معدلي 3 من 5 هل يمديني ارفعه الى ممتاز او على الاقل 4 ونص

[badr12345]

السلام عليكم ورحمة الله وبركاته

معدلي الان 3 هل من خبرتكم ومعرفتكم اكثر مني ان ارفعه الى فوق ال 4 ونص

تقريبا 14 مادة بوزعها 7 مواد لكل ترم سابع وثامن

ابي مشورتكم

[نور باوادي]

مغامره كل مواد 7 وعلى سمسترين

ضروري تحصلين كل موادك a اقل شي


وربي يوفقك بس لاينزل معدلك عن 3 اذا ماراح تجيبين ممتاز

[yassss]

شرح كيفية حساب المعدل من 5 .

1- نعادل درجات كل مادة , حسب الجدول التالي :

كيفية التقدير كالتالي:
أقل من 60 أو f يعادل 1
من 60 إلى 64 يعادل 2
من 65 إلى 69 يعادل 2.5
من 70 إلى 74 يعادل 3
من 75 إلى 79 يعادل 3.5
من 80 إلى 84 يعادل 4
من 85 إلى 89 يعادل 4.5
من 90 إلى 94 يعادل 4.75
من 95 إلى 100 يعادل 5

2- نضرب الدرجات لكل مادة في عدد ساعاتها لنحصل على النقاط من 5.
3- ثم نجمع نقاط جميع المواد و نقسمها على عدد ساعات الفصل الدراسي .

مثال : -

حاسب: (3 ساعات) الدرجة النهائية 78 = 3.5x3

مهارات أكاديمية: (ساعتين) الدرجة النهائية 85 = 4.5x2

إذاُ (10.5 + 9) قسمة (3 + 2)
= 3.9 و هو معدل الفصل .

أما حساب المعدل التراكمي لفصلين فيتم بالطريقة هذه :-

حساب المعدل التراكمي =(مجموع نقاط الفصل الأول+مجموع نقاط الفصل الثاني) ÷ (مجموع ساعات الفصل الأول + مجموع ساعات الفصل الثاني)

طبعا لازم تحسب ال 14 مادة لو جبت فيها كلها A+ وتحسبها بالطريقة الموضحة فوق و بهذي الطريقة تقدر تعرف كم أعلى معدل تقدر توصل له - ويكون بكذا الهدف واضح قدامك بس كيف توصل للهدف؟ الجواب بوضوح الهدف + العزيمة + الإصرار

بالتوفيق للجميع .

[abo-reema]

بإختصار وبدون فلسفه لا ما تقدر

حاولت قبلك كان معدلي 3.80 بالمستوى الثالث

والمستوى الرابع والخامس والسادس جبت فيها اكثر من 4.80 الفصلي

والآن التراكمي 4.20 يعني صعب



بالتوفيق ..

[badr12345]

بإختصار وبدون فلسفه لا ما تقدر

حاولت قبلك كان معدلي 3.80 بالمستوى الثالث

والمستوى الرابع والخامس والسادس جبت فيها اكثر من 4.80 الفصلي

والآن التراكمي 4.20 يعني صعب



بالتوفيق ..
************************************************** **********************


متاكد من كلامك لا داعي للتحطيم اخوي

اشوف انك باقي مستوى رابع ولا انا غلطان ؟؟؟

:064:

[ام المى]

نا كان معدلي التراكمي في المستوى الرابع 3.40والمستوى الخامس جبت 4.20والمستوى السادس جبت 4.66والحين معدلي التراكمي 3.76

[badr12345]

نا كان معدلي التراكمي في المستوى الرابع 3.40والمستوى الخامس جبت 4.20والمستوى السادس جبت 4.66والحين معدلي التراكمي 3.76

************************************************** ***********


غريبه !!!!

وش المطلوب عشان يرتفع المعدل ؟؟؟

حسيت انه مستحيل ههههههههههههههه:oao:

[خاالد العجمي]

مستحيل يوصل الي 4.5

ومستحيل يوصل 4


حتى لو كان معدلك 5 بالمواد المتبقيه




لان معدلك 3 واللي باقي لك فقط 14 ساعه




حاول ترفعه الى 3.5


والله يوفقك

[badr12345]

14 مادة وليست ساعه

تقريبا فوق ال30 ساعه باقي لي

؟؟؟؟

غيرت رايك او باقي ههههههههههه

[honestman]

أخ بدر


اولا نسأل الله التوفيق للجميع


نصيحة اجعل هدفك رفع المعدل واجتهد قدر ماتستطيع وتذكر انه لايوجد شيء اسمه مستحيل


لاتحبط نفسك فأنت لازلت قادر على أن تحسن من مستواك وثق تماما أن مايناسب غيرك ليس بالضرورة أن يناسبك فقد تكون قدراتك افضل منهم.
مستقبلك أنت من تقدر أن تصنعه.


اتمنتى للجميع التوفيق والسداد وأن تكون نصائحهم إيجابيه لا سلبية ومثبطة

[badr12345]

أخ بدر


اولا نسأل الله التوفيق للجميع


نصيحة اجعل هدفك رفع المعدل واجتهد قدر ماتستطيع وتذكر انه لايوجد شيء اسمه مستحيل


لاتحبط نفسك فأنت لازلت قادر على أن تحسن من مستواك وثق تماما أن مايناسب غيرك ليس بالضرورة أن يناسبك فقد تكون قدراتك افضل منهم.
مستقبلك أنت من تقدر أن تصنعه.


اتمنتى للجميع التوفيق والسداد وأن تكون نصائحهم إيجابيه لا سلبية ومثبطة


************************************************** **************


الله يجزاك خير ماقصرت كلامك دافع معنوي وكلام سليم

وانا حاط هدف وان شاء الله اوصل له باذن واحد احد

مشكورين جميعكم

[ام مووودي]

عطني معدلك التراكمي بالضبط وعدد الساعات اللي اجتزتها وعدد الساعات المتبقيه
واشوفلك أقصى معدل تقدر توصل له بإذن الله

[سيدتي زينب]

شوف اخوي بامكانك انت تسوي تقييم بحسابه معدلك لمستويين الجايين

خمن كل درجاتك لa+ ل14 مادة

وبتعرفي اذا ممكن ترفعه لل4.5 ام لا

[خاالد العجمي]

14 مادة وليست ساعه

تقريبا فوق ال30 ساعه باقي لي

؟؟؟؟

غيرت رايك او باقي ههههههههههه

ماغيرت رائي هههههههههه


حتى لو 14 مادة ..




احسبها وشوف

[عاليه الهمم]

قريت معلومه اذا تبي معدلك يرتفع خذ ماده صيفي وجيب فيهاa+وشوف كيف يرفع معدلك لكن للاسف ماعتقد في صيفي هالترم

[abo-reema]

************************************************** **********************


متاكد من كلامك لا داعي للتحطيم اخوي

اشوف انك باقي مستوى رابع ولا انا غلطان ؟؟؟

:064:

اني حطمتك على قولك صرت تشكك بكلامي هههههههههههههههههههههههههه

غلطان اخوي انا ولله الحمد اجتزت مستوى سابع وباقي مستوى ثامن 5 مواد فقط


والله مدري شقولك عشان ما تيأس بس تدري شلون اقطع نفسك مستحيل تجيبها:biggrin:

[مسافر بلا عنوان]

اني حطمتك على قولك صرت تشكك بكلامي هههههههههههههههههههههههههه

غلطان اخوي انا ولله الحمد اجتزت مستوى سابع وباقي مستوى ثامن 5 مواد فقط


والله مدري شقولك عشان ما تيأس بس تدري شلون اقطع نفسك مستحيل تجيبها:biggrin:

المعدل مو بالسهوله يطلع خاصه اذا تقدمت في المستويات
كان معدلي 4.4 وجبت الترم اللي بعده ممتاز وتحرك بس بشكل بسيط جدا

[مسافر بلا عنوان]

عشان تعرف كم معدلك المتوقع نهاية الترماجمع عدد الساعات اللي اخذتها كلها مع تقدير واضربها في تقدير كل ماده وانت تعرف التقدير يطلع لك رقم
اقسمه على عدد الساعات وتحصل على المعدل التراكمي وتقدر تتوقع الدرجات اللي باتحصلها هذا الترم واللي بعده وتعرف كم اقصى شي تقدر توصل له

[مساهر]

حمل برنامج gpa يحسب لك المعدل

حمله وافترض انك بالمستويبن الجاية بتجيب الفل مارك وانت راح تقتنع

[مستر زعيم]

الله لايضيع تعب أحد والله يوفقكم جميعاً

ابي أفضل برنامج يحسب المعدل بشكل دقيق

شاكر ومقدر للجميع ،،

[badr12345]

تواصلت مع 4 مدرسين خصوصي وبعضهم يدرس انتظام وارسلت له كل شي والسجل الاكاديمي وقال طبعا تقدر ترفع معدلي لفوق 4 اجل خلك انت واياه من التحطيم بسسسس

[عبدالرحمن 88]

السلام عليكم ، اللي يبي ممتاز ومعدل كويس يشد حيله من اول مستوى مو اذا بقى مستويين يبدا ينتبه لدراسته و يشد حيله ويبي ممتاز

وبالنسبه لاعلى مستوى لك بحدود 3.90 الى 4 اذا جبت كل المواد a+

[badr12345]

اكيد كلامك صحيح لكن ماحد ينتبه الا بعدين

الي فات فات

[المنادي]

تواصلت مع 4 مدرسين خصوصي وبعضهم يدرس انتظام وارسلت له كل شي والسجل الاكاديمي وقال طبعا تقدر ترفع معدلي لفوق 4 اجل خلك انت واياه من التحطيم بسسسس


هذا اذا باقي لك 20 ترم ممكن تجيبها من 3 الى 4
قالوا لك هالكلام عشان مايبونك تفقد الأمل

انا السمستر الماضي أخذت 6 مواد
3 a+
و
3 c+

المعدل ارتفع 9 نقاط
ولابد انك تجيب a+ بأكثر من مادة عشان يرتفع


أما لو تكثر من b او c
أقولها لو تفحط مايرتفع الا شيء بسيط هذا اذا مانزل

[وليد الطائي]

لو كان الكلام في الاترام الاولى يعني الثاني الثالث حتـــــى الرابع أقول ممكن تحققي قفزه كبيره في المعدل ...... لكن دائماً الاترام الاخيرة تكون شوي اثقل .......

وهذا لا يعني احباط وتكسير مجاديف لك لكن لكي لا تنصدم بالواقع ...... شد حيلك وعلمنا اذا خلصت ان شاء الله كيف الأمور معك

[عبدالرحمن 88]

اكيد كلامك صحيح لكن ماحد ينتبه الا بعدين

الي فات فاتالله يوفقك يا ولد دفعتنا وان شاء الله تجيب اكثر معدل ممكن توصل له
:rose:

[Oxjen]

اخوي فيه برنامج اسمه معدلي حمله من الستور واكتب فيها معدلك التراكمي وساعاتك اللتي اجتزتها وبعدين عبي المواد الا 14 حقتك وخليها كلها a+ راح يعطيك كذا اقصى معدل راح تاخذه ....اكتب او سجل فالبرتامج جميع المواد تبع مستوى سابع والثامن اذا ما فهمت تعاللي خاص

[طموح شايب]

السلام عليكم ورحمة الله وبركاته

معدلي الان 3 هل من خبرتكم ومعرفتكم اكثر مني ان ارفعه الى فوق ال 4 ونص

تقريبا 14 مادة بوزعها 7 مواد لكل ترم سابع وثامن

ابي مشورتكم

وعليكم السلام ورحمة الله وبركاته


اذا كان معدلك الحالي 3.00 يعني 3 صافي بدون كسور


أقصى حد ممكن توصل له 3.70 هذا في حال انك جبت جميع المواد المتبقية a+


وبالتوفيق

[a5laq]

اخوي بدر الله يوفقك و يوفقنا جميع بالنسبة للمعدل في الاترام الاخيرة صعب ترفعه اذا كان الفرق كبير وبعدين ترا الممتاز اقل شي هو 4.5 يعني اغسل يدك من الممتاز لانه مستحيل اما 4 اتوقع لو تجيب a+ في كل. المواد و بفرض ان ساعاتك في ال 14 ماده هو 3 ساعات اقصى مجموع تقدر توصله هو 210 نقطه اجمع هالرقم علي النقاط الي جمعتها الي لان و اقسمه علي عدد الساعات الاجمالية بعد نهاية الدراسة وشف كم يعطيك الرقم هو اقصى معدل تركمي تقدر توصله

[solve4422]

فكر بالمعقول والمعقول بالنسبه لمعدلك وظروف الاترام الجايه هو
3.75 تاخذ جيد جدا
حتى لو اجتهدت فيه دكاتره بيبعصون معدلك فخلك طبيعي.

[N555]

في المستويات الخيره المعدل متعب رفعه يعني يادوب بالكثير 12تقدر ترفعه هو اللي يرفع معدله في المستويات الاولى يرتاح في المستويات الاخيره والله يوفقك وباذن الله ربي يكرمك وتوصل للاربعه

[MR H]

تواصلت مع 4 مدرسين خصوصي وبعضهم يدرس انتظام وارسلت له كل شي والسجل الاكاديمي وقال طبعا تقدر ترفع معدلي لفوق 4 اجل خلك انت واياه من التحطيم بسسسس


لو تتواصل مع دكاترات الجامعات كلهم

ما راح يتعدى معدلك اللي في الصور

البكالوريوس الثاني ان شاء الله وانت بخير

http://www.almlf.com/i/00000/nsjrb1441y2p.jpg




http://www.almlf.com/i/00000/egidsemuz3nb.jpg

[vip1]

طيب وش الفايده من رفع المعدل ؟
اذا علي الوضايف اهم شي الواسطه ياحبيبي

[badr12345]

المعدل بالضبط 3.08

بعد كلامكم كله مافيه امل يرتفع

[المنادي]

المعدل بالضبط 3.08

بعد كلامكم كله مافيه امل يرتفع

بيرتفع اذا اجتهدت
بس مو :sm4: الارتفاع اللي تبيه
هذا أنا بس ابي كل فصل فوق 9 نقاط يعني عالاقل 15 نقطة أدري ماراح يرتفع أكثر من9 نقاط
لآني مااتوقع اني باخذهم كلهم A+
لازم يطلع لك كذا دكتور يخرب عليك ويلعبون بالاسئله

فالله يوفقك يارب
وذاكر كويس
ولكل مجتهد نصيب

[badr12345]

ال14 مادة تنصحوني اخذها بترمين يعني 6 مواد 7 مواد او اخليها على ثلاث اترام رايكم يهمني صراحه

[المنادي]

ال14 مادة تنصحوني اخذها بترمين يعني 6 مواد 7 مواد او اخليها على ثلاث اترام رايكم يهمني صراحه

كونك مو حول الممتاز انصحك تخليها 3 أترام

4

4

5


والله يوفقك

عشان فيه وقت تذاكر وفيه مجال يرتفع

[badr12345]

ان شاء اللهاخلاقيات العملاعمال صغيره
التغير
الجودة
المشاريع
الاستراتيجيه
المحاسبه اداريه
محاسبه 2
بحوث الاعمال
تعاقد تفاوض
قضايا
موضوعات خاصه
نظرية منظمات






ممكن ترتب لي خطة لل3 اترام فضلا ويس امرا

[نور باوادي]

قلت من البدايه ان ترمين شوي على 14 مادة

ارحم نفسك ولاتضغط عليها


امر الله بسعه خلها 3 اترام والله يوفقك ويوفقنا جميعاً

[badr12345]

والله كلامك سليم بس مره ودي كذا ومره ودي كذا

ولكن قررت اخليها 3 اترام بحيث يمديني اخلص المواد بدرجات كويسه بدون ضغط

[المنادي]

ان شاء اللهاخلاقيات العملاعمال صغيره
التغير
الجودة
المشاريع
الاستراتيجيه
المحاسبه اداريه
محاسبه 2
بحوث الاعمال
تعاقد تفاوض
قضايا
موضوعات خاصه
نظرية منظمات

ممكن ترتب لي خطة لل3 اترام فضلا ويس امرا


التغير
الجودة
المحاسبه اداريه
محاسبه 2

قبل مايتغيرون ال3 مواد التغيير والجودة والمحاسبه الاداريه كلهم سهلين وحرام ماتاخذ فيهم a+
____________________
بحوث اعمال
مشاريع
نظريه المنظمات
قضايا
----------------------------
الاستراتيجيه
موضوعات
تعاقد
اخلاقيات
الصغيرة
ارجع للجدول أخر مادتين ماتأكدت توني انتبه

[روح حرّة]

طيب وانا معدلي 3.78 في أمل يرتفع معدلي الى 4 ؟؟

[MR H]

طيب وانا معدلي 3.78 في أمل يرتفع معدلي الى 4 ؟؟


يعتمد كم تيرم باقي لك وكم مادة وعدد ساعاتهم

[روح حرّة]

يعتمد كم تيرم باقي لك وكم مادة وعدد ساعاتهم



بأخذ 7 مواد في الترم الثامن وعدد الساعات 20 ساعه وبكذا بكون تخرجت :eek:

[solve4422]

طيب وانا معدلي 3.78 في أمل يرتفع معدلي الى 4 ؟؟

الله يوفقك على فرض انك في الثمان مواد اخذتي a+
الحد الاعلى بالنسبة لمعدلك الحالي هو 4 بالتمام



افضل تكتيك بعد المستوى السادس واللي حاليا في المستوى السابع هو المحافظة على المعدل الحالي قدر الامكان

[مسافر بلا عنوان]

قد تتوقعوا نتائج من الان ويبقى الوضع كله في حالة عدم تأكد ومجرد فرضياتـانتظروا الى ان تطلع نتائج الترم السابع وبعدين سهل معرفة كم المعدل النهائي

[مستقبلي بداء]

مستحححيل التراكمي يرتفع

جبت جيد جدا مرتفع بعد في الفصلي تطلع ف التراكمي تقريبا 16 درجه فقط

يعني الاساس والاعتماد بعد الله في الترمين الاولى لان على اساسها يتاثر المعدل

الاترام الاخيره ارتفاع بسييط بس على الاقل ماتنزل عن 3

[رفوع]

تقدر ترفع معدلك عادي وش اللي يمنع
حاول وشد حيلك

[MR H]

بأخذ 7 مواد في الترم الثامن وعدد الساعات 20 ساعه وبكذا بكون تخرجت :eek:



http://www.almlf.com/i/00000/qgn7znpetana.jpg


بالتوفيق

[المسار الخاص1]

بإمكانك رفع المعدل إلى مستوى مناسب وتقدير جيد جداَ
والمعدل في كل ترم 5 إذا وزعت المواد على ثلاث أترام وليس ترمين لإنه من الصعب تنزل 7 مواد في الترم وتجيب الدرجة كاملة .
بالتوفيق للجميع .

[روح حرّة]

MR H

شكرا لك :106::106: ,, أتمنى أجيب بكل المواد a+
باقي النتايج ننتظرها انشا الله كلنا ننجح ^_^

[شيخ الدواسر]

مافي شئ مستحيل بالدعاء

[(مشعلي)]

توكل على الله وشد حيلك واللي ربك كاتبه بيصير اهم شئ تسوي اللي عليك والباقي توفيق الله

خل طموحك اعلى الدرجات بحيث لا تفرط في a+ وبأذن الله تصل لما تطمح له

[ifofah]

المعدل يأخذ وضعية الثبات مع زيادة درجة درجتين تحت الصفر في حال جبت كل موادك a أو a+ أو حتى b+
بس لا تخلي هالرقم هو همك الوحيد وتذكر أن التوفيق بيد الله ولا المعدل في بلدنا مجرد رقم لا يقدم ولا يأخر

[saudi-com]

كل ما تقدم بك المستوى اصبح السير بالمعدل التراكمي كالسير على طين .

فلذلك ارهق نفسك و احصل على اعلى معدل تقدر عليه و السجل الاكاديمي بينفصك بأذن الله.

[أبوسلطان العنزي]

عطني معدلك التراكمي بالضبط وعدد الساعات اللي اجتزتها وعدد الساعات المتبقيه
واشوفلك أقصى معدل تقدر توصل له بإذن الله

يا ليت تحسبي لي الله لا يهينك
انا مستوى سابع

معدلي حالياً دون مواد اختبار
الترم الي قبل اسبوع 3.45

والاختبارات الي فاتت كانت 6 مواد كلهم 3 ساعات يعني 18 ساعه
وتقريباً راح تكون فيهم درجاتي بين 70 و80 على حسب حلي

وباقي لي الترم الثامن 4 مواد فقط كلهم 3 ساعات


كم ممكن اقصى مايوصل له المعدل

[أبوسلطان العنزي]

عطني معدلك التراكمي بالضبط وعدد الساعات اللي اجتزتها وعدد الساعات المتبقيه
واشوفلك أقصى معدل تقدر توصل له بإذن الله

وهل لو الاربع مواد الي بقت لي اقسمها
كل مادتين في ترم تفيد برفع المعدل او لا

[عبدالرحمن 88]

وهل لو الاربع مواد الي بقت لي اقسمها
كل مادتين في ترم تفيد برفع المعدل او لالو تحط كل مادة في ترم راح يرتفع نفس ارتفاعه اذا اخذت اربع مواد بترم واحد
__________________________
هي على درجاتك مو على الاترام
يعني تاخذ اربع مواد بترم واحد وتجيب اقل شي a
افضل ما انك تاخذ كل مادتين بترم و تجيب درجة اقل من a

[أبوسلطان العنزي]

لو تحط كل مادة في ترم راح يرتفع نفس ارتفاعه اذا اخذت اربع مواد بترم واحد
__________________________
هي على درجاتك مو على الاترام
يعني تاخذ اربع مواد بترم واحد وتجيب اقل شي a
افضل ما انك تاخذ كل مادتين بترم و تجيب درجة اقل من a

الله يعطيك العافيه على تعليقك

كنت اعتقد ان المواد القليلة بالترم ترفع المعدل بعكس الكثيرة

عموماً مشكور على المعلومه ولا هنت

[MR H]

يا ليت تحسبي لي الله لا يهينك
انا مستوى سابع

معدلي حالياً دون مواد اختبار
الترم الي قبل اسبوع 3.45

والاختبارات الي فاتت كانت 6 مواد كلهم 3 ساعات يعني 18 ساعه
وتقريباً راح تكون فيهم درجاتي بين 70 و80 على حسب حلي

وباقي لي الترم الثامن 4 مواد فقط كلهم 3 ساعات


كم ممكن اقصى مايوصل له المعدل



http://www.almlf.com/i/00000/y7qgwbpgfnjq.jpg



http://www.almlf.com/i/00000/jfk1235cvl7q.jpg

[عبدالرحمن 88]

الله يعطيك العافيه على تعليقك

كنت اعتقد ان المواد القليلة بالترم ترفع المعدل بعكس الكثيرة

عموماً مشكور على المعلومه ولا هنتولو جاهزين لخدمة عيال دفعتنا
وبالتوفيق ان شاء الله

[أبوسلطان العنزي]

http://www.almlf.com/i/00000/y7qgwbpgfnjq.jpg



http://www.almlf.com/i/00000/jfk1235cvl7q.jpg


يعطيك العافيه 🌹

[نـآوي أعـقـل]

مافي شي صعب

[أبوسلطان العنزي]

الله يعطيك العافيه على تعليقك

كنت اعتقد ان المواد القليلة بالترم ترفع المعدل بعكس الكثيرة

عموماً مشكور على المعلومه ولا هنت

ولو جاهزين لخدمة عيال دفعتنا
وبالتوفيق ان شاء الله

نخدمك بالافراح والليالي الملاح

التوفيق للجميع ان شاء الله

[K.Ali]

والله اني ندمت يوم ما اهتميت في المعدل من اول ما درست الحين 2.98 التراكمي و ابي اوصله ل 3 أقل شي و باقي لي 19مقرر
و بخلصها على ثلاث فصول ان شا الله هذا الفصل الجاي و فصلين السنة الجاية لاني طفشت من الدراسة و ابي افتك
والله يعيني دعواتكم

[مي سويت]

لو تتواصل مع دكاترات الجامعات كلهم

ما راح يتعدى معدلك اللي في الصور

البكالوريوس الثاني ان شاء الله وانت بخير

http://www.almlf.com/i/00000/nsjrb1441y2p.jpg




http://www.almlf.com/i/00000/egidsemuz3nb.jpg


تقدر تحسب لي انا كم حدي اجيب
انا باقي لي 34 ساعه
هذا السمستر سبع مواد اي راح اخذ 19ساعه
والسمستر الجاي خمس مواد اي 15
معدلي 3.19

[أبوطلال ادارة]

بالتوفيق يابدر لكن لو جبت في كل مقررات السابع والثامن a+
أقصى معدل بتوصله 3.6 جيد

[زوال الشمس]

ان شاء الله في مجال ترفع معدلك
بس علشان ماتتحطم فوق 4و نص مستحيل لو جبت فل مارك
ربي يوفقك اخوي

[زوال الشمس]

والله اني ندمت يوم ما اهتميت في المعدل من اول ما درست الحين 2.98 التراكمي و ابي اوصله ل 3 أقل شي و باقي لي 19مقرر
و بخلصها على ثلاث فصول ان شا الله هذا الفصل الجاي و فصلين السنة الجاية لاني طفشت من الدراسة و ابي افتك
والله يعيني دعواتكم


ربي يوفقك
مادام عندك 19 مادة تقدر ترفعة فوق 3

[هب ريح]

طيب واللي معدلة 3.17 وباقي لة 7 مواد بمعدل 21ساعه كم يقدر يوصل اعلى شي؟؟؟:(97):

[سـلـطـان♕]

افادوك والله يوفق الجميع

[شرقيه وبس]

http://www.ckfu.org/vb/t471876.html

الله يوفق الجميع يارب

[شرقيه وبس]

طيب واللي معدلة 3.17 وباقي لة 7 مواد بمعدل 21ساعه كم يقدر يوصل اعلى شي؟؟؟:(97):http://www.ckfu.org/vb/t471876.html


وبالتوفيق يارب

[noor20]

ممكن سؤال هل يمكن ان ارفع معدلي الي ممتاز والمعدل الحالي 3.36 والتراكمي 3.10

[faisal_n_r]

السلام عليكم ورحمة الله وبركاته

معدلي الان 3 هل من خبرتكم ومعرفتكم اكثر مني ان ارفعه الى فوق ال 4 ونص

تقريبا 14 مادة بوزعها 7 مواد لكل ترم سابع وثامن

ابي مشورتكم

حتو لو أخذت ممتاز مرتفع في كل المواد سيكون تراكمي بالكثير 3.6 من 5
دائما يقال الرمح من أول ركزة وفصلك الدراسي الأول يقرر مصيرك
:064:

[فواكهه]

موضوع حلو ورائع يستحق المشاركه اخوي بدر بنسبه لمعدل كلنا نتمى نوصل للقمه مافي شي مستحيل وكل شي يصير با الجد والمذاكره والمثابره يصير مافي شي مستحيل مثل م ذكر اخوي honestman (http://www.ckfu.org/vb/misc.php?do=page&template=favthread_view&userid=96809) ابعد عنك الخوف ولا تحبط نفسك وخل دايما في بالك التفائل وتوكل على الله واجتهد وذاكر وان شاء الله تنال اللى تطمح له :icon19::icon19::icon19: