تعارض

[sora6002]

السلام عليكم
بختصار عندي تعارض بالنقد الادبي والصوتيات والنظام الصوتي
ولازم اخذ المادتين عشان اتخرج مااااذااا افعل

["Bandar_Alshammari"]

تقدرين تاخذينهم كلهم

بس الله يعينك وقت الاختبار

ساعه هنا وساعه هناك

اذكر واحد اختبر معنا خريج اختبر بنفس الفتره
مادتين.. بس لازم تبلغ المشرف على قاعه الاختبار

[sora6002]

تقدرين تاخذينهم كلهم

بس الله يعينك وقت الاختبار

ساعه هنا وساعه هناك

اذكر واحد اختبر معنا خريج اختبر بنفس الفتره
مادتين.. بس لازم تبلغ المشرف على قاعه الاختبارمافي حل ثاني ؟
واذا اضطريت لهطريقه كيف اسويها
عاد المادتين صعبات صوتيات ونقد وكلهم 3 ساعات

["Bandar_Alshammari"]

مالك الا الطريقة الصعبه هذي

او

تحذفي الماده وتاخذينها ترم ثاني

وقسمي جدولك وارتاحي اذا كنتي غير

مستعجله على التخرج

["Bandar_Alshammari"]

سجلي المدتين وقبل الدخول لقاعه الامتحان

بلغي المشرفه ان عندك اختبارين وهم يضبطون لك

الوضع تخلصي ماده وتدخلي ع الثانيه

[Fahad Al-Ziyadi]

ترى المادتين ثقيلات وفيهن صعوبه والجمع بينهم بوقت واحد يبي له واحد يذاكر من اول وشغل نظيف

والجمع بوقت واحد للتعارض عادي، تراسلينهم وينزلونها لك ووقت الاختبار تكلمين المشرفات عندك ويضبطونك
تطلعين من هذا وتدخلين الثاني بنفس الوقت

[✶ جُمان ✶]

أختي نصيحة

لك إذا مانتي مستعجلة على التخرج

فلاتجازفين بمعدلك

المادتين كلهم ثلاث ساعات

يبي لهم جهد خصوصاً النقد الأدبي

أجلي لك بعض المواد لمستوى تاسع فلن يضرك أبداً

[رزان بيت المال]

مثلك بالضبط عندي تعارض بمادتين مدخل الأدب الانجليزي والحضارة الاسلامية بس قدها وقدووووووود اذا ربي ما عارضني بشر بذاكر بجد واجتهاد

[ممموني]

المادتين من الوزن الثقيل

عندك حلين تاخذينهم كلهم وتذاكرين من بدررري
او تضطرين تاخذين ترم تاسع

[صبا الشرقية]

نصيحة لا تغامرين وتاخذينها بوقت واحد ما تدرين عن الضروف من الحين لوقت الاختبار خذي ترم تاسع والله يسهل يارب

[مفاآهيم الخجل]

في وقت الاختبار كم ناخذ الوقت بين المادتين ؟

[Єℓỉŧє]

انا قبل اسبوعين كان عندي تعارض واختبرت المادتين سوا بنفس الوقت



الي صار وناخوك اني نزلت وحده من المواد عادي مثل اي ماده وبعدين كلمت الجامعه وقالو لي انتظر الين تنفتح ايقونة تعارض المواد وبعدين قدم طلب انتظرت مده طويله والله وخفت يروح علي
والمشكله مايعطونك تاريخ معين يقولك مثلا ان شاء الله الاسبوع الجاي بتفتح وانتظر ولا تفتح :019:

المهم مالك بالطويلة .. الحمدلله انفتحت وقدمت طلب عبر ايقونة تعارض المواد ابد ولما نزل الجدول طلع لي مكتوب زي الي بالصورة المرفقة :106:

وفي شي مهم برضو سويته وساعدني كثير انصحك تسوينه .. لما رحت للمدرسة بـ اختبر كلمت الدكتور المكلف من الجامعه في نفس المدرسة وشرحت له الوضع لان كنت خايف اتأخر عن مادة او يصير مشاكل من المراقب قالي تعال ورني وين موادك في الجدول وقالي اي وحده اسهل لك قلت له واخترت اختبر الماده الي ابي وقلت انا اتمنى تجيبون لي كل المادتين مع بعض وبنفس الوقت عشان ماتضيع المعلومات مني لان جد جد جد مواد صعبة مره وموقف بايخ :sm1: قالي لا ماينفع كذا تختبر مادة بعدين تروح القاعه الثانيه وتختبر المادة الثانيه(طبعاً من حظي الحلو ان كل مادة في قاعه:007:) بس الحمدلله الله يجزاه خير الدكتور ارسل لي مدير المدرسة اول مادخلت القاعه وطمني وقالي بنجيب لك المادة الثانيه الحين وفعلا ماجلست ربع ساعه او اقل الا المادتين معي :d5:




طبعاً انا انصحك تسوين مثلي اللي هو تطلبين المادتين سوا وتضللين الاجابات بورقة الاسئلة وتخلين ورقة الاجوبه آخر شي عشان ماتضيع المعلومات ( طبعاً بكل المادتين تسوين كذا ) ماراح تاخذ منك ساعه وبعد ماتسوين كذا تبدين تحلين بورقة الاجوبة




مع ان المراقب الي عندي كان صراحه نذل وكان يقولي "لاتلطعني" يعني لا تتأخر علي وتأخرني معك وخلص بسرعه :41jg:




بالنهاية اعتذر عن كثرت الكلام ولا ودي اخوفك والله لان كان جداً شي متعب ومقرف خصوصاً ان موادي صعبة مره وبلعت الملخصات والمناهج بلع !! من كثر ماذاكرتهم طبعاً في الاخير هي على الدكتور والمنهج .. فـ شدي حيلك فيهم والله يوفقك ويسهلها عليك