تسجيل الدخول

مشاهدة النسخة كاملة : استفسار عام من مستوى 2 إلى مستوى 3 مساعدتكم ياأهل الخير

ام يحيى حسن
2015- 12- 30, 03:58 PM
ان شاء الله الجميع عدى الاختبار بنجاح ..ابي رايكم في مواد هالمستوى واساتذتها. .بالتفصيل خلونا نستفيد وشنو الصعب من المواد وكذلك اللي يدرسوا وطبيعة المنهج وأسئلة الاختبارات..
جزاكم الله خير وفرج الله عنكم كل ضيق اللي يرد علينآ وينصحنا
student3
2015- 12- 30, 05:55 PM
المواد متفاوتة في الصعوبة والسهولى بالنسبة للمواد العامة سهلة ركز على التركيب اللغوي والانشاء والتعبير قد تكون اصعب مادتين
وكله يرجع لك شد حيلك من البداية وبالتوفيق لنا ولكم
طويلبة علم
2015- 12- 30, 11:28 PM
فعلا اصعب مادتين التركيب والانشاء بالاضافه الي القراءات يبالها تركيز
ام يحيى حسن
2015- 12- 31, 06:17 AM
يعطيكم العافيه بس ماوضحتوا شي عن الأساتذة وكيف أسئلتهم. .
salwa_almalki
2015- 12- 31, 07:46 AM
بالنسبه لي الأساتذة رائعين والاختبارات جميله للأشخاص اللي تعبو على أنفسهم وذاكرو صح كان مستوى رائع الحمدلله


انتي بس شدي حيلك من البدايه وتابعي المحاضرات وابد بإذن الله اختباراتك كلها a+
ومعلوماتك بتكون عاليه راح تتعلمي أشياء جديده وفعلا راح تستفيدي




بالتوفيق للجميع ��
فنعوسه
2015- 12- 31, 04:06 PM
الي بياخذ منكم مادة مدخل الى اللغويات من مستوى رابع مثل الغالبيه منا
احب اقول انها مادة الموسم تفك الراس ههههه
دسسسسسسمه ويبغالها تركيييييز وقبل بشهر تذاكرها حبه حبه


انصحكم تاخذونها من الحين عشان تخففون على نفسكم شوي برابع لان مواده اغلبها دسسمه وكل ما طلعتوا مستوى زاد الحمل
لكن المجتهد والي يذاكر بيعديها ان شاء الله


التركيب اللغوي توقعنا بيجيب اسئلة الاعوام لكن غيرها وحط جديد وهذا الي خلانا نزفت شوي لكن مقبوله اسئلته
خولة سيف
2015- 12- 31, 05:29 PM
والله تبغي من الاخر مافيه ولا مادة سهلة هذا الترم عشان كذه من بدري شدي حيلك . و بالتوفيق للجميع
✶ جُمان ✶
2015- 12- 31, 06:08 PM
الي بياخذ منكم مادة مدخل الى اللغويات من مستوى رابع مثل الغالبيه منا
احب اقول انها مادة الموسم تفك الراس ههههه
دسسسسسسمه ويبغالها تركيييييز وقبل بشهر تذاكرها حبه حبه


انصحكم تاخذونها من الحين عشان تخففون على نفسكم شوي برابع لان مواده اغلبها دسسمه وكل ما طلعتوا مستوى زاد الحمل
لكن المجتهد والي يذاكر بيعديها ان شاء الله


التركيب اللغوي توقعنا بيجيب اسئلة الاعوام لكن غيرها وحط جديد وهذا الي خلانا نزفت شوي لكن مقبوله اسئلته


مدخل إلى اللغويات دسمه

بس مو صعبة
نيف1
2016- 1- 1, 02:23 PM
ركزو على الاستماع والاستيعابوالانشاء والتعبير
والتركيب اللغوي
والقراءه والكتابه
يعني بالعربي مواد التخصص لأن فيها شوي تعب لطول المنهج بالاخص الاستماع


واكيد زي ماقالو الاوان اللي بيذاكر مافيه صعب بس بشرط يكون بوقت كافي ليسعفك الوقت بالبحث عن شروحات افضل واسهل اذا مافهمتم من المحاضرات والملزمات
Moon Ali
2016- 1- 3, 05:59 PM
الله يعينا دخلنا الحين في التخصص صح
همس الروح 2015
2016- 1- 4, 11:29 AM
الله يوفقك ان شاء الله بالنسبة لي ما في شي صعب
طالما طموحي فوق التصورات ما في شي يحطمني
خلي ببالك هذالامر

بالنسبة لمستوى ثالث جدا ممتع اذا انت تابعتي اول
باول المحاضرات وحاولتي تترجميها راح تلاقينها سهلة
جدا والناس عقلياتها مختلفة قد تلاقي اللي عندي صعب
عندك اسهل من السهل فعشان كذا انتبهي لشرح الدكاترة
وراح تنجحين وبتفوق


الاستماع والاستعاب تحتاج منك استماع لدكتور وطريقة نطقه
بالانجليزية

التركيب اللغوي ..يحتاج منك تفهمين القواعد

الانترنت والاتصالات ...اذا عندك خلفية بالنت والكمبيوتر امورك طيبة باذن الله

الاخلاق الاسلامية جميلة المادة يبيلها اشوية تركيز مع حفظ

الانشاء والتعبير المادة سهلة اذا ركزتي بشرح الدكتور
Om Saud
2016- 1- 4, 02:44 PM
يعطيك العافيه همس الروح

كلامك يعطي الكثير من التفائل :)
Faleh Alanzi
2016- 1- 4, 06:45 PM
السلام عليكم ورحمة الله وبركاته


اسعد الله مساكم جميعا يالربع المواد كله سهله لكن تحتاج شوي اجتهاد من (البداية) يعني
لا يتراكمو عليك الى نهاية الترم وبالنسبه للانجلش نصيحه مني لكم اللي يبي يتعلم جد انجلش
ويطور من نفسه يهتم جد في مواد اللغه ويتابع اول باول مع الدكاتره ويحاول يحفظ كلمات قد ما يقدر
اقل الايمان 7 الى 10 كلمات متعلقه بالمواد اسبوعيا تحفظ وتراجع من فتره لفتره واتمنى لي ولكم التوفيق


تحياتي
فالح العنزي
Om Saud
2016- 1- 6, 09:34 AM
يعطيكم العافيه :)
ام يحيى حسن
2016- 1- 7, 10:47 AM
يعطيكم الف عافيه ومشكور ين ماقصرتوا..اللغه بشكل عام تحتاج جهد وتركيز ..خصوصًا للي ماعنده خلفيه ..انا بالنسبه لي حذفت مادة التركيب اللغوي عشان عندي 3 مواد من المستويين 1و2 وبعد ما ابي اتلخبط مثل ماقلتوا مواد التخصص دسمه ويحتاج لها تركيز..ياليت بس يفكروا في طريقه تساعد على تعليم اللغه بشكل أفضل لأن صراحه هالطريقه ماتكفي ولاتوفي في اكتساب اللغه
ع العموم الله المعين ..
لكم مني جزيل الشكر والامتنان :rose::rose:
Asor_1409
2016- 1- 14, 06:18 AM
هالترم يبيله مذاكره اول باول خصوصا الانشاء والتعبير والتركيب اللغوي وقراءات الانشاء هالترم كرر من اسئلة الاعوام لاكن ممكن مايكرر ع حظكم
اذا بتاخذي مدخل الى اللغويات شششدي حيلك الماده ابد مو سهله واسئلته دقيقه ويركز على التعاريف ولا يكرر ابد
الانترنت واخلاق مواد سهله حففظ
الاستماع ماده جدا ممتعه ومذاكرتها سهله ودكتورها ممتاز







وبالتوفيق
nuha ash
2016- 1- 15, 01:03 AM
أنا أشوفه مستوى سهل ما في مادة نقدر نسميها صعبة
إلا إذا أخذت اللغويات من رابع


بس ثالث مافيه مواد صعبة إجمالا
في مواد حايسة زي الإنشاء والتعبير بس مافي صعوبة

أسهل المواد الاستماع والقراءات والمطالعات والأخلاق والأنترنت
التركيب مش صعب بس أسئلة الاختبار يكون مستواها موتفع شوي على الطلاب


موفق
نيف1
2016- 1- 16, 06:38 PM
الله الله بالمذاكره بدري
rewaya1405
2016- 2- 7, 09:19 PM
مافي شيء اسمه سهل ومافي شيء اسمه صعب لاتفكرون بهالكلمتين لانه لو قلنا سهل الاغلب بيقول خلاص قرب الاختبار يمدي ولو قلنا صعب راح تتعبون وتتوترون وماراح تركزون
نصيحةةة
متابعة المحاضرات من بدري لانه بيسهل عليكم الفهم وكيف تذاكرون قرب الاختبار بيكون كل شيئ واضح صح تعب وبيأخذ وقت بس يمديكم من اللحين تنظمون لكم جدول للمتابعة والمذاكرة
بصرااااحة هالترررم تعبت كثييررر ممكن لاني مااخذة الاحصاء مع مواد التخصص واخذت مني وقت طوويل