احذفووووا صاحب الموضوع اللي يطالب بتغيير المسمى

[غرووووووووب]

تكفووون احذفووا صاحب الموضوع اللي يقول غيروا الانتساب بالتعليم عن بعد ...هذا نكبه 😢انا بنفسي سالت وقالوا تعليم عن بعد غير معترف بها اما الانتساب مطلوب اهم شي المعدل الزين
:007:نطالب اداره الملتقى بحذف الموضوع لان فيه ضرر علينا

[ممتازة]

الله يكفينا شره و من سانده و أيده ...يالله من النكبات تأمنا

[trook8]

وهل الموضوع اذا كتب بالملتقى خلاص وصل مجلس الشورى يعني
كلها سواليف , اللي يبغى يكتب يكتب , محد لمه

[Dr.Lavender]

لاتدعون . . . بكره بتدعون له :(204):

[el7lm]

والله ابتلشنا بهالمواضيع

[HANI_FEL]

ما أشوف فيها شيء .. الرجل عبر عن وجهة نظره و رأيه ..
بالنهاية نظام الجامعة معروف على مستوى المملكة ..
و لا أرى فرق بين كتابة عن بعد أم انتساب في حالة كان الجامعة ( بكبرها ) معترف بها أم لا .

[طموح ولي هدف]

هو غلط بس المفروض ماتدعين عليه

الله يسامحك

[صدز:)]

تحسبين الدعوه همله انتي قال غيرو قالو تم

والله لونه وزير عاد عشان تخافين انو يصير اللي يقوله


هالملتقى بربري وخلاص وتاكدي ان ماحد ب يسمع لك حتى لو هو العميد :)

[محمد المضياني]

ياليت لو يتم حذف موضوع اللي طلب تغير مسمي الشهاده الي تعليم عن بعد لان هذا فيه

ضرر كبير للطلاب والطالبات في التوظيف

[رزان بيت المال]

المشكلة تدعون عالرجال وروحو شوفو الرجال اللي وصلها لسبق هي جت عليه يعني أبدي رأيه واعتذر بصفحته هو بس كان يبني يشارك فكره وإنهوها الاخوان ماقامت ولا قعدت الدنيا الله يصلحك بس

[علم إجتماع]

طيب ليش تدعين عليه !!

يمكن هو مايدري وحسباله عن بعد أفضل


مو على كل شئ ندعي =(

[راعي السيكل]

انا موافق

[N555]

والله ه ماقصر تعامل بحسن نيه ويمكن خيره ان الخدمه المدنيه تعتمد التعليم المطور

[خطوة بخطوة]

تحسبين الدعوه همله انتي قال غيرو قالو تم

والله لونه وزير عاد عشان تخافين انو يصير اللي يقوله


هالملتقى بربري وخلاص وتاكدي ان ماحد ب يسمع لك حتى لو هو العميد :)

ههههههههههههههههههه تعجبني ردودك كلها في الصميم :33_asmilies-com:

[ابو غيداء]

ياشباب انا خريج انتساب ..

وانقبلت بوظيفه حكوميه عن طريق المفاضله بالخدمه المدنيه




شهادتكم معترف فيها ومطلوبه


اهم شي المعدل

[dahom8226]

انا مع اخت غروب

يا اخوان والله العضيم راح تندمون


ياخوان واخوات والله العضيم اتكلم من واقع


الواقع يقول شهادتك انتساب تعال وحياك


تعليم عن بعد يكرشووووونك


انا مع الاخت غروب

[king of silence]

لا تخافون !!

الجامعة احرص منكم على المسمى .
ولا يمكن انهم يغيرون مسمى الشهادة الى ( تعليم عن بعد ) .. إلا اذا تم اعتماد التعليم عن بعد من وزارة التعليم العالي ووزارة الخدمه المدنية .

ارتاحوا :smile:

[مافهمتك]

شكله دلخ وبينكب ام ام الطلبه بتغيير المسمى... مايدري ان مسمى عن بعد غير معترف فيه بعد .. وحاليا مسمى الانتساب هو الصح .. وش عليه مايعرف النظام هذا الشخص الفاشل.. شكله درباوي ودخل الجامعه بالغلط

[AIMASMS]

بغض النظر عن صحة مطالبتك بحذف الموضوع
ليش تكميم الافواه ونظرية ماأريكم الا ماأرى
الله يصلح قلبك ويهديك .


ان كان هناك مطالبة لحذف موضوع فالرجاء حذف موضوعك لأنه يستجلب العداء لأنسان حر في ابداء رأيه ، ولم يجبر أحد على موافقته رأيه ولم يعتدي على حريات




أمحق هرجه .

[abunawaf2008]

ليش تحرقون اعصابكم على شي ماصار
هدو السرعه شوي
الامور بالتروي والوضع مايستاهل

[لذا]

سبق وان نوهنا

1- أن شهادة....

الانتساب أقوى من التعليم عن بعد

2- وكذلك نوهنا أن تخصص...

إدارة الاعمال أقوى من إدارة....



لكن الجاهل عدو لنفسه...

[Bandar75]

الله يوفقكم وييسر امركم
(http://www.ckfu.org/vb/t465379.html)

[لذا]

الرابط

http://www.ckfu.org/vb/t465379.html

طيب يبوي
ركز شوي
اوكي
شوي بس


1- يقولك تعامل معاملة الانتساب << يعني مين الافضل والاقدم؟
2- هذا الخطاب يخص الخدمه المدنية<< يعني ماذا؟ يعني معمم فقط داخل وزارة الخدمه المدنية فقط ... يعني فقط الوظائف الحكومية.
3- ماذا عن القطاع الخاص اين << الاعترافات لديهم ؟
4- الجامعات الداخليه يقولن تؤهلك لدراسات العليا ووما يبقلونهم! اين الاعترافات هنا؟.
5- لما تطلع للجامعات بالخارج << بلل واشرب موية هذا الخطاب << بيقلونك عندنا وزاراتنا الخاصه فينا وممكن بيقولون شهادتك غير معترف بها .. ما نعرفها توكل على الله!




الافضل والمتعارف عليه اكثر هو الانتساب بالجهات الحكوميه والخاص وبالداخل والخارج

[Mark Twain]

بغض النظر عن صحة مطالبتك بحذف الموضوع
ليش تكميم الافواه ونظرية ماأريكم الا ماأرى
الله يصلح قلبك ويهديك .


ان كان هناك مطالبة لحذف موضوع فالرجاء حذف موضوعك لأنه يستجلب العداء لأنسان حر في ابداء رأيه ، ولم يجبر أحد على موافقته رأيه ولم يعتدي على حريات
أمحق هرجه .


هناك فرق بين إبداء الرأي وبين الإقدام على شيء والمضي فيه
هو لم يبدي رأيه فقط ، هو جعل أحد كتاب صحيفة سبق يقوم بكتابة خبر مطالبة بإسم مجموعة من الطلبة
من هؤلاء المجموعة ؟؟ علمهم عند الله ، فكانت صياغة الخبر غير متكاملة وغير مؤهلة للنشر.
وكتب موضوع بالمنتدى بأسلوب تبشيري وبصيغة الجمع وكأن الجميع يقف معه في رأيه حتى تفاجأ بأن الأغلبية يرفضون رأيه
بعدها قام بالاعتراف بطريقة غير مباشرة وبدون قصد بأن السعي كان لمصلحته الشخصية
وذلك بالاستمرار لوحده في المطالبة في تغيير المسمى ولو على حساب بقية الطلاب .

(تعليقي حول الجزئية الملونة).

[moghtrb]

والله المفروض انتي تنحذفين بسبب الدعوه هذي.... يابشر تستهونون بالدعاء انتوا ؟؟؟؟؟؟؟؟ وش قلووووبكم اعوذ بالله منك ومن لسانك

[ليندا13]

لا تدعون عليه قولوا الله يسامحه احنا اخوان و أخوات بالملتقى..

[leen-29]

ع اساس خلاص كلامه قرار وزاري ؟!

ايش شغل التهويل هاد ؟!


بالله عليكي انتي عنجد شايفة الموضوع قضيه لهالدرجة ؟!


لدرجة تدعي ع البني الادم ؟؟


الحمدلله بس ..

[maramalghamdi15]

اهههههههه
ع بالك بانو الادراه الجامعه بتسمعه ترا موب حولكم احد

وهذا المنتدي ك تفريج خبته بدخل النفس فقط لاغير :019:


انا الان من منبري هذا اعلن بان الجامعه تحذف موضوعك المصري:mh001:

:icon1:

[الله المستعان]

طيب ليه هذا التعصب ؟! ليه حذف مرة وحدة ؟ لانه اختلف معاك في فكرة يعتق انها الافضل !! يعني خالفني الفكرة اروح احذفه من العالم الافتراضي ولو كنا في واقع نطالب بقتله ؟!!!
عجيب هذا الزمن
وصل بنا التعصب حتى في الاراء
انتو وش تعرفو عن الاسلام ؟
كبرو عقولكم اشوي اقرو بعض الكتب خلو ادمغتكم المتحجرة تنفتح
بصراحة مو عارف وش اكتب قسم بالله مصيبة وضعنا هذا وخطير

[ام الجوده]

طيب انا كمان سمعت الانتساب أفضل والله يصلحه لاينزل موضوع كذا بدون إثبات على كلامه مجرد على تجربه يقولون حنا ناس معنا عقل ونقدر نميز بين الكلام المنقول بدون إثبات وبين الكلام المثبت

[nore11]

الله يعافيك لاتروحون تدعون حرام عليكم الرجال ماقال شي هو هدفه مصلحتكم واكيد ماعنده علم ان الانتساب اقوى من التعليم عن بعد بس ماتوصل لدرجة الدعاء والسب فيه هذي تعتبر قلة ادب واحترام الواحد من حقه يعترض على كلامه ولايكون مؤيد له بس لايروح يدعي من غير اسباب هو الله يحزاه خير اجتهد ماكان قصده يضر احد فقط يدور لكم الشي الافضل الله يهدينا ويهديكم جميعآ

[المدى البعيد 10]

...............:icon120:

[Memo143]

مو لدرجة انك تدعين عليه الموضوع ماطلع ولابيطلع عن المنتدى لاتكبرون الموضوع على غير فايده وهذي وجهة نظر ونحترمها

[im Diamond]

اخواني انا راح اتكلم من واقع تجربتي انا كان المفترض اتخرج السمستر الي راح بقى لي خمس مواد

والحمدلله السمستر الي راح جتني وظيفه بشركه معروفه مع العلم اني كنت موضفه سابقه في شركه اخرى


وقدمت شهادة انهى الساعات المتبقيه وقبلت فيها ومازلوا طبعا ينتظرون الوثيقه ولكن ماسئلوني


انتي تعليم عن بعد ولا انتساب لان كل شي كان واظح من شهادة التعريف


وقبلت الحمدلله والان بكمل اربع اشهر المقصد الي يقول الانتساب مايقبل بل وظايف الشركات غلطان


الحكومي مادري عنه بس ترى ماوقفت الدنيا على الوظايف الحكوميه لو وقفت ماحد توظف في البنوك


والشركات الكبيره وهذا انا توظفت وراتبي ماكنت اتوقعه في الشركه ومميزات وظيفه حلوه وبدون واسطه للمعلوميه


ولتاكيد الدفعه السابقه تناقشو بل موظوع والكل اجمع ان الانتساب افضل افضل افضل من التعليم عن بعد


وكل واحد يقتنع بشي الي يريحه


توكلوا ع الله الرزق من الله مهو من المسمى اسال لله لي ولكم التوفيق ولاتحبطون الي بعدنا لان كثير غثونا بموضوع الانتساب غير معترف فيه


اظيف معلومه في اخت كتبت موضوع الله يجزاها الف خير متخرجه السمستر الي راح علم اجتماع والان تكمل ماستر وداخله تمتحن


اكثر من كذا مانقدر نظيف ولانعلق

[جنوبي الجنوبي]

قرقر كثير ومحد حولكم
.
فيه قرارات أهم من هالمطالبه ومحد عطاها وجهه لها 50 عام
.
أهتموا بالدراسه وأتركوا هالمواضيع الطقطقانيه

[منصور الفيفي]

الرجال حاب يساعدنا ويسعى لنا بالخير جزاه الله خير ورفع الله قدره بس صدق المثل اعمل خير تلقى شر

[نـآوي أعـقـل]

ي جماعه الخير نصيحتي لكم دعو الامور تسير كماهي فالخيره فيما اختاره الله وتذكرو دائما
واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك ، ولو اجتمعوا على أن يضروك بشيء لم يضروك إلا بشيء قد كتبه الله عليك ،

[سلماااان]

أما أنا ☺️ فأشوف ان التعليم عن بعد سابقاً كان أقل من الإنتساب قولولي ليش
بقولكم
الحين اصبحت جميع الجامعات تقريبا تنتهج التعليم عن بعد وصار معترف فيه اكثر من اول
وفي التعليم عن بعد يطلب منك حل مناقشات 14 نقاش لكل مقرر وحضور مباشرات وحل واجبات وغيرها يعني تكون علميه أكثر عكس الانتساب الذي يعتمد على حضور الاختبارات فقط ولولا ان التعليم عن بعد غير مجدي لما اصبحت الجامعات الآن بازدياد تنتهجه
يعني عن بعد أفضل

[خالد بن مبارك]

انا افضّل شهادة الانتساب المطور وفوق ذلك واحد من اخوياي توظف عن وزارة الخدمة المدنية بشهادة الانتساب المطور

[WhiteLion]

توكلو على الله ورب العالمين بيسر الأمور وكل الأحوال المسميين خير وبركه

[غرووووووووب]

[QUOTE=moghtrb;13049034]والله المفروض انتي تنحذفين بسبب الدعوه هذي.... يابشر تستهونون بالدعاء انتوا ؟؟؟؟؟؟؟؟ وش قلووووبكم اعوذ بالله منك ومن لسانك

اعوذ بالله منك انت
هذا موضوع راح نتضرر منه وش عرفك انت الله يرحم حالك بس

[المحترمه]

الملتفى متاح للجميع على مصراعيه عزيزتي
لا نكمّم أفواه ولا نسيّر البقيه وفق آراءنا ونصادر
آراءهم .. الجميع يحق له أن يكتب ما يريد ويطالب
به دون التجريح والخروج عن الذوق العام والأدب

تقديري للجميع