تسجيل الدخول

مشاهدة النسخة كاملة : الوظائف الحكوميه لمن هم على راس العمل وللمتقاعدين

ابو رعد1
2016- 1- 3, 03:14 AM
بسم لله الرحمن الرحيم

السلام عليكم ورحمة الله وبركاته

فيه موضوع مهم بخصوص الوظائف الحكوميه والتقديم عليها وصراحه حبا للخير نزلت هالموضوع لاني ادري

كثير من العسكريين لايعلم عنه ...وهو مايسمى بالتبادل الوظيفي بين العسكري والمدني

هالموضوع ماجبته من راسي ..وتاكدت شخصيا منه

ببدا لكم بالعسكريين اللي على راس العمل

اولا شي عادي تقدم ببرنامج جداره حتى لو معك الثانويه العامه..

لاحد يضحك عليك ويقول سجل مدني وانت عسكري ماله اي علاقه جداره لاتقول بيكفشوني ترى شي عادي

تقدم نزل ترشيحك على حسب مؤهلك براحتك تبي ولا طنش ..اذا تبي الوظيفه تروح للخدمه المدنيه وتاخذ قرارك معك اسبوعين للمباشره ضبط وضعك بعدها داوم بوظيفتك الجديده لاتقول مايمديني اخلص من العسكريه

باشر لو يوم وفهمهم انك تبي تخلي طرف مالهم اي علاقه خذ قرارك وعلى مرجعك وقل ابرفع فصل

بخصوص المتقاعدين ويستلم تقاعد يقدم عادي بعد مايترشح على وظيفه ياخذ قراره وعلى مؤسسة التقاعد

يوقف تقاعده ويستلم وظيفته ويضم خدمته طبعا فيه شرط

وهو ان يكون راتب الوظيفه الجديده اعلى لو ب 5 ريال عن راتبه التقاعدي

للمعلوميه بجداره كل 6 شهور ينزل مالا يقل عن 35000 وظيفه

من الكفاءه الى الدكتوراه

الموضوع مهم وكثير جدا وخاصه من العسكريين مايعرف عن هالموضوع..





منقول (http://www.ksa-employers.com/showthread.php?t=238062)
نوفييي
2016- 1- 3, 03:23 AM
جداره للجامعيين والكليات المتوسطه اقل شي دبلوم سنتين من جهه معتمده اما الثانويه والكفاءه في ساعد ووظايف ساعد هي اللي على بند الاجور واغلبها سائق ومراسل ومراسله وكذا
E I S S A
2016- 1- 3, 03:30 AM
الله يعطيك العافية على المعلومات القيمة
فكثير منا يجهلها ... تقديري وتقييمي لك
جنوبي في تبوك
2016- 1- 3, 06:52 AM
انت متأكد من كلامك ياابو رعد
محمد الحمدان
2016- 1- 3, 07:54 AM
ياليت يكون صحيح
بلاك بييري
2016- 1- 3, 09:26 AM
بس اللي انا اعرفه ياخوي اذا كان الموظف حكومي وتوظف بوظيفة اخرى حكوميه شرط من 6 اشهر من تاريخ الاستقاله يحق له الوظيفة الجديده اذا مامرت عليك المعلومه تاكد من الخدمه المدنية .
ماجد ولد سعيد
2016- 1- 3, 12:13 PM
يلزم الاطلاع على اللائحة حتى يكون كلامك مسنود .. وبصراحة قرأت موضوعك أكثر من مره ولم أفهم..!!

هل المقصود الذين هم على رأس العمل أم المتقاعدين أو العسكرين فقط ..؟؟
иαšeя αłωαđαич
2016- 1- 3, 12:42 PM
الله يوفقك ابو رعد ويجزاك ربي خير الجزاء ،،، فعلا موضوع قد يجهله الكثير وهو مهم ،،
جنوبي في تبوك
2016- 1- 3, 03:27 PM
المشكله معجب ولا ترد ربي يسعدك
ابو رعد1
2016- 1- 3, 03:29 PM
يا اخوان الموضوع منقول (http://www.ksa-employers.com/showthread.php?t=238062) ومكتوب تحت الموضوع منقول ونقلته لكم هنا للفائدة والمناقشة الله يسعدكم
اللي يبي يشوف من وين نقلتة يضغط كلمة منقول في نفس الموضوع
منتسبه 2013
2016- 1- 3, 03:46 PM
يديك العافيه شكرا عالنقل
الطالب المملوح
2016- 1- 3, 05:36 PM
لهدرجة العسكرية ماهي زينه ؟
أبو حور
2016- 1- 3, 07:33 PM
لهدرجة العسكرية ماهي زينه ؟

العسكرية على نظام خدمة الافراد تقتل الطموح


اقصى ما يمكن توصله رئيس رقباء وبعد كذا توقف وسن التقاعد 52 سنة لازال فيك نشاط والراتب التقاعدي لا يتجاوز 10 الاف ريال وبالتاكيد عندك كومة اطفال واذا ماعندك بيت ومستأجر بتزيد مصاريفك


اي وظيفة اخرى سن التقاعد فيها لا يقل عن 60 سنة وراتب التقاعد عالي ويكون المجال امامك مفتوح للوصول الى درجات عليا من خلال اجتهادك ودراستك


لذلك العسكرية ( نظام خدمة الافراد ) تقتل الطموح و لاتساعدك على الترقي لمناصب عالية
حجاب الوريك
2016- 1- 3, 09:15 PM
عادي
انا عمي قدم بجداره وهو عسكري على راس العمل ونزل اسمه وعطوه مهله 3اسابيع تقريبأ وقدم استقالته وراح وكشف عندالخدمه المدنيه وعطوه قراره وقال رح باشر عملك

بس فيه بعض القطاعات اخلاء الطرف يطول الى 3اشهر
جنوبي في تبوك
2016- 1- 3, 10:42 PM
الله يجزاك خير ابو رعد والجميع يارب
لحن1
2016- 1- 3, 11:42 PM
يارجال خلهم يوظفون العاطلين عن العمل .. اللي مسك وظيفه خلاص ... تزاحمون العاطلين ليه البيوت مليانة من شباب وبنات مالقو شغل ونظام جدارة لهم ...
المحترمه
2016- 1- 4, 03:51 AM
تم نقل الموضوع من قسم ملتقى طلاب التعليم عن بعد جامعة الملك فيصل (http://www.ckfu.org/forumdisplay.php?f=183).

الرد آلي للعلم