التسجيل للسنه القادمه 1431\1432هـ.....<مساعده>

[دنفش]

السلام عليكم ورحمة الله وبركاته...

شلونكم يا اهل الحفر ..:)

حسب ما علمت من الموقع الرسمي لجامعى الملك فيصل بان التسجيل للعام الدراسي القادم 1431\1432 باذن الله سيكون في يوم السبت 8\6\1431 هـ

وانا من الطالبات اللي باذن الله من المستجدات ... فكيف اسجل لاني دورت في الموقع مالقيت مكان (نموذج) لتعبئة البيانات للتسجيل؟؟!

شلون طريقة التسجيل في الموقع الله يجزاكم خير ... ابي اتعلم الطريقه خطوه بخطوه..

فضلا لا امرا عليكم تساعدوني << ما تبي تضيع هالسنه عليها بعد ...:Cry111:

ويعطيكم العافيه مقدما"" وكل الشكر ...

[شوفلك حل بغيابك]

دنفش يا الغاليه السلام عليكم ورحمة الله وبركاتة
طبعا حكم خبرتي بالتسجيل وسجلت اكثر من بنت مو وحدة وثنتين ولا عشرة المهم التسجيل يكون عن طريق الموقع نظام البانر مو نموذج ولا شي ودامني تاكدت من وقت التسجيل ابشري بسعدج يا الغاليه ماراح يطوفج التسجيل وان شاء الله بكون معاج خطوه بخطوه لين الله يوفقج وتنقبلين وان شاء الله بوقف معاج وما راح اخليج الا اونتي مقبولة بعد شتامرين فيه بوقت التسجيل انا اكون متواجد اغلب وقتي على الكمبيوتر لاجل مايطوف العالم التسجيل وان شاء الله ببلغج وقتها يا الغاليه لاتحاتين ولاتشيلين هم ازهليها باذن الله اعتمدي على الله ثم علي الا عاد اذا انتي تبين تعلمين من عيوني انا اعلمج اطلبي وتدللي


دمتي بود


اخــوكــم لــلابــد : شــوفــلك حــل بــغــيــابــك

[جنة000]

ونا ونا ونا بعد ابي اسجل :bawling: مأعرف أبيك تسجلني :sdfgdsf:

[دنفش]

بسم الله الرحمن الرحيم

الاخ .. شوفلك حل بغيابك...

لا عدمناك وعساك عالقوه ... لا خلا ولا عدم .... الله يعطيك العافيه وشكرا جزيلا على اهتمامك...

بصراحه بردت قلبي وريحت بالي الله يريحك ويوفقك ويحقق لك اللي في بالك .. انامل لا تمسها النار ان شاء الله...

ما عليك امر انا حابه اني اتعلم اذا ما عليك كلافه....:) وعندك وقت تعلمني...!

لان احتمال ما اتواصل معك حزة التسجيل لاي ظرف كان.....

لا خلا ولا عدم ان شاء الله .. انتظر ردك ...

تحيتي

[بيسو14]

طيب سؤااال يسدح نفسه
وحده من خوياتي سجلت بداية السنه وقبلوها باالاحساء
وسحبت لانها ماتبي الاحساء ويوم جت تسجل مره ثانيه قال ان السجل المدني مستخدم وهي ناسيه الرمز :no2:يعني ماتقدر تلغي التسجيل الاول <<<<الزبده وش الحل لانها تبي تسجل السنه هاذي تكفووووون وانا ابيها معي ماتعودت على شي بدونها هي وخشتها:011:

[شوفلك حل بغيابك]

جنة000 من عيوني يا الغاليه ابد من يجي التسجيل باذن الله ابلغج ومايكون خاطرج الا طيب تامرين امر

دنفش تامرين امر يا الغاليه بس انا حزاتي غير عن حزاتج هذا اول شي ثاني شي تراه سهل والله حده وان شاء الله بقولج كيف تستخدمينه تستاهلين كل خير


بيسو14 يا الغاليه خليها تراجع كليتها اللي بالاحساء قبل لايطوفها التسجيل اللي بيجي خليها تلاحق نفسها تراجع كليتها او تطلب نقل للحفر وشوف شنو يقولون لها لانها مسجله يقولون لها السجل المدني مستخدم من قبل فعشان كذا تروح للكلية ابرك وافيد ولاتضيع الوقت عليها


دمتم بود


اخــوكــم لــلابــد : شــوفــلك حــل بــغــيــابــك

[ذيب البراري]

للتوضيح التسجيل سيكون ان شاء الله بشهر 8 وليس ب9/6
وارجاء من الاخوه التاكد من التواريخ والشروط قبل الكتابه بالمنتدى لكي لايكون هناك تظليل لمن يبحث عن المعلومه

[lovetoto]

صدقت ياذيب انا لسة دقيت على موبايل دمصلح وقال لي ان التسجيل بشهر 8

[بيسو14]

مشكوورر اخ ذيب ومشكووره يابغيابي
طيب هي طلع قبولها لاكن ماراحت ولاارسلت وثائقها كيف تحول

[الالالالال]

:sdfgdsf:السلام عليكم
انا زوجتي طالبه في كلية التربيه بعسير وانا اعمل في حفر الباطن وابي انقلها عندي لاني اعمل هنا وانتمى منك افادتي بهذا الشي اللي ابي اعرفه
*من وين طريقة التقديم
*متى التقديم
*النسبه المطلوبه
*

اكون لكم شاكرا واللي يعرف اي شي بالله عليه انه يوصل لي هذا الشي لو بند واحد عادي لاني والله مو عارف كيف اسوي وكمان كل واحد يجيب لي سالفه وعاد انا تحيرت واتمنى لكم التوفيق واتمنى الرد على الايميل هذا لاني والله ما ادخل على النت الا قليل والله العظيم القصد شريف بس ابي الفايده وبس تحياتي للي في المنتدى وللجميع

*
rimey_2008@hotmail.com
رامي .......م

[بيسو14]

طيب هي اذا سجلت يقول السجل المدني مستخدم يعني مايقبلون التسجيل ..؟

ع العموم مشكورين ع التفاعل وماتقصرون

[دنفش]

السلام عليكم..

الف تحيه لك لمساعدتك المقدمه... واتمنى تتواصل معاي على الايميل 7erman@live.com

وبالنسبه لاخوي ذيب مشكوووور انا اتمنى انها تكون في شهر 8 ... بس للاسف التاريخ اللي حطيته هو اللي قريته مثل ما راح تشوف بالرابط...

http://www.kfu.edu.sa/ar/Deans/AdmissionRecordsDeanship/Lists/kfuAnnouncements/DispForm.aspx?ID=19

كل الشكر لحرصك انا استفدت منك واااااايد قبل .. تسلم على الاهتمام... واتمنى توضح لي اذا كنت فاهمه الرابط غلط ..

وعطرت موضوعي بمرورك

[ذيب البراري]

اختنا العزيزه دفنش بالنسبه لما يحويه الرابط من معلومات تسجيل هذا خاص بتسجيل المقررات للفصل الاول للعام 31/32 القادم للطالبات المواصلات بالدراسة وليس للتسجيل والقبول بالجامعة للعام القادم
و كل شخص يحدث عنده لبس او اشتباه في بعض الاحيان وبالمقابل يوجد من يصحح ذلك اللبس والاشتباه
ونحسبك ان شاء الله مجتهده

[دنفش]

الف شكر اخي الذيب للتوضيح...

افادك الله بما علمت وعلمك بما ينفعك اخي العزيز.....

يعني الحين التسجيل للمستجدين راح يكون في شهر 8 ..؟؟؟؟:g2:

تحيتي لك اخي العزيز..:d5:

[ما تهاب]

بسم الله الرحمن الرحيم

السلام عليكم ورحمة الله وبركاته

بالنسبه لتسجيل راح يكون بشهر 8 باذن الله كما قال الاخ ذيب

وباذن الله راح نكون يد واحده ونتعاون معكم اذا ساعدتني الظروف سواء هنا او في منتدى حفر الباطن

وننقل مشاكلكم اول باول للمسؤولين ونحلها قبل نهاية فترة التسجيل باذن الله

لان لن يكون هناك تساهل كما كان في العام الماضي

ونصيحه لا تثقوا باي شخص في التسجيل

والاخ ذيب احسبه والله حسيبه خير معين لكن

وبالنسبه للايميلات فلا اعتقد انكم بحاجه الى كتابتها سؤاء الاخ من عسير او الاخت

وارجو من الاخوات الحرص كل الحرص وان لا تعطي ايميلها الشخصي لاين كان

وللاسف في قسم كليات الحفر الوحيد الذي اجدد اعضاء غير اكادميين واتعجب من تواجدهم هنا

[سنين عمري]

جزاكم الله خير الجزاء ع جهودكم,,
عندي سؤال انا متخرجه صار لي 3 سنوات
العام الكورس الثاني سحبت ملفي كنت إنتساب
ونسبتي 83..


بعرف هل يقبلوني ؟؟
ومن كم نسبة الدخول؟؟ صحيح من80
,,

[وي وي]

اقول الحين ذاكرن وشدن حيلكن واذنجحتن ولالا بعد اذا جبتن نسبه عاليه لان مايقبلون غير ممتاز وبالتوفيق :119::119:

[شوفلك حل بغيابك]

دنفش الغاليه السلام عليكم ورحمة الله وبركاته

راح يبدأ التسجيل السبت بجامعة الملك فيصل كلية التربية بحفرالباطن ودخلت والله للتوضيح للكل والله يوفق الجميع ولايطوفك التسجيل واي بنت ماتعرف تسجل او سبحان الله في كذا حالة صارت العام لخبطو بالتسجيل واجد اللي لغو وردو سجلو من جديد فانا مابي احد يلعب بالتسجيل ويلخبط عليكم التسجيل فاللي ماتعرف ابد انا حاضر ترسل رساله خاصه على المنتدى انا اليوم ان شاء الله اشبك بالليل وابد حاضر باللي تامرون فيه .

دمــتــم بــود

اخــوكــم لــلابــد : شــوفــلك حــل بــغــيــابــكــ

[Dantil]

دنفش الغاليه السلام عليكم ورحمة الله وبركاته

راح يبدأ التسجيل السبت بجامعة الملك فيصل كلية التربية بحفرالباطن ودخلت والله للتوضيح للكل والله يوفق الجميع ولايطوفك التسجيل واي بنت ماتعرف تسجل او سبحان الله في كذا حالة صارت العام لخبطو بالتسجيل واجد اللي لغو وردو سجلو من جديد فانا مابي احد يلعب بالتسجيل ويلخبط عليكم التسجيل فاللي ماتعرف ابد انا حاضر ترسل رساله خاصه على المنتدى انا اليوم ان شاء الله اشبك بالليل وابد حاضر باللي تامرون فيه .

دمــتــم بــود

اخــوكــم لــلابــد : شــوفــلك حــل بــغــيــابــكــ

احنا جامعة الدمام مو فيصل !

[حلا الشرقيه]

انا خريجه وخفت مثلكم بس تأكدت انا احنا تبع الدمام مو فيصل وتسجيلنا من 7/8 الى 9/8
على هالرابط http://ud.edu.sa/kabool (http://ud.edu.sa/kabool)

[رنيماا]

شكرا للجميع على التعاون ولله فيها شباب يبشرون بالخير في الزمن الحاضر اذ اردت شي القاكم في الخدمهشـكــ وبارك الله فيك ـــرا لك ... لك مني أجمل تحية .