موظفي القطاع العسكري الوظائف الحكومية لمن هم على راس الغمل وللمتقاعدين

[Bandar75]

موظفي القطاع العسكري>الوظائف الحكوميه لمن هم على راس العمل وللمتقاعدين

السلام عليكم ورحمة الله وبركاته

فيه موضوع مهم بخصوص الوظائف الحكوميه والتقديم عليها وصراحه حبا للخير نزلت هالموضوع لاني ادري

كثير من العسكريين لايعلم عنه ...وهو مايسمى بالتبادل الوظيفي بين العسكري والمدني

هالموضوع ماجبته من راسي ..وتاكدت شخصيا منه

ببدا لكم بالعسكريين اللي على راس العمل

اولا شي عادي تقدم ببرنامج جداره حتى لو معك الثانويه العامه..

لاحد يضحك عليك ويقول سجل مدني وانت عسكري ماله اي علاقه جداره لاتقول بيكفشوني ترى شي عادي

تقدم نزل ترشيحك على حسب مؤهلك براحتك تبي ولا طنش ..اذا تبي الوظيفه تروح للخدمه المدنيه وتاخذ قرارك معك اسبوعين للمباشره ضبط وضعك بعدها داوم بوظيفتك الجديده لاتقول مايمديني اخلص من العسكريه

باشر لو يوم وفهمهم انك تبي تخلي طرف مالهم اي علاقه خذ قرارك وعلى مرجعك وقل ابرفع فصل

بخصوص المتقاعدين ويستلم تقاعد يقدم عادي بعد مايترشح على وظيفه ياخذ قراره وعلى مؤسسة التقاعد

يوقف تقاعده ويستلم وظيفته ويضم خدمته طبعا فيه شرط

وهو ان يكون راتب الوظيفه الجديده اعلى لو ب 5 ريال عن راتبه التقاعدي

للمعلوميه بجداره كل 6 شهور ينزل مالا يقل عن 35000 وظيفه

من الكفاءه الى الدكتوراه

الموضوع مهم وكثير جدا وخاصه من العسكريين مايعرف عن هالموضوع..

منقوووووول

[محمد الحمدان]

ياليت

[خطوة بخطوة]

جداره لاصحاب الدبلومات والجامعة
ساعد للثانوية العامة والكفاءة والابتدائي لي سنتين ما اعلنوا عن وظائف

[ابو مرشد]

كلامك صحيح

لكن هل يقبل عسكري راتبه عشر الاف بوظيفه مدنية على المرتبه الخامسه براتب خمس الاف ريال

[عيد العذال]

بيض الله وجهك على هالمعلومه والكثير سوف يستفيد من معلومتك

[mansour22]

كلامك صحيح

لكن هل يقبل عسكري راتبه عشر الاف بوظيفه مدنية على المرتبه الخامسه براتب خمس الاف ريال

احد الزملاء كان يتقاضى راتب من الدفاع المدني بحدود ال 12 الف وفصل بعد حصوله على وظيفه بشهادة الانتساب ،
مشكلة القطاعات العسكريه رواتبها ضخمه بالبدلات فمثلا الرقيب يوصل راتبه ببعض القطاعات إلى فوق 17 الف واذا تقاعد يتقاعد على الاساسي لان ال 17 الف كلها بدلات والاساسي اللي عليه الكلام بالتقاعد مايجي 7 الاف..

[ام الرضا انا]

موضوعك حلو لكن فرق الراتب صعبة تخليه ينقل وظيفته
حتى لو كانت كلها بدلات
انا زوجي عسكري ويتقاضى فوق 10,000
احس ماراح اقبل بالعيش اقل من هذا الراتب لان اكيد راح تنقصني اشياء كنت متعوده عليها
وانت عارف متطلبات لعيال والحياه وزمن الغلا كل واحد محتاج لكل ريال

[moghtrb]

الله يسسسعدك ويجزاك خير... بالنسبه ل ام الرضا: الانسانه اللي شاريه زوجها مايهمها راتبه كم ومصاريفه كيف المهم الحياه تمشي معاهم تمام واللي فلتها معاه بأيام الفله تصبر وتتحمل ايام الشح والراتب القليل ولعل فيه بركه ومع الايام راح يتعدل وضعه وتضبط اموره وتفلوها من جديد فسبحان الله دوام الحال من المحال

[سـلـطـان♕]

الموضوع هذا انفتح مرتين وش السالفة خلاص بح مواضيع الوضع ولا كيف :hahahahahah:

[احمد الدمام]

يعني يا ام الرضا لو يشيلون البدلات عنه سحبتي عليه

[s a a d]

أنا عسكري وراتبي 28000 وحاليا بالحد الجنوبي ولم استقر من 15 سنة بسبب المهمات العسكرية طبعا نصف الراتب بدلات 80%
تخصصي علم اجتماع المستوى الثامن إنتظر النتائج فقط واتخرج إن شاء الله. ..

[اخصائي اجتماعي1]

موضوعك حلو لكن فرق الراتب صعبة تخليه ينقل وظيفته
حتى لو كانت كلها بدلات
انا زوجي عسكري ويتقاضى فوق 10,000
احس ماراح اقبل بالعيش اقل من هذا الراتب لان اكيد راح تنقصني اشياء كنت متعوده عليها
وانت عارف متطلبات لعيال والحياه وزمن الغلا كل واحد محتاج لكل ريال
10000!!راتب متواضع الله يعينه ويساعده المفروض تكونين عون له ولاترهقين كاهله بكثرة المصاريف
وتأخذين بعين الاعتبار انه راح يتقاعد وينزل راتبه للنصف
والله رواتبنا بأواخر العشرينات ونتسلف:000:

[المربع]

أعرف ناس رواتبهم 6 و 7 ومدبرين أعمارهم وماشيه معهم زي الحلاوة ,, الموضوع موضوع حسن تدبير وتوفيق من الله قبل كل شي .

[المحترمه]

وعليكم السلام ورحمة الله وبركاته

جزاك الله خير عزيزي على هالإفاده
وراح ينقل الموضوع للمكان المناسب

بالتوفيق

[المحترمه]

تم نقل الموضوع من قسم ملتقى طلاب التعليم عن بعد جامعة الملك فيصل (http://www.ckfu.org/forumdisplay.php?f=183).

الرد آلي للعلم