اعتذر للجميع

[جنوبي في تبوك]

السلام عليكم ورحمة الله وبركاته صباح الخير اعتذر لكل من ازعجه ردي في اي وقت مضى يعلم الله ماأحب أحد يشيل علي ولا تكون بيني وبين أحد عداوه والحمد لله مااحس قليت أدبي على أحد بس يمكن ازعجت أحد بردي انا مسامح الكل مافي نفسي شيء على أحد ماني بمثالي ولا مدري ايش انا عبد ضعيف
اتمنى من الله المغفره والسماح عندي سؤال مهم هل يجوز هالرسايل اللي نرسلها بينا الجنسين اخاف اننا مأثومين اللي يفتح موضوع وهذا يرد على هذا ومدري ايش قلبناها لبسطه الله يغفر لنا آسف عالاطاله والله من وراء القصد

[Inter Milan]

والله اني مادري وش السالفة بس مسامحك :(61)::106:

[جنوبي في تبوك]

هههههههههههههه البارح في أخذ ورد عشان سالفه النتايج وفي ناس خرجت عن الأدب وخفنا انا ازعجنا أحد برد أو شيء موفق يارب الله يجمعنا في جنه الفردوس الأعلى على سرر متقابلين آمين ياارحم الراحمين

[عبـدـآلـلـه]

معذور ي الأمير الدعوى مزوح أنت كاسب أجر في كلا الحالتين أملت الناس بالخير وفرحتهم ومن سبك أخذت حسناتة

[AbAdY.KSA]

الله يسامح الجميع

موضوع ماله داعي بالقسم

[الرجل الابيض]

يعجبني تأنيب الضمير . هههههههههههه حلوه مقولة الرسائل بين الجنسين

[جنوبي في تبوك]

شكرا بس ايش القسم اللي يناسبه دام انه موضوع في حدود الأدب اتوقع مافي مشكله ودام ماعجبك الموضوع مالا داعي تدخل وترد اسف اذا ازعجك ردي مو مجبور تدخل وترد

[جنوبي في تبوك]

مهما كانت ذنوبنا فنحن
لا نعلم بعد رحمَة الله مَا الذي سيُدخلنا
الجَنة ؛ أهِي ركعة ، أو صَدقة ، أو سُقيا
ماء ، أو حاجة مسلم قضيناها أو دعَوة
أو ذكر ، فَ اعمل وَ لا تستصغر ...

[salman1]

هههههههههههههه البارح في أخذ ورد عشان سالفه النتايج وفي ناس خرجت عن الأدب وخفنا انا ازعجنا أحد برد أو شيء موفق يارب الله يجمعنا في جنه الفردوس الأعلى على سرر متقابلين آمين ياارحم الراحمين

عفواً أخوي انا ماجيت اعدل أو أصحح وجهة نظر أحد أو كلامه

أنت كاتب موضوع تعتذر منهم وفي نفس الوقت تسيئ لهم

يـــ أما قابل السيئه بالحسنه أو رد عليهم بنفس الاساءة أو تجنب الرد ع الموضوع

لانك الان فتحت موضوع ثاني وكل الي هناك بيجونك ويصير زي ماصار في موضوع النتائج

ناقضت نفسك بنفسك في موضوعك الي انت كاتبه :(204):

وجهة نظري وأرجو ان تتقبلها بصدر رحب :(204):

[جنوبي في تبوك]

يعلم الله لم اقصد الاساءه لأحد بس وضحت للأخ اللي قال مو فاهم السالفه موفق

[NAMEG]

الاعتذار من شيم الرجال

[مـ غ ـترب فـيـ عـذابـكـ]

عفواً أخوي انا ماجيت اعدل أو أصحح وجهة نظر أحد أو كلامه



أنت كاتب موضوع تعتذر منهم وفي نفس الوقت تسيئ لهم



يـــ أما قابل السيئه بالحسنه أو رد عليهم بنفس الاساءة أو تجنب الرد ع الموضوع



لانك الان فتحت موضوع ثاني وكل الي هناك بيجونك ويصير زي ماصار في موضوع النتائج



ناقضت نفسك بنفسك في موضوعك الي انت كاتبه :(204):



وجهة نظري وأرجو ان تتقبلها بصدر رحب :(204):





1+



انت قصدك موضوع النتايج او موضوع البنات



http://www.ckfu.org/vb/t724724-2.html



ع كل حال مرات الاعتذار من شيم الكبار



ومرات الاعتذار لجلب الانظار



لله يعطيك ع قد نيتك

[مهاوي 1403]

لا تعذرماغلطت
وعذرك مقبول
أفضل من الي يلعبون باعصابنا ولا يعتذرون

[محمد الحمدان]

جزاك الله خير على طلب التسامح ..بس حكاية الرسايل بين الجنسين مدري وش مناسبة هذا الكلام وانتبه من بعض التشدد اللي ماله داعي

[Mark Twain]

صلوا على النبي

وكل واحد يصلح كيبورده

[aiman502]

مسامح يا جنوبي في تبوك
وما عليك من اي ردود جانبيه امشي على خطى الاخلاق الحميده ودع القافلة تسير وال تنبح

وموفق خير

[خالد السعد]

اللي يخطي يستاهل مايجيه ..

ع العموم روح الله يسامحك ..

[ابو الكادي]

جنوبي تبوك خلهم عنك واطلب السماح والباقي على الله وطول بالك على الاعضاء ترى الايام هذي النفسية قافله

[تاج راسي امي]

و الله فيه ناس ما تستحي الرجل اعتذر و انا شفت كم تعليق له ماكان فيها قلة ادب و لا تعدى على احد

عذراً ياخوي الملتقئ فيه جميع الاصناف ولك إن تختار من تتحدث معه فترفع عنهم يرفعك الله من الجهل

[GuY]

الله يسامح هالجامعة ... كل اللي قاعد يصير بين كل اخ واخوه وكل اخت واختها سببه تأخرها عن اظهار النتائج .. ولو انها ظهرت كان خففت من تجمعات خلق الله ودخول الشيطان بينهم ... تذكروا يا اخوان كلنا مسلمين واخوه قبل كل شي .. ولا تحاول تطيع الشيطان في اخوك المسلم مهما بدر منه وقابل السيئه بالحسنه والله يوفق الجميع

[سارة ع]

الله يسامحك ويسامح الجميع

[المحترمه]

وعليكم السلام ورحمة الله وبركاته

الموضوع لا يحتاج للإعتذار وإن كان من شيم الرجال
والجميع أخوه إن شاءالله والقلوب صافيه ... أما الرسائل
بين الجنسين فـ هي ممنوعه هنا في الملتقى

تقديري للجميع

[المحترمه]

تم نقل الموضوع من قسم ملتقى طلاب التعليم عن بعد جامعة الملك فيصل (http://www.ckfu.org/forumdisplay.php?f=183).

الرد آلي للعلم

[محمد الحمدان]

يبدو ان الموضوع منقول من قسم اخر كان فيه شد وجذب ..استنتاج فقط