نقص في درجات المشاركه !!

[أم تالين]

السلام عليكم ..

حبيت استفسر
نقصوني في درجات المشاركه مع ان في الخارطه كان كله تمام
ممكن يكونوا غلطانين؟؟؟
واتواصل مع مين في هالمشكله
هل ممكن يعدلوها ولا بتعب وراهم على الفاضي؟

[bader_995]

1+

[ابوماجد4]

وانا كذلك

[AbAdY.KSA]

السلام عليكم ..

حبيت استفسر
نقصوني في درجات المشاركه مع ان في الخارطه كان كله تمام
ممكن يكونوا غلطانين؟؟؟
واتواصل مع مين في هالمشكله
هل ممكن يعدلوها ولا بتعب وراهم على الفاضي؟

توجد ايقونة تظلم


https://del.kfu.edu.sa/entisab_app/_frontend/images/tazalomat.png

إذا متاحة خاطبيهم عن طريقها


وتابعي وراهم لا تخلين حقك والله يسهل امورك




:106::106:

[الؤلؤه الورديه]

الكﻻ ناقص في درجات المشاركه والله ثم والله كم مره ادخل على المحاضرات واحملها والخارطه كامله
لكن ﻻنقول اﻻ حسبنا الله ونعم الوكيل
ﻻن ماراح تفيدنا تقديم شكوى على اﻻيقونه نفس الرد للجميع المشكله في تحميل المحاضرات حفظنها من كثر تكرارها في كل مستوى
هوالرد جاهز وآلي من قبل السستم .....

[الؤلؤه الورديه]

توجد ايقونة تظلم


https://del.kfu.edu.sa/entisab_app/_frontend/images/tazalomat.png

إذا متاحة خاطبيهم عن طريقها


وتابعي وراهم لا تخلين حقك والله يسهل امورك




:106::106:






لو تتظلم من اليوم الى الغد الى السنه القادمه نفس الرد ..
انا مجربه ...

[فهد ابولارا]

دايم الموقع معلق ودايم نحل الواجبات ونشوف الدرجات قدامنا كامله ونرجع ثاني يوم نلقاها ماهي محلوله قسم بالله حرام الي قاعد يصير انا من عام 1432 ولحد الحين ماتخرجت بسبب الدرجات الفصليه

[Alaa Khaled]

حتى انا نقصوني ما ادري ليش

[خالد بن وليد]

الخارطة قبل تدخل عليها فيه شروط كاتبين من ضمنها انها غير معتمدة نهائياً فيه تدقيق بعدين يشوفون من الي حال صح والمناقشات تكون صحيحة يعني الخارطة مجرد تنبهك اذا فيه شي ناقص عليك .

[المحترمه]

وعليكم السلام ورحمة الله وبركاته

سبق أني نبهت بأن الأيقونه مجرد أيقونه لا أكثر
لا يعتد بها ولا يؤخذ بمضمونها ... وأيضا العماده
سبق أن نوّهت أن العلامه اللي يحصل عليها
الطالب لا يعني أنها مقبوله ... حاليا مافيه إلا
التظلمات وإن شاءالله يتم إنصافكم

بالتوفيق

[Amany Mohd]

حملت مادتين بسبب نقص ١٠ درجات لكل ماده في الاعمال الفصليه
علماً بإني حليت كل المشاركات ونزلت كل المحاضرات عالجهاز وكذلك الواجبات
نقصو ١٠ درجات من الأعمال الفصليه لكل ماده عندي
لييييشششش!!!
المشاركات كتبتها كتابه مانسختها
متأمله انهم يعدلو الخطأ في اليومين الجايه لأن المادتين ماراح اقدر اسجلها مع موادي الحاليه
النظام مايقبل اكثر من ٢٢ ساعه
ابغى اتخرج خلاااصصص طفشت

[أم ليونه]

انا مثلك مع اني بالخارطه كل شي كامل الحمدالله

بس الحين اشوفهم ناقصين بس الحمدالله على كل حال نجحنا وعقبال التخرج

[يالله عونك]

انا طالع عندي الدرجه الكليه يعني المجموع كيف عرفتو كم درجة المشاركه ياليت احد يوضح لي

[Amany Mohd]

اضغطي على الماده نفسها تطلعلك درجات الأعمال الفصليه ودرجة الاختبار

[ابن ينبع]

يا اخوان انا حصلت معايه المشكله هذي في المستوى الاول والثاني وطلعت المشكله من نفس جهاز كان يحتاج فرمته وتحديث
وصلحته والحمد لله من بعدها الامور صارت تمام

[سليمان النزهه]

ياجماعة الخير عجزت اطلع درجات المشاركة
ضغطت على المادة يطلع درجات االاختبار فارغ
الاعمال الفصلية فارغ بستلدرجة النهائية تطلع
شلون اطلعها حذفت التطليق وحملته مرة ثانية ولانفع

[tala94]

وأنا أيضا يوجد لدي ناقص في درجات المشاركة :(113):

[Fahad Al-Ziyadi]

راح ارفع تظلم

[marwa99]

الاخ اللي يقول ماتطلع له الدرجات
جرب بجهاز سامسونج او اي جهاز نظام اندرويد
انا كذا في الايفون ماتطلع درجه المشاركه

[مي الرياض]

انا الحمدلله كل درجاتي الفصليه كامله ..
لكن بوحده من المستويات نقصوني في 3 مواد ورفعت تظلم ..
لكن تظلمي مثل عدمه بعد انتظار اسبوعين قالو الغلط منك والواجبات حالتها غلط على اني متأكده من حلي وكنت اجيب عالواجب الدرجه الكامله لكن كالعاده هم الصح وغيرهم الغلط ..
ارفعي تظلم لكن لا تتأملين كثير ..

[Fahad Al-Ziyadi]

أنا بالايفون تطلع لي درجة المشاركة

[الضبيه]

اذا انتي متأكده من الحل بنفسك
تحميل المحاضرات
والمناقشات بيدك بدون نسخ ولصق
بإذن الله ماراح يضيع تعبك
ارفعي تظلم
الله يوفقك

[majdinii]

فعلا صار لي نفس الشيلكن هل سيؤثر رفع شكوى ؟
28 مشاركة
,67 اختبار
المجموع 95
95 نفس ال100 صح؟؟

[فهد ابولارا]

اي تظلمات واي كلام فاضي تظلمنا لين قلنا امين محد رد علينا والموقع دايم معلق ورايح فيها خلص الغو ال30 درجه وحطوا درجة الإختبار من 100 وانتهينا وبنهايه يكتبون لك انتساب بشهاده ولأن رصد الدرجات فاشل الغوها وفكونا منها

[حافز]

انا عندي نقص 3 درجات في جميع موادي السته .............. ليش كذا يابوي جيبوا شركة امريكية تدير السيرفر

انا منزل كل شي اول بأول

[Fahad Al-Ziyadi]

فعلا صار لي نفس الشيلكن هل سيؤثر رفع شكوى ؟
28 مشاركة
,67 اختبار
المجموع 95
95 نفس ال100 صح؟؟

نعم نفسها

+a

[Hictar]

وين شفتوا درجات المشاركة!!

التطبيق بالايفون غير موجوده
والموقع لحد الان الايقونه غير مفعله

[نوآآره*]

وين شفتوا درجات المشاركة!!

التطبيق بالايفون غير موجوده
والموقع لحد الان الايقونه غير مفعله

بتطبيق الايفون اضغط على اسم الماده يطلع لك تفاصيل درجاتك

[Hictar]

بتطبيق الايفون اضغط على اسم الماده يطلع لك تفاصيل درجاتك

يطلع لي :
درجة الاختبار : ......مجرد نقط
الدرجة الفصلية : ........مجرد نقط
الدرجة النهائية : 75 كمثال

ممكن ان المشكلة عندي
باحذفه واعيد تحميله من جديد

[لينكس]

نظام الرصد الآلي تسبب في ظلم الكثير من الطلبة



الشكوى لله

[fattycool]

انا نفس الشي منقصيني في ماده 5 درجات في الفصليه نزلتني من ب الى ج+ ونزلت لي المعدل كثير
والباقيه من درجتين الى ثلاث منقصيني حرام والله

[زهرة السوسنن]

طيب اش الحل بهذه المشكله

[ابوخالد@]

السلام عليكم
من واقع تجربة ٤ سنوات ولله الحمد لم تنقص درجات المشاركة عن ٣٠
كنت احل الواجبات والمشاركات واحمل المحاضرات المسجلة والمباشرة اول باول ما اخرها لنهاية الفصل
واحمل محتوى المحاضرات واعتقد انها مهمه جداً للمحافظة على اكتمال الدرجات من النقصة
جربوها الفصول القادمة لمن يشتكي من النقص
كل التوفيق لكم

[ام لارين م]

والله المناقشات اسوي نسخ ولصق والحمدالله جت كامله بس شكل النظام الي يرصد خايس ياتصيب يا تخيب

[نكتار 14]

اتوقع ان الكل ناقصه درجات المشاركة لان حتى ان نفسكم والحل معهم

[سعود صالح]

كيف اعرف

[سـلـطـان♕]

الله يوفقكم ان شاء الله ويحلون مشكلتكم

[حسن خلوي]

أنا كل المواد ماخذ فيها 30

[Ninna]

يالله احباط احباط النتايج اش هذا


مادة الادارة بالمشاركة معطيني 26 وسبحان الله الصدفة لقيت احد الاعضاء نفس الشيء

مع اني متأكدة من كل شيء وحريصة احمل واحل كل شيء اول بأول

ودرجات الاختبار تصدم

ماعرف ايش اقول من القهر والاحباط :(

الحمدلله ع كل حال .. الله يعين ويعوضنا

[تومي القحطاني]

انا ١٠ عششرررررر عشررر درجات سارقينها عيني عينك من كل موادي
منزله ٦ موااااد وكلها عشرين سبحان الله
انا حالتها كلها ومتأكده وش هذي الفوضى خير يسرقون حقنا واحنا ساكتين
بسبب هالعشر درجات حملت مادتين عمى بعينهم ان شاء الله
حسبي الله عليهم ونعم الوكيل هو الوحيد اللي قادر عليهم وعلى ظلمهم

[أم تالين]

والحل؟نروح لمين
رسلت تظلمات بس مااتوقع بيردون

[لولو بنت الشيوخ]

وانا ناقص عندي في التغير اﻻجتماعي حسبي الله عليهم

[اقلام لاتمكث]

الله يعينكم..
انا اكتب المناقشة واسجل رقم مشاركتي وكذلك اصورها ..
لاتضحكون علي بس هذا دليل لو صار شيء لو اروح لهم بس مايآخذون حقي..
الحمدلله مااحتجت اروح او اتظلم لان كاملة درجاتي..
حاسه لكم ..ان شاءالله تآخذون حقكم :106:

[bader_995]

لو ناقص على نص درجه راح ارفع تظلم اذكر ماده رسبت فيها وباقي لي درجتين وناراح ارفع تظلم منقصين مني درجات المشاركه

[عضو محذوف]

انا 10 عششرررررر عشررر درجات سارقينها عيني عينك من كل موادي
منزله 6 موااااد وكلها عشرين سبحان الله
انا حالتها كلها ومتأكده وش هذي الفوضى خير يسرقون حقنا واحنا ساكتين
بسبب هالعشر درجات حملت مادتين عمى بعينهم ان شاء الله
حسبي الله عليهم ونعم الوكيل هو الوحيد اللي قادر عليهم وعلى ظلمهم

حسبي الله عليهم زوجي قسمه انقلش وبمستوى سابع كل المواد 20 وبسبب هالشي حمل 3مواد
مادري ايش السبب رفعنا تظلم واتوقع بس كذا
لاحظت اغلب قسم الانقلش منقصينهم مادري ليش
باستثناء المواد المشتركه اخذ 30
واذا من الجهاز انا احل من نفس الجهاز وكل شي تمام وش معنى هالترم منقصينه ؟؟!

[Alaa Khaled]

غريب والله حتى انا منقصيني ولا ادري ايش السبب

[MoOde *]

السمستر السابق نفس الشي كان عندي نقص في درجات المشاركه وانا متاكد من حلها تظلمت وتم تعديل الدرجه لي والفصل هذا نفس الشي ............. فلا تقلقوا نحن نتعامل مع انظمه اليكترونية والخطا وارد

[سليمان النزهه]

ربما السبب ip
موقع الجامعة يعتمد اول ip
لاني غيرت مودم في بعض تحميل المحاضرات

[(مشعلي)]

ياجماعه الخير الخطأ وارد سواء من الطالب او من أنظمة الجامعه
اي شخص متأكد انه محمل محاضراته بنفسه وحال المناقشات بدون نسخ ولصق وحل الواجبات وطلعت له درجاتها صحيحة فيجب عليه رفع تظلم ومتابعة موضوعه حتى يحصل على حقه والجامعة ماراح تأخذ حق احد أبداً لان كل حركة للطالب على نظام الجامعة مسجل ومرصود في السجل...

اتكلم عن نفسي خلصت مستوى سابع ولله الحمد درجاتي كاملة الثلاثين ولانقص علي اي درجه والسبب اني اعمل كل شئ بيدي ودون نسخ ولصق ولا اعتقد لديهم اي فرصه لخصم الدرجات


شدوا حيلكم بالقادم واحرصوا على حل المناقشات من انفسكم بالكتابة بدون نسخ ولصق لان الثلاثين درجه حرام تضيعونها وهي بأيديكم

[loler]

الله يسمع منك يااخ مشعلي ويصح ماتقول في حق الجامعة بالرغم اني سبق وتظلمت ولاحياة لمن تنادي ويعلم الله لو ماني خريج وابغي اتخرج بمعدل يطيب الخاطر مازعلنا لكن سبعه درجات بثلاث مواد ؟؟ونحمده اننا مذاكرين ونجحنا لكن سبعه درجات حق مستحق وتعب تعبناه فأنا اولئ به ..
بارك الله فيك

[fattycool]

انا احمل المحاضرات والمحتوى بعد والمناقشات اكتبها بنفسي والواجبات احلها نفس كل مستوى بس ذا المستوى منقصيني لييييه غرييييبه وانا من الطالبات الممتازات انا ما ابي اعدي وبس ابي معدل لاني اطمح للماستر حرام والله

[طالب انتساب @]

انا احمل المحاضرات والمحتوى بعد والمناقشات اكتبها بنفسي والواجبات احلها نفس كل مستوى بس ذا المستوى منقصيني لييييه غرييييبه وانا من الطالبات الممتازات انا ما ابي اعدي وبس ابي معدل لاني اطمح للماستر حرام والله

شي غريب انا منقصيني 10 درجات من كل مادة