مشاكل مشروع التخرج ورصد الدرجات !!!

[العلم في الكبر]

السلام عليكم الي ماخذ درجه او درجتين كم شخص ممكن نعرف اقل شي لو نسوي احصائيه بسيطه ويكون العدد كبير نقدر نحل الموضوع ونروح للجامعه كلنا ونفهمهم ان فيه خطا بالموضوع بالتفاهم اما يد وحده ماتصفق لازم نكون يد وحده في هذي المشكله ونشوف حل اكيد وسريع اما نكلم الفريدان بتويتر او نروح للجامعه كلنا والي يحصل معلومه ياليت يفيدنا بالشي المؤكد والصحيح

بعض الاشخاص يقولون الي ماخذ درجه بس يعني راسب

والي ماخذ درجتين ناجح ومره يقولون العكس ؟؟؟؟

انا من الناس الي خذيت درجه وحده بس ونسبه للاقتباس 12 بالميه يعني مافيه اقتباس ولا شي عند محمود هلال حسبي الله عليه وعلى الي رصدو معاه اادرجات وظلموهم قهر يروح تعب سمستر كامل وبالاخير درجه استهبال ولا نقول استفزاز ؟؟

المطلوب يااخوان الي عنده جواب يكون اكيد ومتاكد منه ميه بالميه لان التسجيل بيفوت وحنا نسال نسجل او لا او بينظرون بوضعنا او لاا مساله محيره صراحه

الموضوع هاذا تكفون خصصوه لملمشكله الي عندهم درجه 2 او 1 فقط اما يجينا واحد ويقول انا درجتي 89 ليه او 67 ليش مانبي كلام وصفحات على الفاضي ارجووووكم '.

[Noorahqahtani1]

انا درجتي ١في الاختبار وفي الاعمال الفصليه ٣٠ المجموع ٣١ يافرحتي
وعملت تظلم وننتظر الفرج من الله

[ابوسار@]

انا عطاني درجة 1 فقط الدكتور الشرقاوي الله لايوفقه الوضع ماينسكت عليه انا راسلت الفريدان مارد علي ورفعت تظلم وبروح للجامعه لكن متى يداومون الدكاتره !
لازم مانسكت

[العلم في الكبر]

الدكاتره يداومون الاحد الجاي والافضل ان الواحد يروح لهم هناك لان الوضع صراحه مزري جدا واستهتار في الطلاب فيه واحد للاسف يقول انه حملها ثلاث مرات ليش كل هالتعقيد !!

[هنو]

انا اخذت درجة 1 و30 الاعمال الفصلية عند ايمن عبد العال يعله مايربح دمرني حسبي الله علية وانا متفوقه

[هنو]

ارسلو للفريدان بتويتر خلو احد يتطوع في هالموضوع بسرعة الله يخليكم

[ابو جوري الطياش]

في احد يداوم الجامعة بكرة

[العلم في الكبر]

هاذا الرابط هاشتاق بتويتر شاركو فيه

https://twitter.com/ksa99a/status/686310689812692992

[حسن صالح]

وانا بعد معطيني درجه واحده فقط عند علي سمير حسبنا الله ونعم الوكيل عطونا الطريقه ايش نسوي غير رفع التظلم لان ماعتقد يسوي لنا شي رفع التظلم لازم يوصل صوتنا لهم والله شي يقهر

[meshooooo]

السلام عليكم

اللي سمعته إنّو اللي ماخذ ١ لسى مارصدو درجته !!

اما اللي ماخذ اثنين فهذا الملف معطوب !!

[ابو شادن 3]

طيب ٣وش معناها

[aoudi]

مساء الخير على الجميع
انا اخذت 2 والفصليه 30 الدكتور الشرقاوي
والى الان ماعندنا اي فكره وش راح بيصير او وش وضعنا بالضبط لكن ما اقول الا الله يزينها ويخارجنا على خير
وصراحه ماعاد فيه كلام اقدر اقوله اكثر من اللي قالوه اخواني في الملتقى

[ابو جوري الطياش]

الي 2 معطوب 3 ليس شروط البحث

[المسـتشار]

درجتين
د.محمود هلال

[ابو جوري الطياش]

2 الملف ماوصل ارسلون لك رساله

[alkaid]

السلام عليكم
انا اول مره يرسبوني معدلي فووق وطاح من هالمشروع

اخذت 1 درجه وحده

ارجو منا واحد يتكفل بعمل قروب واتس اب للي عنده 1 و2 درجه
واحد يعمل لنا قروووب ونكون يد وحده

[alkaid]

نبي نسوي قرووووب بالواتس اب لاهل مشروع التخرج

[العلم في الكبر]

كلمت الجامعه بخصوص اظافه مشروع التخرج لان اخر موعد للتسجيل بعد كم يوم وينتهي قالو رح للخدمات الطلابيه بعدين خدمات اخرى بعدين الاساله المتكرره بعدين سؤال الطالب مره وحده باليوم السوال وفيه خاصيه تعديل الرساله بنفس اليوم عادي الموظف الي رد علي ماعطاني الجواب الشافي قال بيردون عليك بس واصبر او انتظر لما تشوف رد التظلم بعدين بتسجلها ماراح يفوتك الوقت يقصد بعد اسبوعين من الان

الي كتبته كله كلام موظف وبصراحه مااعتمد عليه ميه بالميه الا من شخص مهم يا انه يكون دكتور الفريدان او متحدث باسمه وكلامه ثقه

[فيلسوف الكلمة]

يامدرسين خافوا الله فيني لي ثلاثة فصول دراسية ارسب في هذا المشروع لاتقولون لي انت منتحل او ناسخ