موضوع للبنات

[أسيرة المشاعر]

السلام عليكم الحمدلله خلصنا اختبارات والله يطمن قلوبنا بالنتائج الحلوه


ندخل بالمهم والي سبب لي الاذى شخصياً
ي بنات انتم رايحين تختبروا مو رايحين قاعة افراح يعني ماله داعي ابداً تحطين عود مركز :no:
في ناس يتحسسوا من الرائحه القويه وانا وحده منهم الفصل صغير وبعض الاحيان مايكون مهوي
وانا وحده اتأذيت جداً لدرجة اني ماقدرت امسك ملزمه حكه فضيعه وصداع فضيع وضيعت علي يوم كامل ماقدرت اراجع فيه
والى الان أعاني من الحساسيه  :sm18:
فرجاء راعوا ان في أشخاص معكم يختبرون :rose:

[عهووودهـ]

تسلمي

[slo0o0o07]

يا حليلنا يا العيال
نجي بثوب النوم هههههههههههههه

[شذى علي]

اللي عندنا كويسين

نادر ما اشوف وحدة مبالغه بشكلها :icon120::16.jpg:


وهذا اللي المفروض يصير

[rasila]

هذا غير التنانير القصيره:139:استغفر الله بس

[دانه 20]

اللهم لك الحمد عندنا الكل بعبايتها ولاشفت وحده بدونها فديت الشرقيه����❤️

[ممموني]

غريبه مامرو علي كذا

[عيوشه محمد]

الحمدالله بالمدينه البنات بالعبايات اكترهن مافي هيك شي عنا

[الشريف.]

فلتتقي الله اللي تبخ عطر وتطلع برا حكمها حكم الزنا والعياذ بلله انتبهو الامر خطير جداا جدااااا ولامجال للاخذ والعطا جلدك لايحتملل حراره نار جهنم فلتتقو الله وانا اولكم بنات اللي معي الله يصلح الحال روائح فواحاااات يكفي النظافه اما العطر والبخور فحكمه حكم الزنا والحكم عندك لاعادت الشهاده امام رضا ربي علي
عذرا للاطاله لكن من زودد ماشفت تهاون فالموضوع
شكرا وموفقين

[أفا يا قلب]

طيب خليهم يفتحون باب الفصل علشان يتهوى
والله يستر علينا وعليكم

[ي ليل]

ياليتها ع عطر !؟ يشيخه كعب طوله مترين تعرج فيه !!
مدري وش جوهم ؟ كنها تمشي ع راسي مو بالارض

[shhs]

عود احسن من ريحة (الحر والقرف وحومة الكبد)

انتي حاله خاصه مفروض تاخذين احتياطك اهتمي بنفسك


محد بيهتم في حالتك الشخصيه خصوصا انهم بعد مايعرفونك شخصيا


بعدين انا مثلك (( اتعب من البخور دخانه يكتمني يوم كامل )) وريحة العود قويه علي جدا


خذيلك شي يخفف حساسيه او منديل مبلل وغطي فيه خشمك لين تروح ام عود ست الحسن :)




شكوتك صحيه :) واما الردود مالها اي معني بالطلب هههههه الله يسهلها عليكم وبس

[ام حاتم427]

انا مثلك معي تحسس من الروائح القويه والغبار

لكن مستحيل تقدرين تخلين العالم يراعون حالتك لان مايحس فيك الا الي مجرب


انتي خذي لك كمامه معك حطيها بالشنطه واذا واجهتي شي كذا البسيها


ما اطلع الا البخاخ والكمامه معي والحمدلله اموري تمام...


الله يشفي كل مريض ..

[أسيرة المشاعر]

بالنسبه لفتح الباب فالباب دايم مفتوح

اما بالنسبه لحاله الصحيه لا ما اتفق معك ذي اسمها انانيه المشكلة ان الريحه جداً فضيعه ماتنطاق
بعدين هي جايه تختبر ابداً مو مناسب تحط عطر مثل ذا تحط خفيف تراعي ان مو لوحدها جالسه تختبر

[غرووووووووب]

السلام عليكم الحمدلله خلصنا اختبارات والله يطمن قلوبنا بالنتائج الحلوه


ندخل بالمهم والي سبب لي الاذى شخصياً
ي بنات انتم رايحين تختبروا مو رايحين قاعة افراح يعني ماله داعي ابداً تحطين عود مركز :no:
في ناس يتحسسوا من الرائحه القويه وانا وحده منهم الفصل صغير وبعض الاحيان مايكون مهوي
وانا وحده اتأذيت جداً لدرجة اني ماقدرت امسك ملزمه حكه فضيعه وصداع فضيع وضيعت علي يوم كامل ماقدرت اراجع فيه
والى الان أعاني من الحساسيه  :sm18:
فرجاء راعوا ان في أشخاص معكم يختبرون :rose:احمدي ربك :064:اقسم بالله بيوم كنت بطلع من القاعه لو ما اختبر
كنت بستفرغ وانتي بكرامه من ريحه البصل
اهم شي النظافه مو ضروري عطر مركز او بصل :000:قدروا ان فيه ناس معهم وحام وقرف

[ام حاتم427]

بالنسبه لفتح الباب فالباب دايم مفتوح

اما بالنسبه لحاله الصحيه لا ما اتفق معك ذي اسمها انانيه المشكلة ان الريحه جداً فضيعه ماتنطاق
بعدين هي جايه تختبر ابداً مو مناسب تحط عطر مثل ذا تحط خفيف تراعي ان مو لوحدها جالسه تختبر

صحيح انانيه وقلة ادب ان الوحده تجي بريحه مؤذيه سواء ريحة عطر قوي او ريحة بصل ...


هذا شي متفقين عليه مافيه اي خلاف..


لكن الشكوى لله محد يهتم ومعاناتنا تستمر..:16.jpg::16.jpg:


مازلت مصره مافيه احلى من الكمامه:lllolll:

[alhwawy37]

بالنسبه لي اختبرت مع الشباب وما شفت اي شيئ من اللي تقولوا عنه :biggrin: لا تنانير قصيره ولا كعوب هع:hahahahahah:





الله يصلح الحال ويهدي الجميع ان شاء الله :119:

[رانيا ع]

الله يعينكم طيب حبيبتي اطلبي تجلسين عند الباب افضل و اسلم

[AISHA ALOMARI]

الله يصلح الحال والله كثير مناظر مؤسفة نشاهدها في مراكز الاختبار مابين ملابس اشبه بحفلات زواج بهرجه ومكياج واكسسورات ما تليق والله ما تليق وين رايحين كلها ساعتين نختبر ونرجع بيوتنا يالله السلامة . ومابين بناطيل اشبه بكيس تغليف لاصق على الجسم نعوذ بالله من قل الحياء ؟؟؟؟؟ المشكلة ان فيه نساء كبيرات وامهات يعني قدوة انا عن نفسي ما اعتب على صغيرات السن اوقول معليش تعودت تلبس كذا لكن ان تكون كبيرة والله احسها صعبه وكبيرة منها الموضوع بصراحة حساس وفيه من الوصف والتشبيه مالا يجوز من نعت المرأة لأختها في منتدى علمي وعام
لكن احيان نشعر بغصة في النفس ان حتى(( اضعف الايمان مات في قلوبنا وانستغفر الله ونتوب اليه ))
صعب اقف عند واحدة واقول لها لبسك ما يجوز وعطرك رائحته قوية
انا عن نفسي مصابه بحساسية وربو مزمن اتحاشى الزحام واماكن تجمع البنات والعطور بس برضه مانسلم منها
غير ظاهرة جدا مؤلمة ان بعض الطالبات وهم خارجين من المركز ترش عطر بشكل هستيري دوران على كل جسمها استغفر الله الله يتوب علينا ويهدي بناتنا وشبابنا لما فيه صلاح حالهم وامتهم وطاب نهاركم

[* طموحي كبير *]

مثل ما قالوا لك بعضهم مشكلتك صحيه و صعب تفرضين عليهم لكن كل لجنه فيها لجنه خاصه لمن عندهم حالات صحيه اشرحي وضعك لهم و يختبرونك في مكان بعيد او لجنه اخرى و انتهت المشكله !! اما بعض الردود ذكرتني بمواقف اخرى اتذكر فيها بنات يخاصمون و العطر حرام و البنطلون حرام و وووو لكن عند الغش و الكذب يسكتون هذا اذا ما شاركوا في الغش و الكذب !!

[rasila]

الحمدالله بالمدينه البنات بالعبايات اكترهن مافي هيك شي عناانا من المدينه وبعيوني اشوف بنات يلبسون تنانير قصيره:139:
اذا المراقبه فالتها فليه البنات:16.jpg:

[ابوسهر]

انا بالنسبه لي في مركز 41 شرق الرياض البنات والاولاد في مدرسة وحده..
الله يهديهم يوقوفون عند الباب وتبغى السواق او ولي آمرها يجي لها عند الباب .. ماتبغى تمشي شوي
وانواع الزحام .. في مره بعد الاختبار بطلع والا مسكرين على سيارات السواقين .. والشارع متوقف
كلمت وحده مع السائق قلت لها لو سمحتي خلي سواقكك يوخر عني ..قالت انتظر اختي تخلص من الاختبار..


وش اسوي ما اقدر ارد عليها .. المشكلة الي يشوفنا يقول هذا يغازل :9::20:

[غيدْ.]

هو ياتجيك وحده متسبحه بالعطر ..او تجيك ريحتها اللهم يااكافي:26:


اما بالنسبة للي يقولون رايحه لعرس مكياج واكسسوار..ألخ
يختي ذي اسمها حريه شخصية كيفها تسوي اللي تسويه هي رايحه تقابل بنات مثلها لازم تكون بأحسن مظهر :oao:

[ريم العمادي]

الحمدلله إحنا بالخبر البنات جداً محترمات

كل شيء عندهم بإعتدال سواء عطور أو ميك أپ
وطبعاً كلهم جالسين بعباياتهم

بالعربي جايين يختبرون ويطلعون

[amona050]

الله يعينك انا مريت الترم الفات بنفس حااالتك اختنننقت مو عطر لا عووووود ريحته حاااده لاحول والاقوة الا بلله

[اقلام لاتمكث]

انا افكر ودوم اسأل البنات اللي معي اذا لقيت البنات بمكياج!
كيف يلقون وقت الى المكياج:hahahahahah:
يعطوني من وقتهم :41jg:
طبعاً احب البنت انيقه بالعكس بس اقصد المكياج :oao:
فرق بين بنت انيقه وشكل طبيعي ومرتبه ونظيفه وبين مكياج ولبس مايناسب طالبه قصير او او!
وبالنسبه للعود انا مثلكً مااتحمل العود بشكل عام ويضايقني ويمكن اعصب !
بس مافينا نجبر الناس اوً نتكلم..تظل حرية..

[سارة ع]

ياحليلنا احنا الاغلبيه بعبايتها

[اخصائي اجتماعي1]

انا بالنسبه لي في مركز 41 شرق الرياض البنات والاولاد في مدرسة وحده..
الله يهديهم يوقوفون عند الباب وتبغى السواق او ولي آمرها يجي لها عند الباب .. ماتبغى تمشي شوي
وانواع الزحام .. في مره بعد الاختبار بطلع والا مسكرين على سيارات السواقين .. والشارع متوقف
كلمت وحده مع السائق قلت لها لو سمحتي خلي سواقكك يوخر عني ..قالت انتظر اختي تخلص من الاختبار..


وش اسوي ما اقدر ارد عليها .. المشكلة الي يشوفنا يقول هذا يغازل :9::20:
غلطان المفروض ماكلمتها وكلمت كلمت السواق يطلع واذا ماطلع نزله ووخرت السياره انت :33_asmilies-com:
اما اقعد انتظر ست الحسن والجمال سيلينا غوميز لين تخلص اختبارها مشكلتها:017:

[روح القدس]

انـ me ــإٌ اشوف الشي حريه شخصيه سواء لبس او عطر خصوصا عند البنات ونفس الشي بيكون تغيير نفسيه

[طالبه2013]

ياناس دحين العشر دقايق اللي بأتأنق فيها ماهي مموتتني او بتخليني ماراح احل ان الله جميل يحب الجمال مو اجي الاختبار كأن واحد مصفقني ومن طبع البنت تحب الاهتمام والبس انا اطلع التنسيقات قبل تبدأ اختباراتي لاني لو بروح لااختي ماراح اروح لها بمنظرر مخنز مو عاد اختبار وبأشوووف امه <<<ذا الرد للي يقولوا رايحه تختبررر وخير اختبار. اما لصاحبة الموضوع الموضوع انا معاك بريحه العود القويه.الوحده تبخ بخه عطر عشان ماتدري ظررف الناس شوو افضل من انها تتروش فيه وبدال ماتبهج الناس تضايقهم ويظل ريحه العطر افضل من بعض الروائح المخنزه :(

[زوز عسيري 1414]

اي والله وانا نفس الحالة اعاني من الروائح القوية بس وش نقول ماغير الله يهديهم 😭

[rosh123453]

افغف فيه احد يشتري عطور العوووووده يعععع حتى زوجي ماخليه يشتريهااااااا
ياسلام عطري قوتشي فلورا الوردي وريحته رااايقه انا بعد مانزل العبايه قبل ادخل القاعه ابخ بختين بس ريحته لطيييفه تحسسني بالراحه والروقان

[rosh123453]

انا عندي :g2::g2:وقت عادي من قبل تبدا الامتحانات اجهز لبساتي ع عدد ايام الاختبارات مثلا سبع لبسات واكويها وكل يوم البس شي
والميك اب ناعم ماياخذ وقت اي لاينر وروج وبلاشر ليش ماتزين لازم لو بالبيت احط فما بالك بالجامعه

[Judy Abbott1]

السلام عليكم الحمدلله خلصنا اختبارات والله يطمن قلوبنا بالنتائج الحلوه


ندخل بالمهم والي سبب لي الاذى شخصياً
ي بنات انتم رايحين تختبروا مو رايحين قاعة افراح يعني ماله داعي ابداً تحطين عود مركز :no:
في ناس يتحسسوا من الرائحه القويه وانا وحده منهم الفصل صغير وبعض الاحيان مايكون مهوي
وانا وحده اتأذيت جداً لدرجة اني ماقدرت امسك ملزمه حكه فضيعه وصداع فضيع وضيعت علي يوم كامل ماقدرت اراجع فيه
والى الان أعاني من الحساسيه  :sm18:
فرجاء راعوا ان في أشخاص معكم يختبرون :rose:االمفروض منك تقولين للمراقبة إنك تبين تغيرين مكانك ﻷن الريحة تتعبك وعندك حساسية عشان يراعون ..


احنا في الجامعة البنات مو اوفر بالعكس شكلهم جدا عادي والبعض بعباياتهم... الجامعة في كل شي الاختبارات أعطيه 10من10

[ام ملك 13]

ايـــــــــــــــــــــــــــــــــــــــــــه ايــه كله كووووم واللي مرت من جنبي وهي مركبه رمووش كوووم ثاااااني بغيت اقولها تكفين تعالي سويلي مكياج يوم فرح اخوي جالسه ادور كوفير صاحيه م لقيت:hahahahahah::hahahahahah::hahahahahah:

[نعانيش]

يوه ياريحه العود والروائح المركزه والدخان تلوع الكبد 😩😩
خصوصا الحامل مره تتعب لما تجلس جنب وحده ريحتها نفاثه عطول تقلب معدتها هالترم تعبت كثثير بسب هالشي

[منتسبه 2013]

ماينفع تمنعي العالم انو تتعطر اذا ماعجبك العود عاجب غيرك فمالك الا تاخدي كمام ولا تغيري محلك
واللي تقول اللبس وهيك حكاية اللبس والتانق مافيها شي لكن بحشمة وعقل
لاننا حنقابل صديقاتنا والمكان نسائي بحت ففين المشكلة هنا
والله يعيننا وتطلع النتايج واحنا واياكم طيبين

[مدمنة حافز]

انا اشوف الاعتدال وسط يعني عبايتها عليها

مكياج خفيف جداا عادي احسن من تصحى وتجي غمصها بعيونها استغفر الله :hahahahahah:

وعطر خفيف وبس
المكياج الزايد يجيب اكتئاب والله بس مو ان الوحده تجي وهي استغفر الله م ودك تطالعين بوجهاا

كل شي وسط حلو:wink:

[نجلاء عبدالعزيز]

ماشفت هذا الشي في الرياض مع اني كل ترم اختبر في مركز مختلف ولا عمري شفت تتنانير قصيره

حتى ميك اب قله الي يحطون
اعلب البنات شوشتهم طايره وعبايات محد يفك عبايته
وازيدك من الشعر بيت بحجابهم بعد خاصه مع البرد

[just agirl]

أولا هذا مكان عام صعبه تتحكمين بخلق الله ع قولة منتسبه مكان نسائي بنلبس وبنتعطر وبنكشخ وش عليكم منهم تنتقدونهم الي بتلبس كعب تلبس هي حره والي بتكشخ تكشخ فعلا ماتقدرين تمنعين أحد من حقوقه الشرعيه إطلبي تغيرين مكانك بأدب وبيراعون حالتك الصحيه هذه إسمها حاله صحيه يعني فرديه انا عكسكم أنتقد الي جايه بكشتها وبجامتها تحت العبايه ولاحتى نقطة روج ماهذا كيف شكلها بييتها هذه وإنتو عكس سبحان الله :)

الله يهدي الجميع

[صدز:)]

بخصوص اللي تحط اي لاينر من جدك انتي تركيزك وانتي تحطين الاينر يطير كل معلومه ب راسك :)


صدق والله استغرب ف اللي يحطن مكياج وش هالنفسيه ماشاءالله :)


واللي يستشورن الشعر يعني انا لين اخر لحظه البس عباتي فيها ونا اذاكر متى يستشورن ومتى يحطن مكياج ومتى يلبسن

اشوا انو انسف العبايه واتوكل ع الله حتى شعري مامشطه :)

لاحقين ع التكشخ ف الوضع الطبيعي وشكراً

[صدز:)]

أولا هذا مكان عام صعبه تتحكمين بخلق الله ع قولة منتسبه مكان نسائي بنلبس وبنتعطر وبنكشخ وش عليكم منهم تنتقدونهم الي بتلبس كعب تلبس هي حره والي بتكشخ تكشخ فعلا ماتقدرين تمنعين أحد من حقوقه الشرعيه إطلبي تغيرين مكانك بأدب وبيراعون حالتك الصحيه هذه إسمها حاله صحيه يعني فرديه انا عكسكم أنتقد الي جايه بكشتها وبجامتها تحت العبايه ولاحتى نقطة روج ماهذا كيف شكلها بييتها هذه وإنتو عكس سبحان الله :)

الله يهدي الجميع

شكلها ف بيتها مثل شكلك وانتي ب قمة اناقتك وكشختك ومتنومسه بعد:)

وش اللي كيف شكلها ف بيتها! يعني وش الرابط بين اللي يكشخ ف الاختبارات والوقت ضيق ومو وقت كشخه اصلاً مكان علم

وبين يوم تكون الوحده ف بيتهم ولا مناسبه ولا حفل ولا بلابلابلا


يعني اللي م تخنبق وقت الاختبار وتحط كليو مكياج وتحط روج احمر تبرق وترعد كنها رايحه تحيي حفل

ولا تجيك تهشهش ب الكعب حتى مشيتها غير متزنه شوي وتكرفس ماغير تصمخ العالم

اذا ماسوينا هالاشيا ف هذي دلاله ع اننا غير انيقات يعني :)

رايحين نختبر ساعه ونقضب الباب مو رايحين نستعرض ترا

[امل الايام]

مساحة حريتك لها حدود وهي احترام حدود الشخص الاخر .... خلينا من الشكل والعطر فيه تصرفات من البنات الله يهديهم المفروض انهم يراعونها اول شئ جوالتهم ما يخلونها صامت وتجلس طول الاختبار انواع النغمات -قبل الاختبار بساعه او نصف ساعه فيه بنات عرفوا قاعتهم وجالسين يذاكون فيها بهدوء وعشان البرد وانا منهم ...تجيك مجموعه من البنات سوالف وضحك ومسخره في دكاترة الجامعه وفي المراقبات واصوات عاليه -او بعد ما يخصلوا اختبار وباقي نصف الوقت ولسى فيه بنات يختبرون يجلسون قدام القاعه وبرضو نفس الازعاج ونفس التشتيت يعني حرام راعوا اللي لسى يختبرون ...اسفه اني طولت

[just agirl]

اخت صدز لاتزعلين اذا ضربت ع الوتر الحساس :)

[rosh123453]

بخصوص اللي تحط اي لاينر من جدك انتي تركيزك وانتي تحطين الاينر يطير كل معلومه ب راسك :)


صدق والله استغرب ف اللي يحطن مكياج وش هالنفسيه ماشاءالله :)


واللي يستشورن الشعر يعني انا لين اخر لحظه البس عباتي فيها ونا اذاكر متى يستشورن ومتى يحطن مكياج ومتى يلبسن

اشوا انو انسف العبايه واتوكل ع الله حتى شعري مامشطه :)

لاحقين ع التكشخ ف الوضع الطبيعي وشكراً
ايه احط والحمدلله بنعومه مو بدفاشه ونسبتي دايم ممتاز يعني اذاكر مافيه وقت اعدل شكلي اهم شي الاناقه
ترى رسمه اي لاينر فوق العين ماتاخذ ربع دقيقه :41jg::hhheeeart4:
هههه يعني لما تركزين بالاكل يطير معلوماتك اللي براسك
بالنسبه لي ماتطير
وبالنسبه للاستشوار مو محتاجينه انا استشور بالمناسبات
وبس
ان الله جميل يحب الجمال :icon19:

[مستجده77]

من اجمل ماتراه عيني لما اشوف الاناقه .. واذا صار اختبار مافيها شي ... اللي بعباتها واللي بدون وين الغلط ابي اعرف الحين ... طيب واذا حطت رموووش واذا تكشخت ؟؟؟ كبرتو الموضوع وهي في البدايه سالفة حساسيه .... والله الا الحين ماقد شفت اللبس المخزي . والكل حررر باللي يسوي طبعا في حدود الشرررع اما عشان راحة غيرها وانها ماتحب الكياج سلامااات من جد

[وردة الحجاز]

عني نفسي ماعرف انه فيه ناس تتحسس من العطور العربيه.. يعني اكيد فيه منهم ماتستقصد
تاذي احد .. ومن حقها تتعطر وتترتب مثل ماتحب
طالما انها ماتعدت عليك بشكل مقصود ..
بالنهايه جميله هي مراعاة الاخرين ..
والاجمل ترك للناس حريتهم وماينطبق
عليك لايعني بالضروره انطباقه ع الاخرين ..

[el7lm]

اي صادقه صاحبه الموضوع :139:
وانا اشهد واستغرب من بعض البنات
تقل جايه عرس مو اختبار :Looking_anim:
فل ميك اب وشعر وعطر اشمه من امتار وامتار
وغير الضحك بصوت عالي والمصخره :(177):
طبعا هالكلام للبعض مو الكل
يعني تزيني ورشي عطر بس بالعقل :no:
اظحكي انبسطي بس حطي ببالك في ناس تراجع وفي فتره ثانيه جايه تنتظر الفتره حقتها وتراجع
في شي اسمه الذوق العام :007:
بس شنسوي
انا الي لاحظته انهم توهم صغار يعني اول ولا ثاني مستوى
وارجع اقول البعض مش الكل:53:

ادري في بنات بيكرهون كلامي ويدعون علي

بس جد هالشي لاحظته كثير وانا انزعجت من ريحه العطر القويه والصوت العالي والظحك الي ماله داعي :000:
وشكريا :060:

[نوره85]

ههههههه تبين تتحكمين بالعالم،،،، دوري حل لنفسك وبس
مو تقولي لاترشوا عطور عشان حالتي
والي ماتلبس ولاتتمكيج ولا تمشط شعرها من الافضل تنتقد نفسها
الاختبار مو معناه تجين تخرعي خلق الله
صدق محد عاجبه شي

[سكر بناات]

انا بمركز الخبر الشمالية الاغلب بالعباية والحمدلله

[ملآكي]

يختي ريحة عطر تصك الراس
ولا ريحة شيء ثاني :26:
انا بالدمام و الحمدالله الترم هذا
الريحة الحلوة و البنات مرتبات :10111::004:

[jayzanma]

الحمدلله على العقل:hhheeeart4:

[حكايه رحيل]

الاحلى دايما الوسطيه ترتبي لاتبالغين وقدري انه رايحه لمكان علم وفي نفس الوقت لاتهملي نفسك وشكلك وقدري انه حتقابلي ناس وان الله جميل يحب الجمال ديننا دين اعتدال ووسطيه في كل شي الله يهدينا ويهديكم ويكتب لنا ولكم النجاح والتوفيق

[.Perfect]

.



الموضوع حريه شخصيه طالما انه في مكان عام , سواء لبس او صوت ووضحك او غيره كل وحده لها شخصيتها ولها خصوصيتها صعب اننا نصادر حقوق الناس ونفرض عليهم شي يتماشي مع شخصياتنا ,

طالما ان الوحده بحالها ومحترمه نفسها مايهم كيف تكون هيئتها , وبالعكس انا استغرب من حريم كبار او " متزوجات " وغالبا ينزلونهم ازواجهم ويجون بهيئة انا ك بنت اكره اشوفها . الاهتمام بالنفس حلو وكل واحد يهتم بنفسه بطريقته مو شرط اثير اعجاب كل من حولي طالما انا مقتنعه بنفسي .


بالتوفيق يارب

[شاهيندا]

بصراحة ماعندي وقت البس واكشخ ولا احط روج يادوب البس عباتي واخرج

[علم إجتماع]

رغم إني أحب ريحة العود والعطور الا إن ماقدر أعارض البنات لأن يمكن فعلاً يتحسسون


في كولونيا للأطفال ريحتها صابون وحلوه إخذوها معاكم بدل العطر

[فنوُ *]

انا زيك حساسية واجلس شهر اتبهذل بس ريحة نظافة ولا روايح الريحة والخياس واغلبهم يجون مع اهلهم الانتساب فا وين زنا بالموضوع الا اذا مع سايق شيء ثاني

[shushyy]

استغرب من اللي متضايقين انو البنت تكشخ وتتمكيج !! لا هو حرام ولا عيب مالك حق تتكلمي عن البنات دامها ما ضايقتك
صراحة انا استغرب من اللي تجي بكشتها ولا مهتمه بنفسها و تتكلم عن غيرها
يختي اتركو الخلق للخالق اذا الجامعة نفسها ماحطت قوانين انتي مين عشان تتكلمي !!
نآس غريبة ياليت محد يتفلسف ويغتاب غيره كل وحده تكون بحالها

[AISHA ALOMARI]

الله جميل يحب الجمال والنساء بطبعهن يحببن الزينة لكن حينما تخرج الزينه عن حدود الشرع والدين
لا قيمة لها ولا للجمال المتصنع من خلفها
اما من تقول حرية شخصية فنحن معك ولكن الحرية الشخصية لها قيود وقواعد يجب ان تحترم
الاغلب الا من رحم الله يلبسن عبايات اللهم استر عوراتنا
لا تسمن ولا تغني من ستر وحجاب ناهيك عن ما تحتها من ملابس ؟؟!!
وعطور خرجت عن حد الشرع ودخلت في حكم التبرج .
ليس الموضوع موضوع انتقادات وتجريح وغيبة في اعراض المسلمات لكن الموضوع يتكلم عن سلبيات نتمنى بطريقة النصح الاخوى من التقليل من ظاهراتها
فكم وكم من الفتيات يجهلن كثير من احكام الدين والله غفور رحيم
رب كلمة طيبة ودعوةلينه ونصيحة قيمة كتبت في ملتقى علمي يجمع كل الاعمار والاجناس والطبقات الفكرية كان لها اثر طيب
وايجابي لا للتهكم لا للسخرية نعم نحب الزينه ومنا من تتخطى حواجز المرض لنظهر بمظهر جميل ولكن للنساء المحيطات بنا وليس (للجنس الاخر؟؟؟ ) الذي ينتظرنا على الطرف الاخر ليقلنا الى منازلنا تقبلو نقدي بصدر رحب وشكرا من الأعماق للاخت صاحبة الموضوع جزاك الله عنا خير الجزاء

[rasila]

الناس الي تقول الضحك والصوت العالي حريه شخصيه لاعزيزتي هذي قلة احترام فيوم كان عندنا اختبار والماده صعبه مره والاسءله تحتاج تفكير ووقت في الحل
وطلعوا القاعات الي جنبنا وضحك وقلة حياء مادري احنا فين وهالشي ازعجنا وشتت
انتباهنا واضطرينا نخلي المراقبه تقفل الباب وجات مشرفة المركز صرخت عليهم عشان ينزلون
تحت ويفكونا من سخافتهم حريه شخصيه لاسرتي رايحه حفله ومكان للوناسه مو مكان اختبارات
ومكان علم يعني لازم يحطون شروط صارمه زي ايام المدرسه عشان كل وحده تحترم نفسها
والي ماتطبق يكتبونه تعهد والا تحرم من الاختبار او ينقصون من دراجاتها طبعا البعض بيتريق
لكن مع الوقت شكله بيسير كدا اذا استمر الاستهتار وعلى حكاية العطر الي تقول تتعطر وتطلع لمحرمه الي في
السيارات الثانيه وهي ماره او الحارس هذولا كلهم محارمها كلنا نتعطر عشان مااكون مثاليه لكن شي خفيف ولايذكر
لانها ساعتين واطلع كثرت كلام لكن بعض الردود مالها داعي صراحه:sm4:

[رآجيه الفردوس]

اي والله خصوصا الي تلبس لك قصير سلامممممممماااااات الناس برد وفل ميك اب خير خير ههههههههه الي اشوفها لابسها بجامهه اقول كفو عليهاا اتوقع الي تحط فل ميك اب وتبالغ مرا بشكلهاا هي الي بترسب ههههههههه اماا الي تكون ناعمه ومو حاطه ذاك الزود تقل رايحه عرسس والله بعضهم اشوفها رموشش والفونديشن يصرخ من وجهها والعيؤن اشكال الوان وكعب شطووله والحواجب حدث ولا حرج والشعر ملعون ابو جدفه كواي هههههههههههههههه

[رآجيه الفردوس]

احنا تكلمنا الي الناس الي تكون مبالغه يعني كنها رايحه عرس وتحط فل ميك اب وتسريحات ورموش وكعب خير اما الي تجي م شاء الله مرتبه وناعمه مو مشكله بس فيه اشياء مرا مباالغ فيهااا جد مرات احس نفسي داخله صاله عرس مهو اختبار ههههههه

[أم رياض]

:(284):

[abusara]

مدمنة حافز (http://www.ckfu.org/vb/u235485.html) + el7lm (http://www.ckfu.org/vb/u97769.html)




:lllolll::lllolll:


ههههههههههههههههههههههه:mh35:

اسأل الله التوفيق للجميع

[الخير مقبل]

الله يهدي الجميع انا مايهمني شكل البنت الا وقت الخروج العطر بعد 4 كيلو تشمينه والغطاء الله يرحم حاله مع الايلاينر والرموش ...........مافكرت بالرجال اذا مرت من عندهم واثارتهم بزينتها وريحتها ................................مافكرت بقول النبي صلى الله عليه وسلم ((ايما امرأه استعطرت فمرت على قوم ليجدوا ريحها فهي زانيه )) ,,,,,,,,,,,,تأمولها:004:

[panda]

يبنات متى تفتح ايقونه اثبات حضور الاختبارات

[rasila]

يبنات متى تفتح ايقونه اثبات حضور الاختباراتنفس السؤال بيجيبون فينا العيد مع هالدوامات :mad:

[قعناص]

كل واحد يلبس اللي يريحه ويحط العطر اللي يحبه ..

والواحد جاي اختبار يعني مو حول احد لو يجي بفانيلة علاق محد طالع فيه ..


الا اذا الواحد مو مذاكر ويتعيير ماعنده ما يعطي في الورقة ويطالع هذا وذاك ..

[maramalghamdi15]

:icon1:

السلام عليكم ورحمه الله وبركاته

غاليتي
كل الموضوع يدور عليك انتي حببيتي لانك انتي الي تعبانه وعندك هالحساسيه من البخور ةالعطور القويه
لازم يكون معك شي كمام مناديل ومويه موب تحسستي وقلتي بان البنت مارعت مشاعرك اكيد ماراح ترعي مشاعر الغير اهم شي نفسها .. :sm18:

ثانيا
من وجهه نظر يجدا عادي بان البنت تهتم بشكلها وكشختها مهما كان الوقت والزمن والمكان هذا انثي طبيعتها تحب هلاشياء ..
وانا ممكن وحده منهم بان احب اتبخر قبل ماطلع واحط عطر بالمركز اروح لمكان انا ريحتي حلوه ونظيفه
والي تقول باني اتمشي عند الرجال الله يخلف وين الرجال بالمووضوع تركبي سيارتك للمركز ومن مركز لسياره وين الرجال بالموضوع ؟؟
وسيارتي توقف عند باب المركز يعني ابد ماشوف فيها شي ..

والكعوب والملابس كل بنت تحب تطلع باجمل مظهر واذ انتي متظايقه من هالشي لاتطالعي فيهم اهههههههه :biggrin:

:icon1:

[ام ياسين]

انا عندي نفس مشكلتك عندي حساسيه من العطور والروائح القويه

لازم علاج لتخليص من المشكله الصحيه

[متفائل ولكن !!]

حالتكم حالة ... ما شفنا هالكلام عندنا يالشباب بس انا مع البنت الي تهتم بنفسها بالمعقول ..
والي عنده مشكله من العود يجلس عن الباب وانتهت السالفة

[للطموح عنوان]

:sm18:

:sm18:




نفس الوضع بالقاعة والشكوى لله


الحمد لله خلصت


ملاحظة: العود للمناسبات وليس للاختبارات

[AISHA ALOMARI]

كثيرة هي السلبيات اذا اردنا نتحدث عنها في مراكز الاختبارات
لكن هناك سلبيات تطغى على أخرى ؟؟؟؟ ويصبح الحديث عنها حاجة ماسه . لأنها خرجت عن المألوف
ونرجع نقول حريات شخصية والله الحسيب والرقيب على العباد
لكن منباب النصح وحب الخير للجميع نتطرق لها في موضوع حواري ونقول هناك قواعد شرعية لا بد ان تراعى ؟؟؟؟؟؟
ومن قال لك يا أختي الفاضلة ان ما فيه رجال يشمون الروائح والله وتالله وبالله اني في اغلب الأحيان اطلب من زوجي ينزل معي حتى يفتحلي طريق كي امر الى البوابه
فيه رجال هداهم الله يترجلون من سياراتهم وكأن ولاياهم صغيرات سيأكلهن الذئب اذا ما نزل وأخذ بيدها ونظل نقول حرية شخصية؟؟؟؟؟؟
وبالنسبةللكمامات هناك مرضى جهاز تنفسي لا يطيقون الكمامات ويصبح الوضعي صعب عليهم !!
(((النظافة من الايمان ) وعنوان للمرأة المسلمة واكيد نحب نرى مشاهد الجمال والنظافة والهندام الحسن في حدود الاعتدال والوسطية )) ايظا ظاهرة الضحك الهستيري والمحموم والصخب في ردهات المركز وممرات القاعات وعند ((دورات المياة ؟؟؟؟)) أصبحت من المأسي التي تتنامى في كل فترة اختبار تجي بعض الطالبات وكائن المكان لهاوحدها تضحك بصوت يدوي في ارجاء المكان صداه من الدور الثالث تشتت انتباه مركزبأكمله وتخلق جو فوضوي من حولها صراخ واصوات عالية وكعوب تخسف الأرض من تحت اقدامهن في صوت منفرومشتت وكأنها مطرقة جدار !!!!
يا اختي الفاضلة أي كان مكان اختبارك وهدوء مركزك وكثرة ايجابياته وقلة العدد او كثرته فيه نساء يأتين من احياء بعيدة يختلسن ساعات قليلة من يومهن قبل اختباراتهن
ليحظين بلحظات هدوء يستذكرن فيها مواد اختباراتهن يجب ان نراعي هذا الجانب . انا اشاهد نساء يأخذن وضعيات في زوايا المركز بحث عن الهدوء ويجلسون على كراسي غير مريحة للجلوس بالساعات عليها او على الأرض ثم تأتي مجموعة طالبات(انانيات ) كلمة قليلة في حقهن يصنعن جومرح خارج عن قواعد الادب متناسيات منحولهن من الطالبات وحاجتهن للهدوء هذا غير ظاهرة الازعاج اثناء الخروج من الاختبار وإصرار بعض المراقبات على عم اغلاق الباب بدافع انه ممنوع
هذا ايجاز بسيط عن سلبيات كثيرة نختصرها في الأهم والأولى ان يعالج نسال الله الصلاح للجميع والهدايةوالتوفيق

[غيدْ.]

يــــاارب لاتشغلنا الا بطاعتك .

[moghtrb]

الموضوع كبير صراحه وكان من الواجب انه ينفتح من زماااااااان ومو للبنات بس... واسمحوا لي بالتعليق

اولاً العطور والزينه والعبايات والحجاب هذي كثرت مشاكلها والبنات للأسف يجهلون بأمور الدين او انهم من باب سعة الصدر ولا يهتمون بالدين ولو نتناقش من هنا للسنه الجايه ماراح يقتعن لذلك مابي اتعمق بهالموضوع اللي وربي يسبب لنا احنا الرجال ازمات نفسيه كبيره...


ابتكلم عن نقطه كثر الكلام عنها وهي ان الله جميل يحب الجمال.. يا اخوات الكلام هذا ينقال من باب النظافه والاهتمام مو في باب المكياج ولا في باب الزينه المحرمه فقط حبيت اوضح للي متفلته بالكلام هذا وهي تعتقد انه ينقال في المكياج اللي هو بالاساس مررررررض وخراب البشره

[لنو!]

مال اي احد حق يتحكم بغيره طالما مافيه احد تعدى عليه كلن حر مالكم على اي احد سلطان .. تروح مبهذله او تروح متكشخه شعرها مستشور او كشه بعطر او بدون اختبري واطلعي وانتهينا ..

الموضوع قلب كل وحده تنتقد الثانيه :16.jpg:


فترة انتظار النتايج تطلع مواضيع غريبه :Looking_anim:

[اميرة الاحلام]

انا ما همني هذا كله كل وحده تعكس تربية اهلها .. وخوفها من رب العالمين .. ما يقهرغير عدم الاحترام والازعاج اللي يصير في فترة المراجعه قبل دخول الاختبار يعني انا وحده ما عندي وقت ابد الا نص ساعه قبل الاختبار

[خطوة بخطوة]

من قالكم ان الحرية الشخصية انك تؤذي الاخرين !!!
ابي صاحب هالمقوله
الحرية بالمعقول ولكن اللي معك له حقه وحريته ولا تتعدى عليه
المال العام ملك للجميع سواء مدرسه او شارع او أي مكان عام
في بيتك تبي تتعطر تبي تصير معفن براحتك
واهم شي اهم شي الوسطيه
وتذكروا قول الرسول عليه افضل الصلاه واتم التسليم

لا ضرر و لا ضرار

[نوفييي]

انا اداوم بعباتي وماكثر عطر ولا احب العود بس بخصوص البنات الباقي انا اشوفها حريه شخصيه وفيه كمام حق اللي ماتحب الريحه الزينه 😋♥️
احمدوا ربكم انه عود والله كنت ادرس مع بنات الله يهديهم اتمنى انهم يتعطرون او يتنظفون
وانتوا تتكلمون عن مقر الاختبار اجل ماداومتوا مع البنات المنتظمات وشفتوا الزينه واللبس كل واحد على ماهو متعود البساطه او الاوفر او النتانه او النظافه مع احترامي للجميع

[اقلام لاتمكث]

انا كنت عادي ممكن اتقبل العود بس حملت مرتين وفي حملي مااتحمل روائح مثل العود والبخور ونادراً اتقبل رائحه..
وبنتي صار عمرها سنه وشهرين ومازلت اعاني من العود اكرهه كره ومااتحمل..اليوم نفس الشيء ماقدرت راسي صدع ونفسيتي زفت بسبب عطر بس رائحته مثل العود..
مانقصد نمسك حرية البشر ..او نضايق الناس بحكم ان الشيء يزعجنا بس لازم مراعاه..
بالزواج مانعلق لان نحن مخيرين نروح الزواج او لا ..بس الاختبار والقاعات مانقدر نغيرها!!
وتكلمنا بالقصير لان الشيء يزعجنا ..ماهو قصد ازعاج البنات ..يزعجنا نشوف مناظر كذا بصرح تعليمي لكل مقام مقال!!!
ونفس الشيء المكياج للأمانه انا وانا بنت اشوفه يقبح البنت اعتقد لو احمر شفاه مع كحله يكفي بس ماعلينا خذوا راحتكم بالالوان :biggrin: ومع ذلك اذا علقنا مايعني نتحكم بالبشر بس كل انسان المفروض يعرف ان كل مكان مختلف عن الآخر..
ومثل ما العالم أعطت رأيها انا عبرت عن رأيي:16.jpg:
وبالنهاية يظل لكل بنت حريتها ورأيها وعن نفسي احترمه..بس مثل مانحترم ياليت يتبادل الاحترام بموضوع الروائح أقلها :biggrin:

[رزان بيت المال]

اجل انا طلعت اهون من غيري عبايه وعطر خفيف من نارسيس لاحد يعصب علي ترا اركب مع محرم ثانيا العطر احلا من ريحه العرق وانتو بكرامه الترم اللي فات بغيت ارجع والسبب ريحه خياس عطر ليمون تكفووووون اما الحوامل عسي ربي يقومهم بالسلامه لهم عذرهم لانهم حوامل وتحسس من اي ريحه

[foofaa]

الروائح من جد محد يقدر يتحملها وخصوصا الحوامل
العطر المركز بالموت نستلطفه فما بالك دهن العود

المفروض اراعي الموجودين رشه بسيطه ماتاثر

اما سالفة الميك اب والشعر هاذي حريه شخصيه

في بنات مايحبون المكياج مثل مافي بنات مدمنين مكياج

اما البس البسي الي يريحك المهم يكون ساتر

[sham9966]

مشكله العود والبخور في الاختبار
اكتفو بارفام ناعم هادي
والمكياج كل كوم والكحله الفرنسيه كوم اخر ياناس ترا تختبرون مالاداعي مكياج اوفر
في النهايه حريه شخصيه لكن تنبيه يمكن يتقلص عدد المسمكرين الي يجون مصبغوين بويه


Sent from my iPhone using Tapatalk

[نوفييي]

عادي كل وحده بكيفها تتمكيج وتتزين تلبس يمكن بتسير بعد الاختبار تعرفون انتوا ظروف اختباراتنا واوقاتها وممكن كانت طالعه مسيره او شي وجات الاختبار وخصوصا الخميس تكون فيه زوارات وعزايم ماحد له شعل باحد وماحد يعرف ظروف احد والله يهون ع الحوامل والله اني ادرس ثانوي وكنت اتوحم واتضايق من العطر بس ماعلق لان ماراح امنع الكل عشاني انا لحالي

[Dr.Lavender]

البنت النظيفه واللي مهتمه بنظافتها ماتشمون منها رائحه مزعجه

دائما البنات الرايقات عطورهم ورد هادئ جدا سبحان الله

وقمة في النعومه والنظافه

وكانها ورده طبيعيه . . .

[مدمنة حافز]

.


ياحليلكــم إنتو للحين تتكلمون فـ هـالموضوع !

[ندى الورد*]

كل شخص حر باأناقته محد مكلف عليكم تنتقدونهم العجيب الي تجي الاختبار بملابس بيت والحاله حاله ومع هذا بكيفها بس الاناقه شي شخصي محد له سلطه عليه ولا ممنوع نوع اللبس بنطلون تنورة عبايه كلن حر وبراحته

[seems]

اولا انامعاك بالنقطه الي تكلمتي فيها ثاني شي انتي غلطانه المفروض رحتي وكلمتيها بينك وبينها ماله داعي تنفتح سالفه بها الوقت عن عطر وبخور انتي اغتبتي البنت كان انتظرتيها الين تطلع وبينك وبينها وباسلوب انو كذا وكذا واكيد كان بتتقبل منك بس دام انفتح موضوع الله يستر من الي بنشوفه الترم الجاي

[نوفييي]

صدق الاخ اللي قال وقت انتظار النتايج تنفتح مواضيع مدري وش تبي ����

[خطوة بخطوة]

والله حاله

[dark sun]

و الله أنـــ🌷ـــا اتحسس برضه بس عندي اتحسس من العوده و لا من روايح القرف الي بنشمها

[Ret]

عيب والله عليكم عيب فضحتونا اللي تبي تشتكي تقول من غير ماتوصف ايش لابسين كل وحده حسابها عند ربها وانتي المفروض نصحتيها في وقتها مو تتكلمون تهنا بالمنتدى لان فيه رجال او على الاقل بس شرحتو عن العطر فقط والله يصلحكم

[بنت الهاشمي]

صعب تمسكين كل وحده وتقولي لها لاتتتعطري او تلبسي كذا اوكذا هدي حريه شخصيه
بس لو انتي تتحسي من شي او في شي مضايقك اكيد المشرفه حاطه غرفه للطوارئ او الي عندها شي
عشان درج او تنكتم او مريضه اقعدي فيها وريحي عمرك

[جنوبي في تبوك]

تبون الصراحه يالبنات مو حلو العود عليكم أفضل عطور هادئه وبينكم يالحريم مايشمها الرجال وخافوا الله في لباسكم 'حجابكم ايش تستفيد الليتغري الناس بريحتها والا عبايتها وحجابها كسبت ذنوب كل الناس اللي تشوفها وتدعي عليها الله يهدينا واياكم لما يحب ويرضى

[بنت الهاشمي]

ترا المراقبات حريم مثلنا واكيدما يتعطرو الا لما يدخلو المدرسه وبعدها من الباب ع السياره لان السياره توقف مقابل البوابه

[جنوبي في تبوك]

تكلمي عن نفسك وكلن ونيته وبعدين لو كلكم تطلعون سوا والسيارة مقابله الباب كان للان مسوين زحمه وفي وفيات كمان

[@آبرار@]

سلامات.؟؟!!ما امشط شعري واهتم بمظهري ...تضايقون من المرتبه وتحبون العفسه وش ذا استغفرالله بس كل وحده على كيفها بحدود الشرع طبعاا

[صدز:)]

جنوبي انت وضعك مادري وش يبي احسك تكتب ونت راكب جيب ولابس بشت


وانت وش دراك عن نية البنات يتعطرن عشان يغرن !؟


فاضيات هن للاغراءات والخرابيط شيء طبيعي بتتعطر اجل تروح ب خياسها


بعدين وش عرفك ان البنات يتعطرن بشارع تخش ف النوايا


ممكن ب سياره ومن باب السياره للباب الاختبار ممكن ف الاختبار


انا اول مااخش ساحة المدرسه اتعطر احسن قول اغراء للمستخدم اللي برا


بعدين حلوه ذي العود مو زين والعطور افضل طيب ش رايك التنوره افضل ولا البنطلون :(

[جنوبي في تبوك]

استغفر الله العظيم صدز وربي ماكملت كلامك تحبين المناقره بعتبر ماكأني قريت شي وكلمي نفسك

[بنت الهاشمي]

مع نفسك هوينا بس

[نوفييي]

تبون الصراحه يالبنات مو حلو العود عليكم أفضل عطور هادئه وبينكم يالحريم مايشمها الرجال وخافوا الله في لباسكم 'حجابكم ايش تستفيد الليتغري الناس بريحتها والا عبايتها وحجابها كسبت ذنوب كل الناس اللي تشوفها وتدعي عليها الله يهدينا واياكم لما يحب ويرضى



ليه من قال لك ان كلنا بنات صغار ترا فيه حريم كبار يدرسون معنا مع اني ماحب العود بس مامنع احد منه

[بنت الهاشمي]

ليه من قال لك ان كلنا بنات صغار ترا فيه حريم كبار يدرسون معنا مع اني ماحب العود بس مامنع احد منه



ماعليك منه ذا شكله مفجوع تغري قال والله المشكله فيه اذا ينفتن من عبايه عاد الله يشفيه قاعد عند الباب يتشمم

[جنوبي في تبوك]

اقري بتعقل قلنا كلن بنيته فلا تظلمي أحد ايش عرفك بنيتي الظلم ظلمات

[نوفييي]

تبون الصراحه يالبنات مو حلو العود عليكم أفضل عطور هادئه وبينكم يالحريم مايشمها الرجال وخافوا الله في لباسكم 'حجابكم ايش تستفيد الليتغري الناس بريحتها والا عبايتها وحجابها كسبت ذنوب كل الناس اللي تشوفها وتدعي عليها الله يهدينا واياكم لما يحب ويرضى



ليه من قال لك ان كلنا بنات صغار ترا فيه حريم كبار يدرسون معنا مع اني ماحب العود بس مامنع احد منه

[جنوبي في تبوك]

هههههههههههههه وليش تعيدي الكلام مره واحده تكفي ترانا نفهم الحمد لله

[جنوبي في تبوك]

: أسأل الله عز وجل أن يقسم لي ولكم من محبته وخشيته وفضله ورزقه ما قسم لأوليائه الصالحين وأن يأتيكم الخير من كل مكان وفي كل مكان. وأن يفرج عني وعنكم ما ضاقت به الصدور وقلت معه الحيل وضعفت عنه القوى وأن يجعلني واياكم دائما في حرزه وأمانه . وأن يجعل الفردوس الأعلى مستقرا لي ولكم ولوالدينا ولأهليكم ومحبيكم
��اسعد الله مساكم��
اللَّهُمَ صَلِّ وَسَلِمْ وَبَارِكْ عَلَى حَبِيبنَا وَ نَبِينَا مُحَمَّد ""ﱞْ ❤"ﱞ" ﷺ""ﱞ.����

[TOTA وتين]

الله جميل يحب الجمال والنساء بطبعهن يحببن الزينة لكن حينما تخرج الزينه عن حدود الشرع والدين
لا قيمة لها ولا للجمال المتصنع من خلفها
اما من تقول حرية شخصية فنحن معك ولكن الحرية الشخصية لها قيود وقواعد يجب ان تحترم
الاغلب الا من رحم الله يلبسن عبايات اللهم استر عوراتنا
لا تسمن ولا تغني من ستر وحجاب ناهيك عن ما تحتها من ملابس ؟؟!!
وعطور خرجت عن حد الشرع ودخلت في حكم التبرج .
ليس الموضوع موضوع انتقادات وتجريح وغيبة في اعراض المسلمات لكن الموضوع يتكلم عن سلبيات نتمنى بطريقة النصح الاخوى من التقليل من ظاهراتها
فكم وكم من الفتيات يجهلن كثير من احكام الدين والله غفور رحيم
رب كلمة طيبة ودعوةلينه ونصيحة قيمة كتبت في ملتقى علمي يجمع كل الاعمار والاجناس والطبقات الفكرية كان لها اثر طيب
وايجابي لا للتهكم لا للسخرية نعم نحب الزينه ومنا من تتخطى حواجز المرض لنظهر بمظهر جميل ولكن للنساء المحيطات بنا وليس (للجنس الاخر؟؟؟ ) الذي ينتظرنا على الطرف الاخر ليقلنا الى منازلنا تقبلو نقدي بصدر رحب وشكرا من الأعماق للاخت صاحبة الموضوع جزاك الله عنا خير الجزاء







:d5:

[اخصائي اجتماعي1]

الله يستر على نساء المسلمين ويكفيهن شر السائقين وشر كل من به شر

[هـــديـــل]

اختي اسيرة المشاعر ياحياتي المفروض انك ماتسكتي لو قلتي للمراقبه كان جلستك جمب الباب او ممكن تنقلك لفصل ثاني لان من مهامهم ان كل الطالبه تكون مرتاحه ف مكانها والله يخفف عنك الحساسيه ع اجر يارب..
بالنسبه لنا ف جدة مايسمحو لنا نجلس بالعبايه والحمدلله وضعنا ok خير الامور اوسطها لازينة زواج ولا كشه وبجامه تحت العبايه!!
والله فيه ردود استغربت منها :hahahahahah:

[نوفييي]

هههههههههههههه وليش تعيدي الكلام مره واحده تكفي ترانا نفهم الحمد لله

ماعدت هذا الايفون عله:sm1:

[المحترمه]

الموضوع بدأ يأخذ منحى آخر ... يُغلق

تقديري للجميع