادارة اعمال
روح اسأل ناس متخصصين بعدبن اتكلم
شي ثاني هذا الموضوع للمعترضين فقط الرجاء من اللي مو معترض ما يتدخل
يفتح موضوع ثاني خاص بالمؤيدين

غير صحيح انك تدرس لك سنة ونص ادارة اعمال

يومك تسجل الجامعة حاطه لك تخصصك ادارة عامه ولا انجليزي لا يوجد ادارة اعمال وموادك ادارة فـ رجاء لا تطلع كلام من رأسك

الطلاب السابقين هم الي ماكلينها من دفعة 15 وفوق الجامعة تلافت المشاكل الي صارت مع السابقين

تحياتي لك

[Nadoosh_n1]

ندوش حبيبتي انتي دخلتي الجامعه وهو ادارة اعمال ف ليش الفلسفه تبي اداره وله هي مع الخيل يا شقرا



والله ليتني اشوف الخيل المؤيدين والفاهمين قليلين واشوف الخيل هم المعارضين يا شقرا:cheese:

[نوفييي]

https://www.kfu.edu.sa/ar/Deans/e-learning/Pages/admission.aspx

افتحوا هذا الرابط مكتوب ان التخصصات المتاحه انجليزي في كلة الادب
وادارة اعمال في كلية ادارة الاعمال مافي شي تغير يمكن كان فيه لخبطه بالنظام وقت الاختبارات والحوسه
هدوو شوي والله عورتوا قلوبنا

[ghost1991]

غير صحيح انك تدرس لك سنة ونص ادارة اعمال

يومك تسجل الجامعة حاطه لك تخصصك ادارة عامه ولا انجليزي لا يوجد ادارة اعمال وموادك ادارة فـ رجاء لا تطلع كلام من رأسك

الطلاب السابقين هم الي ماكلينها من دفعة 15 وفوق الجامعة تلافت المشاكل الي صارت مع السابقين

تحياتي لك


البسو نظارة ونظفوا عيونكم زين
يوم السجلنا كان مكتوب ادارة اعمال تخصص ادارة اعمال
والاوراق اللي ارسلناها للجامعة كان مكتوب فيها تخصص ادارة اعمال
وتعريف الطالب قبل كم شهر كان مكتوب فيه التخصص ادارة اعمال
وبالرابط اللي فوق مكتوب التخصص ادارة اعمال
يعني كافي كلمة ادارة عامة نهائيا
فنظفوا عيونكم زين بعدين اتكلمو

[مشعل الدهيم]

حبيبي مافي شي تغير إلا الجدد اللي راح يدخلون الترم الجاي غيرو التخصص من ادارة أعمال إللى مسار إدارة يعني لاتشيل هم:oao:

[ghost1991]

حبيبي مافي شي تغير إلا الجدد اللي راح يدخلون الترم الجاي غيرو التخصص من ادارة أعمال إللى مسار إدارة يعني لاتشيل هم:oao:

انت مستوى سادس خارج الموضوع
اللي غيروهم مستوى 3

[Nejo]

ما فيه إلا أنه تكون فيه مجموعة تنطم هذا الموضوع خارج المنتدى صوتتا هنا مش مسموع ، يا ليت يكون على تويتر هاشتاق موحد نمشي عليه.

[آلشموخ@]

انا معآاكمم وبقووووة بعد

[Sameerah]

الحل عندي 1/نراسل الفريدان مع صورة لسجل احد الطلاب يبان فيها اسم التخصص ادارة اعمال ونطالبه بإرجاع التخصص اللي سجلنا فيه.اذا ما رد علينا ننتقل ل2
2/نراسل جريدة سبق مع صورة لسجل احد الطلاب يبان فيها اسم التخصص ادارة اعمال

[سوسو الحربي 102]

نبي تخصصنااا إدارة اعمال ليش أداره ومواد التخصص الي درسنااااهااا وطلعت عيوننا :)

[سامر الليل1]

نريد.. إدارة أعمال. .لأنه شامل ..معاكم يا اخوان ..^__^

[ghost1991]

الحل عندي 1/نراسل الفريدان مع صورة لسجل احد الطلاب يبان فيها اسم التخصص ادارة اعمال ونطالبه بإرجاع التخصص اللي سجلنا فيه.اذا ما رد علينا ننتقل ل2
2/نراسل جريدة سبق مع صورة لسجل احد الطلاب يبان فيها اسم التخصص ادارة اعمال

طيب عندك سجل جاهز ترسليه للفريدان
اذا عندك باشري في الموضوع

[ام احـmـد]

��ماراح يغيرووووون شي اصلا انا لو رجعوه اداره اعمال راح اعترض لانه غلط غلط غلط

انتي من 2014 يعني تخصصك ادارة اعمال ماراح احد يغير لك شئ :106:

[ام احـmـد]

غير صحيح انك تدرس لك سنة ونص ادارة اعمال

يومك تسجل الجامعة حاطه لك تخصصك ادارة عامه ولا انجليزي لا يوجد ادارة اعمال وموادك ادارة فـ رجاء لا تطلع كلام من رأسك

الطلاب السابقين هم الي ماكلينها من دفعة 15 وفوق الجامعة تلافت المشاكل الي صارت مع السابقين

تحياتي لك

لنا سنه ونص ندرس تخصص ادارة اعمال وماتغير هالشئ غير قبل الاختبارات بيومين او ثلاث
واللي عنده جداول اختبارات المستوى الثاني او الاول ينزلها لنا هنا وتشوفها بنفسك
وهذا الشئ اللي مضيق صدورنا من سجلنا وتم قبولنا على تخصص ادارة اعمال وخطتناادارةاعمال
من وين طلع اداره وعلى اي اساس مادام مافيه تخصصات ثانيه واذا فيه تعديل مايشملنا لانه
قربنا على نص المشوار وتو يغيرونه ؟؟ هالشئ يطبق على اول مستوى للدفعه الجديده
لو الجامعه عندها تعديل ولو بنطبق التاريخ مضبوط حنا سجلنا بنهاية 2104

[ام احـmـد]

ما فيه إلا أنه تكون فيه مجموعة تنطم هذا الموضوع خارج المنتدى صوتتا هنا مش مسموع ، يا ليت يكون على تويتر هاشتاق موحد نمشي عليه.



# طلاب_جامعة_الملك_فيصل_ضد_قرار_تغيير_التخصص
هذا الهشتاق وطلبنا من الكل يشارك ولاحياة لمن تنادي بس كلام بالمنتديات

[snow@white]

الهاشتاق ما يطلع عندي اسوي بحث مالقيته؟؟

[snow@white]

#إعادة_مسمّى_إدارة_أعمال_215


.. ارجو الكل يشارك هناااااا لحد ما نوصل صوتنا للصحف و المسؤليين

[snow@white]

يا جماعه دفعتنا هي المتضرره وان ما تحركنا بانفسنا نجيب حقنا محد جااايبه

وينكم يا دفعة 215 ؟؟؟!!!!؟؟؟

[ghost1991]

الناس نايمة قبل الامتحانات الكل قالو
بعد الامتحانات نوريهم الشغل الصح
والحين الامتحانات خلصت الكل راحو

[Nejo]

تمت المشاركة في الهاشتاق
يا ليت لو نعمل تحديث يومي بالمشاركات في الهاشتاق و التعاون بإيصال صوتنا لكل من بإمكانه مساعدتنا. يعني لو نكتب في منشن الفريدان بينتبه أنه أكثر من واحد كتب بخصوص نفس المشكلة ونسوي ريتويت للتغريدات الخاصة بالموضوع.

[Nejo]

الناس نايمين طال عمرك فيه كثير معجبهم الوضع ما يبون يغيرون، تخصص جديد و إذا تخرجنا بيجلسون يبكون.

[Nejo]

نرجو توحيد الهاشتاق عشان ما نتشتت و إعتماد هاشتاق واحد يتفق عليه الكل

[طاش ماطاش]

انا الأن رايح للمستوى الثامن ادارة اعمال واذكر يوم كنا بالمستوى الرابع مدري الخامس غيرو لنا اسم التخصص الى ادارة عامة واضافوا الاسم الى السجل الاكاديمي والخطة الدراسية للطالب

وعلى مااعتقد اعترض بعض مشرفينا واعضائنا دفعة المتهورين وراسلوا الفريدان -- ورجعو لنا التخصص الى ادارة اعمال



عزيزي صاحب الموضوع عليكم كطلاب وطالبات مراسلة الفريدان على تويتر او الأيميل تبعه

ولو سألت احد من دفعتنا المتهورين -- امثال العضو شئ اخر -- او المشرفه هنادي خالد -- او العضو طموح شايب راح تحصل اجابة عندهم

مجرد رأي -- شي اسمه وزارة التعليم انساه -- خلك مع الجامعة هي المرجع لكم


واعتقد لازم عددكم يفوق الـ100 طالب وطالبه ليتم اخذ الموضوع بجدية من قبلهم


وكتابة ارقامكم الجامعية بدون ذكر الأسماء ومراسلته على الأيميل




بالعربي من جد لاتسكتون على الموضوع

[snow@white]

نبغى شخص واحد يتكفل بالموضوع و نرسله الارقام الجامعية زي ما قال الاخ الي فوق

شفتو كيف ان السكوت هوه اكبر غلط

للاسف ان الملتقى بعد الاختبارات ما احد صار يدخل و الناس نسيت السالفه

[Sameerah]

أنا راسلت الشؤون الأكاديمية أول مالاحظت التغيير أطالبهم بتوضيح سبب تغيير المسمى وكان ردهم " نفس التخصص لايختلف بشيء" بصراحه لم أفهم شيء من ردهم .وأمس راسلت الفريدان أمس عبر بريدي الجامعي وإلى الآن لم يصلني رد.
وأيضا راسلت الأستاذ بدر الجبيلان عبر تويتر وهو صحفي في جريدة سبق وأنتظر منه الرد
هذا رابط صفحته على تويتر ياريت شخص يحسن التعبير يراسله مره ثانيه لان انا مااحسن التعبير مع ذلك راسلته.
https://twitter.com/BADRALGBAL

الزبده ياجماعة الخير هذي الجامعة شحيحة علينا حتى بالتوضيح لذا لازم نلجأ للصحافه علشان يفهمون منهم ويفهمونا وش السالفه مع قراراتهم الفجائية.

[طاش ماطاش]

أنا راسلت الشؤون الأكاديمية أول مالاحظت التغيير أطالبهم بتوضيح سبب تغيير المسمى وكان ردهم " نفس التخصص لايختلف بشيء" بصراحه لم أفهم شيء من ردهم .وأمس راسلت الفريدان أمس عبر بريدي الجامعي وإلى الآن لم يصلني رد.
وأيضا راسلت الأستاذ بدر الجبيلان عبر تويتر وهو صحفي في جريدة سبق وأنتظر منه الرد
هذا رابط صفحته على تويتر ياريت شخص يحسن التعبير يراسله مره ثانيه لان انا مااحسن التعبير مع ذلك راسلته.
https://twitter.com/badralgbal

الزبده ياجماعة الخير هذي الجامعة شحيحة علينا حتى بالتوضيح لذا لازم نلجأ للصحافه علشان يفهمون منهم ويفهمونا وش السالفه مع قراراتهم الفجائية.



نعم كلامك صحيح نفس الكلام اللي قالوه لنا ((( نفس التخصص )) والمقصود بها من قبلهم يعني نفس المواد ماتتغير - اللي يتغير فقط اسم التخصص




ترى بيسوون لكم تخدير تحت اسم ((( نفس المواد ماتختلف ))) وهذا صحيح نفس المواد


لكن التخصص مختلف وادارة اعمال مرغوب اكثر من الادارة


لاتسكتووووووووووووووووووووووووووووووووووووووووووون

[ghost1991]

طيب نبي احد يمثلنا ويكون له القدرة على الحوار باسلوب جيد مع الجامعة
الموضوع ما ينسكت عنه
ومعقولة 700 مشاهدة للموضوع اللي صوتو 20 بس
اخواني واخواتي
ترى هذا الموضوع يعكس مستقبلكم
لا تناموا وتصيحو بكرة بعد التخرج على ياريت تحركنا وساوينا
لازم نتحرك من الحين
اذا شافونا تأخرنا بالرد عليهم راح يفكرو اننا ساكتين وراضين وهذا الشي راح
يصعب علينا الموضوع
وين المشرفين
جوان وحنان انتم عاجبكم الوضع اللي حنا فيه ما شفناكم رديتو بأي شي ممكن يفيدنا
لازم ننهي الموضوع بسرعة

[ghost1991]

اشوف بعض الناس يقولوا يمكن فيها خير لنا
والخيرة فيما اختاره الله وساكتين
اخواني والنعم بالله سبحانه وتعالى
الله هو خالقنا ورازقنا والقادر على كل شيء وكلامكم صحيح انه الخيرة فيما اختاره الله
لكن الله سبحانه وتعالى أمرنا بالأخذ بالاسباب والبحث فيها
يعني ما يجي الواحد يقول بتعاطى مخدرات يمكن الله كاتبلي فيها خير
أو اروح اسرق احد يمكن الله كاتبلي فيها خير
الله سبحانه وتعالى امرنا بالاخذ بالاسباب
قبل ما تقولو هذا الكلام
عندكم الجامعات وعندكم الشركات واسهل شي عندكم الانترنت
ابحثو فيه وشوفو الفرق ما بين الادارة وادارة اعمال
خدو بالاسباب فعليا .
الله يوفقنا جميعا ويرزقنا العلم والعمل الصالح اللي يساعدنا
على عبادته وطاعته

[قشوطه]

انا ان شاء الله اذا ربي اراد راح اروح الجامعه يوم الاحد
وبشوف وش يطلع معي
خوفي يقولون لي روحي قسم الرجال
مدري ليه حاطين لنا قسم نسائي

[KSSR]

ما ضاع حق وراه مطالب
ارسلو للوزير من ايقونة تواصل بموقع الوزارة و البريد

[ghost1991]

انا ان شاء الله اذا ربي اراد راح اروح الجامعه يوم الاحد
وبشوف وش يطلع معي
خوفي يقولون لي روحي قسم الرجال
مدري ليه حاطين لنا قسم نسائي

ردي لنا خبر بالله
والله الموضوع مقلق

[snow@white]

انا ان شاء الله اذا ربي اراد راح اروح الجامعه يوم الاحد
وبشوف وش يطلع معي
خوفي يقولون لي روحي قسم الرجال
مدري ليه حاطين لنا قسم نسائي

نحنا جمعنا عدد كبير من الارقام الجامعيه لطالبات الدفعه و المؤيدين للاعتراض على التغيير

اذا كان يساعد هاذا الشي و بما انك تقدري تروحي الجامعه نقدر نوصل لنتيجه افضل

[snow@white]

اتمنى كمان تفاعل اكثر على الهاشتاق لان هاذا مهم ان نضغط عليهم من جميع الجهات

#إعادة_مسمّى_إدارة_أعمال_215

[نايف احمد ..!]

الكلام هذا غير صحيح هذي اشاعه دارجه عشان الجامعه الالكترونيهوالتغير مايتم عن طريقم هم فيه وزارة تعليم عالي هي صاحبة الصلاحيه في ذالك

[نوفييي]

طيب اذا اشاعه ليه سجلاتنا الاكاديميه تغير المسمى فيها ليه ماردت علينا الجامعه وقالت اشاعه بالعكس فيه ناس راسلو الجامعه وقالت لههم الاداره ان لن تتغير المواد فقط المسمى تغير معناته مو اشاعه انا ارسلت حق الاستاذ بدر اللي بالرابط فوق عشان يعرفون ان احنا معارضين

[Nejo]

التفاعل ضعيف جداً إذا لم نتحرك الموضوع بيطول وما بيتغير شيء بعدين. والواحد بيعض أصابع الندم بعد ما يتخرج ويتمرمط بتدوير الوطائف ، يعني ما يكفي الدراسة إنتساب يعطونا تخصص ما هو معروف ولا مطلوب!!!!!!!!!!

[albahrhd]

ياشباب خذو العلم الاكيد حسب ماوصلني وحسب معرفتي .. اولا : انا من الدفعات القديمه وتخصصي اداره اعمال ماتغير

ثانياً : تغيير التخصص من اداره اعمال الى اداره اصبح ضروري جدا واتوقع كل الجامعات لازم تسوي كذا يعني ماعاد فيه شي اسمه اداره اعمال في المستقبل

ثالثاً : طبعاً بتقولون ليه لازم يغيرون التخصص انا اقول لكم

الجامعات لما تختار اي تخصص او تحدد عدد الطلاب طبعاً هي ماتسوي هذا الشي الا بناءً على الرغبه المطلوبه في السوق او من وزاره العمل
ومثل ماتشوفون تخصص اداره اعمال تخصص شامل والشركات ماتبغى كذا تبغى تخصص معين على الطلب الموجود عندها

بالعكس انا من وجهه نظري ان حنا اصحاب اداره اعمال بنتضرر اكثر منكم لأنكم تخصص محدد وحنا تخصص عام وشامل وماحد يبيه

اخيراً : تخصص اداره ماحد يبيه للاسف العالم اغلب الشركات تطلب تخصص موارد بشريه

مثل ماهو موجود في الجامعات الثانيه وللاسف على حد علمي هذا التخصص غير موجود في جامعتنا

تقبلو تحياتي

[مناسب]

عزيزي رجاء خلك في حالك هذا الموضوع لايخصك فاحتفظ برايك لنفسك لسنا بحاجة إليه.

ورجاء اللي ماهو متضرر من تغيير التخصص لايدخل ويشوشر علينا إحنا نعرف الأنظمة والقوانين ونعرف كيف نحافظ على حقوقنا وننتزعها إنتزاع ممَن تجرَأ وسلبها..!

[albahrhd]

الانظمه والقوانين في وادي وانت في وادي ....


ياخي تقبل المعلومه او اتركها على جنب

الشي الثاني دام انك عارف الانظمه والقوانين اطرحها لزملائك علشان يعرفون معك الانظمه والقوانين

لاني اشوف انكم تتكلمون بس في الهوى ماعندكم استناد على اي نظام او قانون يابو القوانين

وشكراً

[حكايه رووح]

لازم نسوي تظلم لابوها جامعة كل يوم ولهم قرار على كيفهم مايصير جميع الطلبة متضررين معكم على كل شي لو نروح لهم للجامعه ونسوي لهم قروشه

[ghost1991]

شوفوا هذا الرابط للتواص مع وزير التربية والتعليم نبي واحد يمثلنا ويكون كلامه ذو اسلوب جميل
يرسله على الايميل على امل يساعدنا
https://tawasul.moe.gov.sa/RequestPage.aspx?typ=1&FromMohe=True


انا اسلوب تعبيري سيء وما ينفع ارسلها
نبي واحد متمرس ^_^يدخل يختار شكوى ويدخل المعلومات

[Nejo]

ليش ما تكون رسالة موحدة والكل يرسلها لوزير التعليم كذا بينتبهون لكن رسالة وحدة بتلاقي الإهمال

[ghost1991]

ليش ما تكون رسالة موحدة والكل يرسلها لوزير التعليم كذا بينتبهون لكن رسالة وحدة بتلاقي الإهمال

اذا ما لقينا واحد يرسل الرسالة
كيف تبون الكل يرسلها
والله شايف الناس نايمين

[محمد الفهد 1]

الزبده
وش نسوي وحددو لنا موضوع مهم نتجمع فيه كيذا تشتت


كلن يقول له شي




اتمنى من اداره موقع تشوف لنا حل
عشان نمشي علي خط واحد

[cavalryman]

اخواني اخواتي
احنا متضررين اذا تغير التخصص
ادارة يعني بس إدارة ما تدخل مع شي ثاني وما اشوف له شي من الوظائف وياريت مكتوب إدارة عامه بل مكتوب اداره
والا يقول ان التخصص إدارة افضل من تخصص ادارة اعمال احسن غلطان وبكل بساطة
تخصص إدارة اعمال شامل يعني يدخل في كل شي
إدارة ، محاسبة ، أقتصاد ، وأي مادة درسناها
اما ادارة بس ادارة محدد يعني مصيبه
نبي احد يتصدى للموضوع وكلنا نوقف يد وحده لان الموضوع كله يهمنا التأخر مو من صالحنا
الهمه ياشباب وربعا تعاونوا ما ذلوا

[قشوطه]

السلا عليكم ورحمة الله وبركاته
اليوم رحت للجامعه واستفسرت
يقولون ان حنا تخصصنا اداره بس مسارنا مسار اداره
وشهادتنا بتكون ادارة اعمال
يعني مثل الانجليزي مسار ترجمه او مسار ادب
بس من التناحه يوم وجعت طافتنش شغله اني
ماسألت وقلت طيب ليه بس حنا حاطين لنا هالمسار

[cavalryman]

يعني إدارة
ليش ما يخلوها مثل الطلاب الا قبلنا

[Nejo]

بالله كيف مسار إدارة و بالأخير يكتبون إدارة أعمال!!!!!!!! إلا يبوننا نسكت و إذا جينا المستوى الأخير بيقولون لنا توكم تتكلمون!!!!!!! رد تخديري منهم لا أكثر إلا إذا طلع بيان من الجامعة يقول أنه بالشهادة يكتب لنا التخصص إدارة أعمال.

[حسين هادي]

سوالي هل يشمل التغيير الطلبه القدامى دفعه 2014؟؟

[قشوطه]

بنات الحسا وش كثرهم تخصصهم اداره ونفس دفعتي وينكم فيه
خلونا نتجمع ونروح انا ماعندي مشكله اروح بس تراني افهي يخدروني بردهم
ولارجعت البيت استوعب يعني نبي مجموعه نروح

[ghost1991]

وين التفاعل

[ام احـmـد]

حنا محتاجين رجااااااااال يروحون للجامعه

نبي نفهم ليش تغير التخصص وليش مافيه احد يرد على استفساراتنا


العميد لااسمع لاارى لااتكلم وين صارت هذي؟؟؟


ولو الاداره افضل ومسار ومدري وشو ليــــــــــــــــش ماتغير المسمى لجميع الطلبه


بجميع المستويات لو هالشئ افضل وكل الجامعات غيرته ليش دفعه تغيرت والباقي مثل ماهو


وليش لغوا مسمى تعليم عن بعد وكاتبين لنا بالسجل انتساب والخريجين بعدتخرجوا باانتساب


اجل ليش ندفع فلوس ونتابع محاضرات ومطالبين بتحميل المحاضرات ومتابعتهاكان ريحونامثل


الانتساب ونجيهم اسبوع ولااسبوعين نهاية كل ترم ونتخرج باانتساب !!!!!


حسبنا الله ونعم الوكيل


ياليت ماشوف احد يتكلم عن اداره وافضل الا لو صور شهادته بمسمى اداره لكن يجي يفتي
وهو ادارة اعمال لاااا


يااماالجامعه تعدل للكل ولاتترك الكل بس حسافه وين الرجال اللي يتكلمون ؟

[محمد الحمدان]

اعتقد نفس التخصص والاداره في نضري اشمل من ادارة اعمال

[مشعل آل ناجي]

ياشباب تكفون اش الفرق بينهم "محمد الحمدان" تكفون ياعرب نبي توضحون لنا خذيتوا عقولنا نبي شرح لسالفه لاني بانسحب لو اللي ادرسه ماله داعي يعني انا مكتوب ادارة فقط مو ادارة عامة والا ادارة اعمال فتكفون علموناااااا وفهمونااااا

[aabdlh]

ماعندك احد سبات ادارة اعمال شامل ومرغوب لتوظيف للعاطلين ام الموظف الحكومي مايهمه لتحسين مستواة تحركو قبل الفاس يقع بالراس وبعدين ماينفع الصوت لا راح الفوت ناصح وموظف حكومي بس حرام ياشباب تدرسون تخصص اعمال وتاخذ شهادة ادارة فقط فقط

أرسلت من sm-g900f بإستخدام تاباتلك

[احمد محمد سلامه]

السلام عليكم

نحن بحاجة الي طلاب من الاحساء لمراجعة الجامعة وتمثيل الطلاب المتضررين
حتى نقوم بجمع اكبر عدد من الأرقام الاكاديمية لتقديمها للجامعة
الموضوع خطير جدا لذلك على جميع المتضررين التعاون حتى يعود التخصص الي إدارة اعمال

وشكرا

[احمد محمد سلامه]

السلام عليكم

انا راسلت الفريدان وقال ان التخصص كان إدارة من اول ما سجلنا . بس انا عندي تعريف من اول فصل عام 1435/1436 ومكتوب تخصص إدارة اعمال . ولا زلت اتواصل معاه. وهذا ايميل الفريدان afridan@kfu.edu.sa (afridan@kfu.edu.sa) أي واحد يكلمه عادي بيرد علية.

انا اتمنا نجمع اكبر عدد من الأرقام الاكاديمية للأشخاص المتضررين ونرسلها الي الفريدان . أي شخص متضرر يرسل لي رقمة الاكاديمي على الخاص وانا بجمعها وبأرسلها الي الفريدان . وادا ما توصلنا الي حل راح نراسل الساعاتي مدير الجامعة.


كما اننا بحاجة الي شخص يضع خبر بالموضوع في صحيفة سبق .


انا اتمنا اننا كطلاب متضررين ما نسكت عن الموضوع ونتعاون قدر الإمكان . لان تغيير التخصص مهزلة .

تحياتي

[احمد محمد سلامه]

وين المعارضين

[سـلـطـان♕]

انا عندي ادارة اعمال مكتوب