البطاقه الجامعيه

[تااالين]

السلام عليكم



نسلم البطاقات اليوم ولا تبقى معانا ؟؟

[rana.a]

اذا بغوها بيطلبونها اليوم

[Majed_The_Gr8]

التسليم للامن الصناعي ايام الاسبوع من 8 - 3 العصر

[zozi]

مو المفروض التسليم يكون بعد ما ناخذ الوثيقه ؟

[الحيمود]

اليوم سألتهم في القاعة و قالو ان التسليم يتم في المبني رقم 40 بالجامعة ايام الاسبوع خلال ساعات العمل الرسمية

[وردة الوفــاء]

انا سألتهم قالو نسلمهم لمبنى 300 اوقات الدوام الرسمي

[تااالين]

يعطيكم العافيه جميعاا

[اوجاع]

تخيلو اروح مشوار للجامعه عشان اودي بطاقه ليه :) بالنهايه مافيها شي غير صورتي واسمي
ماني موديتها ��

[الثنيان7]

ماله داعي بالاخير هي بطاقه

[Live is Hope]

انا بصراحه راح احتفظ فيها لاجمل ذكرى

[ثرثارة]

تسليم البطاقة مهمه جدالن يتم تسليم وثيقة التخرج قبل مايتم تسليم البطاقة
هذا حسب ماجأني بالايميل من قبل الشوؤن الاكاديمية

[m@hadadi]

أولا الف مبروووك التخرج
ثانيا مابقى إلا مشكلة البطاقة الله يعين عليها
وانا اليوم تكلمت معهم بخصوص البطاقة وقلت اني راح اباشر عملي يوم الاحد في الرياض ومو معقول اجي مشوار
من الرياض عشان اسلم البطاقة وقلت ليش ما بلغتونا
من بدري عشان نسلمها وقت الدوام واحنا موجودين هنا
لكن قالو شف أي واحد وهو يسوي لك اخلاء طرف ويسلمها لكن مو معقول اتبلى الناس راح اجي واخلص اموري معهم وبكذا يصير خلصنا وتخلصنا

[Sherlock Holmes]

يالله انك تعيننا
المفروض اليوم في الاختبار
يستلمونها و نوقع لهم ونخلص

يحبون الشقى

[ndoooy]

البطاقه غاليه علي أبد ماودي اسلمها ��❤️

[هيفااء]

عن نفسي ابغاها ذكرى عندي مايحتاج أسلمها

[أروى الشهراني]

هل هالشيء ضروري فعلاً لاني بالرياض صعب اسلمها
وش الشيء المترتب عليها واي ايميل ماجاني شيء ؟؟؟

[حنان آل حيان]

مفروض يكون في اجراء وموعد ومكان محدد مو كذا عشوائي الموضوع ننتظر منهم تعليمات واضحه للجميع وتكون عامه وواضحه

[swer]

تسليم البطاقه مهم ، اهو مو تسليم فقط
اهو اخلاء طرف من الجامعه ، وفيه نسلم البطاقه

البنات في مبنى 300 من الصباح للظهر وسط الاسبوع ، ضروري تروحون تسوون
عشان بدون اخلاء الطرف ماتكتمل اجرائات التخرج

على فكره سالتها وين مبنى 300 قالت لي عند كلية الطب اللي جنب مبنى جامعتنا

[وسنّ]

لو تسليمها مهم كان تكلمو بهالموضوع بيرسلون الوثائق بالبريد وخلصنا دام ماقالو شي يعني مو مهم

[moonee]

اصلا مفروض ما تسلمونها الا لما تطلع النتايج بعدين تسوون اخلاء طرف عشان وثيقة التخرج

[beesh yousef]

اللي طلبو ان الوثيقه تجيهم عبر البريد كان مكتوب ان من الشروط ان تتسلم البطاقة الجامعية للجامعة و لا ما راح تنرسل الوثيقه عالبريد ..
و الي تقول بخليها ذكرى صوريها و خلي الصوره ذكرى :p
البنات بمبنى ٣٠٠ ايام الاسبوع بكلية الطب ..

[الضاد]

لازم نسلمها هالاسبوع !!

[swer]

التسليم بعد النتائج ، مايصير نسلم ونسوي اخلاء طرف قبل نتاكد اننا ناجحين

هذي الرساله وصلتني اليوم :

نفيدكم بأن البدء في إجراءات التخرج يتم بعد إعلان نتائج الفصل الدراسي الحالي.
كما يرجى الدخول إلى بوابة التعلم عن بعد -أيقونة الخريجين
والاطلاع على قائمة مراكز البريد المعتمدة المراد استلام وثيقة التخرج منها .
جامعة الدمام
عمادة التعليم الإلكتروني والتعلم عن بعد
El.support@uod.edu.sa


الي يقولون مانبي نسلم بطايقنا
تذكروا انكم وافقتوا عالتسليم لما اخترتوا مكان البريد اللي تجي منه الوثائق :biggrin: